ବିଦ୍ୟାଳୟ ପରିସରରେ ନାବାଳିକାକୁ ଦୁଷ୍କର୍ମ ଉଦ୍ୟମ ସହ ଭାଈକୁ ଆକ୍ରମଣ

ବିଦ୍ୟାଳୟ ପରିସରରେ ନାବାଳିକାକୁ ଦୁଷ୍କର୍ମ ଉଦ୍ୟମ ସହ ଭାଈକୁ ଆକ୍ରମଣ

ବିଦ୍ୟାଳୟ ପରିସରରେ ନାବାଳିକାକୁ ଦୁଷ୍କର୍ମ ଉଦ୍ୟମ ସହ ଭାଈକୁ ଆକ୍ରମଣ

  • Share this:
News 18 Odia Digital

ଯାଜପୁର; କଳିଙ୍ଗନଗର ଥାନା ଝୁମ୍ପାଣ ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି । ବର୍ଷାରୁ ରକ୍ଷା ପାଇବାକୁ ଝୁମ୍ପାଣ ପ୍ରାଥମିକ ସ୍କୁଲ‌ରେ ଆଶ୍ରୟ ନେଇଥିବା ଜଣେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ କରିବା ସହ ତାଙ୍କ ନାବାଳକ ଭାଇକୁ ମାଡ଼ ମରାଯାଇଥିବା ଅଭିଯୋଗ ଆସିଛି । କୈଶଳକ୍ରମେ ଆକ୍ରମଣକାରୀଙ୍କ କବଳରୁ ପୀଡିତା ଜଣଙ୍କ ଖସିଯାଇଥିଲେ ।  ପରେ ଖବର ପାଇ ଘଟଣାସ୍ଥଳରେ କଳିଙ୍ଗନଗର ପୋଲିସ ପହଞ୍ଚି ତଦନ୍ତ ଜାରୀ ରଖିଛି । ଏବଂ ଘଟଣା ଘଟାଇଥିବା ପାଞ୍ଚଜଣ ଅଭିଯୁକ୍ତଙ୍କୁ ଥାନାରେ ପଚରାଉଚରା କରୁଛି ପୋଲିସ ।

ଆଦିବାସୀ ଅଞ୍ଚଳର ଭାଈ ଭଉଣୀ ଆନନ୍ଦପୁରରୁ ଡୁବୁରୀକୁ ଆସି ବସରୁ ଓହ୍ଲାଇବା ପରେ ନିକଟସ୍ଥ ସମ୍ପର୍କୀୟଙ୍କ ଘରକୁ ଯାଉଥିଲେ । କିନ୍ତୁ ରାସ୍ତାରେ ବର୍ଷା ହେବାରୁ ସେ ନିକଟସ୍ଥ ଏକ ସ୍କୁଲ୍ ଘରେ ଆଶ୍ରୟ ନେଇଥିଲେ ।  ପରେ ୫ଜଣ ଯୁବକ ସ୍କୁଲରେ ପହଞ୍ଚି ସେମାନଙ୍କ ସହ ଅଶ୍ଳିଳ ବ୍ୟବହାର କରିଥିବା ସୂଚନା ମିଳିଛି । ଜୀବନ ବଞ୍ଚାଇବାକୁ ଉଭୟ ନାବାଳକ ଓ ନାବାଳିକାଏକ ବୁଦା ମୂଳେ ଆଶ୍ରୟ ନେଇଥିଲେ । ଅନ୍ଧାର କାରଣରୁ ଅଳ୍ପକେ ବର୍ତ୍ତିଯାଇଛନ୍ତି ବାପା ମାଆ ଛେଉଣ୍ଡ ଦୁଇ ଭାଈ ଭଉଣୀ । ପରେ ଘଟଣା ସମ୍ପର୍କରେ ସ୍ଥାନୀୟ ଲୋକଙ୍କୁ ସୂଚନା ଦେବାପରେ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ଉଭୟଙ୍କୁ ଡାକ୍ତରୀ ଚିକିତ୍ସା ପାଇଁ ପଠାଇବା ସହ ଘଟଣାର ତଦନ୍ତ ଜାରି ରଖିଛି ପୋଲିସ । ଡିଏସପି ପ୍ରମୋଦ ମଲ୍ଲିକ ଓ ଏସପି ରାହୁଲ ପିଆର ମଧ୍ୟ ଘଟଣା ସମ୍ପର୍କରେ ଖୋଳତାଡ଼ କରୁଛନ୍ତି ।
Published by:Soubhagya Mishra
First published: