ଭୁବନେଶ୍ୱରରେ ୧୨ ବର୍ଷରେ ୮୦୦ ନାବାଳିକା ‘ଅପହୃତ’, ୫୦୦ ବ୍ୟକ୍ତି ନିଖୋଜ; ଖୋଲୁଛି ପୁରୁଣା କେସ୍

News18 Odia Digital

ଭୁବନେଶ୍ୱେର: ରାଜ୍ୟ ରାଜଧାନୀରେ ଗତ ୧୨ ବର୍ଷ ଧରି ପଡି଼ରହିଥିବା ଆପରାଧିକ ମାମଲାଗୁଡି଼କୁ ଖୋଲିବା ଆରମ୍ଭ କରିଛି କମିଶନରେଟ୍‌ ପୋଲିସ । ଏଥି ପାଇଁ ଏକ ସ୍ୱତନ୍ତ୍ର ସେଲ୍‌ ଖୋଲା ଯାଇଛି । ଜଣେ ଏ.ସି.ପି. ଓ ଦୁଇ ଜଣ ଆଇ.ଆଇ.ସି.ଙ୍କୁ ଦିଆଯାଇଛି ସେହି ମାମଲାଗୁଡ଼ିକର ତଦନ୍ତ ଦାୟିତ୍ୱ । ନାବାଳିକା ଅପହରଣ, ନିଖୋଜ ବ୍ୟକ୍ତି ମାମଲା ଓ ପରିଚୟ ମିଳି ନ ଥିବା ମୃତ ଦେହ ମାମଲାଗୁଡି଼କର ତଦନ୍ତ କରିବ ଏହି ସେଲ୍‌ ।

୨୦୦୮ ମସିହାରେ କମିଶନରେଟ ପୋଲିସ  ଗଠନ ହେବା ପରଠୁ ବିଭିନ୍ନ ଥାନାରେ ପାଖାପାଖି ୮୦୦ ନାବାଳିକା ଅପହରଣ ମାମଲା ଓ ୫୦୦ ନିଖୋଜ ବ୍ୟକ୍ତି ମାମଲା ଅସମାହିତ ହୋଇ ପଡ଼ିରହିଛି । ତେଣୁ ପୁରୁଣା ଫାଇଲ୍‌ ଖୋଲି ଏ ସବୁ ମାମଲାଗୁଡି଼କର ତଦନ୍ତ ସାରବାକୁ ନିଷ୍ପତ୍ତି ନେଇଛି କମିଶନରେଟ୍‌ ପୋଲିସ ।

ଏହା ବି ପଢ଼ନ୍ତୁ | ଯୁବ ଲେଖକମାନଙ୍କ ପାଇଁ PM ମୋଦି ଆଣିଲେ ଏକ ସ୍କିମ୍; ୬ ମାସରେ ମିଳିବ ୩ ଲକ୍ଷ ଟଙ୍କା

“ଗତ କିଛି ଦିନ ତଳେ ଆମେ ଅସମାହିତ ହୋଇ ରହିଥିବା ମାମଲାଗୁଡ଼ିକର ଏକ ସମୀକ୍ଷା କରିଥିଲୁ । କମିଶନରେଟ୍‌ ପୋଲିସ ଆରମ୍ଭ ହେବା ଦିନ ଠାରୁ ଏଭଳି ଅନେକ ମାମଲା ପେଣ୍ଡିଂ ରହିଛି । ଏବେ ସୁଦ୍ଧା ରାଜଧାନୀର ବିଭିନ୍ନ ଥାନାରେ ୮୦୦ରୁ ଅଧିକ ନାବାଳିକା ଅପହରଣ ମାମଲା ପଡି଼ ରହିଛି । ଏବେ ସେ ସବୁ ଉପରେ ଆମେ ଗୁରତ୍ୱ ଦେବା ଆରମ୍ଭ କରିଛୁ । ଏବେ ସୁଦ୍ଧା ୩୦ଟି ମାମଲାରେ ତଦନ୍ତ କରି ଆମେ ୩୦ ଜଣ ନବାଳିକାଙ୍କୁ ଉଦ୍ଧାର କରିସାରିଲୁଣି,’’ କହିଛନ୍ତି ଭୁବନେଶ୍ୱର ଡିସିପି ଉମା ଶଙ୍କର ଦାଶ ।

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ହସପିଟାଲରେ ଅକ୍ସିଜେନ୍ ବନ୍ଦ କରି ଦେଖିଲେ କେତେ ରୋଗୀ ମରିବେ; ୫ ମିନିଟରେ ମଲେ ୨୨ – VIDEO



ଏହା ବି ପଢ଼ନ୍ତୁ | SBIର ଆଲର୍ଟ! ଏବେ ATMରୁ ଟଙ୍କା ଉଠାଇବା ମହଙ୍ଗା ହେବ, ଚେକ୍ ବୁକ୍ ନିୟମ ବି ବଦଳିବ

ଖାଲି ନାବାଳିକା ଅପହରଣ ନୁହେଁ, କମିଶନରେଟ୍‌ ପୋଲିସ ପାଇଁ ଅସମାହିତ ହୋଇ ପଡ଼ିରହିଥିବା ନିଖୋଜ ବ୍ୟକ୍ତି (ମିସିଂ ପର୍ସନ୍‌) ମାମଲାଗୁଡି଼କ ମଧ୍ୟ ଚିନ୍ତା ବଢ଼ାଇଛି । ଏବେ ସୁଦ୍ଧା ରାଜଧାନୀର ବିଭିନ୍ନ ଥାନାରେ ୫୦୦ରୁ  ଅଧିକ ନିଖୋଜ ବ୍ୟକ୍ତି ମାମଲା ପଡ଼ିରହିଛି । ସେ ସବୁର ତାଲିକା ଓ ପୂର୍ବ ତଦନ୍ତ ରିପୋର୍ଟ ପ୍ରସ୍ତୁତ କରିଛି କମିଶନରେଟ୍‌ ପୋଲିସ ।

ଏହା ବି ପଢ଼ନ୍ତୁ | Vaccine: ଘରୋଇ ହସପିଟାଲ୍ଗୁଡ଼ିକ ପାଇଁ କରୋନା ଟିକାର ଦାମ୍ ସ୍ଥିର କଲେ କେନ୍ଦ୍ର ସରକାର

“ନାବାଳିକା ଅପହରଣ ମାମଲାଗୁଡି଼କର ତଦନ୍ତ ବେଳେ ଜଣା ପଡି଼ଛି ଯେ ସେମାନଙ୍କ ମଧ୍ୟରୁ ଅଧିକାଂଶ ନିଜ ଇଚ୍ଛାରେ ଘରୁ ବାହାରକୁ ଯାଇଛନ୍ତି । ବିଶେଷ କରି ୧୬ରୁ ୧୭ ବର୍ଷ ବୟସର ନାବାଳିକାମାନେ ସ୍ୱଇଚ୍ଛାରେ ଯାଇଥିବା ଜଣା ପଡି଼ଛି । ତା’ ପରେ ସେମାନଙ୍କ ପରିବାର ଅପହରଣ ମାମଲା ରୁଜୁ କରିଛନ୍ତି । ଆଗକୁ ଆମେ ସ୍କୁଲ୍‌ ଓ କଲେଜରେ ଏ ନେଇ ସଚେତନତା କାର୍ଯ୍ୟକ୍ରମ କରିବାକୁ ଲକ୍ଷ ରଖିଛୁ । ନାବାଳିକା ଅପହରଣ ମାମଲା ରୁଜୁ ହେଲେ କାର୍ଯ୍ୟାନୁଷ୍ଠାନ କଠୋର ହୁଏ ବୋଲି ଛାତ୍ରଛାତ୍ରୀମାନଙ୍କୁ ସଚେତନ କରାଯିବ,’’ କହିଛନ୍ତି ଭୁବନେଶ୍ୱର ଡିସିପି ଉମା ଶଙ୍କର ଦାଶ ।



କମିଶନରେଟ ପୋଲିସର ଏହି ପଦକ୍ଷେପକୁ ସ୍ୱାଗତ କରିଛନ୍ତି ବୁଦ୍ଧିଜୀବୀମାନେ । ପୁର୍ବତନ ପୋଲିସ ଡିଜି ସଞ୍ଜୀବ ମାରିକ କହିଛନ୍ତି, “ବିଶେଷ କରି ଏହି ଭଳି ମାମଲାଗୁଡି଼କ ପଡି଼ରହିଥାଏ । ତେଣୁ ଏକ ସ୍ୱତନ୍ତ୍ର ଟିମ୍ ଦ୍ୱାରା ଏଗୁଡ଼ିକର ତଦନ୍ତ କଲେ ତଦନ୍ତ ପକ୍ରିୟା ସହଜ ହେବ ଓ ଶୀଘ୍ର ସରିବ । ପରିଚୟ ମିଳି ନ ଥିବା ମୃତ ଦେହ ମାମଲାଗୁଡି଼କ ରିଓପନ୍‌ କରିବା ଦ୍ୱାରା ସେମାନଙ୍କ ପରିଚୟ ମଳିବାର ସମ୍ଭାବନା ବଢ଼ିବ ।’’