କଟକ କୁତ୍ତାଖାଇ ବି.ଗୁଣବତୀ ରାଓଙ୍କ ହତ୍ୟା ଘଟଣାର ପର୍ଦ୍ଦାଫାସ; ପୁଅ ଲାପଟପ ପାଇଁ ଗଲା ଜୀବନ

ହତ୍ୟାରେ ପରୋକ୍ଷ ଭାବେ ସମ୍ପୃକ୍ତ ଥିବା ସନ୍ଦେହରେ ଏକାଧିକ ଲୋକ ଥାନାରେ ଅଟକ । ଆଗକୁ ବଢିପାରେ ଗିରଫଦାରୀ ସଂଖ୍ୟା ।

ସାମ୍ବାଦିକ ସମ୍ମୀଳନୀ ଅବସରରେ କଟକ ଡିସିପି ପିନାକ ମିଶ୍ର ଓ  ଡିସିପି କ୍ରାଇମ ପ୍ରମୋଦ ରଥ ।

ସାମ୍ବାଦିକ ସମ୍ମୀଳନୀ ଅବସରରେ କଟକ ଡିସିପି ପିନାକ ମିଶ୍ର ଓ ଡିସିପି କ୍ରାଇମ ପ୍ରମୋଦ ରଥ ।

  • Share this:
News 18 Odia Digital

କଟକ; ପୁଅର ଲ୍ୟାପଟପ ପାଇଁ ଗଲା ମାଆର ଜୀବନ । କଟକ କୁତାଖାଇ ଗଳି ବି.ଗୁଣବତୀ ହତ୍ୟାକାଣ୍ଡର ଖୁଲାସା କରିଛି କମିସନରେଟ ପୋଲିସ । କମିସନରେଟ୍ ପୋଲିସ ଏହି ହତ୍ୟାକାଣ୍ଡକୁ ନେଇ ଯେଉଁ ତଥ୍ୟ ଦେଇଛି ତାହା ନିଶ୍ଚିତ ଭାବରେ ଆଶର୍ଯ୍ୟଜନକ । ଏହି ଘଟଣାରେ ପୋଲିସ ସ୍ଥାନୀୟ ଅଞ୍ଚଳ ଦୁଇ ଯାଆଁଳା ଭାଇ ଓ୍ୱାଇ ସୁଦୀପ ଓ ଓ୍ୱାଇ ସୁନିଲଙ୍କୁ ଗରିଫ କରି କୋର୍ଟ ଚାଲାଣ କରିଛି । 

ହତ୍ୟା ଅଭିଯୁକ୍ତ ଦୁଇ ଯାଆଁଳା ଭାଇ ଓ୍ବାଇ. ସୁଦୀପ ଓ ଓ୍ବାଇ. ସୁନିଲ


ପୋଲିସଠାରୁ ମିଳିଥିବା ସୂଚନା ମୁତାବକ ସ୍ଥାନୀୟ ଜଣେ ଯୁବତୀଙ୍କ ସହ ମୃତ ମହିଳା ବି.ଗୁଣବତୀଙ୍କ ପୁଅ ବି.ରବିକୁମାରଙ୍କ ପ୍ରେମ ସମ୍ପର୍କ ଥିଲା ।  ସେହି ସମୟରେ ବି.ରବିକୁମାର ସମ୍ପୃକ୍ତ ଯୁବତୀଙ୍କ ସହିତ କିଛି ଆପତ୍ତିଜନକ ଫଟୋ ଉଠାଇଥିଲେ । ପରବର୍ତ୍ତୀ ସମୟରେ ଯୁବତୀ ଜଣଙ୍କ ଅନ୍ୟତ୍ର ବିବାହ କରିବା ପରେ ସେହି ପୁରୁଣା ଫଟୋ ଗୁଡ଼ିକୁ ନେଇ ବି. ରବିକୁମାର ନିଜର ପୂର୍ବତନ ପ୍ରେମିକାଙ୍କୁ ବ୍ଲାକମେଲ କରୁଥିଲେ । ତେବେ ସେହି ଫଟୋ ଗୁଡ଼ିକ ବି. ରବି କୁମାର ନିଜ ଲ୍ୟାପଟପରେ ରଖିଥିବା ଜାଣିବା ପରେ ସେହି ଲାପଟପକୁ ହାତେଇବା ପାଇଁ ତାଙ୍କ ପୂର୍ବତନ ପ୍ରେମିକାଙ୍କ ବାପା ବି.ପ୍ରସାଦ ରାଓ ଯୋଜନା କରିଥିଲେ । ଏଥିପାଇଁ ବି. ପ୍ରସାଦ ରାଓ ନିଜ ପଡୋଶୀ ତଥା ତାଙ୍କ ଠାରୁ ମୋଟା ଅଙ୍କର ଟଙ୍କା କରଜ କରିଥିବା ଦୁଇ ଭାଇ ଓ୍ବାଇ. ସୁଦୀପ ଓ ଓ୍ବାଇ. ସୁନିଲଙ୍କୁ ନିୟୋଜିତ କରିଥିଲା । ଡିଲ ଥିଲା ଯେ ଓ୍ବାଇ. ସୁଦୀପ ଓ ଓ୍ବାଇ. ସୁନିଲ ବି.ଗୁଣବତିଙ୍କ ଘରେ ପଶି ତାଙ୍କ ପୁଅ ଲ୍ୟାପଟପ ଚୋରୀ କରି ଆଣିବେ ଏବଂ  ଏହା ବଦଳରେ ଦୁଇ ଭାଇଙ୍କ ଉପରେ ଥିବା କରଜ ଟଙ୍କାକୁ ବି.ପ୍ରସାଦ ରାଓ ମାଫ କରିବେ ।

ଏହି ଡିଲ ହେବା ପରେ ଅଭିଯୁକ୍ତ ଦୁଇ ଭାଇ ଉପଯୁକ୍ତ ସମୟ ଓ ସୁଯୋଗକୁ ଅପେକ୍ଷା କରିଥିବା ବେଳେ ଗତ ୧୫ ତାରିଖ ଅପରାହ୍ନରେ ବି.ଗୁଣବତୀ ଘରେ ଏକୁଟିଆ ଥିବା ଜାଣି ସେମାନେ ତାଙ୍କ ଘର ଭିତରକୁ ପଶି ଥିଲେ । ତିନି ମହଲା ବିଶିଷ୍ଟ କୋଠାର ଦ୍ୱିତୀୟ ମହଲାରେ ବି.ଗୁଣବତି ରହୁଥିବା କଥା ଏବଂ ତୃତୀୟ ମହଲାରେ ଲାପଟପ ଥିବା ସେମାନେ ଜାଣିଥିଲେ । ପ୍ରଥମେ ଦ୍ୱିତୀୟ ମହଲାକୁ ଯାଇ ପରିବା କାଟୁଥିବା ବି.ଗୁଣବତୀଙ୍କ ବେକରେ ପନିକିକୁ ଲଗାଇ ତାଙ୍କୁ ବଳ ପୂର୍ବକ ତୃତୀୟ ମହଲାକୁ ନେଇଥିଲେ । ସେଠାରେ ଲ୍ୟାପଟପଟି ହାତେଇବା ପରେ ସେମାନେ ବି.ଗୁଣବତୀଙ୍କ ବେକକୁ ପନିକିରେ କାଟି ଦେଇ ଫେରାର ହୋଇଯାଇଥିଲେ ।

କଟକ ଡିସିପି ପିନାକ ମିଶ୍ର କହିଛନ୍ତି, ଅଭିଯୁକ୍ତମାନେ ପ୍ରମାଣ ନଷ୍ଟ କରିବା ପାଇଁ ହତ୍ୟାକାଣ୍ଡରେ ବ୍ୟବହାର କରିଥିବା ପରିବା କଟା ପନିକି ସହ ଚୋରା  ଲ୍ୟାପଟପକୁ ଯୋବ୍ରା ବ୍ୟାରେଜରେ ଫିଙ୍ଗି ଦେଇଥିଲେ । ଏହି ଦୁଇଟି ସାମଗ୍ରୀକୁ ଖୋଜିବା ଆରମ୍ଭ କରଛି ପୋଲିସ । ଏନେଇ ଅଗ୍ନିଶମ ବିଭାଗ, ଓଡ୍ରାଫ ସହିତ ସ୍କୁବା ଡାଇଭରଙ୍କୁ ନିୟୋଜିତ କରାଯାଇଛି ।
'ଘଟଣା ସ୍ଥଳରୁ କୌଣସି ପାରିପାର୍ଶ୍ବିକ ପ୍ରମାଣ ଆମ ହାତରେ ଲାଗି ନଥିଲା । ତଥାପି ଏହି ମାମଲାକୁ ଅତି ଗୁରୁତ୍ବପୂର୍ଣ୍ଣ ଭାବେ ନେଇ ତଦନ୍ତ ପାଇଁ ଏକ ସ୍ବତନ୍ତ୍ର ଟିମ ଗଠନ କରିଥିଲୁ  । ପ୍ରାଥମିକ ତଦନ୍ତରୁ ଆମକୁ କିଛି ସୁରାକ ମିଳିଥିଲା କିନ୍ତୁ ଫୋରେନସିକ୍ ଓ ଡିଜିଟାଲ୍ ଏଭିଡେନ୍ସକୁ ଆଧାର କରି ଆମେ ଅଭିଯୁକ୍ତଙ୍କୁ ଧରିଵାରେ ସଫଳ ହୋଇଛୁ । ଏହି ମାମଲାରେ ତଦନ୍ତ ଜାରି ରହିଥିବାରୁ ଆଗକୁ ଯେଉଁମାନଙ୍କ ବିରୋଧରେ ପ୍ରମାଣ ମିଳିବ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ସେପଟେ ଲ୍ୟାପଟପରେ ନିଜ ପୂର୍ବତନ ବାନ୍ଧବୀଙ୍କ ଫଟୋ ଥିବା କଥାକୁ ଗୁଣବତୀଙ୍କ ପୁଅ ପରୋକ୍ଷରେ ସ୍ୱୀକାର କରିଥିଲେ ମଧ୍ୟ ସେ କାହାକୁ ବ୍ଲାକମେଲ କରିନଥିବା ସଫେଇ ଦେଇଛନ୍ତି ବି.ରବିକୁମାର । 'ସେହି ଝିଅ ବାହା ହେବା ପରେ ମୁଁ ତା ସହିତ ସମ୍ପର୍କରେ ନାହିଁ । ବ୍ଲାକମେଲ କରି ନାହିଁ । ଯଦି କରିଥିବି ତାହା ପୋଲିସ ତଦନ୍ତରୁ ଜଣା ପଡ଼ିବ' କହିଛନ୍ତି ବି.ରବିକୁମାର ।
Published by:Soubhagya Mishra
First published: