ଚିଣ୍ଟୁ ହତ୍ୟା ମାମଲା: ୨ଜଣଙ୍କୁ ଗିରଫ କଲା କମିଶନରେଟ ପୋଲିସ; ମୁଖ୍ୟ ଅଭିଯୁକ୍ତ ଫେରାର

ନିରଂଜନ ପରିଡ଼ା ହତ୍ୟାକାଣ୍ଡ ଘଟଣାରେ ଦୁଇଜଣ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ। ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କୁହାଯାଉଥିବା ସୋମ୍ୟ ରଞ୍ଜନ ବେହେରା ଓରଫ ମିଲୁ ଏବେବି ଫେରାର ଅଛି।

୨ଜଣଙ୍କୁ ଗିରଫ କଲା କମିଶନରେଟ ପୋଲିସ (ପ୍ରତୀକାତ୍ମକ ଛବି)

୨ଜଣଙ୍କୁ ଗିରଫ କଲା କମିଶନରେଟ ପୋଲିସ (ପ୍ରତୀକାତ୍ମକ ଛବି)

  • Share this:
News18 Odia Digital

ଭୁବନେଶ୍ୱର: ଭୁବନେଶ୍ୱର ସହିଦନଗର ଥାନା ପ୍ରେସଛକ ନିକଟରେ ଘଟିଥିବା ନିରଂଜନ ପରିଡ଼ା ହତ୍ୟାକାଣ୍ଡ ଘଟଣାରେ ଦୁଇଜଣ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ। ଗିରଫ ଦୁଇ ଅଭିଯୁକ୍ତ ହେଲେ ସତ୍ୟରଞ୍ଜନ ପାଣ୍ଡଵ (୨୮) ଓ ସତ୍ୟରଞ୍ଜନ ସିଂ(୨୭) । ଘଟଣା ପରେ ଉଭୟ ଫେରାର ଥିଲେ । ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କୁହାଯାଉଥିବା ସୋମ୍ୟ ରଞ୍ଜନ ବେହେରା ଓରଫ ମିଲୁ ଏବେବି ଫେରାର ଅଛି।

ପ୍ରାଥମିକ ତଦନ୍ତରୁ ସହିଦନଗର ଥାନା ପୋଲିସ ଜାଣିବାକୁ ପାଇଛି ମମୋ ଖାଇବାକୁ କେନ୍ଦ୍ରକରି ଉଭୟ ଗୋଷ୍ଠୀର କିଛି ପିଲାଙ୍କ ମଧ୍ୟରେ କମେଣ୍ଟ ମରା ହୋଇଥିଲା । ଯାହା ପରବର୍ତ୍ତୀ ସମୟରେ ଭୟନକ ହତ୍ୟାର ରୂପ ନେଇଥିଲା। ଗିରଫ ଦୁଇ ଅଭିଯୁକ୍ତ ଗଜପତି ନଗର ଅଞ୍ଚଳରେ ଥିବା ଏକ ଗାଡ଼ି ସୋରୁମରେ କାମ କରନ୍ତି । ଫେରାର ଥିବା ଅଭିଯୁକ୍ତ ମିଲୁ ଏକ ଫାଇନାନ୍ସ କମ୍ପାନୀରେ କାମ କରେ ବୋଲି ପୋଲିସ ଜାଣିବାକୁ ପାଇଛି ।

"ଚିଣ୍ଟୁ ହତ୍ୟାକାଣ୍ଡ ଘଟଣାରେ ଆମେ ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛୁ । ହେଲେ ମୁଖ୍ୟ ଅଭିଯୁକ୍ତ ମିଲୁ ଫେରାର ଅଛି।  ତାକୁ ଧରିବା ପାଇଁ ପୋଲିସ ଚଢ଼ାଉ ଜାରି ରଖିଛି । ତଦନ୍ତ ବେଳେ ଜଣା ପଡ଼ିଛି ଏମାନଙ୍କ ମଧ୍ୟରେ କୌଣସି ପୁର ଶତ୍ରୁତା କିମ୍ବା ଝଗଡ଼ା ନଥିଲା। ଘଟଣା ସ୍ଥଳରେ ହିଁ ବଚସା ଆରମ୍ଭ ହୋଇଥିଲା। ଯାହା ଫଳରେ ଏକ ଛୁରୀରେ ଚିଣ୍ଟୁ ଓ ତାର ଆଉ ଜଣେ ସାଙ୍ଗକୁ ଅଭିଯୁକ୍ତକୁମାନେ ଆକ୍ରମଣ କରିଥିଲେ । ତେବେ ମୁଖ୍ୟ ଅଭିଯୁକ୍ତ ମିଲୁ ଗିରଫ ପରେ ପୁରା ଘଟଣା ଉପରୁ ପରଦା ହଟିବ," କହିଛନ୍ତି ଭୁବନେଶ୍ୱର ଡି.ସି.ପି ଉମା ଶଙ୍କର ଦାଶ୍ ।

ସୂଚନାଯୋଗ୍ୟ, ଶନିବାର ସଂଧ୍ୟାରେ ବଚସାକୁ କେନ୍ଦ୍ର କରି କାଢ଼କଣ ଅଞ୍ଚଳର  ଚିଣ୍ଟୁ ପରିଡ଼ାକୁ ହତ୍ୟା କରିଥିଲେ ଅଭିଯୁକ୍ତ । ଏବେ ଦୁଇ ଅଭିଯୁକ୍ତକୁ ଗିରଫ ପରେ ହତ୍ୟାକାଣ୍ଡରେ ବ୍ୟବହୃତ ଛୁରୀ, ସ୍କୁଟି ଓ କାରକୁ ଜବତ କରିଛି ସହିଦନଗର ଥାନା ପୋଲିସ । ହେଲେ ପ୍ରଶ୍ନ ଉଠୁଛି କେବଳ ସାମାନ୍ୟ ବଚସା ନା ହତ୍ୟାକାଣ୍ଡ ପଛରେ ଆଉ କିଛି କାରଣ ଅଛି ।
Published by:Soumya Das
First published: