୨୪ କ୍ୟାରେଟ୍ ସୁନା କିଣିବାକୁ ଚାହୁଁଛନ୍ତି? ଗୋଲ୍ଡ ବଣ୍ଡରେ ନିବେଶ କରନ୍ତୁ; ଏହାର ଚାହିଦା ବଢ଼ୁଛି

ନୂଆ ଦିଲ୍ଲୀ: ସୁନାରେ (Gold) ବିନିଯୋଗକୁ ସର୍ବଦା ନିବେଶର ଏକ ନିରାପଦ ପଦ୍ଧତି ଭାବେ ବିବେଚନା କରାଯାଏ ।ଗତ ବର୍ଷ ସୁନାରୁ ମିଳିଥିବା ରିଟର୍ଣ୍ଣ ଯୋଗୁଁ ଏହାର ଚମକ ଆହୁରି ବୃଦ୍ଧି ପାଇଛି ।କିନ୍ତୁ ଅଶୁଦ୍ଧତା ଓ ଅଳଙ୍କାର ତିଆରି ଚାର୍ଜ କାରଣରୁ ଏବେ ସୁନାର କାଗଜ ରୂପ ଅର୍ଥାତ୍‌ ସୋଭରୀନ୍‌ ଗୋଲ୍ଡ ବଣ୍ଡ (Sovereign Gold Bond, SGB) ଓ ବିନିମୟ ବାଣିଜ୍ୟ ପାଣ୍ଠିର (ଇଟିଏଫ୍‌, ETF) ଲୋକପ୍ରିୟତା ବୃଦ୍ଧି ପାଇଛି ।

୨୦୨୧ ଆର୍ଥିକ ବର୍ଷରେ ରିଜର୍ଭ୍‌ ବ୍ୟାଙ୍କ୍‌ ଅଫ୍‌ ଇଣ୍ଡିଆ (RBI) ୩୨.୪ ଟନ୍ SGB ବିକ୍ରୟ ମାଧ୍ୟମରେ ୧୬,୦୪୯ କୋଟି ଟଙ୍କା ପୁଞ୍ଜି ସଂଗ୍ରହ କରିଛି ।SGB​​ର ପରବର୍ତ୍ତୀ ଇସୁ ଆସନ୍ତା ଆର୍ଥିକ ବର୍ଷରେ ଅଣାଯିବାର ସମ୍ଭାବନା ଅଛି ।ଯଦି ଆମେ ETF ମାଧ୍ୟମରେ ସୁନା ବିକ୍ରୟ ଆକଳନକୁ ବିଚାର କରୁ, ତେବେ ଏହା ସୂଚାଇଥାଏ ଯେ ଗତ ଆର୍ଥିକ ବର୍ଷରେ କାଗଜ ସୁନାରେ ମୋଟ ବିନିଯୋଗ ୪୬ ଟନରୁ ଅଧିକ ହୋଇଛି ।

ଗତ ଆର୍ଥିକ ବର୍ଷର ଏପ୍ରିଲରୁ ଡିସେମ୍ବର ମଧ୍ୟରେ ମିଳିଥିବା ତଥ୍ୟ ଅନୁଯାୟୀ ଦେଶରେ ପାରମ୍ପରିକ ସୁନାର ଚାହିଦା ପ୍ରାୟ ୧୩୫ ଟନ୍ ରହିଛି । ଏହାର ଏକ ଚତୁର୍ଥାଂଶ SGB ସହ ଜଡିତ ଅଛି ।କାଗଜ ସୁନାର ଏକ ପୁରୁଣା ରୂପ ସୁନା ETF ଗୁଡିକ ମଧ୍ୟ ୨୦୨୧ ଆର୍ଥିକ ବର୍ଷରେ ଫେବୃଆରୀ ପର୍ଯ୍ୟନ୍ତ ୬,୦୬୨ କୋଟି ଟଙ୍କାର ଶୁଦ୍ଧ ଆମଦାନୀ ରେକର୍ଡ ହୋଇଛି । ‘ବିଜନେସ୍ ଷ୍ଟାଣ୍ଡାର୍ଡ’ରେ ପ୍ରକାଶିତ ଖବର ଅନୁଯାୟୀ ୨୦୨୧ ଆର୍ଥିକ ବର୍ଷ ସୁନା ETFଗୁଡ଼ିକରେ ପୁଞ୍ଜି ବିନିଯୋଗରେ ଅଭିବୃଦ୍ଧିର କ୍ରମାଗତ ଦ୍ୱିତୀୟ ବର୍ଷ ।

ଏହା ବି ପଢ଼ନ୍ତୁ | ରାଜ୍ୟରେ ପୁଣି କରୋନା ବଢ଼ାଇଲା ଚିନ୍ତା; ସରପଞ୍ଚ ଓ ୱାର୍ଡ଼ ମେମ୍ବର୍‌ମାନଙ୍କୁ ମିଳିଲା ଗୁରୁ ଦାୟିତ୍ୱ

ମେଟାଲ୍ ଫୋକଲେ ପ୍ରିନସିପାଲ୍‌ କନ୍ସଲଟାଣ୍ଟ (ଭାରତ ଓ ଦକ୍ଷିଣ ଏସିଆ) ଚିରାଗ ସେଠ୍‌ କହିଛନ୍ତି ଯେ SGB ବର୍ତ୍ତମାନ ମୁଖ୍ୟ ସୁନା ବିନିଯୋଗର ଏକ ଅଂଶ ପାଲଟିଛି । ‘‘କରୋନା ମହାମାରୀ ନିଶ୍ଚିତ ଭାବରେ ସୁନାକୁ ଆଲୋଚନାର ବିଷୟ ବସ୍ତୁ ବନେଇଛି । ଲକଡାଉନ୍‌ ଯୋଗୁଁ ଅନେକ ଲୋକ ଅନଲାଇନରେ ସୁନାରେ ବିନିଯୋଗ କରିବାକୁ ବାଧ୍ୟ ହୋଇଛନ୍ତି । ତେଣୁ SGB ପାଇଁ ଚାହିଦା ଆହୁରି ବଢ଼ିବ । ବିଶ୍ୱ ସୁନା ପରିଷଦ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ETF ବିନିଯୋଗ ପାରମ୍ପରିକ ସୁନା ଚାହିଦାର ଏକ ଅଂଶ ।ଅବଶ୍ୟ ନିବେଶକମାନେ ETFରେ ବିନିଯୋଗ କରିବା ସମୟରେ ସିକ୍ୟୁରିଟି କ୍ରୟ କରନ୍ତି, ଆଉ ସେଇଥି ପାଇଁ ETF ମଧ୍ୟ କାଗଜ ସୁନାର ଏକ ରୂପ,’’ କହିଛନ୍ତି ସେଠ୍‌ ।

ଏହା ବି ପଢ଼ନ୍ତୁ | କରୋନାର ପ୍ରକୋପ ବଢ଼ିଲା; ଓଡ଼ିଶାକୁ ଫେରିଲା ରାତ୍ରିକାଳୀନ କର୍ଫ୍ୟୁ; ମାଲକାନଗିରିରେ ଲାଗୁ ହେଲା

ଅଗଷ୍ଟ ମାସରେ ସୁନା ବଣ୍ଡରେ ସର୍ବାଧିକ ୬.୩୫ ଟନ୍ କ୍ରୟ ରେକର୍ଡ କରାଯାଇଥିଲା ।୨୦୨୧ ଆର୍ଥିକ ବର୍ଷରେ SGBର କ୍ରୟ ୩୨.୪ ଟନ୍ ଥିଲା ।ଏହି ଯୋଜନାଗୁଡିକର ଅଫର୍‌ ନଭେମ୍ବର ୨୦୧୫ରେ ଆରମ୍ଭ ହେବା ପର ଠାରୁ ଏହା କେବଳ ଗତ ପାଞ୍ଚ ବର୍ଷ ମଧ୍ୟରେ ସର୍ବୋଚ୍ଚ ନୁହେଁ, ବରଂ ଗତ ପାଞ୍ଚ ବର୍ଷ ମଧ୍ୟରେ ରେକର୍ଡ ହୋଇଥିବା ମିଳିତ ବିକ୍ରୟଠାରୁ ମଧ୍ୟ ଅଧିକ ଥିଲା । ଆର୍ଥିକ ବର୍ଷ ୨୦୧୬ ଓ ଆର୍ଥିକ ବର୍ଷ ୨୦୨୦ ମଧ୍ୟରେ ୩୦.୯ ଟନ୍‌ ସୁନା ବଣ୍ଡ ବିକ୍ରି ହୋଇଥିଲା ।

ଏହା ବି ପଢ଼ନ୍ତୁ ଓ ଦେଖନ୍ତୁ PHOTOS | କେନ୍ଦୁଝର: କାର୍ ଚଳାଉଥିବା ବେଳେ ଆଖି ଲାଗିଗଲା; ଗଛରେ ପିଟିଲା କାର୍; ବାପା ମୃତ, ପୁଅ ଆହତ

ଅନେକ ମାର୍କେଟ୍‌ ବିଶ୍ଳେଷକ ବିଶ୍ୱାସ କରନ୍ତି ଯେ ମାର୍ଚ୍ଚରେ SGB ପାଇଁ ଲୋକଙ୍କ ମଧ୍ୟରେ ଭଲ ଆଗ୍ରହ ଦେଖାଯିବାର ଅନ୍ୟତମ କାରଣ ଥିଲା ସୁନା ମୂଲ୍ୟରେ ଦୁର୍ବଳତା । ଷ୍ଟକ୍ ମାର୍କେଟରେ ହେଉଥିବା ଲଗାତର ପରିବର୍ତ୍ତନ କାରଣରୁ ବି ସୁନାର ଚାହିଦା ବଢ଼ିଛି ।ସ୍ୱଳ୍ପ ଦାମ୍‌ ହିଁ ମୁଖ୍ୟତଃ ନିବେଶକମାନଙ୍କୁ ସୁନା ବଣ୍ଡ ପ୍ରତି ଆକର୍ଷିତ କରିଛି ।



ସୁନା ଅଳଙ୍କାର, ସୁନା ବିସ୍କୁଟ ଓ ସ୍ୱର୍ଣ୍ଣ ମୁଦ୍ରା ପାଇଁ ମିଳିତ ଘରୋଇ ଚାହିଦା ୨୦୨୦ରେ ତା’ ପୂର୍ବ ବର୍ଷର ୭୬୮ ଟନରୁ ଖସି ୬୩୩ ଟନ୍‌ ହୋଇଯାଇଥିଲା । ଆର୍ଥିକ ବର୍ଷ ୨୦୨୧ର ପ୍ରଥମ ନଅ ମାସରେ ଏହି ପରିମାଣ ୩୪୪ ଟନ୍‌ ରହିଛି ।