ଜଗଦଗୁରୁ ଶଙ୍କରାଚାର୍ଯ୍ୟ ନିଶ୍ଚିଳାନନ୍ଦ ସରସ୍ୱତୀ ମହାରାଜଙ୍କ ମନ୍ତବ୍ୟକୁ ନେଇ ବିବାଦ

News 18 Odia Digital

ପୁରୀ; ଛତିଶଗଡ଼ର ରାଜଧାନୀ ରାୟପୁରରେ ଅନୁଷ୍ଠିତ ଏକ ଧାର୍ମିୟ କାର୍ଯ୍ୟକ୍ରମରେ ଯୋଗ ଦେଇଛନ୍ତି ପୁରୀ ଗୋବର୍ଦ୍ଧନ ପୀଠର ମଠାଧିଶ ଜଗଦଗୁରୁ ଶଙ୍କରାଚାର୍ଯ୍ୟ ନିଶ୍ଚିଳାନନ୍ଦ ସରସ୍ୱତୀ ମହାରାଜ । "ପୂର୍ବରୁ ଏଭଳି ତାଜମହଲ ଶୈବାଳୟ ପିଠରେ ନିର୍ମାଣ ହୋଇଥିଲା ଥିଲା ବୋଲି ଜଗଦଗୁରୁ ଶଙ୍କରାଚାର୍ଯ୍ୟ ମତବ୍ୟକ୍ତ କରିଥିଲେ ।



ଏବେ ଯୀଶୁଙ୍କୁ ନେଇ ଛତିଶଗଡରେ ଦେଇଥିବା ବିବୃତି ଚର୍ଚ୍ଚାର ବିଷୟ ପାଲଟିଛି । ତେବେ ଜଗଦଗୁରୁ ଶଙ୍କରାଚାର୍ଯ୍ୟ  ଛତିଶଗଡର ରାୟପୁରର ଏକ କାର୍ଯ୍ୟକ୍ରମରେ କହିଥିଲେ, ଯୀଶୁ ଭାରତରେ ୧୦ବର୍ଷ ଅବସ୍ଥାନ କରିଥିଲେ । ସେ ଅଜ୍ଞାତବାସ ସମୟରେ ଭାରତରେ ଅବସ୍ଥାନ କରିଥିବା ସହ କେବଳ ପୁରୀରେ ତିନିବର୍ଷ କଟାଇଛନ୍ତି । ସେ ବୈଷ୍ଣବ ଭକ୍ତ ଥିଲେ । ତତ୍କାଳୀନ ଶଙ୍କରାଚାର୍ଯ୍ୟଙ୍କ ଠାରୁ ଆଧ୍ୟାତ୍ମିକ ତାଲିମ ନେଇଥିଲେ କିନ୍ତୁ ବର୍ତ୍ତମାନ ସଂରକ୍ଷଣ ଜରୀଆରେ ହିନ୍ଦୁମାନଙ୍କୁ ସଂଖ୍ୟାଲଘୁରେ ପରିଣତ କରିବାକୁ ଉଦ୍ୟମ କରାଯାଉଛି ବୋଲି ମତବ୍ୟକ୍ତ କରିଛନ୍ତି "। ଯାହାକୁ ନେଇ ଏବେ ଖ୍ରୀଷ୍ଟିଆନ ଧର୍ମାବଲମ୍ବୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି । ଜଗତଗୁରୁ ଶଙ୍କରାଚାର୍ଯ୍ୟ କେବଳ ଧାର୍ମିକ ପ୍ରସଙ୍ଗରେ ନିଜର ମତବ୍ୟକ୍ତ ନକରି ଏଭଳି ବିବାଦୀୟ ମନ୍ତବ୍ୟରୁ ବିରତ ରହିବାକୁ ପରାମର୍ଶ ଦେଇଛନ୍ତି ।

ଖ୍ରୀଷ୍ଟିଆନ ସମ୍ପ୍ରଦାୟ ସ୍ୱାମିଜୀଙ୍କ ଏହି ମତକୁ ଗ୍ରହଣ ନ କରିବା ସହ କେଉଁ ଉଦ୍ଦେଶ୍ୟ ନେଇ ସେ ଏଭଳି ମତ ପୋଷଣ କରୁଛନ୍ତି ବୋଲି ପ୍ରଶ୍ନ କରିଛନ୍ତି । ସ୍ୱାମୀଜୀଙ୍କ ପରି ଉଚ୍ଚମାନର ସାଧୁ ଏପରି ମନ୍ତବ୍ୟ ଦେବା ପୂର୍ବରୁ ଭାବିବା ଉଚିତ ବୋଲି ଛତିଶଗଡ଼ର ଆର୍କବିଶପ ଭିକ୍ଟର ହେନରି କହିଛନ୍ତି ।  ସେ ତାଙ୍କ ନିଜ ଧର୍ମର ଲୋକଙ୍କୁ ଧର୍ମଶିକ୍ଷା ଦେବାରେ ସୀମିତ ରହନ୍ତୁ, ଆମେ ତାଙ୍କୁ ଇତିହାସ ପଢ଼ିବାକୁ ଉପଦେଶ ଦେଇପାରିବୁନି । ଏହି ପ୍ରସଙ୍ଗରେ ତଥ୍ୟ ଦିଅନ୍ତୁ ବୋଲି କହିଛନ୍ତି ।
ରାଜ୍ୟରେ ଅନେକ ଚର୍ଚ୍ଚ ରହିବା ସହ ଗରିବ ଆଦିବାସୀ ଓ ହରିଜନ ହିନ୍ଦୁମାନଙ୍କୁ ପ୍ରଲୋଭନ ଦେଖାଇ ଧର୍ମାନ୍ତରିତ କରାଯାଉଥିବା ଅଭିଯୋଗ ହେଉଛି । ଖାଲି ସେତିକି ନୁହେଁ ମିଶନାରୀ ସ୍କୁଲରେ ହିନ୍ଦୁ ପର୍ବପର୍ବାଣୀ ବି ପାଳନ ହେଉନାହିଁ ।ବିଦ୍ୟାଦେବୀ ସରସ୍ୱତୀ ଓ ଗଜାନନଙ୍କ ପୂଜା ହେଉନାହିଁ । ଯେଉଁଥିରେ ଆମ ହିନ୍ଦୁ ପିଲାମାନେ ଏହି ପରମ୍ପରା ବିଷୟରେ ଅବଗତ ହେଉନାଁହାନ୍ତି । ତେଣୁ ଯଦି ଗୁରୁଜୀଙ୍କ କଥା ଧାର୍ମିୟ ନ୍ୟାଧିଶ ବୋଲି ଉଚ୍ଚତମ ନ୍ୟାୟାଳୟ କହିଛନ୍ତି ତେବେ ଏହା ତତ୍ତ୍ୱ ଭିତିକ ବୋଲି କହିଛନ୍ତି ଗୋବର୍ଦ୍ଧନ ମଠର ପ୍ରାକ୍ତନ ମୁଖପାତ୍ର ମନୋଜ ରଥ ।

ବାଇବେଲରେ ଯୀଶୁଙ୍କ ୧୦ ବର୍ଷର ଅଜ୍ଞାତବାସ ବାସ୍ତବିକ କଣ ଯଦି ଉଲ୍ଲେଖ ନାହିଁ । ତେବେ ଜଗଦଗୁରୁଙ୍କ ମତ ସତ୍ୟ କି ।ଏହା ତର୍ଜମାର ପ୍ରସଙ୍ଗ ବୋଲି ମତପ୍ରକାଶ ପାଇଛି ।