ବାଲେଶ୍ୱର ଜିଲ୍ଲାର ବାତ୍ୟା ୟାସ୍ ପ୍ରଭାବିତ ଅଞ୍ଚଳରେ କ୍ଷୟକ୍ଷତିର ସ୍ଥିତି ବୁଲି ଦେଖିଲା କେନ୍ଦ୍ରୀୟ ଟିମ୍

ସମୁଦ୍ର କୂଳବର୍ତ୍ତୀ ଅଞ୍ଚଳରେ ଅନେକ ସ୍ଥାନରେ ସମୁଦ୍ର ପାଣି ପ୍ରବେଶ କରିବା ଦ୍ୱାରା ବ୍ୟାପକ ପରିମାଣରେ ଧାନ ଚାଷ ଓ ଚିଙ୍ଗୁଡ଼ି ଘେରି ନଷ୍ଟ ହୋଇଛି । ଅନେକ ସ୍ଥାନରେ ଏବେ ବି ଲୁଣା ପାଣି ଜମି ରହିଥିବାରୁ ଏବେ ଚାଷ କରିବା ସମ୍ଭବ ନୁହେଁ ।

ବାଲେଶ୍ୱର ଜିଲ୍ଲାର ବାତ୍ୟା ୟାସ୍ ପ୍ରଭାବିତ ଅଞ୍ଚଳରେ କ୍ଷୟକ୍ଷତିର ସ୍ଥିତି ବୁଲି ଦେଖିଲା କେନ୍ଦ୍ରୀୟ ଟିମ୍
ଏକ ପ୍ରଭାବିତ ଅଞ୍ଚଳ ଦେଖୁଛନ୍ତି କେନ୍ଦ୍ରୀୟ ଟିମ୍ ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ବାଲେଶ୍ୱର: କେନ୍ଦ୍ର ସରକାର ପଠାଇଥିବା ଚାରି-ଜଣିଆ ଟିମ୍‌ ବାଲେଶ୍ୱର ଜିଲ୍ଲାରେ ବାତ୍ୟା ୟାସର ପ୍ରଭାବରେ କ୍ଷତିଗ୍ରସ୍ଥ ହୋଇଥିବା ଅଞ୍ଚଳର ସ୍ଥିତି ବୁଲି ଦେଖିଛନ୍ତି । ସେମାନେ ବିଭିନ୍ନ ଗାଁକୁ ଯାଇ ଲୋକଙ୍କ ସହିତ ଆଲୋଚନା କରିବା ସହ କ୍ଷୟକ୍ଷତିର ଆକଳନ କରିଛନ୍ତି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ହସପିଟାଲରେ ଅକ୍ସିଜେନ୍ ବନ୍ଦ କରି ଦେଖିଲେ କେତେ ରୋଗୀ ମରିବେ; ମିନିଟରେ ମଲେ ୨୨ – VIDEO

କେନ୍ଦ୍ର ସରକାରଙ୍କ ଗୃହ ବିଭାଗର ଯୁଗ୍ମ ସଚିବ ସୁନୀଲ ବର୍ଣ୍ଣୱାଲଙ୍କ ନେତୃତ୍ବରେ ଆସିଥିବା ଏହି ଟିମରେ ଗ୍ରାମ୍ୟ ଉନ୍ନୟନ ବିଭାଗର ଉପ-ସଚିବ କୈଳାସ କୁମାର, ଶକ୍ତି ବିଭାଗର ସହକାରୀ ନିର୍ବାହୀ ଯନ୍ତ୍ରୀ ଶିଶିର ପ୍ରଧାନ ଓ ମତ୍ସ୍ୟ ବିଭାଗର ସହକାରୀ ବୈଷୟିକ ଅଧିକାରୀ ଦିଗମ୍ବର ସ୍ବାଇଁ ଥିଲେ । ସୋମବାର ଦିନ ବାତ୍ୟାରେ ପ୍ରଭାବିତ ବାଲେଶ୍ୱର ସଦର ବ୍ଲକର ସାର୍ଥା, ଚକ ସାର୍ଥା, ହଳଦୀ ଗୁଡ଼ି ଓ ମେଘା, ଏବଂ ଚାନ୍ଦିପୁର ପଞ୍ଚାୟତର ବଳରାମଗଡ଼ି, ପଞ୍ଚୁବିଶା ଜେଟି, ପଞ୍ଚୁବିଶା ଗାଁ ଓ LC-3 ରାସ୍ତା ବୁଲି ଦେଖିବା ପରେ ଅଭଣା ରାସ୍ତା ଦେଇ ସୋର ଅନନ୍ତପୁର ଅଞ୍ଚଳ ବୁଲି ଦେଖିଥିଲେ ସେମାନେ । ଏହା ପରେ ବାଲେଶ୍ୱର ଫେରି ଆସିଥିଲେ ।

ଏହା ବି ପଢ଼ନ୍ତୁ | Vaccine: ଘରୋଇ ହସପିଟାଲ୍ଗୁଡ଼ିକ ପାଇଁ କରୋନା ଟିକାର ଦାମ୍ ସ୍ଥିର କଲେ କେନ୍ଦ୍ର ସରକାର

ମଙ୍ଗଳବାର ଦିନ ସୋର ଓ ବାହାନଗା ବ୍ଲକ୍‌ ଗସ୍ତ କରି ବାତ୍ୟା ପରେ ଲୋକଙ୍କ ସମସ୍ୟା, କ୍ଷତିଗ୍ରସ୍ଥ ଚାଷ ଜମି, ରାସ୍ତା, ଡଙ୍ଗା, ସମୁଦ୍ର ବନ୍ଧ ଓ ଘର ପ୍ରଭୃତିର ସ୍ଥିତି ଅନୁଧ୍ୟାନ କରିଥିଲେ ସେମାନେ । ଜିଲ୍ଲାରେ ଲୁଣି ପାଣି ମାଡ଼ିଯିବାରୁ ବ୍ୟାପକ ପରିମାଣରେ ଚାଷ ନଷ୍ଟ ହୋଇଛି । ବାଲେଶ୍ୱର ଜିଲ୍ଲାର ୮୦ କିଲୋମିଟର ଲମ୍ବା ସମୁଦ୍ର କୂଳବର୍ତ୍ତୀ ଅଞ୍ଚଳରେ ପ୍ରାୟ ୨.୬ କିଲୋମିଟର୍‌ ଅଞ୍ଚଳରେ ସମୁଦ୍ର ପାଣି ପ୍ରବେଶ କରିବା ଦ୍ୱାରା ବ୍ୟାପକ ପରିମାଣରେ ଧାନ ଚାଷ ନଷ୍ଟ ହୋଇଯାଇଛି । ବ୍ୟାପକ ପରିମାଣରେ ଚିଙ୍ଗୁଡ଼ି ଘେରି ମଧ୍ୟ ନଷ୍ଟ ହୋଇଯାଇଛି । ଅନେକ ସ୍ଥାନରେ ଏବେ ବି ଲୁଣା ପାଣି ଜମି ରହିଥିବାରୁ ଏବେ ଚାଷ କରିବା ସମ୍ଭବ ନୁହେଁ ।

ଏହା ବି ପଢ଼ନ୍ତୁ | SBI ଆଲର୍ଟ! ଏବେ ATMରୁ ଟଙ୍କା ଉଠାଇବା ମହଙ୍ଗା ହେବ, ଚେକ୍ ବୁକ୍ ନିୟମ ବି ବଦଳିବ

ଗ୍ରାମବାସୀମାନଙ୍କ ସହ ଆଲୋଚନା କରୁଛନ୍ତି କେନ୍ଦ୍ରୀୟ ଟିମ୍ ।


କେବଳ ଚଳିତ ବର୍ଷ ନୁହେଁ, ତା’ ପରେ କିଛି ବର୍ଷ ପାଇଁ ଏହି ଜମି ସବୁ ଚାଷ ପାଇଁ ଉପଯୋଗୀ ହୋଇପାରିବନି ବୋଲି କହିଛନ୍ତି ସ୍ଥାନୀୟ ଲୋକେ । ତେଣୁ ଏ ସବୁ ଅଞ୍ଚଳରେ ବିକଳ୍ପ କ’ଣ ବ୍ୟବସ୍ଥା କରିହେବ ସେ ନେଇ ମଧ୍ୟ ଆଲୋଚନା କରିଥିଲେ କେନ୍ଦ୍ରୀୟ ଟିମର ସଦସ୍ୟମାନେ ।

ଏହା ବି ପଢ଼ନ୍ତୁ | ଫୁଟବଲରେ ଆଗକୁ ବଢ଼ିଲା ଭାରତ, ହରାଇଲା ବାଂଲାଦେଶକୁ; ସୁନୀଲ୍ ଛେତ୍ରୀ ୨ଟି ଗୋଲ୍ କଲେ

କେନ୍ଦ୍ରୀୟ ଟିମ୍‌ ସହିତ ଜିଲ୍ଲପାଳ, ଉପ-ଜିଲ୍ଲାପାଳ ଓ ଜିଲ୍ଲାର ମତ୍ସ୍ୟ, ଗ୍ରାମ୍ୟ ଉନ୍ନୟନ, ଗୃହ ନିର୍ମାଣ, କୃଷି, ଉଦ୍ୟାନ କୃଷି ଆଦି ବିଭାଗର ଅଧିକାରୀମାନେ ମଧ୍ୟ ସାମିଲ ହୋଇଥିଲେ । ବିଭିନ୍ନ ଅଞ୍ଚଳ ବୁଲିବା ପରେ କେନ୍ଦ୍ରୀୟ ଟିମ୍‌ ଜିଲ୍ଲାର ବିଭିନ୍ନ ବିଭାଗର ଅଧିକାରୀମାନଙ୍କ ସହିତ ଏକ ସମୀକ୍ଷା ବୈଠକ କରିଥିଲେ । ସମୁଦ୍ର କୂଳରେ ଉଚ୍ଚା ବନ୍ଧ ନିର୍ମାଣ, ସମୁଦ୍ର କୂଳରେ ଜୁଆର ପ୍ରତିରୋଧ ପାଇଁ ଜଙ୍ଗଲ ସୃଷ୍ଟି କରିବା, ନଦୀ ମୁହାଣ ଗଭୀର କରିବା, ଅଧିକ ବାତ୍ୟା ଆଶ୍ରୟ ସ୍ଥଳୀ ନିର୍ମାଣକରିବା, ଚାଷ ଜମିରୁ ବନ୍ୟା ଜଳ ନିଷ୍କାସନ ପାଇଁ କେନାଲ ଓ ନାଳ ଖନନ କରିବା, ବିଜୁଳୀ ଖୁଣ୍ଟ ବଦଳରେ ପାଇଲନ୍‌ ଟାୱାର ନିର୍ମାଣ କରିବା ଓ ତାର ବଦଳରେ କେବୁଲ ଭଳି ସ୍ଥାୟୀ ଭିତ୍ତିଭୂମି ନିର୍ମାଣ କରିବା ସମ୍ପର୍କରେ ତଥ୍ୟ ସଂଗ୍ରହ କରିଥିଲା ଏହି ଟିମ୍‌ ।



‘‘କେନ୍ଦ୍ରୀୟ ଟିମ୍‌ ବାଲେଶ୍ୱର ଜିଲ୍ଲାର ସଦର ବ୍ଲକର ସାର୍ଥା, ଚାନ୍ଦିପୁର, ବଳରାମଗଡ଼ି ଓ ସୋର ବ୍ଲକର କିଛି ଅଞ୍ଚଳ ଓ ବାହନଗା ଅଞ୍ଚଳର କିଛି ଅଞ୍ଚଳ ବୁଲି ବୁଲିଦେଖିବା ପରେ ଜିଲ୍ଲା ପ୍ରଶାସନ ସହିତ ଆଲୋଚନା କରିଛନ୍ତି । ଆମେ ଆମର କ୍ଷୟକ୍ଷତି ସମ୍ପର୍କରେ ଜଣାଇଛୁ । ପୁନରୁଦ୍ଧାର ନେଇ ପ୍ଲାନ୍‌ ଉପରେ ମଧ୍ୟ ଆଲୋଚନା କରିଛୁ,’’ କହିଛନ୍ତି ବାଲେଶ୍ୱର ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ । ବାଲେଶ୍ୱର ପରେ ଏହି ଟିମ୍‌ ମୟୂରଭଞ୍ଜ ଅଭିମୁଖେ ଗସ୍ତ କରିଛି ।
Published by: Anand ST Das
First published: June 8, 2021, 11:31 PM IST