ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଭୁବନେଶ୍ୱରରେ ସାମାନ୍ୟ ବଚସାରୁ ୨୬ ବର୍ଷୀୟ ଯୁବକକୁ ଛୁରୀ ଭୁସି ହତ୍ୟା କଲେ ଦୁର୍ବୃତ୍ତ

ଭୁବନେଶ୍ୱରରେ ସାମାନ୍ୟ ବଚସାରୁ ୨୬ ବର୍ଷୀୟ ଯୁବକକୁ ଛୁରୀ ଭୁସି ହତ୍ୟା କଲେ ଦୁର୍ବୃତ୍ତ

ଗାଡି଼ ଧକ୍କାକୁ ନେଇ ହୋଇଥିବା ସାମାନ୍ୟ ବଚସା ପରେ ସନାତନ ଘରେ ଥିବା ବେଳେ ତାକୁ ରାଜା ବାହରକୁ ଡାକି ହତ୍ୟା କରିଥିଲା । ପୋଲିସ ଅଟକ ରଖିଥିବା ଛଅ ଜଣ ସନ୍ଦିଗ୍ଧଙ୍କ ମଧ୍ୟରେ ଦୁଇ ଜଣ ମହିଳା ଅଛନ୍ତି ।

ଭୁବନେଶ୍ୱରରେ ସାମାନ୍ୟ ବଚସାରୁ ୨୬ ବର୍ଷୀୟ ଯୁବକକୁ ଛୁରୀ ଭୁସି ହତ୍ୟା କଲେ ଦୁର୍ବୃତ୍ତ
ମୃତ ଯୁବକ ସନାତନ ରାଉତରାୟ ଓ (ଡାହାଣ) ହତ୍ୟାରେ ବ୍ୟବହୃତ ଛୁରୀ
  • News18 Odia
  • Last Updated: August 30, 2021, 11:50 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟ ରାଜଧାନୀରେ ଜଣେ ଯୁବକକୁ ବୀଭତ୍ସଭାବେ ହତ୍ୟା କରିଛନ୍ତି କିଛି ଦୁର୍ବୃତ୍ତ । ସାମାନ୍ୟ ବଚସାରୁ ୨୬ ବର୍ଷୀୟ ସନାତନ ରାଉତରାୟଙ୍କୁ ଛୁରୀ ଭୁସି ହତ୍ୟା କରାଯାଇଥିବା ପୋଲିସର ପ୍ରାଥମିକ ତଦନ୍ତରୁ ଜଣା ପଡି଼ଛି । ଛଅ ଜଣ ସନ୍ଦିଗ୍ଧଙ୍କୁ ପୋଲିସ ଅଟକ ରଖି ପଚରାଉଚରା କରୁଛି । ସେମାନଙ୍କ ମଧ୍ୟରେ ଦୁଇ ଜଣ ମହିଳା ଅଛନ୍ତି ।

ମୃତ ଯୁବକଙ୍କ ଘର ଖଣ୍ଡଗିରି ଥାନା ରଘୁନାଥନଗର ଅଞ୍ଚଳରେ ଓ ସେ ଜଣେ ମୋବାଇଲ ଦୋକାନୀ ଥିଲେ । ରବିବାର ବିଳମ୍ବିତ ରାତିରେ ଏହି ହତ୍ୟାକାଣ୍ଡ ଘଟିଛି । ସ୍ଥାନୀୟ ଲୋକଙ୍କ ଠାରୁ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହକୁ ଜବତ କରି ଏମ୍ସକୁ ପଠାଇଥିଲା । ମୃତ ସନାତନଙ୍କ ପରିବାର ଲୋକଙ୍କ ଅଭିଯୋଗକୁ ଭିତ୍ତି କରି ତଦନ୍ତ ଚଳାଇଛି ଖଣ୍ଡଗିରି ଥାନା ପୋଲିସ ।

ଏହା ବି ପଢ଼ନ୍ତୁ ଦେଖନ୍ତୁ ଭିଡିଓ | Dehradun Bridge Collapse: ଦେହରାଡୁନରେ ବର୍ଷା ଯୋଗୁଁ ମଝିରୁ ଭାଙ୍ଗିଗଲା ପୋଲ; ଦେଖନ୍ତୁ VIDEO

“ଖବର ପାଇ ଆମେ ଘଟଣା ସ୍ଥଳରେ ପହଞ୍ଚିଥିଲୁ । ରାତି ପ୍ରାୟ ସାଢ଼େ ୧୨ଟା ସମୟରେ ଏହି ହତ୍ୟା ଘଟଣା ଘଟିଛି । ସାମାନ୍ୟ ପାଟିତୁଣ୍ଡରୁ ଏହି ହତ୍ୟାକାଣ୍ଡ ହୋଇଥିବା ସନ୍ଦେହ କରାଯାଉଛି । ଏବେ ସୁଦ୍ଧା ଆମେ ଛଅ ଜଣଙ୍କୁ ଅଟକ ରଖିଛୁ । ସେମାନଙ୍କ ମଧ୍ୟରେ ଦୁଇ ଜଣ ମହିଳା ଅଛନ୍ତି । ହେଲେ ମୁଖ୍ୟ ଅଭିଯୁକ୍ତ ଏବେ ଫେରାର୍ ଅଛି । ତାକୁ ଧରିବା ପାଇଁ ପକ୍ରିୟା ଚାଲିଛି । ହତ୍ୟାରେ ବ୍ୟବହୃତ ଛୁରୀକୁ ବି ଆମେ ଜବତ କରିଛୁ,” କହିଛନ୍ତି ଖଣ୍ଡଗିରି ଥାନା ଅଧିକାରୀ ପଦ୍ମନାଭ ପ୍ରଧାନ ।

ଏହା ବି ପଢ଼ନ୍ତୁ | ‘‘ଆମେ ଚିତ୍କାର କଲୁ, କେହି ଶୁଣିଲେନି…’’: ପାକିସ୍ତାନରେ କାରଖାନାରେ ନିଆଁ ଲାଗିଲା; ୧୫ ଜଣ ଶ୍ରମିକ ମଲେ

ମୃତ ସନାତନଙ୍କ ପରିବାର ଲୋକେ ଅଭିଯୋଗ କରିଛନ୍ତି ଯେ ରାଜା ନାମକ ଜଣେ ଯୁବକ ସନାତନକୁ ହତ୍ୟା କରିଛନ୍ତି । ରାଜାର ଘର ଜଙ୍କିଆ ଅଞ୍ଚଳରେ । ସେ ରଘୁନାଥନଗରରେ ନିଜ ସମ୍ପର୍କୀୟଙ୍କ ଘରେ ରହେ । ରାଜା ଓ ତାଙ୍କ ସମ୍ପର୍କୀୟମାନେ ମିଶି ସନାତନାକୁ ହତ୍ୟା କରିଥିବା ସେମାନେ ଅଭିଯୋଗ କରିଛନ୍ତି ।

ଏହା ବି ପଢ଼ନ୍ତୁ | ବଡ଼ ଖବର: ଟ୍ରେନ୍ରେ AC ଯାତ୍ରା ଶସ୍ତା ହେବାକୁ ଯାଉଛି; ରେଳବାଇ ଏହି ସବୁ ପରିବର୍ତ୍ତନ କରୁଛି

ଘଟଣା ରାତିର ଗଣ୍ଡଗୋଳ ବି ସିସିଟିଭିରେ କଏଦ ହୋଇଛି । ଏଥିରେ ମୃତ ସନାତନଙ୍କ ସହ କିଛି ଯୁବକ ପାଟିତୁଣ୍ଡ କରୁଥିବା ଦେଖାଯାଇଛି । ପରେ ଏକ କୋଣରେ ସନାତନକୁ ସେମାନେ ଆକ୍ରମଣ କରୁଛନ୍ତି । ଏହି ଆକ୍ରମଣର ଦୃଶ୍ୟ କୈଦ ହୋଇଥିବା ସିସିଟିଭି ଫୁଟେଜକୁ ଜବତ କରି ତଦନ୍ତ ଚଳାଇଛି ଖଣ୍ଡଗିରି ଥାନା ପୋଲିସ ।

ଏହା ବି ପଢ଼ନ୍ତୁ | ପତ୍ନୀଙ୍କ ଇଚ୍ଛା ବିରୋଧରେ ସ୍ୱାମୀ ତାଙ୍କ ସହ Sex କରିବା ବଳାତ୍କାର ନୁହେଁ: ଛତିଶଗଡ଼ ହାଇ କୋର୍ଟ

“ରବିବାର ଦିନ ସନାତନ ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ଗାଡି଼ ଧକ୍କାକୁ ନେଇ ରାଜା ସହ ତା’ର ସାମାନ୍ୟ ବଚସା ହୋଇଥିଲା । ପରେ ସନାତନ ଘରେ ଥିବା ବେଳେ ତାକୁ ରାଜା ବାହରକୁ ଡାକିଥିଲା । ରାଜା ସହିତ ତା’ର କିଛି ସମ୍ପର୍କୀୟ ଥିଲେ । କିଛି ସମୟରେ କଥା କଟାକଟି ପରେ ସନାତନ ଛାତିକୁ ରାଜା ଆକ୍ରମଣ କରିଥିଲା । ଆମେ ଜାଣି ନ ଥିଲୁ ରାଜା ହାତରେ ଛୁରୀ ଧରିଛି ବୋଲି । ସେ ବାରମ୍ବାର ଆକ୍ରମଣ କରିବା ପରେ ସନାତନ ଚିତ୍କାର କରିବାରୁ ଆମେ ଧାଇଁଆସିଲୁ । ସେମାନେ ପଳାଇଗଲେ କହିଛନ୍ତି ମୃତ ସନାତନଙ୍କ ଭାଇ ।

ଏହା ବି ପଢ଼ନ୍ତୁ | ଦେଶର ପ୍ରଥମ ମହିଳା ପ୍ରଧାନ ବିଚାରପତି ହୋଇ ଇତିହାସ ସୃଷ୍ଟି କରିବାକୁ ଯାଉଛନ୍ତି ଏହି ଜଜ୍

ସନାତନଙ୍କ ଭାଇ ସଙ୍ଗେ ସଙ୍ଗେ ତାକୁ ଏମ୍ସକୁ ନେଇଥିଲେ, ହେଲେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ ବୋଲି ସେ କହିଛନ୍ତି ।



ଅପରାଧକୁ ରୋକିବା ପାଇଁ କମିଶନରେଟ ପୋଲିସ ଆରମ୍ଭ କରିଥିଲା ବସ୍ତିକୁ ଚାଲ ଅଭିଯାନ । ନିଶା କାରବାର ଓ ଅପରାଧୀଙ୍କ ସୁରାଗ ପାଇବା ପାଇଁ ବସ୍ତିଗୁଡି଼କ ଉପରେ ଅଧିକ ଫୋକସ୍‌ ଦିଆଯାଉଛି ବୋଲି କହୁଛି ପୋଲିସ । ହେଲେ ବାରମ୍ବାର ବସ୍ତିରେ ହିଁ ଗଣ୍ଡଗୋଳ ହେବା ପରେ ପରିସ୍ଥିତି ଭୟଙ୍କର ହେଉଛି । ଅନେକ ଅଞ୍ଚଳରେ ପୋଲିସର ପାଟ୍ରୋଲିଂ ନ ଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ ।
Published by: Anand S.T. Das
First published: August 30, 2021, 11:50 PM IST