ନିଶା ଦ୍ରବ୍ୟ ପାଇଁ ଭୁବନେଶ୍ୱରରେ ନବମ ଶ୍ରେଣୀର ଛାତ୍ରକୁ ହତ୍ୟା କଲେ ଦୁର୍ବୃତ୍ତମାନେ

ଡ୍ରଗ୍ସ ପାଇଁ ଟଙ୍କାର ଆବଶ୍ୟକତା ଥିବାରୁ ଅଶ୍ଵିନୀକୁ ଅଭିଯୁକ୍ତମାନେ ହତ୍ୟା କରିଥିବା ସନ୍ଦେହ କରାଯାଉଛି l ଚାରି ଜଣଙ୍କୁ ଗିରଫ କରାଯାଇଛି l ଅନ୍ୟ ଅଭିଯୁକ୍ତମାନଙ୍କୁ ଗିରଫ କରିବାକୁ ବିଭିନ୍ନ ସ୍ଥାନରେ ଚଢ଼ାଉ ଚଳାଇଛି ପୋଲିସ l

ନିଶା ଦ୍ରବ୍ୟ ପାଇଁ ଭୁବନେଶ୍ୱରରେ ନବମ ଶ୍ରେଣୀର ଛାତ୍ରକୁ ହତ୍ୟା କଲେ ଦୁର୍ବୃତ୍ତମାନେ
ମୃତ ଛାତ୍ର ଅଶ୍ୱିନୀ ପାଢ଼ି
  • News18 Odia
  • Last Updated: September 9, 2020, 9:10 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟରେ ବେଧଡ଼କ ଚାଲିଥିବା ଡ୍ରଗ୍ସ କାରବାରର ଶିକାର ହୋଇଛି ରାଜଧୀନୀ ଭୁବନେଶ୍ୱରର ଜଣେ ନୀରିହ ସ୍କୁଲ୍‌ ଛାତ୍ର । ଡ୍ରଗ୍ସ ପାଇଁ ଜଣେ ନବମ ଶ୍ରେଣୀରେ ପଢ଼ୁଥିବା ଛାତ୍ର ଅଶ୍ଵିନୀ ପାଢ଼ିକୁ ହତ୍ୟା କରିଛନ୍ତି ଦୁବୃର୍ତ୍ତମାନେ l

ଡ୍ରଗ୍ସ ପାଇଁ ଟଙ୍କାର ଆବଶ୍ୟକତା ଥିବାରୁ ଅଶ୍ଵିନୀକୁ ଅଭିଯୁକ୍ତମାନେ ହତ୍ୟା କରିଥିବା ସନ୍ଦେହ କରାଯାଉଛି l ଏହି ହତ୍ୟା ମାମଲାରେ ଚାରି ଜଣଙ୍କୁ ଗିରଫ କରାଯାଇଛି  l ଅନ୍ୟ ଅଭିଯୁକ୍ତମାନଙ୍କୁ ଗିରଫ କରିବାକୁ ବିଭିନ୍ନ ସ୍ଥାନରେ ଚଢ଼ାଉ ଚଳାଇଛି କମିଶନରେଟ ପୋଲିସ l

ଅଗଷ୍ଟ ୨ ତାରିଖ ସନ୍ଧ୍ୟାରେ ଅଶ୍ଵିନୀ ଘରୁ ବାହାରି ଭରତପୁର ବଜାରକୁ ଯାଉଥିଲା l ସଉଦା କିଣିବା ପାଇଁ  ତା’ ପାଖରେ ହଜାରେ ଟଙ୍କା ଥିଲା l ଏତିକି ବେଳେ ଅନ୍ଧାରିଆ ଜାଗା ଦେଖି ଅଶ୍ଵିନୀଙ୍କୁ ଦୁବୃର୍ତ୍ତମାନେ ତା’ ପାଖରେ ଯାହା ଟଙ୍କା ଅଛି ଦେବାକୁ କହି ଧମକାଇଥିଲେ l ହେଲେ ଅଶ୍ଵିନୀ ଟଙ୍କା ନ ଦେଇ ସେଠାରୁ ଖସିଯିବାକୁ ଉଦ୍ୟମ କରିଥିଲା l

ଦୁବୃର୍ତ୍ତମାନେ ଏକ ଧାରୁଆ ଅସ୍ତ୍ରରେ ଅଶ୍ଵିନୀର ମୁଣ୍ଡକୁ ଆକ୍ରମଣ କରିଥିଲେ l ସେ କଷ୍ଟରେ ଚିତ୍କାର କରିବାରୁ ତାକୁ ଘୋସୋରି ଘୋସାରି ନିକଟରେ ଥିବା ଏକ ନିଛାଟିଆ ସ୍ଥାନକୁ ନେଇ ଫୋପାଡ଼ି ଦେଇଥିଲେ l ତା’ ପକେଟରେ ଥିବା ହଜାରେ ଟଙ୍କା ନେଇ ଫେରାର ହୋଇଯାଇଥିଲେ ଆକ୍ରମଣକାରୀମାନେ l

ଅଗଷ୍ଟ ୨ ତାରିଖ ରାତିରୁ ଅଶ୍ଵିନିକୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା l ଛଅ ଦିନ କାଳ ଚିକିତ୍ସା ଚାଲିବା ପରେ ମଙ୍ଗଳବାର ରାତିରେ ତା’ର ମୃତ୍ୟୁ ହୋଇଥିଲା l

ଅଶ୍ଵିନୀ ଭରତପୁରର ଡକ୍ଟର ଆମ୍ବେଦକର ବିଦ୍ୟାପୀଠରେ ନବମ ଶ୍ରେଣୀର ଛାତ୍ର ଥିଲା l ତା’ର ଏଭଳି ମୃତ୍ୟୁକୁ ସହଜରେ ଗ୍ରହଣ କରିପାରୁ ନାହିଁ ତା’ ପରିବାର ଓ ସାଙ୍ଗସାଥୀମାନେ l

‘‘ହତ୍ୟାକାରୀମାନେ ଡ୍ରଗ୍ସସ ସେବନ କରନ୍ତି l ଡ୍ରଗ୍ସ ପାଇଁ ସେମାନେ ଚୋରି, ଛିନତାଇ ଓ ଲୁଟପାଟ କରନ୍ତି l ମୋ’ ଭଣଜା ଏକୁଟିଆ ଯାଉଥିବା ଦେଖି ତାକୁ ଆକ୍ରମଣ କରି ତା’ ଠାରୁ ଟଙ୍କା ଲୁଟି ନେଇଥିଲେ,’’ କହିଛନ୍ତି ଅଶ୍ଵିନୀର ମାମୁଁ ଶିଶିର ତ୍ରିପାଠୀ ।

ଭରତପୁର ଛକରେ ଶିବା, ପପୁ ଓ ସେମାନଙ୍କ ସହଯୋଗୀମାନେ ଆଡ଼୍ଡା ଜମାନ୍ତି ଓ ଡ୍ରଗ୍ସ ପାଇଁ ରାସ୍ତାରେ ଏକୁଟିଆ ଯାଉଥିବା ମହିଳାଙ୍କ ଠାରୁ ଲୁଟ କରନ୍ତି ବୋଲି ସ୍ଥାନୀୟ ଲୋକେ ପୋଲିସକୁ କହିଥିବା ଜଣାପଡ଼ିଛି ।

‘‘ଏହି ମାମଲାର ସଘନ ତଦନ୍ତ ଚାଲିଛି l ଖୁବ୍‌ ଶୀଘ୍ର ଅନ୍ୟ ଅପରାଧୀମାନଙ୍କୁ ଗିରଫ କରାଯିବ,’’ କହିଛନ୍ତି ଭୁବନେଶ୍ଵର ଡିସିପି ଉମାଶଙ୍କର ଦାଶ ।

ଏହି ବି ପଢ଼ନ୍ତୁ ଏଣିକି ଟ୍ରେନ୍ ଭିତରେ ଭିକ ମାଗିଲେ ଓ ସିଗାରେଟ୍ ଟାଣିଲେ ଜେଲ୍ ଦଣ୍ଡ ହେବ ନାହିଁ; ବଦଳୁଛି ନିୟମ

ଏହି ବି ପଢ଼ନ୍ତୁ ଭାରତକୁ ମିଳିଲା ଆମେରିକା ସମେତ ୪ଟି ବଡ଼ ଦେଶର ସମର୍ଥନ; ଚୀନରୁ ଭାରତ ଆସିଲା Apple ର ୮ଟି କାରଖାନା

ମୃତ ଅଶ୍ଵିନୀର ବାପା ଅଶୋକ କହିଛନ୍ତି, ‘‘ଡ୍ରଗ୍ସ ପାଇଁ ମୋ’ ପୁଅକୁ ହତ୍ୟା କରାଯାଇଛି l ସମସ୍ତ ହତ୍ୟାକାରୀଙ୍କୁ ଫାଶି ଦିଆଯାଉ l ତାହା ହେଲେ ମୋ’ ଆତ୍ମାକୁ ଶାନ୍ତି ମିଳିବ ।’’



ବେଆଇନ ଡ୍ରଗ୍ସ କାରବାର ବନ୍ଦ କରିବା ପାଇଁ ରାଜ୍ୟରେ ଚାଲିଛି ରେଡ ପରେ ରେଡ l ପ୍ରତି ମାସ ୨ କେଜିରୁ ୪ କେଜି ପର୍ଯ୍ୟନ୍ତ ଡ୍ରଗ୍ସ ଧରା ପଡୁଛି l ଏଜେଣ୍ଟ ଓ ଡିଲର ବି ଗିରଫ ହୋଇ ଜେଲ ଯାଉଛନ୍ତି l ଏହା ପରେ ବି ଡ୍ରଗ୍ସ କାରବାର ଉପରେ ରୋକ ଲାଗୁ ନ ଥିବାରୁ ସଭ୍ୟ ସମାଜରେ ଚିନ୍ତା ବଢ଼ିଚାଲିଛି ।
Published by: Anand Shankar Thankur Das
First published: September 9, 2020, 9:10 PM IST
corona virus btn
corona virus btn
Loading