ଭୁବନେଶ୍ୱର: ଡେଟିଂ ଆପ୍‌ରେ ନଗ୍ନ ଭିଡିଓ କଲିଂ କରି ୫୦,୦୦୦ ଟଙ୍କା ହରେଇଲେ ଯୁବକ

News18 Odia Digital

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ଜଣେ ଯୁବକ ଏକ ଡେଟିଂ ଆପରେ ଡେଟିଂ କରି ବେଶ୍‌ କିଛି ଟଙ୍କା ହରେଇଛନ୍ତି । ସେହି ଆପରେ ଜଣେ ଯୁବତୀଙ୍କ ନଗ୍ନ ଭିଡିଓ ଦେଖିବା ପରେ ଯୁବକ ଜଣକ ହଟହଟା ହୋଇଛନ୍ତି । ଯୁବକଙ୍କ ନଗ୍ନ ଭିଡିଓକୁ ସେହି ଯୁବତୀ କ୍ୟାପଚର କରିବା ପରେ ତାଙ୍କୁ ବ୍ଲାକମେଲ କରିଥିଲା ଓ ଫଳରେ ଯୁବକଙ୍କୁ ଗଣିବାକୁ ପଡ଼ିଥିଲା ୫୦ ହଜାର ଟଙ୍କା ।

କମିଶନରେଟ୍‌ ପୋଲିସର ସାଇବର ସେଲ୍‌ ଛାନଭିନ କରୁଥିବା ଏହି ମାମଲା ଏକ ‘ଡେଟିଂ, ସେଟିଂ, ଚାଟିଂ ଓ ଚିଟିଂ’ର ମାମଲା ପ୍ରତୀତ ହେଉଛି । ପ୍ରଥମେ ସେହି ଆପରେ ଡେଟିଂ ଚାଲିଲା ଓ ଦୁହେଁ ଦୁହିଁଙ୍କୁ ଭଲ ଲାଗିବାରୁ ପରସ୍ପର ମଧ୍ୟରେ ହ୍ଵାଟ୍ସଆପ ନମ୍ବର ଦିଆନିଆ ହୋଇଥିଲା । ତା ପରେ ହ୍ୱାଟସ୍ଆପରେ ଚାଟିଂ ଚାଲିଥିଲା । ଏହି ଚାଟିଂ ପରେ ଯୁବକ ଜଣକ ପଡ଼ିଯାଇଥିଲେ ଯୁବତୀଙ୍କ ପ୍ରେମରେ । ସେମାନଙ୍କ ମଧ୍ୟରେ ଚାଲିଥିଲା ଘଣ୍ଟା ଘଣ୍ଟା ଧରି ଭିଡିଓ କଲ୍‌ । ଫୋନ ସେକ୍ସ ବି ଚାଲିଥିଲା । ହେଲେ ଭିଡିଓ କଲର ମାୟାଜାଲରେ ଫସିଯାଇଥିଲେ ଯୁବକ ।

ଏହା ବି ପଢ଼ନ୍ତୁ ଓ ଦେଖନ୍ତୁ ଫଟୋ | ବିରାଟ ଓ ଅନୁଷ୍କାଙ୍କ ଝିଅ ଭଲ ଅଛି; ତା’ ଜନ୍ମ ଦିନ ଅନେକ ପ୍ରସିଦ୍ଧ ବ୍ୟକ୍ତିଙ୍କ ଜନ୍ମ ଦିନ ସହ ମେଳ ଖାଉଛି

ଏହି ମାମଲାର ତଦନ୍ତ କରୁଥିବା ଜଣେ ପୋଲିସ ଅଧିକାରୀଙ୍କ ଅନୁସାରେ ଭିଡିଓ କଲିଂ ସମୟରେ ଯୁବତୀ ଜଣକ ଚତୁରତାର ସହ ନିଜ ମୁହଁକୁ ଛାଡ଼ି ବାକି ଶରୀରକୁ (ଅର୍ଦ୍ଧ ନଗ୍ନ ଶରୀରକୁ) ଦେଖାଇଥିଲେ ଯୁବକଙ୍କୁ । ‘‘ଯୁବକ ଜଣକ ମଧ୍ୟ ନଗ୍ନ ହୋଇଥିଲେ । ସେତିକି ବେଳେ ନିଜ କ୍ୟାମେରାକୁ ଆଉଟ୍‌ ଫୋକସ କରାଇବା ସହ କେବଳ ଯୁବକଙ୍କ ନେକେଡ ଭିଡ଼ିଓକୁ ରେକଡ଼ିଂ କରାଇଥିଲେ ଯୁବତୀ ଜଣକ । ତା’ ପରେ ଆରମ୍ଭ କରିଥିଲେ ବ୍ଲାକମେଲ। ଏକ ଅଜଣା ନମ୍ବରରୁ ଯୁବତୀ ଜଣକ ଫୋନ କରି ଯୁବକଙ୍କ ଉଲଗ୍ନ ଭିଡିଓ ନେଇ କଥା ହୋଇଥିଲେ ଓ ଯୁବକ ଜଣକ ଭୟଭୀତ ହେବାରୁ ତାଙ୍କୁ ଟଙ୍କା ମାଗିଥିଲେ,’’ କହିଛନ୍ତି ଅଧିକାରୀ ଜଣକ ।

ଏହା ବି ପଢ଼ନ୍ତୁ | IND vs AUS: ପତ୍ନୀ କହିଲେ, ‘କାଲି ରାତି ଯାଏଁ କେତେ କଷ୍ଟ ପାଉଥିଲେ ଅଶ୍ୱୀନ୍… ନଇଁ ପାରୁ ନ ଥିଲେ’

୫୦ ହଜାର ଟଙ୍କା ନ ଦେଲେ ସେହି ଭିଡିଓ ଭାଇରଲ କରିଦେବେ ବୋଲି ଧମକ ଦେଇଥିଲେ ଯୁବତୀ । ଯୁବକ ଜଣକ ନିଜ ସମ୍ମାନ ରକ୍ଷା କରିବାକୁ ତାଙ୍କୁ ୫୦ ହଜାର ଟଙ୍କା ଦେଇଥିଲେ । ପରେ ସେ ସାଇବର ସେଲର ଦ୍ୱାରସ୍ଥ ହୋଇଥିଲେ । ପୋଲିସ ଏହି ମାମଲାର ତଦନ୍ତ ଆରମ୍ଭ କରିଛି ।

ଏହା ବି ପଢ଼ନ୍ତୁ | IND VS AUS: ଟିମ୍ ଇଣ୍ଡିଆର ଖେଳ ଦେଖି ସୌରଭ ଗାଙ୍ଗୁଲି ଖୁବ୍ ଖୁସି; କହିଲେ ‘ଏବେ ସିରିଜ୍ ଜିତ’

‘‘ଦିନକୁ ଦିନ ବଢୁଛି ସାଇବର ଠକେଇ । ହନୀ ଟ୍ରାପରେ ଯୁବ ପିଢ଼ି ବେଶୀ ପଡୁଛନ୍ତି। ଯୁବତୀମାନେ ଯୁବକମାନଙ୍କୁ ବ୍ଲାକମେଲ କରିବା ସହ ଅର୍ଥ ହଡ଼ପ କରୁଛନ୍ତି । ଯୁବକମାନେ ଦେହର ଭୋକ ମେଣ୍ଟାଇବାକୁ ଯାଇ ଅଯଥାରେ ହଇରାଣ ହେଉଛନ୍ତି,’’ କହିଛନ୍ତି ଭୁବନେଶ୍ୱର ଡିସିପି ଉମାସଙ୍କର ଦାଶ ।



ଇତି ମଧ୍ୟରେ ଅନ୍ୟ ଏକ ସାଇବର ଠକେଇ ମାମଲାରେ ପୋଲିସକୁ ମିଲିଛି ସଫଳତା । ସାଇବର ଠକଙ୍କ ମୁହଁରୁ ପୋଲିସ ଛଡ଼ାଇ ଆଣିଛି ଟଙ୍କା । ସାଇବର୍‌ ଫ୍ରଡ୍‌ ମାମଲାରେ ପ୍ରଥମ ଥର ଲାଗି ପୋଲିସ ଜଣେ ଅଭିଯୋଗକାରୀଙ୍କୁ ଟଙ୍କା ଫେରାଇଛି । ଏହି ଟଙ୍କା ଯାଇଛି ଯୁବକଙ୍କ ଆକାଉଣ୍ଟକୁ । ଆକାଉଣ୍ଟରୁ ୫୩ ହଜାର ଟଙ୍କା ଉଡ଼େଇ ନେଇଥିଲେ ଦୁର୍ବୃତ୍ତମାନେ ।

ଏହା ବି ପଢ଼ନ୍ତୁ | ଦୀପିକା ପାଦୁକୋନଙ୍କୁ ଜନ୍ମ ଦିନରେ ଫଟୋଗ୍ରାଫରମାନେ ସରପ୍ରାଇଜ୍ ଦେଲେ; କେକ୍ ଖୁଆଇଲେ

ତେବେ ସେହି ମାମଲାରେ ଠକେଇ ହେବାର ଗୋଲଡେନ ପିରିୟଡ଼ ଭିତରେ ସାଇବର ସେଲକୁ ପୀଡ଼ିତ ଇଞ୍ଜିନିଅର୍‌ କଲ୍‌ କରିଥିଲେ ବୋଲି ଏହି ସଫଳତା ସମ୍ବବ ହୋଇଛି । ତାଙ୍କ ଠାରୁ ଦୁର୍ବୃତ୍ତମାନେ OTP ମାଗି ଟଙ୍କା ଠକି ନେଇଥିଲେ । ଶହୀଦନଗର ଅଞ୍ଚଳରୁ ହୋଇଥିଲା ଏହି ଠକେଇ । ଯୁବକଙ୍କୁ ନଅ ହଜାର ଟଙ୍କା ଫେରାଇଛି ସାଇବର ସେଲ ।



ଗତ ଚାରି ଦିନ ମଧ୍ୟରେ ସାଇବର ସେଲକୁ ୭୦୦ କଲ୍‌ ଆସିଥିବା ଜଣାପଡ଼ିଛି । ମାମଲାର ପ୍ରାଥମିକତା ଦୃଷ୍ଟିରୁ ୪୦୦ଟି ମାମଲାକୁ କମିଶନରେଟ ପୋଲିସ ଅତି ଗୁରୁତର ସହକାରେ ନେଇଥିବା କହିଛନ୍ତି ଜଣେ ଅଧିକାରୀ ।