ଅର୍ଚ୍ଚନା ନାଗଙ୍କ ସମ୍ପତ୍ତି ବାଜ୍ୟାପ୍ତି ପକ୍ରିୟା ଆରମ୍ଭ; ଜଗବନ୍ଧୁ ଓ ଖଗେଶ୍ବରଙ୍କୁ ବି ନୋଟିସ

ଗତ ୫ ବର୍ଷ ମଧ୍ୟରେ ଅର୍ଚନା, ଜଗବନ୍ଧୁ ଓ ଖଗେଶ୍ୱରଙ୍କ ଆକାଉଣ୍ଟକୁ ଆସିଛି କୋଟି କୋଟି ଟଙ୍କା। ଆଉ ଏ ସବୁ ଟଙ୍କାର ଉତ୍ସ କଣ ଥିଲା ତାହା ତଦନ୍ତ ବେଳେ ଇଡିକୁ ତଥ୍ୟ ଦେଇ ନଥିଲେ ୩ ଜଣ।

ଅର୍ଚ୍ଚନା ନାଗଙ୍କ ସମ୍ପତ୍ତି ବାଜ୍ୟାପ୍ତି

ଅର୍ଚ୍ଚନା ନାଗଙ୍କ ସମ୍ପତ୍ତି ବାଜ୍ୟାପ୍ତି

  • News18 Odia
  • Last Updated :
  • Other, India
  • Share this:
News18 Odia Digital

ଭୁବନେଶ୍ୱର: ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କ ସମ୍ପତ୍ତି ବାଜ୍ୟାପ୍ତିକୁ ନେଇ ପକ୍ରିୟା ଆରମ୍ଭ କଲା ପ୍ରବର୍ତ୍ତନ ନିର୍ଦ୍ଦେଶାଳୟ। ଅର୍ଚ୍ଚନାଙ୍କ ସମେତ ତାଙ୍କ ତାଙ୍କ ସ୍ୱାମୀ ଜଗବନ୍ଧୁ ଚାନ୍ଦ ଓ ସହଯୋଗୀ ଖଗେଶ୍ବର ପାତ୍ରଙ୍କ ସମ୍ପତି ମଧ୍ୟ ବାଜ୍ୟାପ୍ତି କରିବାକୁ ଦିଲ୍ଲୀରେ ଥିବା ଏଡ଼ଜୁଡିକେଟିଂ ଅଥରିଟିଙ୍କୁ ଚିଠି ଲେଖି ଜଣାଇଥିଲା ତଦନ୍ତକାରୀ ଟିମ। ଏନେଇ ଆଜି ଇଡିର ଏକ ଟିମ ଝାରପଡା ଜେଲକୁ ଆସି ଅର୍ଚ୍ଚନା, ଜଗବନ୍ଧୁ ଓ ଖଗେଶ୍ବରଙ୍କୁ ନୋଟିସ ଦେଇଛି । ଏହି ମାମଲାରେ ଆସନ୍ତା ୧୩ ତାରିଖରେ ଶୁଣାଣି ହେବ ।

ଇଡି ସୂଚନା ଅନୁସାରେ, ଗତ ୫ ବର୍ଷ ମଧ୍ୟରେ ଅର୍ଚନା, ଜଗବନ୍ଧୁ ଓ ଖଗେଶ୍ୱରଙ୍କ ଆକାଉଣ୍ଟକୁ ଆସିଛି କୋଟି କୋଟି  ଟଙ୍କା। ଆଉ ଏ ସବୁ ଟଙ୍କାର ଉତ୍ସ କଣ ଥିଲା ତାହା ତଦନ୍ତ ବେଳେ ଇଡିକୁ ତଥ୍ୟ ଦେଇ ନଥିଲେ । ସେଥିପାଇଁ ତିନିଜଣଙ୍କ ସମ୍ପତି ବାଜ୍ୟାପ୍ତି ପାଇଁ ପକ୍ରିୟା ଆରମ୍ଭ କରିଛି ଇଡି ।

ସେପଟେ ଅର୍ଚ୍ଚନାଙ୍କ ଲିଙ୍କରେ ଥିବା ବଡ଼ ବଡ଼ିଆଙ୍କ ବିରୁଦ୍ଧରେ ପ୍ରମାଣ ଖୋଜୁଛି ଇଡି । ଆଜି ପୁଣିଥରେ ଇଡ଼ିରେ ହାଜର ହୋଇଥିଲେ ଫିଲ୍ମ ପ୍ରଯୋଜକ ପ୍ରମୋଦ ସ୍ଵାଇଁ । ଅର୍ଚ୍ଚନାଙ୍କ ସହ ଟଙ୍କା କାରବାର କରିଥିବା ଫିଲ୍ମ ପ୍ରଯୋଜକ ପ୍ରମୋଦ ଦିର୍ଘ ୬ ଘଣ୍ଟା ଧରି ଇଡି ଜେରାର ସମ୍ମୁଖୀନ ହୋଇଛନ୍ତି । ଇଡି ଅଫିସରୁ ବାହାରିବା ପରେ ପ୍ରମୋଦ କହିଛନ୍ତି, କିଛି କାଗଜପତ୍ର ଦେବାକୁ ଇଡି ଡାକିଥିଲେ ।

ସେହିଭଳି ବୁଧବାର ଲେଡି ବ୍ଲାକମେଲର ଅର୍ଚ୍ଚନା ନାଗକୁ ଓ ଗୁରୁବାର ଖଗେଶ୍ବର ପାତ୍ରକୁ ଜେଲରେ ଜେରା କରିବ ଇଡି । ଏନେଇ ଜିଲା ଦୌରାଜଜ୍ କୋର୍ଟ ଇଡିକୁ ଅନୁମତି ଦେଇଛନ୍ତି। ଉଭୟଙ୍କୁ ଜେରା ପାଇଁ ସୋମବାର କୋର୍ଟରେ ଆବେଦନ କରିଥିଲା ଇଡି।
Published by:Soumya Das
First published: