‘ମୋ’ ସ୍ୱାମୀ ମୋତେ ଦେହ ବ୍ୟବସାୟ କରିବାକୁ ବାଧ୍ୟ କରୁଥିଲେ,’ କହିଲେ ଭୁବନେଶ୍ୱରର ମହିଳା

News18 Odia Digital

ଭୁବନେଶ୍ୱର: ଜଣେ ମହିଳା ନିଜ ସ୍ୱାମୀଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି । ତାଙ୍କ ସ୍ୱାମୀ ତାଙ୍କୁ ଦୀର୍ଘ ସାତ ବର୍ଷ ହେବ ଜୋର୍‌ ଜବରଦସ୍ତ ଦେହ ବ୍ୟବସାୟରେ ଲଗାଉଥିବା ସେ ଅଭିଯୋଗ କରିଛନ୍ତି । ଦେହ ବ୍ୟବସାୟ କରିବାକୁ ରାଜି ନ ହେବାରୁ ତାଙ୍କ ଉପରେ ଲୁହା ରଡରେ ମରଣାନ୍ତକ ଆକ୍ରମଣ କରିବା ସହ ମାରିଦେବାକୁ ସୈତାନ ସ୍ୱାମୀ ଉଦ୍ୟମ କରିଥିବା ଅଭିଯୋଗ କରିଛନ୍ତି ସ୍ତ୍ରୀ ।

ଚନ୍ଦ୍ରଶେଖରପୁର ଥାନାରେ ଏହି ମାମଲା ବିଷୟରେ ଅଭିଯୋଗ ମିଳିବା ପରେ ମହିଳା ରହୁଥିବା ଘରେ ପୋଲିସ ପହଞ୍ଚି ତାଙ୍କୁ ଓ ତାଙ୍କର ପାଞ୍ଚ ବର୍ଷର କନ୍ୟାକୁ ଉଦ୍ଧାର କରିବା ସହ ସ୍ୱାମୀ ଚନ୍ଦନ ଆଚାର୍ଯ୍ୟଙ୍କୁ ଗିରଫ କରିଛି । ମହିଳାଙ୍କ ଦେହର ବିଭିନ୍ନ ଅଙ୍ଗରେ ଆଘାତର ଚିହ୍ନ ସ୍ପଷ୍ଟ ଦିଶୁଥିଲା ।

ଏହା ବି ପଢ଼ନ୍ତୁ ଓ ଦେଖନ୍ତୁ PHOTOS | ଅଭିନୟ ବ୍ୟତୀତ ଏହି ସାତ ଜଣ ଭାରତୀୟ ଅଭିନେତ୍ରୀଙ୍କର ପେଶା ହେଉଛି ଦେହ ବ୍ୟବସାୟ

ଫୁଲବାଣୀ ତୁମୁଡ଼ିବନ୍ଧ ଅଞ୍ଚଳର ମୂଳ ବାସିନ୍ଦା ଏହି ମହିଳାଙ୍କ କହିବା ଅନୁସାରେ ସେ ପ୍ରାୟ ଦଶ ବର୍ଷ ପୂର୍ବେ ଚନ୍ଦ୍ରଶେଖରପୁର ଅଞ୍ଚଳକୁ କାମ କରିବା ପାଇଁ ଆସିଥିଲେ । ସେହି ସମୟରେ ଏହି ଥାନା ଅନ୍ତର୍ଗତ ପଦ୍ମାବତୀ ବିହାର ଅଞ୍ଚଳରେ ଅଟୋ ଚଳାଉଥିବା ପଟ୍ଟାମୁଣ୍ଡାଇ ଡାମରପୁର ଅଞ୍ଚଳର ଚନ୍ଦନ ଆଚାର୍ଯ୍ୟଙ୍କ ସହ ତାଙ୍କର ଦେଖା ହୋଇଥିଲା ଓ ଦୁହେଁ ପ୍ରେମ ବିବାହ କରିଥିଲେ ।



‘‘ପ୍ରଥମେ ପ୍ରାୟ ଦୁଇ ବର୍ଷ ଆମ ସଂସାର ଠିକ୍‌ ଚାଲିଥିଲା । ପରେ ସେ (ଚନ୍ଦନ) ଜବରଦସ୍ତି ମୋତେ ଦେହ ବ୍ୟବସାୟରେ ଲଗାଇଥିଲା । ଏପରିକି ମୋତେ ଗୋଟିଏ ଘରେ ରଖି ସେକ୍ସ ରାକେଟ୍ ଚଳାଇଥିଲା । ମୁଁ ତା’ କଥା ନ ମାନି ପର ପୁରୁଷ ସହ ନ ଶୋଇଲେ ସେ ମୋତେ ଖୁବ୍‌ ପିଟୁଥିଲା । ଏପରିକି ମୋ’ ଯୌନାଙ୍ଗରେ ବୋତଲରେ ଆଘାତ କରିଥିଲା । ସେ ମୋତେ ଯେତିକି କଷ୍ଟ ଦେଇଛି ସେ ବି ସେତିକି କଷ୍ଟ ପାଇବା ଦରକାର,’’ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିବା ପରେ କହିଛନ୍ତି ପାଖାପାଖି ୩୦ ବର୍ଷ ବୟସ୍କ ଏହି ପୀଡ଼ିତା ମହିଳା । ସେ କହିଛନ୍ତି ଯେ ଚନ୍ଦନ ଅନେକ ଯୁବତୀଙ୍କୁ ଆଣି ଦେହ ବ୍ୟବସାୟରେ ଲଗାନ୍ତି ।

ଏହା ବି ପଢ଼ନ୍ତୁ | CBSE ବୋର୍ଡ଼ ପରୀକ୍ଷା ଦେବାକୁ ଯାଉଥିବା ଛାତ୍ରଛାତ୍ରୀଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଓ ଭଲ ଖବର ଆସିଛି

ଘଟଣା ବିଷୟରେ ପୋଲିସ କୌଣସି ସୂତ୍ରରୁ ଖବର ପାଇ ମହିଳା ରହୁଥିବା ଘରେ ଚଢ଼ଉ କରି ମା’ ଓ ଝିଅଙ୍କୁ ଉଦ୍ଧାର କରିବା ସହ ଚନ୍ଦନକୁ କାବୁ କରି ଥାନାକୁ ଆଣିଥିଲା । ଘଟଣା ବିଷୟରେ ମହିଳାଙ୍କ ମା’ ଜାଣିବା ପରେ ଝିଅକୁ ନେବାକୁ ଆସିବାରୁ ତାଙ୍କୁ ମଧ୍ୟ ଚନ୍ଦନ ଧମକାଧମକି କରିଥିଲା ବୋଲି ସେ କହିଛନ୍ତି ।

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ଛେଳି ସହିତ ସେଲ୍ଫି ନେଉଥିଲେ ଯୁବତୀ; ଛେଳି ତାଙ୍କୁ ଆକ୍ରମଣ କଲା; VIDEO ଭାଇରାଲ୍ ହେଲା

‘‘ଏହି ଘଟଣାକୁ ଆମେ ଗୁରୁତ୍ୱର ସହ ନେଇଛୁ । ମହିଳାଙ୍କ ଅଭିଯୋଗ ଆଧାରରେ ଏକ ମାମଲା ରୁଜୁ ହୋଇଛି ଓ ଅଭିଯୁକ୍ତ ସ୍ୱାମୀକୁ ଗିରଫ କରାଯାଇଛି । ଘଟଣାର ବିଭିନ୍ନ ଦିଗ ଉପରେ ଅଧିକ ତଦନ୍ତ ଚାଲିଛି,’’ କହିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ ।



ଚନ୍ଦନଙ୍କ ବାପା କିନ୍ତୁ ନିଜ ପୁଅକୁ ନିର୍ଦୋଷ ବୋଲି ଦର୍ଶାଇ ବୋହୂ ବିରୋଧରେ ବିଭିନ୍ନ ସଙ୍ଗୀନ ଅଭିଯୋଗ ଆଣିଛନ୍ତି । ‘‘ଆଗରୁ ତା’ର (ବୋହୂର) ଅନେକ କଥା ମୁଁ ନିଜେ ଦେଖିଚି । ମୁଁ ପ୍ରତିବାଦ କରିବାରୁ ସେ ମୋତେ ଖାଇବାକୁ ଦିଏନି । ଅନେକ ଲୋକଙ୍କ ପାଖରେ ତା’ ଭିଡିଓ ବି ଅଛି,’’ ସେ କହିଛନ୍ତି ।