ଆଜି ଠାରୁ ବ୍ରହ୍ମପୁରର ମାଁ ବୁଢ଼ୀ ଠାକୁରାଣୀଙ୍କ ଯାତ୍ରା ଆରମ୍ଭ; ଏ ଥର ଭକ୍ତ ଭୋଗ ଲାଗି କରିପାରିବେ ନାହିଁ

କରୋନା କଟକଣା ଯୋଗୁଁ ଏ ଥର ମାଁଙ୍କ ଯାତ୍ରାକୁ କେବଳ ସାତ ଦିନ ପାଇଁ ଅନୁମତି ଦିଆଯାଇଛି । ଜିଲ୍ଲା ଓ ରାଜ୍ୟ ବାହାରରୁ କୌଣସି ଭକ୍ତ ମାଁଙ୍କ ଯାତ୍ରାକୁ ନ ଆସନ୍ତୁ ବୋଲି ଅନୁରୋଧ କରିଛିଛି ଜିଲ୍ଲା ପ୍ରଶାସନ ।

ଆଜି ଠାରୁ ବ୍ରହ୍ମପୁରର ମାଁ ବୁଢ଼ୀ ଠାକୁରାଣୀଙ୍କ ଯାତ୍ରା ଆରମ୍ଭ; ଏ ଥର ଭକ୍ତ ଭୋଗ ଲାଗି କରିପାରିବେ ନାହିଁ
ମାଁ ବୁଢ଼ୀ ଠାକୁରାଣୀଙ୍କ ବିଗ୍ରହ
  • News18 Odia
  • Last Updated: April 8, 2021, 11:59 PM IST
  • Share this:
  • Byline Facebook
  • Byline Twitter
  • Byline Linkedin
କୈଳାସ ବେହେରା | News18 Odia Digital

ବ୍ରହ୍ମପୁର: କରୋନା କଟକଣା ମଧ୍ୟରେ ବ୍ରହ୍ମପୁରର ପ୍ରସିଦ୍ଧ ମାଁ ବୁଢ଼ୀ ଠାକୁରାଣୀଙ୍କ ଯାତ୍ରା ଶୁକ୍ରବାର ଠାରୁ ଆରମ୍ଭ ହେବାକୁ ଯାଉଛି । ଏହି ଯାତ୍ରାର ଆୟୋଜନ ପାଇଁ ସବୁ ବ୍ୟବସ୍ଥା କରିଛି ବି.ଏମ୍‌.ସି., ହେଲେ କରୋନାର ପ୍ରକୋପ ଯୋଗୁଁ ଅନେକ ପରମ୍ପରାରେ ଏ ଥର ବ୍ୟତିକ୍ରମ ଦେଖିବାକୁ ମିଳିବ ।

ପ୍ରଶାସନ ପକ୍ଷରୁ ମାଁଙ୍କ ଘଟଯାତ୍ରା ବନ୍ଦ କରାଯାଇଛି ଓ ମାଁଙ୍କ ନିକଟରେ ଭକ୍ତମାନଙ୍କୁ ଭୋଗ ଲାଗି କରିବାରୁ ବାରଣ କରାଯାଇଛି । କଳାକୁଞ୍ଜ, ରଥ ଓ ମାନସିକଧାରୀଙ୍କ ବେଶ ଉପରେ ମଧ୍ୟ ରୋକ ଲଗାଇଛି ବି.ଏମ୍‌.ସି. । ଏତେ କଟକଣା ମଧ୍ୟରେ ବି ମାଁ ନିଜ ଶାଶୁ ଘରୁ ଭକ୍ତମାନଙ୍କୁ ଦର୍ଶନ ଦେବା ପାଇଁ ଆସୁଥିବା ଯୋଗୁଁ ମାଁଙ୍କୁ ସ୍ବାଗତ କରିବା ପାଇଁ ଅପେକ୍ଷା ଅଛନ୍ତି ବ୍ରହ୍ମପୁର ସହରବାସୀ ।

ଏହା ବି ପଢ଼ନ୍ତୁ | ସାପ ନେଉଳ ମଧ୍ୟରେ ଘମାଘୋଟ ଲଢ଼େଇକିଏ ଜିତିବ? VIDEO ଭାଇରାଲ୍ ହେଲା; ଦେଖନ୍ତୁ

କରୋନା କଟକଣା ଯୋଗୁଁ ଏ ଥର ମାଁଙ୍କ ଯାତ୍ରାକୁ କେବଳ ସାତ ଦିନ ପାଇଁ ଅନୁମତି ଦିଆଯାଇଛି । ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ମାଁଙ୍କ ଅସ୍ଥାୟୀ ପୀଠରେ ଛାମୁଟିଆ କାର୍ଯ୍ୟ ଶେଷ ହେବା ସହିତ ଅସ୍ଥାୟୀ ମଣ୍ଡପର କାର୍ଯ୍ୟ ମଧ୍ୟ ଶେଷ ହୋଇଛି ।

ଏହା ବି ପଢ଼ନ୍ତୁ | Gold Price: ଏବେ କରନ୍ତୁ ସୁନାରେ ନିବେଶ; ୧ରୁ ମାସରେ ମିଳିବ ଭଲ ଲାଭ; ଦେଖନ୍ତୁ ପଛ ରେକର୍ଡ଼

ଶୁକ୍ରବାର ସକାଳେ ମାଁଙ୍କ ଡାକରା ପାଇଁ ବଡ଼ ଓ ସାନ ଠାକୁରାଣୀଙ୍କ ମନ୍ଦିରକୁ ଯିବେ ଦେଶୀ ବେହେରା ତଥା ମାଁଙ୍କ ବାପା । ଯାତ୍ରା ପାଇଁ ରାତିରେ ମାଁଙ୍କୁ ନେବାକୁ ଆସିବୁ ବୋଲି ଦେଶୀ ବେହେରା ମାଁଙ୍କୁ ଜଣାଇବେ । ସନ୍ଧ୍ୟା ୫ଟାରେ ଚାଙ୍ଗୁଡ଼ି ପୂଜା ଆରମ୍ଭ ହେବ । ଚାଙ୍ଗୁଡ଼ିରେ ଦୀପ ସହ ଇଟମଳା ଫୁଲ ମାଳ ରହିବା ସହ ପାରମ୍ପରିକ ରୀତିନୀତିରେ ପୂଜା ଆରମ୍ଭ ହେବ । ତା’ପରେ ଅସ୍ଥାୟୀ ମଣ୍ଡପ ନିକଟରୁ ରାତି ପ୍ରାୟ ୧୦ଟାରୁ ୧୧ଟା ମଧ୍ୟରେ ବିରାଟ ପଟୁଆର ବାହାରି ବୁଢ଼ୀ ଠାକୁରାଣୀ ମନ୍ଦିରରେ ପହଞ୍ଚିବ । ଚାଙ୍ଗୁଡ଼ିରେ ନିଆଯାଇଥିବା ଇଟମଳା ଫୁଲ ମାଁଙ୍କ ମଥା ଉପରେ ରଖାହେବ । ତା’ପରେ ମାଁଙ୍କୁ ପୂଜା କରାଯିବ ।

ବି.ଏମ୍.ସି. କମିଶନର୍ ସିଦ୍ଧେଶ୍ବର ବଳିରାମ ବୋନ୍ଦର


‘‘ମାଁ ପ୍ରସନ୍ନ ହେବା ପରେ ତାଙ୍କ ମଥାରେ ରହିଥିବା ଇଟମଳା ଫୁଲ ଦେଶୀ ବେହେରାଙ୍କ ହାତରେ ପଡ଼ିବ । ସେହି ଇଟମଳା ଫୁଲ ପଡ଼ିବା ପରେ ମାଁ ଯାତ୍ରା ପାଇଁ ଆଜ୍ଞା ଦେଲେ ବୋଲି ଗ୍ରହଣ କରାଯିବ । ତା’ପରେ ସେହି ଫୁଲକୁ ଧରି ପୁଣି ଅସ୍ଥାୟୀ ମଣ୍ଡପ ନିକଟକୁ ବିରାଟ ପଟୁଆରରେ ଆସି ମାଁଙ୍କୁ ବିରାଜମାନ କରାଯିବ । ତା’ପରେ ଆରମ୍ଭ ହେବ ଚଳିତ ବର୍ଷର ମାଁ ବୁଢ଼ୀ ଠାକୁରାଣୀଙ୍କ ଯାତ୍ରା । କୋରୋନାର ପ୍ରକୋପ ରହିଥିବା ଯୋଗୁଁ ସବୁ ଭକ୍ତ କଟକଣା ପାଳନ କରି ମାଁଙ୍କ ଦର୍ଶନ କରିବାକୁ ଆସନ୍ତୁ ବୋଲି ଆମେ ସହରବାସୀଙ୍କୁ ଅନୁରୋଧ କରୁଛୁଁ,’’ କହିଛନ୍ତି ଯାତ୍ରା ପରିଚାଳକ ପି.ଦୁର୍ଗା ପ୍ରସାଦ ଦେଶୀବେହେରା ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ଅଭିନେତ୍ରୀ ବାଣୀ କପୁର୍: ଗ୍ରାଜୁଏସନ୍ ପରେ ହୋଟେଲ୍ରେ କାମ କଲେ, ତାପରେ ମଡେଲିଂ, ଏବେ ଅଭିନୟ

ବି.ଏମ୍‌.ସି. କମିଶନର୍‌ ସିଦ୍ଧେଶ୍ବର ବଳିରାମ ବୋନ୍ଦର କହିଛନ୍ତି ଯେ କରୋନା କଟକଣା ମଧ୍ୟରେ ଯାତ୍ରାର ସୁପରିଚାଳନ ପାଇଁ ସବୁ ବ୍ୟବସ୍ଥା କରାଯାଇଛି । ଜିଲ୍ଲା ଓ ରାଜ୍ୟ ବାହାରରୁ କୌଣସି ଭକ୍ତ ମାଁଙ୍କ ଯାତ୍ରାକୁ ନ ଆସନ୍ତୁ ବୋଲି ଅନୁରୋଧ କରାଯାଇଛି । ବ୍ରହ୍ମପୁର ବାସିନ୍ଦାମାନେ ମଧ୍ୟ ଅସ୍ଥାୟୀ ପୀଠକୁ ନ ଆସି ବୈଦ୍ୟୁତିକ ଗଣମାଧ୍ୟମ ଓ ସାମାଜିକ ଗଣମାଧ୍ୟମ ଜରିଆରେ ଘରେ ସୁରକ୍ଷିତ ରହି ମାଁଙ୍କ ଯାତ୍ରା ଦେଖିବା ପାଇଁ ଅନୁରୋଧ କରାଯାଇଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | Belly Dance: ଶନାୟା କପୁର୍ ମସ୍ତିଭରା ବେଲି ଡ୍ୟାନ୍ସ କଲେ; VIDEO ଭାଇରାଲ୍ ହେଉଛି

‘‘ଚଳିତ ବର୍ଷ କରୋନାର ପ୍ରକୋପ ଯୋଗୁଁ ମାଁଙ୍କ ଘଟଯାତ୍ରା, ପାରମ୍ପରିକ ରଥ, କଳାକୁଞ୍ଜ ଓ ମାନସିକଧାରୀଙ୍କ ବେଶ ବନ୍ଦ ହେବା ସହ ମାଁଙ୍କ ନିକଟରେ ଭୋଗ ଲାଗି ମଧ୍ୟ କରାଯିବ ନାହିଁ । ଭକ୍ତମାନେ କେବଳ ଶୃଙ୍ଖଳିତଭାବେ ମାଁଙ୍କୁ ଦର୍ଶନ କରିପାରିବେ । ମାଁଙ୍କୁ ଦର୍ଶନ କରିବା ପାଇଁ ଅସ୍ଥାୟୀ ମଣ୍ଡପରେ ଯଦି ଆବଶ୍ୟକତା ଠାରୁ ଅଧିକ ଭିଡ଼ ହୁଏ ତେବେ ୧୪୪ ଧାରା ମଧ୍ୟ ଲଗାଯାଇପାରିବ,’’ କହିଛନ୍ତି ବୋନ୍ଦର ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ନେହା ଧୁପିଆଙ୍କ ଠାରୁ ସେଲିନା ଜେଟଲୀଏହି ଅଭିନେତ୍ରୀମାନେ ବିବାହର ମାସ ପୂର୍ବରୁ ମାଆ ହୋଇଥିଲେ

ବ୍ରହ୍ମପୁର ଟାଉନ ଏସ୍‌.ଡି.ପି.ଓ. ବିଷ୍ଣ ପତି କହିଛନ୍ତି ଯେ ଭକ୍ତମାନେ କିଭଳି ଭାବେ ଶୃଙ୍ଖଳିତ ଦର୍ଶନ କରିବେ ସେ ନେଇ ପୋଲିସ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଇଛି । ‘‘ଅସ୍ଥାୟୀ ମଣ୍ଡପରେ ପୁରୁଷ ଓ ମହିଳାମାନଙ୍କ ପାଇଁ ଭିନ୍ନ ଭିନ୍ନ ବ୍ୟାରିକେଡ଼ କରାଯାଇଛି । ପ୍ରବେଶ ଓ ପ୍ରସ୍ଥାନ ପାଇଁ ମଧ୍ୟ ଅଲଗା ରାସ୍ତା କରାଯାଇଛି । ଏହା ଦ୍ୱାରା ଅସ୍ଥାୟୀ ମଣ୍ଡପରେ ଭିଡ଼ ହେବ ନାହିଁ । ସୁରକ୍ଷା ବ୍ୟାବସ୍ଥାକୁ ମଧ୍ୟ କଡ଼ାକଡ଼ି କରାଯିବ,’’ ସେ କହିଛନ୍ତି ।



ମାଁଙ୍କୁ ଦର୍ଶନ କରିବା ପାଇଁ ଗତ ଦୁଇ ବର୍ଷ ହେଲା ଅନେଇ ବସିଛନ୍ତି ସହରବାସୀ । ‘‘ଏତେ କଟକଣା ମଧ୍ୟରେ ବି ମାଁଙ୍କ ନିଜ ମା’ ଘରକୁ ଆସି ଭକ୍ତଙ୍କୁ ଦର୍ଶନ ଦେଉଥିବା ଯୋଗୁଁ ଆମେ ଭାରି ଉତ୍ସାହିତ । ମାଁଙ୍କ ଅନେକ ପରମ୍ପରାକୁ ବନ୍ଦ କରାଯାଇଥିବା ଯୋଗୁଁ ଦୁଃଖ ଲାଗୁଛି,’’ କହିଛନ୍ତି ବ୍ରହ୍ମପୁର ବାସିନ୍ଦା ପି.ଆଶା ରାଣୀ ।
Published by: Anand ST Das
First published: April 8, 2021, 11:59 PM IST