ଭୁବନେଶ୍ୱରର କୋଟିପତି କିରାଣି ଗିରଫ ହେଲେ; ତାଙ୍କର ୩ଟି ଫ୍ଲାଟ୍, ୪ଟି ପ୍ଲଟ୍, ୧୫ଟି ବ୍ୟାଙ୍କ ଆକାଉଣ୍ଟ!

କେନ୍ଦ୍ରାପଡ଼ାର ମୂଳ ବାସିନ୍ଦା ଉଦୟନାଥ ଜେନା ଭୁବନେଶ୍ୱର ସବ-କଲେକ୍ଟର ଅଫିସର ବରିଷ୍ଠ କିରାଣି ରୂପେ କାର୍ଯ୍ୟରତ ଥିଲେ । କେନ୍ଦ୍ରାପଡା, ପୁରୀ ଓ ଭୁବନେଶ୍ୱର ସମେତ ତାଙ୍କ ସହ ଜଡ଼ିତ ମୋଟ ପାଞ୍ଚଟି ସ୍ଥାନରେ ରେଡ କରିଥିଲା ଭିଜିଲାନ୍ସ ବିଭାଗ ।

ଭୁବନେଶ୍ୱରର କୋଟିପତି କିରାଣି ଗିରଫ ହେଲେ; ତାଙ୍କର ୩ଟି ଫ୍ଲାଟ୍, ୪ଟି ପ୍ଲଟ୍, ୧୫ଟି ବ୍ୟାଙ୍କ ଆକାଉଣ୍ଟ!
ଉଦୟନାଥ ଜେନା; (ଡାହାଣ) ତାଙ୍କ ଘରେ ଭିଜିଲାନ୍ସ ବିଭାଗ ଅଧିକାରୀମାନେ
  • News18 Odia
  • Last Updated: November 13, 2020, 11:16 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ଚାକିରିରୁ ଆବସର ନେବାର ମାତ୍ର ପାଞ୍ଚ ବର୍ଷ ପୂର୍ବରୁ ଭିଜିଲାନ୍ସ ହାତରେ ଧରା ପଡ଼ିଛନ୍ତି ଜଣେ କୋଟିପତି କିରାଣି । ଆୟ-ବହିର୍ଭୂତ ସମ୍ପତ୍ତି ଠୁଳ କରିଥିବା ଅଭିଯୋଗକୁ ନେଇ ତାଙ୍କ ସହ ଜଡ଼ିତ କେତେକ ସ୍ଥାନରେ ରେଡ୍‌ କରିବା ପରେ ଅଭିଯୋଗର ସତ୍ୟତା ଜାଣି ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଛି । ଏହି କରିତକର୍ମା କିରାଣିଙ୍କ ଜଣକ ହେଉଛନ୍ତି ଭୁବନେଶ୍ୱର ସବ-କଲେକ୍ଟର ଅଫିସର ବରିଷ୍ଠ କିରାଣି ଉଦୟନାଥ ଜେନା ।

କେନ୍ଦ୍ରାପଡା, ପୁରୀ, ଭୁବନେଶ୍ୱର ସମେତ ଉଦୟନାଥଙ୍କ ସହ ଜଡ଼ିତ ମୋଟ ପାଞ୍ଚଟି ସ୍ଥାନରେ ଗୁରୁବାର ଦିନ ରେଡ କରିଥିଲା ଭିଜିଲାନ୍ସ ବିଭାଗ । ମିଳିଥିବା ସୂଚନା ଅନୁସାରେ ଉଦୟ ନାଥଙ୍କର ତିନୋଟି ଫ୍ଲାଟ ଓ ଚାରିଟି ପ୍ଲଟ ରହିଛି । ତାଙ୍କର ୧୫ଟି ବ୍ୟାଙ୍କ ଆକାଉଣ୍ଟ ଓ କେତେକ ବଣ୍ଡ ବି ଅଛି । ରେଡ୍‌ ବେଳେ ତାଙ୍କ ଠାରୁ କିଛି ଗୁରୁତ୍ୱପୂର୍ଣ କାଗଜପତ୍ର ସହ ନଗଦ ୫୬ ହଜାର ଟଙ୍କା ଜବତ କରିଛନ୍ତି ଭିଜିଲାନ୍ସ ବିଭାଗ ଅଧିକାରୀମାନେ ।

ଏହା ବି ପଢ଼ନ୍ତୁ | ୧୦ ମାସର ଶିଶୁ ପୁତ୍ରକୁ ଧରି ଥାନାରେ କର୍ତ୍ତବ୍ୟ ପାଳନ କରୁଛନ୍ତି ମହିଳା କନଷ୍ଟେବଲ୍; ତାଙ୍କ ସ୍ୱାମୀ ସେନାରେ କାର୍ଯ୍ୟରତ

ଭୁବନେଶ୍ୱର ସୁନ୍ଦରପଦାର ଏବରଙ୍ଗ ଏନକ୍ଲେଭରେ ରେଡ କରିବା ପରେ ସବ-କଲେକ୍ଟର ଅଫିସରେ ଛାପା ମାରିଥିଲା ଭିଜିଲାନ୍ ବିଭାଗ । ତାଙ୍କ ସମ୍ପତ୍ତି ତାଲିକାର ତର୍ଜମା ପରେ ଜଣା ପଡ଼ିଥିଲା ଯେ ସେ କୋଟିଏରୁ ଅଧିକ ଟଙ୍କାର ସମ୍ପତ୍ତିର ମାଲିକ । ତାଙ୍କୁ ଶୁକ୍ରବାର ଦିନ ଗିରଫ କରାଯାଇଥିଲା ।

ଉଦୟନାଥଙ୍କ ଏକ ବିଳାସପୂର୍ଣ୍ଣ କୋଠା


‘‘ଛାପା ବେଳେ ନିଜ ସମ୍ପତିର ତାଲିକା ବିଷୟରେ ବୁଝାଇବାରେ ବିଫଳ ହୋଇଥିଲେ ଉଦୟନାଥ ଜେନା । ରାଜଧାନୀ ଭୁବନେଶ୍ୱରରେ ଏକ ବିଳାସପୂର୍ଣ ଘର ସେ କେମିତି ବନେଇଲେ ଓ ସେଥିରେ କେତେ ଟଙ୍କା ଖର୍ଚ୍ଚ ହୋଇଛି ସେ ନେଇ ଠିକ୍‌ ଭାବେ ହିସାବ ଦେଇପାରି ନ ଥିଲେ ସେ,’’ କହିଛନ୍ତି ଭିଜିଲାନ୍ସ ବିଭାଗର ଜଣେ ଅଧିକାରୀ ।

ଏହା ବି ପଢ଼ନ୍ତୁ | ଅନୁପ ଜଲୋଟା ହନି ସିଂଙ୍କୁ ଟକ୍କର ଦେଲେ, ଜସଲିନଙ୍କ ସହ ନୂଆ ଅବତାରରେ ଦେଖାଦେଲେ

ଉଦୟନାଥଙ୍କ ପୈତୃକ ଘର କେନ୍ଦ୍ରାପଡ଼ା ରାଜନଗରର ଇନ୍ଦୁଲପୁରରେ । ତାଙ୍କ ବିରୋଧରେ ଅଭିଯୋଗ ଆସିବା ପରେ ଭିଜିଲାନ୍ସ ତାଙ୍କ ଗତିବିଧି ଉପରେ ନଜର ରଖିଥିଲା ବୋଲି କହିଛନ୍ତି ଛାପା ଦଳରେ ଥିବା ଜଣେ ଅଧିକାରୀ ।

ହେଲେ ଉଦୟନାଥ ଓ ତାଙ୍କ ପତ୍ନୀ ଆୟ-ବହିର୍ଭୁତ ସମ୍ପତ୍ତି ଠୁଳ ଅଭିଯୋଗକୁ ଖଣ୍ଡନ କରିଛନ୍ତି। ଉଦୟନାଥ କହିଛନ୍ତି, ‘‘ମୁଁ ଗୋଟିଏ ସ୍ଥାନରେ ୧୫ ବର୍ଷ ରହିବା ପରେ କିଛି ଲୋକ ଈର୍ଷାଳୁ ହୋଇପଡ଼ିଥିଲେ। କିଛି ଲୋକ ଚକ୍ରାନ୍ତ କରି ଏଭଳି କରିଛନ୍ତି । କିନ୍ତୁ ମୁ ସେଭଳି କିଛି ଆୟବହିର୍ଭୁତ ସମ୍ପତ୍ତି ଠୁଳ କରିନି ।’’



କରୋନା ସଂକ୍ରମଣର ଏହି ସମୟରେ ଏ ପର୍ଯ୍ୟନ୍ତ ଭିଜିଲାନ୍ସ ବିଭାଗ ଛଅ ଜଣ ସରକାରୀ ବାବୁଙ୍କ ଘରେ ରେଡ କରି ସେମାନଙ୍କୁ ଆୟ-ବହିର୍ଭୁତ ସମ୍ପତ୍ତି ଠୁଳ କରିଥିବା ଅଭିଯୋଗରେ ଜେଲ ପଠାଇସାରିଛି ।
Published by: Anand Shankar Thankur Das
First published: November 13, 2020, 11:16 PM IST
corona virus btn
corona virus btn
Loading