ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»କଟକ: ମୋବାଇଲ୍ ଫୋନ୍ ଓ DTH ରିଚାର୍ଜ ଆଳରେ ଗ୍ରାହକଙ୍କ ଠାରୁ ₹୫ କୋଟି ଠକିଥିବା ଇଞ୍ଜିନିଅର୍ ଗିରଫ

କଟକ: ମୋବାଇଲ୍ ଫୋନ୍ ଓ DTH ରିଚାର୍ଜ ଆଳରେ ଗ୍ରାହକଙ୍କ ଠାରୁ ₹୫ କୋଟି ଠକିଥିବା ଇଞ୍ଜିନିଅର୍ ଗିରଫ

ବି.ଟେକ୍ ପାସ କରିଥିବା ବିପ୍ର ସ୍ୱାଇଁ ଏକ ପ୍ରତିଷ୍ଠିତ କମ୍ପାନୀରେ କାମ କରୁଥିଲା । କିନ୍ତୁ କୌଣସି କାରଣରୁ ସେ ସେଠାରୁ ତଡ଼ା ଖାଇବା ପରେ ନିଜ ପ୍ରଯୁକ୍ତି ବିଦ୍ୟାଲବ୍ଧ ଜ୍ଞାନକୁ ଠକେଇ କାର୍ଯ୍ୟରେ ଲଗାଇଥିଲା । ତାକୁ ଜଲଦି ରିମାଣ୍ଡରେ ଆଣିବ ପୋଲିସ ।

କଟକ: ମୋବାଇଲ୍ ଫୋନ୍ ଓ DTH ରିଚାର୍ଜ ଆଳରେ ଗ୍ରାହକଙ୍କ ଠାରୁ ₹୫ କୋଟି ଠକିଥିବା ଇଞ୍ଜିନିଅର୍ ଗିରଫ
ବିପ୍ର ସ୍ୱାଇଁ
  • News18 Odia
  • Last Updated: March 16, 2021, 9:59 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

କଟକ: ମୋବାଇଲ୍‌ ଫୋନ୍‌ ଓ ଡି.ଟି.ଏଚ୍‌. ରିଚାର୍ଜ କରିବା ଆଳରେ ଗ୍ରାହକମାନଙ୍କ ସହ ଏକ ବଡ଼ ଧରଣର ଠକେଇର ପର୍ଦ୍ଦାଫାସ କରିଛି କଟକ ପୋଲିସ । ଗ୍ରାହକମାନଙ୍କ ଠାରୁ ପ୍ରାୟ ପାଞ୍ଚ କୋଟି ଟଙ୍କା ଠକେଇ କରିଥିବା ଅଭିଯୋଗରେ ସଦର ଥାନା ପୋଲିସ ସ୍ଥାନୀୟ ବୟାଳିଶ ମୌଜାର ବିପ୍ର ସ୍ବାଇଁଙ୍କୁ ଗିରଫ କରିଛି ।

ସ୍ୱାଇଁ ମୋବାଇଲ୍‌ ଫୋନ୍‌ ଓ ଡି.ଟି.ଏଚ୍‌. ରିଚାର୍ଜ କରିବା ଆଳରେ ଗ୍ରାହକମାନଙ୍କୁ ଲୋଭନୀୟ ଅଫର ଦେଇ ସେମାନଙ୍କ ଠାରୁ ଟଙ୍କା ଠକିଥିଲା । ତା’ ଠକେଇର ଶିକାର ହୋଇଥିଲେ ରାଜ୍ୟର ପ୍ରାୟ ୮୦ ହଜାର ଲୋକ । ଏହି ମହା ଠକେଇ ନେଇ ଥାନାରେ ଅଭିଯୋଗ ହେବା ପରେ ସ୍ୱାଇଁ ଫେରାର ହୋଇଯାଇଥିଲା । ତାକୁ ଧରିବା ପରେ ମଙ୍ଗଳବାର ଦିନ ଗରିଫ କରି କୋର୍ଟ ଚାଲଣ କରିଛି ପୋଲିସ । ତା’ ଠାରୁ ଛଅଟି କମ୍ପ୍ୟୁଟର ସହ ଠକେଇ ସହ ଜଡ଼ିତ ଅନେକ କାଗଜପତ୍ର ମଧ୍ୟ ଜବତ କରିଛି ପୋଲିସ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ସ୍ତ୍ରୀର ସତୀତ୍ୱ ପରୀକ୍ଷା କରିବାକୁ ଫୁଟୁଥିବା ତେଲରେ ତାଙ୍କ ହାତ ବୁଡ଼ାଇଲେ ସ୍ୱାମୀ! VIDEO ଭାଇରାଲ୍ ହେଲା

‘‘ରିଚାର୍ଜ କରିବା ନାଁରେ ଗ୍ରାହକମାନଙ୍କ ଠାରୁ ଠକେଇ ହୋଇଥିବା ନେଇ ଅନେକ ଯୁବକ କଟକ ସଦର ଥାନାରେ ମାମଲା ଦାୟର କରିଥିଲେ । ‘ସାଙ୍ଗଭି ଇନଣ୍ଟରପ୍ରାଇଜର୍’ ନାମକ ଏହି ସଂସ୍ଥା ବହୁତ ବଡ଼ ଠକେଇ କରିଥିବା ସେମାନେ ଅଭିଯୋଗ କରିଥିଲେ । ଏହି ମାମଲାର ତଦନ୍ତ କରିବା ପରେ ଏହି ଠକ ସଂସ୍ଥାର ମୁଖ୍ୟ ବିପ୍ର ସ୍ବାଇଁଙ୍କୁ ଗରିଫ କରାଯାଇଛି,’’ କହିଛନ୍ତି କଟକ ଡିସପି ପ୍ରତୀକ ସିଂ ।

କଟକ ଡିସପି ପ୍ରତୀକ ସିଂ


ପୋଲିସ ତଦନ୍ତରୁ ମିଳିଥିବା ସୂଚନା ମୁତାବକ ଗତ ବର୍ଷ ଜୁଲାଇ ମାସରେ ‘ସାଙ୍ଗଭି ଇନଣ୍ଟରପ୍ରାଇଜର୍’ ନାମକ ଏକ କମ୍ପାନୀ ଖୋଲିଥିଲା ବିପ୍ର । ଏହି କମ୍ପାନୀ ମୋବାଇଲ ଫୋନ୍‌ ଓ ଡି.ଟି.ଏଚ୍. ରିଚାର୍ଜ କରିବା ପାଇଁ ଲୋକଙ୍କୁ ଲୋଭନୀୟ ଅଫର ଦେଇଥିଲା । ସେଥି ମଧ୍ୟରେ ଥିଲା ମୋବାଇଲ୍‌ ରିଚାର୍ଜ ପାଇଁ ବାର୍ଷିକ ମାତ୍ର ୯୯୯ ଟଙ୍କା ଓ ଡି.ଟି.ଏଚ୍‌. ରିଚାର୍ଜ ପାଇଁ ବାର୍ଷିକ ୧,୪୯୯ ଟଙ୍କାର ଅଫର୍‌ । ଏହି ଅଫର ଜରିଆରେ ଗ୍ରାହକଙ୍କ ଠାରୁ ଏକା ଥରେ ଟଙ୍କା ନେଇ ବର୍ଷକ ଯାକ ସେମାନଙ୍କର ରିଚାର୍ଜ କରିବା ପାଇଁ ପ୍ରତିଶୃତି ଦିଆଯାଇଥିଲା ।

ଏହା ବି ପଢ଼ନ୍ତୁ | ଏହି ସବୁ ବ୍ୟାଙ୍କ୍ ଚେକ୍ ବୁକ୍ ପାସ୍ ବୁକ୍ ଏପ୍ରିଲ୍ ୧ରୁ ଆଉ କାମ କରିବନି; ଜାଣନ୍ତୁ କେଉଁ ବ୍ୟାଙ୍କ୍

ଏହି ଅଫର ସବୁ ଅତି ଆକର୍ଷଣୀୟ ହୋଇଥିବାରୁ ଗ୍ରାହକଙ୍କ ସଂଖ୍ୟା ଖୁବ୍‌ ଜଲଦି ବୃଦ୍ଧି ପାଇଥିଲା । ବ୍ୟବସାୟ ଭଲ ହେଉଥିବାରୁ ଏହାକୁ ରାଜ୍ୟବ୍ୟାପୀ କରିବା ପାଇଁ ସ୍ୱାଇଁ ପ୍ରାୟ ୮୦୦ ଏଜେଣ୍ଟଙ୍କୁ ନିୟୋଜିତ କରିଥିଲା । ମାତ୍ର ପାଞ୍ଚ ମାସ ମଧ୍ୟରେ ତା’ର ଗ୍ରାହକଙ୍କ ସଂଖ୍ୟା ୮୦ ହଜାର୍ ପାର କରି ଯାଇଥିଲା ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ଅମିତାଭ ବଚ୍ଚନଙ୍କର ସର୍ଜରୀ ହେବ; ତାଙ୍କ ସ୍ୱାସ୍ଥ୍ୟ ଖରାପ ହେଲେ ଅନେକ ଫିଲ୍ମ ଉପରେ ପ୍ରଭାବ ପଡ଼ିବ

ଝାଡ଼ଖଣ୍ଡର ଏସ୍‌.ଏମ୍‌.ପି.ଏଲ୍‌. ନାମକ ଏକ କମ୍ପାନୀ ଠାରୁ ଫ୍ରାଞ୍ଜାଇଜି ଆଣି ସ୍ୱାଇଁ ଗ୍ରାହକଙ୍କୁ ରିଚାର୍ଜ ଅଫର ଦେଉଥିଲା । ହେଲେ ସେହି କମ୍ପାନୀ ସ୍ୱାଇଁ ଦ୍ବାରା ଗ୍ରାହକଙ୍କ ଠାରୁ ଆଗୁଆ ଅର୍ଥ ସଂଗ୍ରହ କରିବା ଭଳି ବେଆଇନ କାର୍ଯ୍ୟକଳାପ ବାବଦରେ ଅବଗତ ହେବା ପରେ ତା’ ସହ ନିଜ ସମ୍ପର୍କ ଛିନ୍ନ କରିଥିଲା । ତା’ପରେ ରାତାରାତି ବଡ଼ ଲୋକ ହେବାର ସ୍ବପ୍ନ ଦେଖି ସେହି ସ୍ୱପ୍ନକୁ ସାକାର କରିବାକୁ ବେଆଇନ ଅର୍ଥ ସଂଗ୍ରହ ଆରମ୍ଭ କରିଥିବା ସ୍ୱାଇଁର ପତନ ଆରମ୍ଭ ହୋଇଥିଲା ।

ଏହା ବି ପଢ଼ନ୍ତୁ | ଅଜୟ ଦେବଗନ୍ ୨୨ ବର୍ଷ ପରେ ସଞ୍ଜୟ ଲୀଲା ଭନସାଲୀଙ୍କ ସହ କାମ କରିବେ ଏହି ଫିଲ୍ମରେ

ଅନେକ ଲୋକଙ୍କୁ ଠାରୁ ଟଙ୍କା ଉଠାଇସାରିଥିବା ସ୍ୱାଇଁର କମ୍ପାନୀ ‘ସାଙ୍ଗଭି ଏଣ୍ଟରପ୍ରାଇଜର୍’ ଗ୍ରାହକଙ୍କୁ ଆଉ ରିଚାର୍ଜ ସୁବିଧା ଦେଇ ପାରି ନ ଥିଲା । ଫଳରେ ଗ୍ରାହକମାନଙ୍କ ଅସନ୍ତୋଷ ବଢିଥିଲା । ଏପରିକି ଏଜେଣ୍ଟମାନେ ମଧ୍ୟ ନିଜ ନିଜ କମିଶନ ନ ପାଇ ଗ୍ରାହକଙ୍କର ଆକ୍ରୋଶର ଶିକାର ହେବା ପରେ ଗତ ଫ୍ରେବୃଆରି ୫ ତାରିଖରେ କଟକ ସଦର ଥାନାରେ ଏକ ମାମଲା ରୁଜୁ କରିଥିଲେ ।



ବି.ଟେକ୍ ପାସ କରିଥିବା ବିପ୍ର ସ୍ୱାଇଁ ଦେଶର ଏକ ପ୍ରତିଷ୍ଠିତ କମ୍ପାନୀରେ କାମ କରୁଥିଲା । କିନ୍ତୁ କୌଣସି କାରଣ ଯୋଗୁଁ ସେ ସେଠାରୁ ତଡ଼ା ଖାଇବା ପରେ ନିଜ ପ୍ରଯୁକ୍ତି ବିଦ୍ୟାଲବ୍ଧ ଜ୍ଞାନକୁ ଠକେଇ କାର୍ଯ୍ୟରେ ଲଗାଇଥିଲା । ଏବେ ତା’ର ଠକେଇ ସାମ୍ରାଜ୍ୟ ବାବଦରେ ତଥ୍ୟ ହାସଲ କରିବା ସହିତ ଏହି ମାମଲା ସରଜମିନ୍ ତଦନ୍ତ ପାଇଁ ତାକୁ ପୁଣି ଥରେ ରିମାଣ୍ଡରେ ଆଣି ପଚରାଉଚରା କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।
Published by: Anand Shankar Thankur Das
First published: March 16, 2021, 9:59 PM IST