କଟକରେ ବେଆଇନ୍ ବନ୍ଧୁକ ବିକ୍ରି ପାଇଁ ଏକାଠି ହେଉଥିବା ୭ ଅପରାଧୀ ପଡ଼ିଲେ ପୋଲିସ କବଜାରେ
ବେଆଇନ୍ ବନ୍ଧୁକ କାରବାର କୁଖ୍ୟାତ ଅପରାଧୀ ଟିଟୋର ଇଙ୍ଗିତରେ ପରିଚାଳିତ ହେଉଥିଲା । ଗିରଫ ହୋଇଥିବା ସାତ ଜଣଙ୍କ ମଧ୍ୟରେ ଅଛନ୍ତି ଟିଟୋ ଗ୍ୟାଙ୍ଗର ଦୁଇ ପ୍ରମୁଖ ସହଯୋଗୀ – ବିଜୟ ନାୟକ ଓ ଜଗା ଓରଫ ଜଗନ୍ନାଥ ଦାସ ।
ଗିରଫ ହୋଇଥିବା ସାତ ଜଣ ଅଭିଯୁକ୍ତ
କଟକ: ଦୀର୍ଘ ବ୍ୟବଧାନ ପରେ କଟକ ତଥା ଉପକୂଳର୍ତ୍ତୀ ଜିଲ୍ଲାଗୁଡ଼ିକରେ ନିଜର ସୁପ୍ତ ପଡ଼ିଥିବା ନେଟୱର୍କକୁ ସକ୍ରିୟ କରିବା ପାଇଁ ଉଦ୍ୟମ ଆରମ୍ଭ କରିଛି କୁଖ୍ୟାତ ଅପରାଧୀ ସୟଦ୍ ଉସମାନ୍ ଅଲ୍ଲି ଓରଫ ଟିଟୋ । ଲକଡ଼ାଉନ୍ ପରେ ପରେ ଅଧିକ ସକ୍ରିୟ ହୋଇଉଠିଥିବା ଟିଟୋକୁ ବୁଧବାର ଦିନ ଏକ ଶକ୍ତ ଧକ୍କା ଦେଇଛି କଟକ କମିଶନରେଟ ପୋଲିସ । କଟକ ସହରକୁ ବେଆଇନ ଅସ୍ତ୍ରଶସ୍ତ୍ର କାରବାର ପାଇଁ ଆସିଥିବା ତା’ର ସାତ-ଜଣିଆ ଗ୍ୟାଙ୍ଗକୁ କାବୁ କରିଛି ପୋଲିସ ।
ଏହି ଗ୍ୟାଙ୍ଗ ଠାରୁ ସାତଟି ବନ୍ଧୁକ ଓ ୬୫ ରାଉଣ୍ଡ୍ ଗୁଳି ଜବତ କରିଛି ପୋଲିସ । ବଡ଼ କଥା ହେଉଛି ଗିରଫ ହୋଇଥିବା ସାତ ଜଣଙ୍କ ମଧ୍ୟରେ ଅଛନ୍ତି ଟିଟୋ ଗ୍ୟାଙ୍ଗର ଦୁଇ ପ୍ରମୁଖ ସହଯୋଗୀ – ଗ୍ୟାଙ୍ଗଷ୍ଟାର୍ ସୁଲେମାନ ହତ୍ୟାକାଣ୍ଡର ଅନ୍ୟତମ ଅଭିଯୁକ୍ତ ବିଜୟ ନାୟକ ଓ ଜଗା ଓରଫ ଜଗନ୍ନାଥ ଦାସ । ବିଜୟ ନାୟକ ପ୍ରାୟ ଦୁଇ ମାସ ତଳେ ଜାମିନରେ ଫେରିଥିଲା । ସେ ଟିଟୋର ଇସାରାରେ ଜଗତସିଂହପୁର ବାସିନ୍ଦା ଜଗା ସହିତ ମିଶି ଏହି ଚୋରା ବନ୍ଧୁକ ରାକେଟ ଚଳାଇଥିଲା ବୋଲି ପୋଲିସ କହିଛି ।
ଏହା ବି ପଢ଼ନ୍ତୁ | ଫିଲ୍ମ ‘ସ୍ଲମ୍ଡଗ୍ ମିଲିଅନେୟାର୍'ର ଏହି ଅଭିନେତାଙ୍କୁ Sex ଆକ୍ରମଣ ମାମଲାରେ ଜାମିନ ମିଳିଲା
ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀଙ୍କ ସହ କଟକ ଡିସିପି ପ୍ରତୀକ ସିଂ
ଏହି ଗ୍ୟାଙ୍ଗର କିଙ୍ଗ ପିନ୍ କୁଖ୍ୟାତ ଅପରାଧୀ ଜଗା ଓରଫ ଜଗନ୍ନାଥ ଦାସ ପୂର୍ବରୁ ବେଆଇନ ବନ୍ଧୁକ କାରବାର କରୁଥିଲା । ଏହି ବଡ଼ ଡିଲ୍ ପାଇଁ ଜାମିନରେ ଥିବା ଗ୍ୟାଙ୍ଗଷ୍ଟର ସୁଲେମାନର ହତ୍ୟା ଅଭିଯୁକ୍ତ ତଥା ଟିଟୋ ଗ୍ୟାଙ୍ଗର ପ୍ରମୁଖ ସହଯୋଗୀ ବିଜୟ ନାୟକକୁ ସେ ନିଜ ସାଥିରେ ନେଇଥିଲା । ପ୍ରଥମେ ବନ୍ଧୁକ କିଣିବା ପାଇଁ ଲୋକଙ୍କ ଠାରୁ ଅର୍ଡ଼ର ନେଇଥିଲା ଓ ବିହାରର ମୁଙ୍ଗେରରୁ ବନ୍ଧୁକ କନସାଇନ୍ମେଣ୍ଟ ମଳିବା ପରେ ସେହି ସବୁ ଅର୍ଡ଼ରକୁ ନିଜ ଗ୍ୟାଙ୍ଗର ସଦସ୍ୟଙ୍କ ଜରିଆରେ ଟଙ୍କା ନେଇଥିବା ଲୋକଙ୍କ ପାଖକୁ ପଠାଇବାର ଯୋଜନା କରିଥିଲା ।
ଦେଖନ୍ତୁ PHOTOS | ମଲାଇକା ଅରୋଡ଼ା ନିଜ ପ୍ରିୟ ଯୋଗ ଆସନଗୁଡ଼ିକର ଫଟୋ ଶେୟାର୍ କଲେ; ଦେଖନ୍ତୁ
ଯୋଜନା ମୁତାବକ ଏହି ବନ୍ଧୁକଗୁଡ଼ିକୁ ଭଦ୍ରକ, କେନ୍ଦ୍ରପଡ଼ା ଓ ଜଗତସିଂହପୁର ଜିଲ୍ଲାରେ ଥିବା ଅପରାଧୀମାନଙ୍କ ପାଖକୁ ପଠାଯାଇଥାନ୍ତା । କିନ୍ତୁ ଡେଲିଭେରୀ ସମୟରେ ପୋଲିସ କବଜାରେ ପଡ଼ିଥିଲେ ଏମାନେ । ଚାଉଳିଆଗଞ୍ଜ ଥାନା ଅନ୍ତର୍ଗତ କାଳିଆବୁଦା ନିକଟରେ ଥିବା ଏକ ପଡି଼ଆରେ ବନ୍ଧୁକ ବେପାର ଚାଲିଥିବା ଖବର ପାଇ ଘଟଣା ସ୍ଥଳରେ ରେଡ଼ କରିଥିଲା ଚାଉଳିଆଗଞ୍ଜ ଥାନା ପୋଲିସ । ଏହି ବନ୍ଧୁକ ଓ ଗୁଳିଗୁଡ଼ିକୁ ଜବତ କରିବା ସହ ସାତ ଜଣଙ୍କୁ ଗିରଫ କରିଥିଲା ।
ଦେଖନ୍ତୁ PHOTOS | ଅଭିନେତ୍ରୀ ଦିଶା ପଟାନୀଙ୍କ ଏହି ବିକିନି ଫଟୋଗୁଡ଼ିକ ଇଣ୍ଟରନେଟରେ ଝଡ଼ ସୃଷ୍ଟି କଲେ; ଦେଖନ୍ତୁ
‘‘ବିଜୟ ନାୟକ ଓ ଜଗା ପୂର୍ବରୁ ଅନେକ ଥର ବନ୍ଧୁକ କାରବାର କରିଛନ୍ତି । ସେମାନଙ୍କ ଉପରେ ଆମର ନଜର ଥିଲା । ୩୦ ତାରିଖ ଦିନ କଟକରେ ଏମାନେ ଏକାଠି ହେଉଥିବା ଖବର ପାଇବା ପରେ ଆମେ ସେଠାରେ ଚଢାଉ କରି ସେମାନଙ୍କୁ ଧରିଥଲୁ । କେଉଁ ଆପରାଧିକ କାର୍ଯ୍ୟକଳାପ ଘଟାଇବା ପାଇଁ ଏହି ବନ୍ଧୁକଗୁଡ଼ିକୁ ଅଣାଯାଇଥିଲା ତାହା ସ୍ପଷ୍ଟ ହୋଇନାହିଁ,’’ ଏକ ସାମ୍ବାଦିକ ସମ୍ମିଳନୀ କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।
ଏହା ବି ପଢ଼ନ୍ତୁ | ଶାହାରୁଖ୍ ଖାନ୍ ଏବେ ଦେଶର ସବୁଠୁ ମହଙ୍ଗା ଅଭିନେତା; ଫିଲ୍ମ ‘ପଠାନ’ ପାଇଁ କେତେ ନେଉଛନ୍ତି ଜାଣନ୍ତି?
ଏହି ସବୁ ଅସ୍ତ୍ରଶସ୍ତ୍ର ଆମଦାନୀ ପଛରେ ବ୍ୟବସାୟୀ, ଠିକାଦାର ଓ ବାଲିଘାଟ ନିଲାମ ନେଇଥିବା ଲୋକଙ୍କ ଠାରୁ ଦାଦାବଟି ଆଦାୟ କରିବା ମୁଖ୍ୟ ଲକ୍ଷ୍ୟ ଥିଲା ବୋଲି ପୋଲିସକୁ ସୂଚନା ମିଳିଛି । ଏହି କାରବାର ଟିଟୋର ଇଙ୍ଗିତରେ ପରିଚାଳିତ ହେଉଥିଲା । ବିଜୟ ନାୟକ ଓ ଜଗା ଭଦ୍ରକ, କେନ୍ଦ୍ରାପଡ଼ା ଓ ଜଗତସିଂହପୁର ଅଞ୍ଚଳରେ ପୂର୍ବରୁ ଅନେକ ଥର ବନ୍ଧୁକ କାରବାର କରିଥିବା ମଧ୍ୟ ପୋଲିସ ପକ୍ଷରୁ କୁହାଯାଇଛି ।
ଏହା ବି ପଢ଼ନ୍ତୁ | ହରିଦ୍ୱାର କୁମ୍ଭରେ ବିଶ୍ୱର ସବୁଠୁ ଛୋଟ ନାଗା ସାଧୁ: ଉଚ୍ଚତା ୧୮ ଇଞ୍ଚ୍, ଓଜନ ମାତ୍ର ୧୮ କିଲୋଗ୍ରାମ୍
ଜଗା ଓ ବିଜୟକୁ ରିମାଣ୍ଡରେ ଆଣିବା ପାଇଁ ଯୋଜନା କରୁଛି ପୋଲିସ । ଭଦ୍ରକ, କେନ୍ଦ୍ରାପଡ଼ା ଓ ଜଗତସିଂହପୁରର ଏସ.ପି.ମାନଙ୍କୁ ମଧ୍ୟ ତଦନ୍ତରେ କମିଶନରେଟ ପୋଲିସକୁ ସହଯୋଗ କରିବା ପାଇଁ କୁହାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।
ପ୍ରତି ଥର ଭଳି ଏହି ବେଆଇନ ଅସ୍ତ୍ରଶସ୍ତ୍ର କାରବାର ଲିଙ୍କ୍ ବିହାରର ମୁଙ୍ଗେର ସହିତ ରହିଥିବା ସ୍ପଷ୍ଟ ହୋଇଛି । ୨୦୧୬ ମସିହାରେ କଟକ କମିଶନରେଟ ପୋଲିସର ଅପରାଧୀ ଦମନ ମିଶନ ପରେ ସହରରେ ନିଜ କାୟା ମେଲାଇ ଥିବା ଟିଟୋ ଓ ଡି-ବ୍ରଦର୍ସଙ୍କ ସମେତ ଅନ୍ୟ ଛୋଟମୋଟ ଗ୍ୟାଙ୍ଗ ସମ୍ପୂର୍ଣ୍ଣ ଧ୍ବସଂ ହୋଇଯାଇଥିଲା । କିନ୍ତୁ ସେହି ପେଶାଦାର ଅପରାଧୀମାନେ ଜେଲ୍ ସଜା କାଟି ବାହାରକୁ ଆସିବା ପରେ ଏବେ ପୁଣି ଥରେ ନିଜର ପୁରୁଣା ପେଶାକୁ ଫେରିବାରେ ଲାଗିଛନ୍ତି । ଏମାନଙ୍କ ଗତିବିଧି ଉପରେ କଡ଼ା ନଜର ରହିଛି ବୋଲି କହିଛି ପୋଲିସ ।
