ପୁରୀରେ ଶ୍ରୀଜୀଉଙ୍କୁ ଦର୍ଶନ କଲେ ମୁକେଶ ଅମ୍ୱାନୀଙ୍କ ପୁଅ ଅନନ୍ତ; ଫେରିଯିବେ ମୁମ୍ୱାଇ

ବିବାହ ପୂର୍ବରୁ ଶ୍ରୀକ୍ଷେତ୍ର ପୁରୀରେ ପହଞ୍ଚିଛନ୍ତି ବିଶିଷ୍ଟ ଶିଳ୍ପପତି ମୁକେଶ ଅମ୍ୱାନୀଙ୍କ ପୁଅ ଅନନ୍ତ ଅମ୍ୱାନୀ । ସିଂହଦ୍ୱାର ସାମ୍ନାରେ ପହଞ୍ଚିବା ପରେ କୌଳିକ ପୂଜାପଣ୍ଡା ଅନନ୍ତଙ୍କୁ ସ୍ୱାଗତ କରିଥିଲେ ।

ପୁରୀରେ ଶ୍ରୀଜୀଉଙ୍କୁ ଦର୍ଶନ କଲେ ମୁକେଶ ଅମ୍ୱାନୀଙ୍କ ପୁଅ ଅନନ୍ତ; ଫେରିଯିବେ ମୁମ୍ୱାଇ

ପୁରୀରେ ଶ୍ରୀଜୀଉଙ୍କୁ ଦର୍ଶନ କଲେ ମୁକେଶ ଅମ୍ୱାନୀଙ୍କ ପୁଅ ଅନନ୍ତ; ଫେରିଯିବେ ମୁମ୍ୱାଇ

  • News18 Odia
  • Last Updated :
  • Puri, India
  • Share this:
News 18 Odia Digital

ପୁରୀ; ବିବାହ ପୂର୍ବରୁ ଶ୍ରୀକ୍ଷେତ୍ର ପୁରୀରେ ପହଞ୍ଚିଛନ୍ତି ବିଶିଷ୍ଟ ଶିଳ୍ପପତି ତଥା ରିଲାଏନ୍ସ ଗ୍ରୁପ ମୁଖ୍ୟ ମୁକେଶ ଅମ୍ୱାନୀଙ୍କ (Mukesh ambani) ପୁଅ ଅନନ୍ତ ଅମ୍ୱାନୀ (Anant ambani ) । ଆଜି ଭୁବନେଶ୍ୱର ବିମାନ ବନ୍ଦରରେ ପହଞ୍ଚି ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀକ୍ଷେତ୍ର ଅଭିମୁଖେ ଯାତ୍ରା କରିଥିଲେ ଅନନ୍ତ । ଅପରାହ୍ମ ୪ଟା ୧୫ ସମୟରେ ପୁରୀ (Puri) ସିଂହଦ୍ୱାର ସାମ୍ନାରେ ପହଞ୍ଚିବା ପରେ କୌଳିକ ପୂଜାପଣ୍ଡା ଅନନ୍ତଙ୍କୁ ସ୍ୱାଗତ କରିଥିଲେ । ଶ୍ରୀମନ୍ଦିର ସିଂହଦ୍ୱାର ସାମ୍ନାରୁ ଦୁଇ ବାହୁକୁ ଉପରକୁ ଟେକି ଭଗବାନଙ୍କୁ ନିଜକୁ ସମର୍ପିଦେଇଥିଲେ ଅନନ୍ତ । ପରେ ବାଇସି ପାହାଚ ଦେଇ ଶ୍ରୀମନ୍ଦିରକୁ ପ୍ରବେଶ କରିଥିଲେ । ସାଥିରେ ଥିଲେ ସୁରକ୍ଷା କର୍ମୀ ଓ ପୂଜା ପଣ୍ଡା ।

ଶ୍ରୀମନ୍ଦିରରେ ଭିତରେ ବେଶ୍ କିଛି ସମୟ ଭଗବାନଙ୍କ ଆଖିରେ ଆଖି ମିଶେଇ ନିଜକୁ ପ୍ରଭୁଙ୍କ ପ୍ରେମରେ ହଜେଇ ଦେଇଥିଲେ ଅନନ୍ତ । ଭଗବାନଙ୍କ ନିକଟରେ ଧନୀ ଗରିବର କୌଣସି ଭେଦଭାବ ନାହିଁ । ଯାହାକୁ ଅନୁଭବ କରିଥିଲେ ସାଧାରଣ ଭକ୍ତ ।  ମହାପ୍ରଭୁଙ୍କୁ ଦର୍ଶନ କରିବା ପରେ ବେଢା ପରିକ୍ରମା କରିଥିଲେ ଅନନ୍ତ ଅମ୍ୱାନୀ । ବେଢାରେ ଥିବା ସମସ୍ତ ଦେବାଦେବୀଙ୍କୁ ହାତ ଯୋଡି ପ୍ରଣାମ କରିବା ସହ ଆଶୀର୍ବାଦ ଭିକ୍ଷା କରିଥିଲେ । ମୁକ୍ତି ମଣ୍ଡପରେ ବ୍ରାହ୍ମଣଙ୍କ ଆଶୀର୍ବାଦ ନେଇ ମାଆ ବିମଳା ମନ୍ଦିର, ପଶ୍ଚିମ ଦ୍ୱାର ସ୍ଥିତ କାନପତା ହନୁମାନ ଓ ମାଆ ମହାଲକ୍ଷ୍ମୀଙ୍କ ଦର୍ଶନ ସାରି ବାଇଶି ପହାଚ ଦେଇ ପ୍ରତ୍ୟାବର୍ତ୍ତନ କରିଥିଲେ । ସିଂହଦ୍ୱାର ସମୁଖରେ ଅଟକି ଗଣମାଧ୍ୟମକୁ ପ୍ରତିକ୍ରିୟାରେ କହିଥିଲେ ମହାପ୍ରଭୁଙ୍କ ଦୃଲଭ ଦର୍ଶନ କରି ଭାବବିହୁଳ ହୋଇପଡ଼ିଥିଲେ । ଶ୍ରୀ ମନ୍ଦିର ପ୍ରଶାସନ ପକ୍ଷରୁ ଶୃଙ୍ଖଳିତ ଦର୍ଶନ ସହ ବାଇଶି ପାହାଚ ମହାପ୍ରଭୁଙ୍କ ଖଣ୍ଡୁଆ ବସ୍ତ୍ର ଶ୍ରୀ ମନ୍ଦିର କ୍ୟାଲେଣ୍ଡର ଓ ସ୍ୱତନ୍ତ୍ର ପ୍ୟାକେଟ ପ୍ରଦାନ କରାଯାଇଥିଲା l ମହାପ୍ରଭୁଙ୍କ ଦର୍ଶନ ଭଲ ହେବା ସହ ସମସ୍ତଙ୍କୁ ଧନ୍ୟବାଦ ଦେଇ ପ୍ରଣାମ କରି ଜୟ ଜଗନ୍ନାଥ କହି ଶ୍ରୀକ୍ଷେତ୍ରରୁ ପ୍ରତ୍ୟାବର୍ତ୍ତନ କରିଥିଲେ l ଅନନ୍ତଙ୍କୁ ଦେଖିବା ପାଇଁ ପୁରୀ ବଡ଼ଦାଣ୍ଡରେ ମଧ୍ୟ ଲୋକଙ୍କ ଗହଳି ଦେଖିବାକୁ ମିଳିଥିଲା ।

ଦର୍ଶନ ଶେଷ ପରେ ପୁରୀରୁ ଭୁବନେଶ୍ୱର ବିମାନବନ୍ଦର ଓ ପରେ ମୁମ୍ୱାଇ ଫେରିଯିବେ ଅନନ୍ତ ଅମ୍ୱାନୀ । ଅନନ୍ତଙ୍କ ଦର୍ଶନ ପାଇଁ ପୁରୀରେ ପ୍ରଶାସନ ଓ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା । କଡା ସୁରକ୍ଷା ବଳୟ ମଧ୍ୟରେ ଅନନ୍ତଙ୍କୁ ଶ୍ରୀମନ୍ଦିରକୁ ନିଆଯାଇଥିଲା ।

ଉଲ୍ଲେଖଯୋଗ୍ୟ, ଦୁଇ ପରିବାର ସଦସ୍ୟଙ୍କ ଉପସ୍ଥିତିରେ ଅନନ୍ତ ଅମ୍ୱାନୀଙ୍କ ସହ ରାଧିକା ମର୍ଚାଣ୍ଟଙ୍କର ନିର୍ବନ୍ଧ ସରିଛି । ଆଗକୁ ବିବାହ କାର୍ଯ୍ୟକ୍ରମ ରହିଛି । ବିବାହ ପାଇଁ ଧର୍ମାନୁଷ୍ଠାନ ଗୁଡିକରେ ପହଞ୍ଚି ଦର୍ଶନ କରିବା ସହ ନିଜ ଦାମ୍ପତ୍ୟ ଜୀବନ କିପରି ଖୁସିରେ କଟିବ ସେନେଇ ଆଶୀର୍ବାଦ ନେଉଛନ୍ତି ଅନନ୍ତ ।

ଅଧିକ ଖବର ପଢ଼ନ୍ତୁ - http://ପୁରୁଷୋତ୍ତମ ଏକ୍ସପ୍ରେସରେ ନିଶା ଦେଇ ଲୁଟ; ପୁରୀରୁ ଦମ୍ପତ୍ତି ଉଦ୍ଧାର
Published by:Soubhagya Mishra
First published: