ଭାଲୁ ଛୁଆ ଉଦ୍ଧାର ଘଟଣାରେ ମିଳୁଛି ଚୋରା ଚାଲାଣର ବାସ୍ନା; ଏବେ ତଦନ୍ତ କରିବ କ୍ରାଇମ୍ ବ୍ରାଞ୍ଚ୍

ପାରିପାର୍ଶ୍ୱିକ ସ୍ଥିତିକୁ ଦେଖି ଉଦ୍ଧାର ହୋଇଥିବା ଭାଲୁ ଛୁଆ ଛୁଆଗୁଡି଼କୁ କେହି ଚୋରା ଚାଲାଣ କରିବା ପାଇଁ ଯୋଜନା କରିଥିବା ପରି ଲାଗୁଛି ବୋଲି କହିଛନ୍ତି ଚନ୍ଦକା ବନ ବିଭାଗ ଡି.ଏଫ୍.ଓ. କେଦାର ସ୍ୱାଇଁ ।

ଉଦ୍ଧାର ହୋଇଥିବା ଗୋଟିଏ ଭାଲୁ ଛୁଆ; (ଡାହାଣ) କ୍ରାଇମ୍ ବ୍ରାଞ୍ଚ୍ ଏ.ଡି.ଜି. ଯଶୋବନ୍ତ ଯେଠୱା

ଉଦ୍ଧାର ହୋଇଥିବା ଗୋଟିଏ ଭାଲୁ ଛୁଆ; (ଡାହାଣ) କ୍ରାଇମ୍ ବ୍ରାଞ୍ଚ୍ ଏ.ଡି.ଜି. ଯଶୋବନ୍ତ ଯେଠୱା

  • Share this:
News18 Odia Digital

ଭୁବନେଶ୍ୱର: ଚନ୍ଦକା ଫରେଷ୍ଟ ଡିଭିଜନ ଦ୍ୱାରା ରାଜଧାନୀ ଉପକଣ୍ଠ ଗଙ୍ଗପଡ଼ା ନିକଟରେ ଏକ କାଜୁ ଜଙ୍ଗଲରୁ ସାତଟି ଭାଲୁ ଛୁଆ ଉଦ୍ଧାର ଘଟଣାର ତଦନ୍ତ କରିବ କ୍ରାଇମ୍‌ ବ୍ରାଞ୍ଚ୍‌ । ଖୁବ ଶୀଘ୍ର କ୍ରାଇମ୍‌ ବ୍ରାଞ୍ଚକୁ ଏ ନେଇ ବନ ବିଭାଗ ଚିଠି ଲେଖିବ ବୋଲି ସୂଚନା ମିଳିଛି । କ୍ରାଇମ୍‌ ବ୍ରାଞ୍ଚ୍‌ ସହ ତଦନ୍ତ ନେଇ ଆଲୋଚନା କରିଛି ବନ ବିଭାଗ ।

ଏପ୍ରିଲ୍‌ ୨୨ ତାରିଖରେ ଭୁବନେଶ୍ୱର ଉପକଣ୍ଠ ଗଙ୍ଗପଡ଼ା ଜାତୀୟ ରାଜପଥ କଡ଼ରେ ଥିବା ଏକ କାଜୁ ଜଙ୍ଗଲରୁ ପାଞ୍ଚଟି ଭାଲୁ ଛୁଆ ଉଦ୍ଧାର କରିଥିଲା ଚନ୍ଦକା ବନ ବିଭାଗ । ସେହି ଦିନ ସନ୍ଧ୍ୟାରେ ଖୋର୍ଦ୍ଧାରୁ ପୁଣି ଦୁଇଟି ଭାଲୁ ଛୁଆକୁ ଖୋର୍ଦ୍ଧା ଡିଭିଜନ ଉଦ୍ଧାର କରିଥିଲା । ଗୋଟିଏ ଦିନରେ ସାତଟି ଭାଲୁ ଛୁଆ ଉଦ୍ଧାର ହେବା ଘଟଣାକୁ ଗୁରୁତ୍ୱର ସହ ନେଇଛି ବନ ବିଭାଗ ।

ଏହା ବି ପଢ଼ନ୍ତୁ | ସରକାରୀ ଚାକିରି: BECILରେ ୫୬୭ ପଦ ପାଇଁ ଆବେଦନର ଶେଷ ତାରିଖ ଏପ୍ରିଲ୍ ୩୦; ବୟସ ୪୫ରୁ ୬୦ ବର୍ଷ

‘‘ପାରିପାର୍ଶ୍ୱିକ ସ୍ଥିତି ଦେଖିଲେ ଭାଲୁ ଛୁଆ ଛୁଆଗୁଡି଼କୁ କେହି ଚାଲାଣ କରିବା ପାଇଁ ଯୋଜନା କରିଥିବା ପରି ଲାଗୁଛି । ହେଲେ କୌଣସି କାରଣରୁ ରାସ୍ତା କଡ଼ରେ ସେମାନଙ୍କୁ ଛାଡ଼ି ପଳାଇଛନ୍ତି ଦୁର୍ବୃତ୍ତମାନେ । ତେଣୁ ଏହାର ଉଚିତ ତଦନ୍ତ ହେବା ଆବଶ୍ୟକ । ଆମେ ଭାବୁଛୁ ଭାଲୁ ଛୁଆଗୁଡି଼କୁ ସ୍ମଗଲିଂ କରାଯାଉଥିଲା । ବନ ବିଭାଗ ପାଖରେ ଯଥେଷ୍ଠ କର୍ମଚାରୀ ନ ଥିବାରୁ ଏହାର ତଦନ୍ତ ଭାର କ୍ରାଇମ୍‌ ବ୍ରାଞ୍ଚକୁ ଦିଆଯିବ । କ୍ରାଇମ୍‌ ବ୍ରାଞ୍ଚ୍‌ ଏସ.ଟି.ଏଫ୍‌.ରେ ଏକ ବନ୍ୟ ଜନ୍ତୁ ବିଭାଗ ଅଛି । ସେହି ବିଭାଗ ରାଜ୍ୟ ବାହାରର ସମ୍ଭାବ୍ୟ ଲିଙ୍କର ତଦନ୍ତ କରିପାରିବ,’’ କହିଛନ୍ତି ଚନ୍ଦକା ବନ ବିଭାଗ ଡି.ଏଫ୍‌.ଓ. କେଦାର ସ୍ୱାଇଁ ।

ଏହା ବି ପଢ଼ନ୍ତୁ | ୧୮ ବର୍ଷ ବା ଅଧିକ? କରୋନା ଟିକା ନେବା ପାଇଁ CoWin ଆପ୍ରେ କେମିତି ପଞ୍ଜୀକରଣ କରିବେ ଜାଣନ୍ତୁ

ଉଦ୍ଧାର ହୋଇଥବା ସବୁ ଭାଲୁ ଛୁଆଗୁଡି଼କୁ ନନ୍ଦନକାନନରେ ରଖାଯାଇଛି ।


ଉଦ୍ଧାର ହୋଇଥବା ସବୁ ଭାଲୁ ଛୁଆଗୁଡି଼କୁ ନନ୍ଦନକାନନରେ ରଖାଯାଇଛି । ସେମାନଙ୍କ ସ୍ଵାସ୍ଥ୍ୟବସ୍ଥା ପ୍ରତି ଦିନ ଯାଞ୍ଚ କରାଯାଉଛି । ଏବେ ସୁଦ୍ଧା ଜଣାପଡି଼ନି ଭାଲୁ ଛୁଆଗୁଡି଼କୁ କେଉଁ ଜଙ୍ଗଲରୁ ଧରିଥିଲେ ଶିକାରୀମାନେ ଓ କେଉଁ ଆଡ଼କୁ ଚାଲାଣ କରିବା ପାଇଁ ଯୋଜନା କରୁଥିଲେ ।

ଏହା ବି ପଢ଼ନ୍ତୁ | କରୋନା ଟିକାର ପ୍ରଥମ ଡୋଜ୍ ନେବା ପରେ ସଂକ୍ରମିତ ହେଲେ ଦ୍ୱିତୀୟ ଡୋଜ୍ କେବେ ନେବା ଉଚିତ?

‘‘ଗଙ୍ଗପଡ଼ା ଚେକ୍‌ ଗେଟ୍‌ ପାଖରେ ସିସିଟିଭି କ୍ୟାମେରା ଅଚଳ ଥିବା ବେଳେ ମଳିପଡ଼ା ଚେକ୍‌ ଗେଟରେ ଥିବା ସିସିଟିଭି କ୍ୟାମେରାର ଫୁଟେଜକୁ ଯାଞ୍ଚ କରାଯାଉଛି । ପୂର୍ବରୁ ମଧ୍ୟ ଭାଲୁ ଛୁଆ ଚୋରା ଚାଲାଣ ବେଳେ ଧରିଥିଲା ବନ ବିଭାଗ । ତେଣୁ ଶିକାରୀକୁ ଖୋଜିବା ଓ କେଉଁ ଜଙ୍ଗଲରୁ ଶିକାର କରାଯାଇଛି ତାହା ଜଣା ପଡି଼ଲେ ଏହି ରାକେଟ ଉପରୁ ପରଦା ହଟେଇବା ସହଜ ହେବ,’’ କହିଛନ୍ତି ସ୍ୱାଇଁ ।

ଏହା ବି ପଢ଼ନ୍ତୁ | ଗ୍ରାହକଙ୍କୁ ଲାଗିବ ଝଟକା! ଏବେ ଏହି ବ୍ୟାଙ୍କରୁ ଟଙ୍କା କାଢ଼ିବା ମହଙ୍ଗା ହେଲା; SMS ଚାର୍ଜ ବି ବଢ଼ିଲା

ଭାଲୁ ଛୁଆଗୁଡି଼କୁ ଜଣେ ବନ ବିଭାଗ କର୍ମଚାରୀ କ୍ଷୀର ପିଆଉଛନ୍ତି ।


ଏହା ବି ପଢ଼ନ୍ତୁ ଦେଖନ୍ତୁ VIDEO | ଅର୍ଶୀ ଖାନ୍ଙ୍କ ଇଚ୍ଛା ବିରୁଦ୍ଧରେ ଜଣେ ଫ୍ୟାନ୍ ତାଙ୍କୁ KISS କରିଦେଲା; ଅଭିନେତ୍ରୀ ନର୍ଭସ୍ହେଲେ!

ଏ ଭଳି ଘଟଣା ରାଜ୍ୟରେ ବାରମ୍ବାର ଘଟୁଥିବାରୁ ବନ ବିଭାଗର ଭୂମିକାକୁ ନେଇ ପ୍ରଶ୍ନ ଉଠାଇଛନ୍ତି ବନ୍ୟ ଜନ୍ତୁ ବିଶେଷଜ୍ଞ ଲାଲା ଏ.କେ. ସିଂ । ‘‘ଏଭଳି ଚୋରା ଚାଲାଣକୁ ଶୀଘ୍ର ରୋକିବାର ଆବଶ୍ୟକତା ରହିଛି । ନଚେତ୍‌ ଦିନ କେଇଟା ମଧ୍ୟରେ ରାଜ୍ୟରୁ ବନ୍ୟ ଜନ୍ତୁ ଲୋପ ପାଇଯିବେ । ଏତେ ଘଟଣା ଘଟୁଛି, କିନ୍ତୁ ବନ ବିଭାଗ କାହିଁକି ଚୁପ ରହୁଛି? ଅଧିକାଂଶ ସମୟରେ ବନ ବିଭାଗର ସମ୍ପୃକ୍ତି ରହିଥିବାର ନଜିର୍‌ ରହିଛି । ତେଣୁ କ୍ରାଇମ୍‌ ବ୍ରାଞ୍ଚ୍‌ ସଠିକ୍‌ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଉ,’’ ସେ କହିଛନ୍ତି ।



‘‘ବନ୍ୟ ଜନ୍ତୁ ରାକେଟକୁ ନେଇ ଏକ ସ୍ୱତନ୍ତ୍ର ଟିମ୍‌ କାମ କରୁଛି । ଚୋରା ଚାଲାଣ ମାମଲାର ତଦନ୍ତ କରି ଅଭିଯୁକ୍ତମାନଙ୍କୁ ଗିରଫ କରାଯାଉଛି । ଏସ୍‌.ଟି.ଏଫ୍‌.ର ଗୁଇନ୍ଦା ବିଭାଗକୁ ଅଧିକ କ୍ରିୟାଶୀଳ କରାଯାଉଛି,’’ କହିଛନ୍ତି କ୍ରାଇମ୍‌ ବ୍ରାଞ୍ଚ୍‌ ଏ.ଡି.ଜି. ଯଶୋବନ୍ତ ଯେଠୱା ।
Published by:Anand ST Das
First published: