ଗ୍ରାହକଙ୍କୁ ଲାଗିବ ଝଟକା! ଏବେ ଏହି ବ୍ୟାଙ୍କରୁ ଟଙ୍କା କାଢ଼ିବା ମହଙ୍ଗା ହେଲା; SMS ଚାର୍ଜ ବି ବଢ଼ିଲା

Axis Bank Increases Cash Withdrawal Charges, SMS Charges | ଏହି ବ୍ୟାଙ୍କର କେତେକ ନିୟମ ୨ ମେ’ରୁ ବଦଳୁଥିବା ବେଳେ ଆଉ କେତେକ ନିୟମ ୧ ଜୁଲାଇରୁ ଲାଗୁ ହେବ । ସ୍ୟାଲାରୀ ଆକାଉଣ୍ଟ୍ ଓ ସର୍ବନିମ୍ନ ବ୍ୟାଲାନ୍ସ ନିୟମରେ ବି ପରିବର୍ତ୍ତନ କରାଯାଇଛି ।

ଗ୍ରାହକଙ୍କୁ ଲାଗିବ ଝଟକା! ଏବେ ଏହି ବ୍ୟାଙ୍କରୁ ଟଙ୍କା କାଢ଼ିବା ମହଙ୍ଗା ହେଲା; SMS ଚାର୍ଜ ବି ବଢ଼ିଲା
ଆସ୍କିସ୍ ବ୍ୟାଙ୍କ କ୍ୟାଶ୍ ୱିଥଡ୍ରୱାଲ୍ ସହ ଅନ୍ୟ କେତେକ ନିୟମରେ ପରିବର୍ତ୍ତନ କରିଛି ।
  • News18 Odia
  • Last Updated: April 23, 2021, 7:35 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଯଦି ଆପଣ ଆକ୍ସିସ୍ ବ୍ୟାଙ୍କର (Axis Bank) ଗ୍ରାହକ, ତେବେ ଆପଣଙ୍କ ପାଇଁ ଗୋଟିଏ ଅତି ଗୁରୁତ୍ୱପୂର୍ଣ୍ଣ ଖବର ଅଛି । ଏଣିକି ଆକ୍ସିସ୍ ବ୍ୟାଙ୍କରୁ ନଗଦ ଟଙ୍କା ଉଠାଇବା ମହଙ୍ଗା ହେବ । ବ୍ୟାଙ୍କ୍‌ ସେଭିଂ ଆକାଉଣ୍ଟରୁ (Savings Account) ନଗଦ ଟଙ୍କା ବାହାର କରିବା (cash withdrawal) ଓ ଏସ୍‌.ଏମ୍‌.ଏସ୍‌. ଚାର୍ଜ ବୃଦ୍ଧି କରିଛି । ଏହି ନୂଆ ହାର ୧ ମଇ ୨୦୨୧ରୁ କାର୍ଯ୍ୟକାରୀ ହେବ ।

‘ମନି କଣ୍ଟ୍ରୋଲ୍ ନ୍ୟୁଜ୍’ ଅନୁଯାୟୀ ୧ ମଇ ୨୦୨୧ଠାରୁ ଆକ୍ସିସ୍ ବ୍ୟାଙ୍କର ଗ୍ରାହକମାନଙ୍କୁ ନିଜ ଆକାଉଣ୍ଟରେ ହାରାହାରି ସର୍ବନିମ୍ନ ମାସିକ ବାଲାନ୍ସ ୧୫,୦୦୦ ଟଙ୍କା ରଖିବାକୁ ପଡି଼ବ । ଏବେ ଏହି ସୀମା ହେଉଛି ୧୦,୦୦୦ ଟଙ୍କା । ଏହା ବ୍ୟତୀତ ବ୍ୟାଙ୍କ ପ୍ରାଇମ୍‌ ଓ ଲିବର୍ଟି ସେଭିଂ ଆକାଉଣ୍ଟରେ ହାରାହାରି ସର୍ବନିମ୍ନ ବାଲାନ୍ସ ସୀମାକୁ ୧୫,୦୦୦ ଟଙ୍କାରୁ ୨୫,୦୦୦ ଟଙ୍କାକୁ ବୃଦ୍ଧି କରିଛି ।

ଏହା ବି ପଢ଼ନ୍ତୁ ଦେଖନ୍ତୁ PHOTOS | କେନ୍ଦ୍ରାପଡ଼ାରେ ଜନ୍ମ ନେଲା ଅଦ୍ଭୁତ ଶିଶୁ କନ୍ୟା; ତା ୨ଟି ମୁଣ୍ଡ, ୩ଟି ହାତ, ୪ଟି ଆଖି ୪ଟି କାନ ଅଛି

ଆକ୍ସିସ୍ ବ୍ୟାଙ୍କ ନିଜ ସେଭିଂ ଆକାଉଣ୍ଟଧାରୀମାନଙ୍କୁ ପ୍ରତି ମାସ ଚାରିଟି କାରବାର (transactions) ବା ଦୁଇ ଲକ୍ଷ ଟଙ୍କା ପର୍ୟ୍ୟନ୍ତ ମାଗଣାରେ ବାହାର କରିବାକୁ ଅନୁମତି ଦେଇଥାଏ । ଏହା ପରେ ନଗଦ ଟଙ୍କା ଉଠାଇବା ବେଳେ ପ୍ରତି ହଜାରେ ଟଙ୍କାରେ ୫ ଟଙ୍କା କିମ୍ବା ସର୍ବାଧିକ ୧୫୦ ଟଙ୍କା ଆଦାୟ କରାଯାଏ । ଏବେ ବ୍ୟାଙ୍କ ମାଗଣା କାରବାର ପରେ ପ୍ରତି ୧,୦୦୦ ଟଙ୍କା ପାଇଁ ଲାଗୁଥିବା ୫ ଟଙ୍କା ଚାର୍ଜକୁ ୧୦ ଟଙ୍କାକୁ ବୃଦ୍ଧି କରିଛି । ତେବେ ସର୍ବାଧିକ ୧୫୦ ଟଙ୍କାର ଚାର୍ଜକୁ ଅପରିବର୍ତ୍ତିତ ରଖାଯାଇଛି । ତା’ ଛଡ଼ା ଆପଣ ନିଜ ଆକାଉଣ୍ଟରେ ସର୍ବନିମ୍ନ ବାଲାନ୍ସ ପରିମାଣ ବଜାୟ ନ ରଖିଲେ ବ୍ୟାଙ୍କ୍‌ ୫୦ ଟଙ୍କାରୁ ୮୦୦ ଟଙ୍କା ପର୍ଯ୍ୟନ୍ତ ଚାର୍ଜ କରିବ (Axis Bank new rules)।

ଏହା ବି ପଢ଼ନ୍ତୁ ଦେଖନ୍ତୁ PHOTOS | ଦିନେ କେନ୍ଦ୍ରାପଡ଼ାରେ ରିକ୍ସା ଚଳାଇ ପେଟ ପୋଷୁଥିଲା ଶେଖ୍ହାଇଦର୍‌; ପାଲଟିଗଲା ବଡ଼ ଗ୍ୟାଙ୍ଗଷ୍ଟର୍

ଆକ୍ସିସ୍‌ ବ୍ୟାଙ୍କ ଏଣିକି ନିଜ ଗ୍ରାହକମାନଙ୍କୁ ଏସ୍‌.ଏମ୍‌.ଏସ୍‌. ପିଛା ୨୫ ପଇସା ହାରରେ ଚାର୍ଜ କରିବ । ବର୍ତ୍ତମାନ ପ୍ରତି ମାସରେ ଏହି ସୁବିଧା ପାଇଁ ମାତ୍ର ୫ ଟଙ୍କା ଆଦାୟ କରାଯାଉଛି । ଏହି ନୂଆ ଦର ୧ ଜୁଲାଇ ୨୦୨୧ରୁ ପ୍ରଯୁଜ୍ୟ ହେବ । ବ୍ୟାଙ୍କ ପକ୍ଷରୁ ସ୍ପଷ୍ଟ କରାଯାଇଛି ଯେ ଏଥିରେ OTP ଓ ବ୍ୟାଙ୍କ ଦ୍ୱାରା ପଠାଯାଇଥିବା ପ୍ରୋତ୍ସାହନମୂଳକ SMS ଅନ୍ତର୍ଭୂକ୍ତ ହେବ ନାହିଁ ।



ଏହା ବି ପଢ଼ନ୍ତୁ ଦେଖନ୍ତୁ VIDEO | ଯାଜପୁରରେ ଥାନା ଭିତରେ ପୁରୁଷ ମହିଳା ପୋଲିସ କର୍ମୀଙ୍କ ଡ୍ୟାନ୍ସ VIDEO ଭାଇରାଲ୍ ହେଲା; ASI ନିଲମ୍ବିତ ହେଲେ

ଆକ୍ସିସ୍ ବ୍ୟାଙ୍କ ମଧ୍ୟ ଦରମା ଖାତାର (salary account) ନିୟମରେ ପରିବର୍ତ୍ତନ କରିଛି । ଯଦି ଆପଣଙ୍କର ବେତନ ଆକାଉଣ୍ଟ ଛଅ ମାସରୁ ଅଧିକ ପୁରୁଣା ଓ କୌଣସି ମାସରେ କୌଣସି ଟଙ୍କା ଜମା ହୋଇ (କ୍ରେଡିଟ୍) ନାହିଁ, ତେବେ ବ୍ୟାଙ୍କ୍‌ ଏମିତି ପ୍ରତି ମାସ ପାଇଁ ୧୦୦ ଟଙ୍କା ଲେଖାଏଁ ଚାର୍ଜ କରିବ ।



ତା’ ଛଡ଼ା ଯଦି ଆପଣଙ୍କ ଆକାଉଣ୍ଟରେ ୧୭ ମାସ ପାଇଁ କୌଣସି କାରବାର ହୋଇନାହିଁ, ତେବେ ୧୮ତମ ମାସରେ ବ୍ୟାଙ୍କ୍‌ ଗୋଟିଏ ଥର ପାଇଁ ୧୦୦ ଟଙ୍କା ଚାର୍ଜ ଆଦାୟ କରିବ ।
Published by: Anand ST Das
First published: April 23, 2021, 7:35 PM IST