ପଦ୍ମପୁରରୁ କେନ୍ଦ୍ର ସରକାରକୁ ଟାର୍ଗେଟ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ବିଜେପି ନେତା ପଚାରୁଛନ୍ତି ବିଜେପୁର ପାଇଁ ମୁଁ କଣ କରିଛି । ବିଜେପୁର ପାଇ ବହୁତ କିଛି କରାଯାଇଛି। ପଦ୍ମପୁର ପ୍ରତ୍ୟେକ ପଞ୍ଚାୟତ ପାଇଁ ୧ କୋଟି ଦିଆଯିବ: ବିଜେଡି ସୁପ୍ରିମୋ

ବିଜେଡି ସୁପ୍ରିମୋ

ବିଜେଡି ସୁପ୍ରିମୋ

  • News18 Odia
  • Last Updated :
  • Other, India
  • Share this:
News18 Odia Digital

ଭୁବନେଶ୍ୱର: ପଦ୍ମପୁରରେ ନବୀନଙ୍କ ଆଟାକ। କେନ୍ଦ୍ର ସରକାରଙ୍କୁ ଟାର୍ଗେଟ କଲେ ନବୀନ। କଥା ନୁହେଁ, ମୁଁ କାମରେ ବିଶ୍ଵାସ କରେ l ଉଦାହରଣ ଦେଇ ନବୀନ କହିଛନ୍ତି ଯେ କେନ୍ଦୁପତ୍ରରେ ପ୍ରଥମ ପର୍ଯ୍ୟାୟରେ ୧୦୦୦ ଓ ଦ୍ୱିତୀୟ ପର୍ଯ୍ୟାୟରେ ୧୫୦୦ ଟଙ୍କା ବନୋସ ଦିଆଯିବ। କିନ୍ତୁ କେନ୍ଦ୍ର ସରକାର କେନ୍ଦୁପତ୍ରରେ ୧୮ ପ୍ରତିଶତ ଜିଏସଟି ଲାଗେଇଛନ୍ତି। ଯେଉଁଠି ସୁନାରେ ମାତ୍ର ୩ ପ୍ରତିଶତ ଜିଏସଟି ଲାଗୁଛି। ହେଲେ କେନ୍ଦୁପତ୍ରରେ କାହିଁକି ୧୮ ପ୍ରତିଶତ ବୋଲି ପ୍ରଶ୍ନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

କେନ୍ଦୁପତ୍ର ତୋଳାଳୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛନ୍ତି ବିଜେପି ନେତା। ମୁଁ ଆପଣଙ୍କ ପାଇଁ ପଲ୍ଲୀରୁ ଦିଲ୍ଲୀ ପର୍ଯ୍ୟନ୍ତ ଲଢ଼ିବି। ବିଜେପି ନେତାମାନେ ଏ ଅନ୍ୟାୟ ଉପରେ ମୁଁହ ଖୋଲିବେ ନାହିଁ। କେନ୍ଦ୍ର ସରକାର ଫସଲ ବୀମାରେ ୫୦ ପ୍ରତିଶତ ଅର୍ଥାତ ୬୩୦ କୋଟି ପ୍ରିମୀୟମ ଦେଇଛନ୍ତି ରାଜ୍ୟ ସରକାର। ହେଲେ ଏହା ୧୮ ମାସ ପଡିରହିଥିଲା । ବିଜେପି ପ୍ରାର୍ଥୀଙ୍କୁ ନୋମିନେସନ ବନ୍ଦ କରିବାର ୪୮ ଘଣ୍ଟା ପରେ ନିଦ ଭାଙ୍ଗିଲା। ଏବେ ବି ବହୁତ ଲୋକଙ୍କ ବୀମା ରାଶି ପଡି ରହିଛି। ଏଥିପାଇଁ ମୁଁ କେନ୍ଦ୍ର ସରକାରଙ୍କ ସହ ଲଢେ଼ଇ କରିବି। msp ଦୁଇ ଗୁଣ କରିବାକୁ କହିଥିଲେ । ହେଲେ କଲେ କି ବୋଲି ନବୀନ ପ୍ରଶ୍ନ କରିଛନ୍ତି l

ଏଫସିଆଇ ଧାନ କିଣା ଓ ସାରା ଦେବାରେ ଅବହେଳା କରିଚାଲିଛି । ଏମିତି କି ଋଣ ଦେବାରେ ମଧ୍ୟ ଅବହେଳା । ବିଜେପି ନେତା ମାନେ ରାଜନୈତିକ ଆକ୍ରୋଶ ରଖି ଲୋକଙ୍କୁ ଘର ପାଇବାରୁ ବଞ୍ଚିତ ରଖିଛନ୍ତି। ଏଯାଏଁ ୧୦ ଲକ୍ଷ ଲୋକ ଘର ପାଇଁ ନାହାନ୍ତି। ସେମାନେ ଘର ଦେବା ବନ୍ଦ କଲେ ଆମେ ନିଜ ଆଡୁ ଘର ଦେବୁ। ଏସଟି ଲିଷ୍ଟରୁ ବି ମଧ୍ୟ ଅନେକ ନାଁକୁ ବାଦ ଦିଆଯାଇଛି। ବିଜେପି ନେତା ପଚାରୁଛନ୍ତି ବିଜେପୁର ପାଇଁ ମୁଁ କଣ କରିଛି । ବିଜେପୁର ପାଇ ବହୁତ କିଛି କରାଯାଇଛି ବୋଲି କହିଛନ୍ତି ବିଜେଡ଼ି ସୁପ୍ରିମୋ ।

ପଦ୍ମପୁରବାସୀଙ୍କ ପାଇଁ ମଧ୍ୟ ସବୁ କିଛି କରାଯିବ। ପ୍ରତ୍ୟେକ ପଞ୍ଚାୟତ ପାଇଁ ୧ କୋଟି ଦିଆଯିବ। ବିଜେପି ଲୋକ ବିଜେଡି ପ୍ରାଥୀଙ୍କୁ ସୋସିଆଲ ମିଡ଼ିଆରେ ଅପମାନ କରୁଛନ୍ତି। ତାକୁ ମୁଁ ନିନ୍ଦା କରିଛି। ବିଜେପିର ଟ୍ରେନ ପଦ୍ମପୁରରେ କେଉଁ କେଉଁ ଗାଁ ଦେଇ ଯିବ ତାର ଉତ୍ତର ଦିଅନ୍ତୁ। ଦୁଇ ଜଣ କେନ୍ଦ୍ର ମନ୍ତ୍ରୀ କହିବେ କି କେଉଁ ଗାଁ ଦେଇ ଟ୍ରେନ ଯିବ ଓ କେଉଁଠି ଷ୍ଟେସନ ଓ ବ୍ରିଜ ହେବ। କେଉଁ ଗାଁରେ କେତେ ଜମି ଯିବ ସର୍ଭେ କରିଛନ୍ତି । ଡ଼ିପିଆର କରିଛନ୍ତି କି । ପଦ୍ମପୁର ବାସୀଙ୍କୁ କାହିଁକି ମିଛ କହୁଛି ବିଜେପି ବୋଲି ପ୍ରଶ୍ନ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ।
Published by:Soumya Das
First published: