ଉପନିର୍ବାଚନ: କଂଗ୍ରେସର ବାଲେଶ୍ୱରରେ ପ୍ରାର୍ଥୀ ମମତା କୁଣ୍ଡୁ, ତିର୍ତ୍ତୋଲରେ ହିମାଂଶୁ ମଲ୍ଲିକ

ବାଲେଶ୍ବର ସଦର ଆସନ ପାଇଁ ମମତା କୁଣ୍ଡୁଙ୍କୁ ପ୍ରାର୍ଥୀ କରି ମହିଳା କାର୍ଡ଼ ଖେଳିଛି କଂଗ୍ରେସ । ପୂର୍ବରୁ ରାଜ୍ୟ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକଙ୍କ ପୁତ୍ର ନବଜ୍ୟୋତି ପଟ୍ଟନାୟକ ପ୍ରାର୍ଥୀ ଦୌଡ଼ରେ ସାମିଲ ଥିବା କୁହାଯାଉଥିଲା ।

ଉପନିର୍ବାଚନ: କଂଗ୍ରେସର ବାଲେଶ୍ୱରରେ ପ୍ରାର୍ଥୀ ମମତା କୁଣ୍ଡୁ, ତିର୍ତ୍ତୋଲରେ ହିମାଂଶୁ ମଲ୍ଲିକ
ମମତା କୁଣ୍ଡୁ ଓ ହିମାଂଶୁ ମଲ୍ଲିକ
  • News18 Odia
  • Last Updated: October 12, 2020, 11:59 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟରେ ହେବାକୁ ଥିବା ବିଧାନ ସଭା ଉପନିର୍ବାଚନ ପାଇଁ ଶେଷରେ କଂଗ୍ରେସ ନିଜ ପ୍ରାର୍ଥୀ ଘୋଷଣା କରିଛି । ତିର୍ତ୍ତୋଲ ଉପନିର୍ବାଚନ ପାଇଁ ହିଂମାଶୁ ମଲ୍ଲିକ ଓ ବାଲେଶ୍ବର ସଦର ପାଇଁ ମମତା କୁଣ୍ଡୁଙ୍କୁ ପ୍ରାର୍ଥୀ ଭାବେ ଚୟନିତ କରିଛି ଦଳ । ଏହା ପୂର୍ବରୁ ବିଜେଡି ଓ ବିଜେପି ନିଜ ନିଜ ପ୍ରାର୍ଥୀ ଘୋଷଣା କରିସାରିଥିଲେ ।

ପ୍ରାର୍ଥୀ ଚୟନ ନେଇ ଚୟନ ନେଇ ଓପିସିସିର ସୁପାରିସକୁ କଂଗ୍ରେସ ହାଇକମାଣ୍ତ ସୋନିଆ ଗାନ୍ଧି। ଅନୁମୋଦନ କରିବା ପରେ ଦୁଇ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି ଦଳ । ବାଲେଶ୍ବରରେ ମମତା କୁଣ୍ଡୁଙ୍କୁ ପ୍ରାର୍ଥୀ କରି ମହିଳା କାର୍ଡ ଖେଳିଛି କଂଗ୍ରେସ । ପୂର୍ବରୁ ରାଜ୍ୟ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକଙ୍କ ପୁତ୍ର ନବଜ୍ୟୋତି ପଟ୍ଟନାୟକ ଉପନିର୍ବାଚନ ପାଇଁ ପ୍ରାର୍ଥୀ ଦୌଡ଼ରେ ସାମିଲ ଥିବା କୁହାଯାଉଥିଲା ।

ଏବେ ତିର୍ତ୍ତୋଲରେ ବିଜେଡିର ବିଜୟ ଶଙ୍କର ଦାସ, ବିଜେପିର ରାଜକିଶୋର ବେହେରା ଓ କଂଗ୍ରେସର ହିଂମାଶୁ ମଲ୍ଲିକଙ୍କ ମଧ୍ୟରେ ନିର୍ବାଚନୀ ଲଢ଼େଇ ହେବ । ସେହି ପରି ବାଲେଶ୍ବରରେ ବିଜେଡିର ସ୍ବରୂପ ଦାସ, ବିଜେପିର ମାନସ ଦତ୍ତ ଏବଂ କଂଗ୍ରେସର ମମତା କୁଣ୍ଡୁଙ୍କ ମଧ୍ୟରେ ହେବ ଟକ୍କର ।

ଶାସକ ଦଳ ବିଜେଡି ବାଲେଶ୍ବର ସଦର ଆସନ ପାଇଁ ସ୍ବରୂପ କୁମାର ଦାସଙ୍କୁ ପ୍ରାର୍ଥୀ କରିଥିବା ବେଳେ ତିର୍ତ୍ତୋଲ ପାଇଁ ଦିବଙ୍ଗତ ମନ୍ତ୍ରୀ ବିଷ୍ଣ ଦାସଙ୍କ ପୁଅ ବିଜୟ ଶଙ୍କର ଦାସଙ୍କୁ ଟିକେଟ୍ ଦେଇଛି । ସ୍ବରୂପ ଦାସଙ୍କୁ ବାଛି ଏକ ସରପ୍ରାଇଜ୍ ଦେଇଛନ୍ତି ବିଜେଡି ସୁ୍ପ୍ରିମୋ ନବୀନ ପଟ୍ଟନାୟକ । ଜିଲ୍ଲା ବିଜେଡିରେ ଜଣେ ଟାଣୁଆ ନେତା ଭାବେ ସକ୍ରିୟ ଥିବୋ ସ୍ବରୂପ ଏବେ କାଉନସିଲର ଅଛନ୍ତି । ପୂର୍ବରୁ ସେ ସଦର ବିଜେଡିର ସଭାପତି ରହିଥିଲେ । ତେବେ ସ୍ବରୂପଙ୍କ ଭାଇ ଅନୁପ କୁମାର ଦାସ ଥିଲେ ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷ । ବାଲେଶ୍ବର ଆସନ ପାଇଁ ଟିକେଟ୍ ପାଇବା ଜାଣି ନିଜେ ମଧ୍ୟ ଆଶ୍ଚର୍ଯ୍ୟ ପ୍ରକଟ କରିଛନ୍ତି ସ୍ବରୂପ ।

ଏହା ବି ପଢ଼ନ୍ତୁ | Video: ପୁରୁଷମାନଙ୍କ ସହ ଘଟୁଥିବା ଗ୍ୟାଙ୍ଗ୍ ରେପ୍ ଉପରେ ଆଧାରିତ ଏହି ଫିଲ୍ମ ରିଲିଜ୍‌ ହେଲା

ଏହା ବି ପଢ଼ନ୍ତୁ | କରୋନାରୁ ଆରୋଗ୍ୟ ହୋଇଥିବା ଲୋକଙ୍କ ଦେହରେ ୯୦ ଦିନ ପର୍ଯ୍ୟନ୍ତ ରହିଥାଏ ଏହି ଭାଇରସ୍

ତିର୍ତ୍ତୋଲ ଆସନ ପାଇଁ ସ୍ବର୍ଗତ ବିଜେଡି ବିଧାୟକ ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କରଙ୍କ ନାଁକୁ ନେଇ ଯେଉଁ ଚର୍ଚ୍ଚା ଚାଲିଥିଲା ତାହା ସତ୍ୟ ପ୍ରମାଣିତ ହୋଇଛି । ବିଜୟଙ୍କୁ ପ୍ରାର୍ଥୀ କରି ଅନୁକମ୍ପା ଭୋଟ୍ ହାତେଇବାକୁ ବିଜେଡି ଲକ୍ଷ୍ୟ ରଖିଥିବା କୁହାଯାଉଛି । ଏବେ ବିଜୁ ଛାତ୍ର ଜନତା ଦଳର ଜିଲ୍ଲା ସମ୍ପାଦକ ଅଛନ୍ତି ବିଜୟ ଶଙ୍କର ।



ବିଜେପି ପକ୍ଷରୁ ତିର୍ତ୍ତୋଲ ଆସନ ପାଇଁ ପ୍ରାର୍ଥୀ ପତ୍ର ଦାଖଲ କରାଯାଇଛି । ସମର୍ଥକଙ୍କ ସହ ଅତିରିକ୍ତ ଜିଲ୍ଲାପାଳଙ୍କ ଅଫିସକୁ ଯାଇ ରାଜକିଶୋର ବେହେରା ନାମାଙ୍କନ ଦାଖଲ କରିଛନ୍ତି । କୋଡ଼ିଏ ବର୍ଷ ହେବ ତିର୍ତ୍ତୋଲ ରାଜନୀତି ସହ ଜଡ଼ିତ ରାଜକିଶୋର ପ୍ରଥମେ କଂଗ୍ରେସରୁ ଜିଲ୍ଲା ପରିଷଦ ସଭ୍ୟ ହୋଇଥିଲେ ।  ୨୦୦୯ ଓ ୨୦୧୪ ନିର୍ବାଚନରେ କଂଗ୍ରେସ ଟିକେଟରେ ବିଧାନସଭା ନିର୍ବାଚନ ଲଢି ବିଜେଡି ଠାରୁ ପରାସ୍ତ ହୋଇଥିଲେ ସେ । ଗତ ସପ୍ତାହରେ କଂଗ୍ରେସ ଛାଡ଼ି ବିଜେପିରେ ଯୋଗ ଦେଇଥିଲେ ରାଜକିଶୋର ।
Published by: Anand Shankar Thankur Das
First published: October 12, 2020, 11:59 PM IST
corona virus btn
corona virus btn
Loading