ବନ୍ୟଜନ୍ତୁ ତସ୍କରୀ ବେଳେ ଚଢ଼ାଉ କଲା STF; ମୋଟ ୫ଲକ୍ଷ ଟଙ୍କାର ସାମଗ୍ରୀ ଜବତ

ମୟୁରଭଞ୍ଜ ଜିଲ୍ଲା ଜଶିପୁର ପାଦଗଡ଼ା ଗାଁ ନିକଟ କେନାଲ ପାଖରେ ବନ୍ୟଜନ୍ତୁ ତସ୍କର ହେବା ନେଇ ଖବର ପାଇଥିଲା କ୍ରାଇମବ୍ରାଞ୍ଚ। ଜବତ ହୋଇଥିବା ସାମଗ୍ରୀର ମୂଲ୍ୟ ୫ଲକ୍ଷ ଟଙ୍କା ହେବାର ଆକଳନ କରିଛି ତଦନ୍ତକାରୀ ଟିମ ।

ବନ୍ୟଜନ୍ତୁ ତସ୍କରୀ ବେଳେ ଚଢ଼ାଉ କଲା କ୍ରାଇମବ୍ରାଞ୍ଚ (ପ୍ରତୀକାତ୍ମକ ଛବି)

ବନ୍ୟଜନ୍ତୁ ତସ୍କରୀ ବେଳେ ଚଢ଼ାଉ କଲା କ୍ରାଇମବ୍ରାଞ୍ଚ (ପ୍ରତୀକାତ୍ମକ ଛବି)

  • Share this:
News18 Odia Digital

ଭୁବନେଶ୍ୱର: ଏକ କେନାଲ ପାଖରେ ବନ୍ୟଜନ୍ତୁ ତସ୍କରୀ ଚାଲୁଥିବା ବେଳେ ଚଢ଼ାଉ କରିଛି କ୍ରାଇମବ୍ରାଞ୍ଚ ଏସ.ଟି.ଏଫ । ଚଢ଼ାଉ ବେଳେ ଜବତ ହୋଇଥିବା ସାମଗ୍ରୀର ମୂଲ୍ୟ ୫ଲକ୍ଷ ଟଙ୍କା ହେବାର ଆକଳନ କରିଛି ତଦନ୍ତକାରୀ ଟିମ ।

ମୟୁରଭଞ୍ଜ ଜିଲ୍ଲା ଜଶିପୁର ପାଦଗଡ଼ା ଗାଁ ନିକଟ କେନାଲ ପାଖରେ ବନ୍ୟଜନ୍ତୁ ତସ୍କର ହେବା ନେଇ ଖବର ପାଇଥିଲା କ୍ରାଇମବ୍ରାଞ୍ଚ। ଚଢ଼ାଉ ସମୟରେ ଜଣେ ତସ୍କରକୁ କାବୁ କରିବା ସହ ତା ନିକଟରୁ ୩ କିଲୋ ବଜ୍ରକାପ୍ତା କାତି, ୨ଟି କଲରାପତରିଆ ବାଘ ଦାନ୍ତ, ୨୯ଟି ବାଘ ନଖ ଓ୪୬ଟି ଭିନ୍ନ ଜାତିର ଶୁଆ ଜବତ କରିଛି ତଦନ୍ତକାରୀ ସଂସ୍ଥା । ଗିରଫ ଅଭିଯୁକ୍ତ ହେଲା ନନ୍ଦ ବାଗେ(୨୫) ।

ବିଶେଷ କରି ବାଘ ଦାନ୍ତ ଚୋରା ବଜାରରେ ଚାହିଦା ରହିଛି। ଏହା ଦାନ୍ତ ପିଛା ଏକ ଲକ୍ଷ ଟଙ୍କା ହେବବୋଲି ଏସ.ଟି.ଏଫ ପକ୍ଷରୁ କୁହାଯାଇଛି । ସେଇପରି ବାଘ ନଖ ଦେଶ ବାହାରେ ଚାହିଦା ରହିଛି । ତେଣୁ ଏତେ ପରିମାଣର ନଖ ଜବତ କରିବା ପଛରେ ଏକଧିକ ବାଘ ଶିକାର କଥା ସାମ୍ନାକୁ ଆସିଛି । ତେଣୁ କେବେଠାରୁ ଏସବୁକୁ ଶିକାର କରାଯାଇଛି ସେନେଇ ଅଭିଯୁକ୍ତକୁ ପଚରାଉଚରା କରାଯାଉଛି ବୋଲି ଏସଟିଏଫ ପକ୍ଷରୁ ସୂଚନା ମିଳିଛି ।

"ଗିରଫ ଅଭିଯୁକ୍ତ ଜଣେ ଶିକାରୀ । ସେ ଶିମିଳିପାଳ ଜଙ୍ଗଲରୁ ଏସବୁକୁ ଶିକାର କରିଛି । ତେଣୁ ସେ କେବେଠାରୁ ଏହି ବ୍ୟବସାୟ କରୁଥିଲା ତାହାର ତଦନ୍ତ ଚାଲିଛି । ଆଜି ଭୋର ସମୟରେ ଜବତ ସାମଗ୍ରୀକୁ ଡିଲ ପାଇଁ ଯୋଜନା ହୋଇଥିଲା । ଆମେ ଖବର ପାଇବା ପରେ ବନବିଭାଗ ସହାୟତରେ ଆମେ ରେଡ଼ କରିଥିଲୁ। ୩ କିଲୋ ବଜ୍ରକାପ୍ତା କାତି, ୨ଟି କଲରାପତରିଆ ବାଘ ଦାନ୍ତ, ୨୯ଟି ବାଘ ନଖ ଓ ୪୬ଟି ଭିନ୍ନ ଜାତିର ଶୁଆକୁ ଜବତ କରାଯାଇଛି," କହିଛନ୍ତି ଏସ.ଟି.ଏଫ ଏସ.ପି ତେଜରାଜ ପଟେଲ ।

ସୂଚନାଯୋଗ୍ୟ, ୨୦୨୦ ରୁ ଏବେ ସୁଦ୍ଧା, ଏସ.ଟି.ଏଫ୍ ୨୫ଟି କଲରାପତରିଆ ବାଘ ଛାଲ, ୧୩ଟି ହାତୀ ଦାନ୍ତ, ୭ଟି ହରିଣ ଛାଲ, ୧୧ଟି ଜୀବନ୍ତବଜ୍ରକାପ୍ତା ଓ ୧୯କିଲୋ ବ୍ରଜକାପ୍ତା କାତି,୨ଟି କଲରାପତାରିଆ ବାଘ ଦାନ୍ତ ଓ ୨୯ଟି ବାଘ ନଖ ଜବତ କରିଛି । ବନ୍ୟଜନ୍ତୁ ଶିକାର କରିବା ଓ ବ୍ୟବସାୟ କରିବା ଅଭିଯୋଗରେ ୪୬ଟି ମାମଲାରେ ୫୮ଜଣ ଅଭିଯୁକ୍ତକୁ ଗିରଫ କରି ଜେଲ ପଠାଯାଇଛି । ଆଉ କିଛି ଅଭିଯୁକ୍ତ ଫେରାର ଥିବାରୁ ସେମାନଙ୍କୁ ୱାଣ୍ଟେଡ଼ ଘୋଷଣା କରିଛି ଏସଟିଏଫ । ତେଣୁ ଆଗକୁ ଏହା ଆହୁରି ଜୋରଦାର କରାଯିବ ବୋଲି ତଦନ୍ତକାରୀ ସଂସ୍ଥା ପକ୍ଷରୁ ସୂଚନା ଦିଆଯାଇଛି ।
Published by:Soumya Das
First published: