ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଅଲୋଡ଼ା ଜିନିଷରୁ ଆକର୍ଷକ କଳାକୃତି ବନାଇ ଅସୁମାରୀ ପ୍ରଶଂସା ସାଉଁଟୁଛନ୍ତି ବରଗଡ଼ର ଛାତ୍ରୀ ସୃଷ୍ଟି

ଅଲୋଡ଼ା ଜିନିଷରୁ ଆକର୍ଷକ କଳାକୃତି ବନାଇ ଅସୁମାରୀ ପ୍ରଶଂସା ସାଉଁଟୁଛନ୍ତି ବରଗଡ଼ର ଛାତ୍ରୀ ସୃଷ୍ଟି

ନିଜ ନିଆରା କଳାକୃତି ଯୋଗୁଁ ଜଣେ ଉଦୀୟମାନ ଚିତ୍ରଶିଳ୍ପୀ ଭାବେ ବରଗଡ଼ ଜିଲ୍ଳାରେ ଚର୍ଚ୍ଚାକୁ ଆସିଛନ୍ତି ଫାର୍ମାସି କଲେଜର ଛାତ୍ରୀ ସୃଷ୍ଟି ପୁରୋହିତ । ‘‘ବାସ୍ତବରେ କୌଣସି ଜିନିଷ ଅଲୋଡ଼ା ନୁହେଁ,’’ ସେ କହିଛନ୍ତି ।

ଅଲୋଡ଼ା ଜିନିଷରୁ ଆକର୍ଷକ କଳାକୃତି ବନାଇ ଅସୁମାରୀ ପ୍ରଶଂସା ସାଉଁଟୁଛନ୍ତି ବରଗଡ଼ର ଛାତ୍ରୀ ସୃଷ୍ଟି
ରଙ୍ଗ ତୂଳୀରେ ଅଦରକାରୀ ବର୍ଜ୍ୟ ବସ୍ତୁକୁ ନୂଆ ରୂପ ଦେଉଛନ୍ତି ସୃଷ୍ଟି ପୁରୋହିତ ।
  • Share this:
  • Byline Facebook
  • Byline Twitter
  • Byline Linkedin
ରଞ୍ଜନ କୁମାର ଦେବତା | News18 Odia Digital

ବରଗଡ଼: କରୋନା ସଂକ୍ରମଣ ଯୋଗୁଁ ସ୍କୁଲ୍‌ ଓ କଲେଜ୍‌ ସବୁ ବନ୍ଦ ଥିବାରୁ ଅନେକ ଯୁବକଯୁବତୀ ଅଯଥା ସମୟ ନଷ୍ଟ କରୁଥିବା ବେଳେ ଜଣେ ଛାତ୍ରୀ ଘରେ ବସି ନିଜ ସୃଜନଶୀଳତାର ସୁବ୍ୟବହାର କରି ସ୍ବାବଳମ୍ବୀ ଓ ରୋଜଗାରକ୍ଷମ ହୋଇଛନ୍ତି । ନିଜ ନିଆରା କଳାକୃତି ଯୋଗୁଁ ଜଣେ ଉଦୀୟମାନ ଚିତ୍ରଶିଳ୍ପୀ ଭାବେ ବରଗଡ଼ ଜିଲ୍ଳାରେ ଏବେ ଚର୍ଚ୍ଚାରେ ଅଛନ୍ତି ୨୦ ବର୍ଷୀୟା ଛାତ୍ରୀ ସୃଷ୍ଟି ପୁରୋହିତ ।

ଘରେ ପଡ଼ିଥିବା ଅଦରକାରୀ ଘରକରଣା ସାମଗ୍ରୀ ଓ ବାହାରେ ଫିଙ୍ଗା ହୋଇଥିବା ବର୍ଜ୍ୟ ବସ୍ତୁକୁ ସଂଗ୍ରହ କରି ସେଗୁଡ଼ିକୁ ପେଣ୍ଟିଂ କରି ନୂଆ ରୂପ ଦେଇଛନ୍ତି ବିଜେପୁର ବ୍ଲକ୍ ଅନ୍ତର୍ଗତ ପହଣ୍ଡି ଗାଁର ସୃଷ୍ଟି । ଫାର୍ମାସି କଲେଜରେ ପଢ଼ୁଥିବା ବେଳେ ଗତ ବର୍ଷ କରୋନା ମହାମାରୀ ଯୋଗୁଁ କଲେଜ ବନ୍ଦ ହୋଇଯିବା ପରେ ଘରେ ବସି କ’ଣ କରିବେ ବୋଲି ଭାବୁଥିବା ବେଳେ ୟୁଟ୍ୟୁବ୍‌ ତାଙ୍କୁ ନୂଆ ବାଟ ଦେଖାଇଥିଲା ।

ଏହା ବି ପଢ଼ନ୍ତୁ | Bengal Polls 2021: ଖେଲା ହୋବେ! ବିଜୟ ଖୁସିରେ ବେଙ୍ଗଲରେ ୫୦,୦୦୦ ଫୁଟବଲ୍ ବାଣ୍ଟିବେ ମମତା ବାନାର୍ଜୀ

ଏକ କଳାକୃତିରେ ନିମଗ୍ନା ସୃଷ୍ଟି


ଛାତ୍ର ଜୀବନରୁ ଚିତ୍ରକଳାରେ ରୁଚି ରଖୁଥିବା ସୃଷ୍ଟି ୟୁଟ୍ୟୁବରୁ ଅଦରକାରୀ ସାମଗ୍ରୀରୁ କଳାକୃତି ତିଆରି କରିବାର କୌଶଳ ଶିଖିଥିଲେ ଓ ଅନେକ ମନୋହର କଳାକୃତି ତିଆରି କରିଥିଲେ । କରୋନା ସଚେତନତା, ସ୍ବାସ୍ଥ୍ୟ ଓ ପରିବେଶ ସହିତ ମାଁ ସମଲେଇ, ଜଗନ୍ନାଥଙ୍କ ନନ୍ଦିଘୋଷ ରଥଯାତ୍ରା, ଗଣେଶ ଓ ଶିବ ଲିଙ୍ଗ ପରି ଭଳିକି ଭଳି ଚିତ୍ର ତିଆରି କରି ସମସ୍ତଙ୍କ ଧ୍ୟାନ ଆକର୍ଷିତ କରିଛନ୍ତି ସେ ।

ଏହା ବି ପଢ଼ନ୍ତୁ | Bengal Polls: ରାହୁଳ ଗାନ୍ଧି ଯେଉଁ ଯେଉଁ ଆସନ ପାଇଁ ପ୍ରଚାର କରିଥିଲେ ସେଠି କଂଗ୍ରେସ ଜମାନତ ହରାଇଛି

‘‘ମୁଁ ଭାରି ଖୁସି ଯେ ଲକଡାଉନରେ ମୋ’ ସମୟ ସୃଜନଶୀଳ କାମରେ ବିତିଛି । ୟୁଟ୍ୟୁବର ସହାୟତା ନେଇ ଘରେ ଥିବା ଅଦରକାରୀ ଘରୋଇକରଣ ସାମଗ୍ରୀ ଓ ବର୍ଜ୍ୟବସ୍ତୁରୁ ମୁଁ ଅନେକ କଳାକୃତି ତିଆରି କରିବାରେ ସଫଳ ହୋଇଛି । ବଜାରରେ ସେଗୁଡ଼ିକର ଚାହିଦା ଅଛି ବୋଲି ଜାଣି ଖୁବ୍‌ ଖୁସି ଲାଗୁଛି,’’ କହିଛନ୍ତି ସୃଷ୍ଟି ।

ସୃଷ୍ଟିଙ୍କ କଳା ସମ୍ଭାରରୁ କିଛି


ସେ କହିଛନ୍ତି ଯେ ଏହି କଳାକୃତିଗୁଡ଼ିକୁ ତିଆରି କରିବାରେ ଶ୍ରମ ଓ ସମୟ ବ୍ୟତୀତ ତାଙ୍କୁ ବେଶୀ ଅର୍ଥ ଖର୍ଚ୍ଚ କରିବାକୁ ପଡ଼ୁନାହିଁ । ‘‘ବାପା ମୋତେ ଦେଉଥିବା ପକେଟ ମନିକୁ ଖର୍ଚ୍ଚ କରି ମୁଁ ରଙ୍ଗ, ତୂଳୀ ଓ ଅନ୍ୟାନ୍ୟ ଆବଶ୍ୟକୀୟ ସାମଗ୍ରୀ କିଣିଆଣେ । ପ୍ରତି କଳାକୃତି ତିଆରି କରିବା ପରେ ସବୁଠୁ ଭଲ ଲାଗେ ଯେତେବେଳେ ଭାବେ ଯେ ଯେଉଁ ଜିନିଷଟି ଦିନେ ବାହାରେ ଫିଙ୍ଗା ହୋଇଥିଲା ସେଇଟା ଏବେ ଘରେ ସମ୍ମାନଜନକ ଢଙ୍ଗରେ ପ୍ରଦର୍ଶିତ ହେବାକୁ ଯାଉଛି । ବାସ୍ତବରେ କୌଣସି ଜିନିଷ ଅଲୋଡ଼ା ନୁହେଁ,’’ କହିଛନ୍ତି ସୃଷ୍ଟି ।

ଏହା ବି ପଢ଼ନ୍ତୁ | କର୍ଫ୍ୟୁ ବେଳେ ଗର୍ଲଫ୍ରେଣ୍ଡକୁ ଭେଟିବାକୁ ମୁମ୍ବାଇ ପୋଲିସକୁ ଅନୁରୋଧ କଲା ଯୁବକ; ମିଳିଲା ଏହି ଜବାବ

ତାଙ୍କ ବାପା ସରୋଜ କୁମାର ପୁରୋହିତ କହିଛନ୍ତି ଯେ ସୃଷ୍ଟିଙ୍କ କଳାକୃତିଗୁଡ଼ିକ ଆକର୍ଷଣୀୟ ହେବା ସହ ସଚେତନତାର ବାର୍ତ୍ତା ବହନ କରୁଥିବାରୁ ଅନେକ ପ୍ରଶଂସାର ପାତ୍ର ହୋଇଛନ୍ତି ।



‘‘ପିଲାଟି ଦିନରୁ ସେ ଚିତ୍ର ଆଙ୍କିବାରେ ପ୍ରବୀଣା ଥିଲା । ସ୍କୁଲ୍‌ କଲେଜରେ ପାଠ ପଢ଼ିବା ବେଳେ ଚିତ୍ର ଆଙ୍କି ପୁରସ୍କୃତ ହୋଇଛି । ଅଦରକାରୀ ସାମଗ୍ରୀ ଓ ବର୍ଜ୍ୟବସ୍ତୁରୁ ଏବେ ସେ ତିଆରି କରୁଥିବା ପେଣ୍ଟିଂଗୁଡ଼ିକୁ ଅନେକ ପ୍ରଶଂସା ମିଳୁଛି । ଝିଅକୁ ନେଇ ଆମେ ଗର୍ବିତ ଅନୁଭବ କରୁଛୁ,’’ ସେ କହିଛନ୍ତି ।
Published by: Anand ST Das
First published: May 3, 2021, 11:28 PM IST