ସ୍କୁଲ୍ ଛାତ୍ରୀ ଆତ୍ମହତ୍ୟା: ବିଷ ପିଇବା ପରେ ଚ଼ାରି ମହଲା ଛାତରୁ ଡେଇଁ ପଡିଥିଲେ କୃତ୍ତିକା

ପାଠ ପଢ଼ାର ଚ଼ାପ ଥିଲା ନା ପ୍ରେମ ସମ୍ପର୍କ? ଆତ୍ମହତ୍ୟା ପୂର୍ବରୁ କାହିଁକି ନିଜ କପାଳରେ ‘ପରଫେକ୍ଟ’ ଲେଖିଥିଲେ କୃତ୍ତିକା? ତଦନ୍ତ ବେଳେ ଆତ୍ମହତ୍ୟା ପୂର୍ବରୁ ସେ ଇନଷ୍ଟାଗ୍ରାମରେ ନିଜ ସାଙ୍ଗ ସହ କରିଥିବା ବାର୍ତ୍ତାଳପ ଓ ତାଙ୍କ ପୋଷ୍ଚର ବି ରହସ୍ୟ ଉନ୍ମୋଚନ ହେବ ।

କୃତ୍ତିକା ମିଶ୍ର

କୃତ୍ତିକା ମିଶ୍ର

  • Share this:
News18 Odia Digital

ଭୁବନେଶ୍ୱର: ବିଷ ପିଇବା ପରେ ଚ଼ାରି ମହଲା ଛାତ ଉପରୁ ଡେଇଁ ପଡିଥିଲେ ବି.ଜେ.ଇ.ଏମ୍‌. ସ୍କୁଲର ଅଷ୍ଟମ ଶ୍ରେଣୀ ଛାତ୍ରୀ କୃତ୍ତିକା ମିଶ୍ର । ଛାତରୁ ଡେଇଁବା ଯୋଗୁଁ ତାଙ୍କ ମୁଣ୍ଡ ଫାଟି ଅତ୍ୟଧିକ ରକ୍ତସ୍ରାବ ହୋଇଥିଲା । ଶରୀରର ବିଭିନ୍ନ ହାଡ଼ ଭାଙ୍ଗି ଯାଇଥିଲା । ଅତ୍ୟଧିକ ରକ୍ତସ୍ରାବ ହେବା ଏବଂ ବିଷ ପିଇବାରୁ ତାଙ୍କର ମୃତ୍ୟୁ ହୋଇଥିଲା ବୋଲି ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ।

ତେବେ ମୃତ୍ୟୁ ପୂର୍ବରୁ କୃତ୍ତିକା କି ପ୍ରକାର ବିଷ ପିଇଥିଲେ ତାହା ପୋଷ୍ଟ ମର୍ଟମ୍‌ ରିପୋର୍ଟରୁ ଜଣା ପଡୁନି । ତେଣୁ ଦିନେ ଦୁଇ ଦିନ ଭିତରେ ଭିସେରା ରସୁଲଗଡ଼ରେ ଥିବା ରାଜ୍ୟ ଫରେନସିକ ଲାବରେଟୋରୀକୁ ପଠାଯିବ । ଗୁରୁବାର ସନ୍ଧ୍ୟାରେ କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷଙ୍କ ଠାରୁ ପୋଷ୍ଟ ମର୍ଟମ୍‌ ରିପୋର୍ଟ ସଂଗ୍ରହ କରିଛି ବଡ଼ଗଡ଼ ଥାନା ପୋଲିସ ।

ପୋଷ୍ଟ ମର୍ଟମ ରିପୋର୍ଟ ଆସିବା ପରେ ଏବେ ତଦନ୍ତ ପ୍ରକ୍ରିୟା ଆଗକୁ ବଢିବ । କାହିଁକି ଆତ୍ମହତ୍ୟା କଲେ କୃତ୍ତିକା? ପାଠ ପଢ଼ାର ଚ଼ାପ ଥିଲା ନା ପ୍ରେମ ସମ୍ପର୍କ? ଆତ୍ମହତ୍ୟା ପୂର୍ବରୁ କାହିଁକି ନିଜ କପାଳରେ ପରଫେକ୍ଟ ଲେଖିଥିଲେ କୃତ୍ତିକା? ଏମିତି ଅନେକ ପ୍ରଶ୍ନର ଉତ୍ତର ମିଳିବ ତଦନ୍ତରୁ । ଆଶା କରାଯାଉଛି ତଦନ୍ତ ବେଳେ ଆତ୍ମହତ୍ୟା ପୂର୍ବରୁ କୃତ୍ତିକା ଇନଷ୍ଟାଗ୍ରାମରେ ନିଜ ସାଙ୍ଗ ସହ କରିଥିବା ବାର୍ତ୍ତାଳପ ଓ ତାଙ୍କ ପୋଷ୍ଚର ବି ରହସ୍ୟ ଉନ୍ମୋଚନ ହେବ ।

‘‘ଏତେ କମ୍‌ ବୟସର ପିଲାର ଏମିତି ମୃତ୍ୟୁ ବଡ଼ ଅସ୍ୱାଭାବିକ । ଦିନେ ଦୁଇ ଦିନ ଭିତରେ ତାଙ୍କ ବାପା ଓ ମା’ଙ୍କ ବୟାନ ନିଆଯିବ । ତାଙ୍କ ଅତି ଘନିଷ୍ଠ ସାଙ୍ଗସାଥୀଙ୍କୁ ବି ପଚ଼ରାଉଚ଼ରା କରାଯିବ,’’ ନାମ ଗୋପନ ରଖି କହିଛନ୍ତି କମିଶନରେଟ୍ ପୋଲିସର ଜଣେ ବରିଷ୍ଠ ଅଧିକାରୀ ।

ମୃତ୍ୟୁ ପୂର୍ବରୁ କୃତ୍ତିକା ନିଜ କପାଳରେ ଲେଖିଥିଲେ ପରଫେକ୍ଟ । ଯାହାକୁ ନେଇ ଏବେ ବି  ତାଙ୍କ ପରିବାର ଲୋକ, ସ୍କୁଲ କର୍ତ୍ତୃପକ୍ଷ ଏବଂ ଗଣମାଧ୍ୟମ ପ୍ରତିନିଧିମାନେ କାରଣ ଖୋଜୁଛନ୍ତି, ହେଲେ କାହାକୁ ସନ୍ତୋଷଜନକ ଉତ୍ତର ମିଳୁନି ।

ସେପଟେ ଅଲିଅଳି ଝିଅର ମୃତ୍ୟୁକୁ ସହଜରେ ଗ୍ରହଣ କରି ପାରୁ ନ ଥିବା ବାପା ଓ ମା’ଙ୍କ ପାଟିରୁ କଥା ବାହାରୁନି । ସବୁବେଳେ ଗୁମୁରେଇ ଗୁମୁରେଇ କାନ୍ଧୁଛନ୍ତି ଦୁହେଁ ।

ଫେବୃୟାରୀ ୧୬ ତାରିଖରେ ମେଧାବୀ ଛାତ୍ରୀ କୃତ୍ତିକାଙ୍କ ମୃତ ଦେହ ସନ୍ଦେହଜନକ ସ୍ଥିତିରେ ମିଳିଥିଲା ସେ ରହୁଥିବା ଗୀତାଞ୍ଜଳି ଆପାର୍ଟମେଣ୍ଟ ପରିସରରୁ । ତାଙ୍କ ଇନଷ୍ଟାଗ୍ରାମ ପୋଷ୍ଟଗୁଡ଼ିକୁ ନେଇ ତାଙ୍କ ମୃତ୍ୟୁ ଚ଼ାରି ପାଖରେ ଗଢ଼ି ଉଠିଥିଲା ରହସ୍ୟ ।
First published: