Chocolate Day 2021: ଆଜି ହେଉଛି ଚକୋଲେଟ୍ ଡେ; ଜାଣନ୍ତୁ ଡାର୍କ ଚକୋଲେଟ୍ ଖାଇବାର ଆଶ୍ଚର୍ଯ୍ୟଜନକ ଲାଭ

Chocolate Day 2021: ଭଲ ଆରମ୍ଭ ପାଇଁ କିଛି ମିଠା ବହୁତ ଜରୁରୀ ଅଟେ । ଏଥିପାଇଁ ଚକୋଲେଟ୍ ଦିବସରେ ଆପଣ ନିଜ ସାଥୀଙ୍କୁ ଚକୋଲେଟ୍ ଗିଫ୍ଟ କରିପାରିବେ । ଏହି ଦିନ ମାନଙ୍କରେ ଭିନ୍ନ ଭିନ୍ନ ଓ ବହୁତ ସୁନ୍ଦର ପ୍ୟାକିଂରେ ଚକୋଲେଟ୍ ମିଳିଥାଏ । ଆପଣଙ୍କ ସାଥୀଙ୍କୁ ଚକୋଲେଟ୍ ଦେଇ ଆପଣ ତାଙ୍କୁ ଦେଖାଇପାରିବେ ଯେ ତାଙ୍କ ପାଇଁ ଆପଣଙ୍କ ପ୍ରେମ କେତେ ସ୍ୱତନ୍ତ୍ର । ଯଦି ଆପଣ ଚାହାଁନ୍ତି ଆପଣ ଗିଫ୍ଟ ସ୍ୱରୂପ ଆପଣଙ୍କ ସାଥୀଙ୍କୁ ଡାର୍କ ଚକୋଲେଟ୍ ଦେଇପାରିବେ । ହେଲ୍ଥଲାଇନ ଖବର ଅନୁଯାୟୀ ଡାର୍କ ଚକୋଲେଟ୍ ଆମ ସ୍ୱାସ୍ଥ୍ୟ ପାଇଁ ଅନେକ ସକାରାତ୍ମକ ଲାଭ ଦେଇଥାଏ । ଏହା ରକ୍ତରେ ଶର୍କରା (Blood Sugar) ଓ ହୃଦରୋଗ ଭଳି ଗମ୍ଭୀର ରୋଗକୁ ଶରୀରଠାରୁ ଦୂରରେ ରଖେ । କେବଳ ଏତିକି ନୁହେଁ ଏହାକୁ ଖାଇବା ଦ୍ୱାରା ଷ୍ଟ୍ରେସ ମଧ୍ୟ କମିଯାଏ । ଆଜିର ସମୟରେ ଏହାକୁ ୱାର୍କରୁ ହୋମ୍ ରେ ଖାଇବା ସ୍ୱାସ୍ଥ୍ୟ ପାଇଁ ଭଲ ବୋଲି ପ୍ରମାଣିତ ହୋଇପାରେ । ଆସନ୍ତୁ ଜାଣିବା ଡାର୍କ ଚକୋଲେଟ୍ ଖାଇ ଆପଣ କେଉଁ ରୋଗରୁ ରକ୍ଷା ପାଇପାରିବେ ।

ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରନ୍ତୁ
ରକ୍ତରେ ଶର୍କରା (Blood Sugar) ସ୍ତର ବୃଦ୍ଧି ହେଲେ ଶରୀରରେ ଅନେକ ଗମ୍ଭୀର ରୋଗ ହେବାର ଆଶଙ୍କା ମଧ୍ୟ ବଢ଼ିଥାଏ । ଡାର୍କ ଚକୋଲେଟରେ ଏପରି ଗୁଣ ଅଛି ଯାହା ଶରୀରରେ ରକ୍ତରେ ଶର୍କରା ସ୍ତରକୁ ବଜାୟ ରଖିପାରେ । ଯେଉଁ କାରଣରୁ ଆପଣ ଡାଇବେଟିସ ଭଳି ରୋଗ ହେବା କବଳରୁ ବଞ୍ଚି ପାରିବେ ।

ହୃଦଘାତକୁ ଦୂରେଇ ପାରିବେ
ଡାର୍କ ଚକୋଲେଟରେ କାର୍ଡିଓପ୍ରୋଟେକ୍ଟିଭ୍ ଗୁଣ ରହିଛି । ଏହା ହୃଦୟକୁ ଅନେକ ପ୍ରକାରର ଗମ୍ଭୀର ରୋଗରୁ ରକ୍ଷା କରିଥାଏ । ହୃଦ୍‌ରୋଗରୁ ରକ୍ଷା ପାଇବା ପାଇଁ ଜଣେ ଡାର୍କ ଚକୋଲେଟ୍ ଖାଇପାରିବେ ।

ବାର୍ଦ୍ଧକ୍ୟ ବିରୋଧୀ କାର୍ଯ୍ୟ କରେ
ବାର୍ଦ୍ଧକ୍ୟର ପ୍ରଭାବ ହ୍ରାସ କରିବାର ଡାର୍କ ଚକୋଲେଟର ବିଶେଷ ଗୁଣ ଅଛି । ତେଣୁ ଯେଉଁମାନେ ବୃଦ୍ଧାବସ୍ଥାର ପ୍ରଭାବକୁ ହ୍ରାସ କରିବାକୁ ଚାହାଁନ୍ତି, ସେମାନେ ନିଶ୍ଚିତ ଭାବରେ ଡାର୍କ ଚକୋଲେଟ୍ ଖାଇ ପାରିବେ । ଏହା ଏକ ଆଣ୍ଟି-ଏଜିଂ ଉପାଦାନ ଭାବରେ କାର୍ଯ୍ୟ କରେ ।

ଷ୍ଟ୍ରେସ କମ୍ କରେ
ଷ୍ଟ୍ରେସ ହେଉଛି ଏପରି ଏକ ଜିନିଷ ଯାହା ନିଶ୍ଚିତ ଭାବରେ ମଣିଷକୁ ନିଜ ଜୀବନରେ କିଛି ସମୟରେ ବ୍ୟଥିତ କରେ । ଷ୍ଟ୍ରେସ ଅନେକ ଗମ୍ଭୀର ରୋଗର ମୁଖ୍ୟ କାରଣ ବୋଲି ବିଶ୍ୱାସ କରାଯାଏ । ଷ୍ଟ୍ରେସରୁ ରକ୍ଷା ପାଇବା ପାଇଁ ଡାର୍କ ଚକୋଲେଟ୍ ବହୁତ ସାହାଯ୍ୟକାରୀ ହୋଇଥାଏ । ବାସ୍ତବରେ ଡାର୍କ ଚକୋଲେଟରେ ଷ୍ଟ୍ରେସ ହ୍ରାସ କରିବାର ବିଶେଷ ଗୁଣ ରହିଛି ।

ରକ୍ତଚାପ କମ କରିଥାଏ
ବର୍ଦ୍ଧିତ ରକ୍ତଚାପ ଅବସ୍ଥାକୁ ଉଚ୍ଚ ରକ୍ତଚାପ କୁହାଯାଏ । ଯେଉଁମାନଙ୍କର ଉଚ୍ଚ ରକ୍ତଚାପ ସମସ୍ୟା ଥାଏ ସେମାନେ ଡାର୍କ ଚକୋଲେଟ୍ ଖାଇପାରନ୍ତି । ମ୍ୟାଗ୍ନେସିୟମ୍ ଡାର୍କ ଚକୋଲେଟରେ ମିଳିଥାଏ । ଯାହା ରକ୍ତଚାପ ହ୍ରାସ କରିବାରେ ସାହାଯ୍ୟ କରିଥାଏ ।