ନୟାଗଡ଼ରେ ୫ ବର୍ଷର ଝିଅ ପରୀକୁ ମାରି ଟୁକୁଡ଼ା ଟୁକୁଡ଼ା କରି ଫିଙ୍ଗିଲେ ଦୁର୍ବୃତ୍ତ; ତଦନ୍ତ ଜାରି

ଏକ ପରିତ୍ୟକ୍ତ ପୋଖରୀ ନିକଟରୁ ମିଳିଥିଲା କୁନି ଝିଅଟିର ଶବ । ତା’ର ଖଣ୍ଡ ବିଖଣ୍ଡିତ ଶବକୁ ଏକ ଅଖାରେ ପୂରେଇ ଅଖାର ମୁହଁ ବାନ୍ଧି ଫିଙ୍ଗି ଦେଇଥିଲା ହତ୍ୟାକାରୀ । ଏହି ଘଟଣା ପରେ ସେହି ଅଞ୍ଚଳର ଲୋକଙ୍କ ମନରେ ଯେତିକି ଭୟ ସେତିକି କ୍ରୋଧ ଜାତ ହୋଇଛି ।

ନୟାଗଡ଼ରେ ୫ ବର୍ଷର ଝିଅ ପରୀକୁ ମାରି ଟୁକୁଡ଼ା ଟୁକୁଡ଼ା କରି ଫିଙ୍ଗିଲେ ଦୁର୍ବୃତ୍ତ; ତଦନ୍ତ ଜାରି
ପାଞ୍ଚ ବର୍ଷର ବାଳିକା ପରୀକୁ ୧୪ ତାରିଖ ଠାରୁ ନିଖୋଜ ଥିଲା ।
  • News18 Odia
  • Last Updated: July 25, 2020, 11:11 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୟାଗଡ଼: ମାତ୍ର ପାଞ୍ଚ ବର୍ଷର ଝିଅ ସେ । ଡାକ ନାଁ ପରୀ; ଶୁଭ ନାମ ଅମ୍ରିତା ସ୍ନେହା । ଜୀବନ କଣ ଜାଣିବା ପୂର୍ବରୁ ତାକୁ କେହି ଦୁର୍ବୃତ୍ତ ନିଜ ଶିକାର ବନେଇ ମୃତ୍ୟୁଲୋକକୁ ପଠେଇଦେଲା । ନୟାଗଡ଼ର ଏଇ କୁନି ଝିଅଟିକୁ ଅପହରଣ କରିବା ପରେ ବୀଭତ୍ସ ରୁପେ ହତ୍ୟାକରାଯାଇଥିଲା । ତା’ ଶରୀରକୁ ଖଣ୍ଡ ଖଣ୍ଡ କରି କଟାଯାଇଥିଲା ।

ନୟାଗଡ଼ ଜିଲ୍ଲାର ଯଦୁପୁର ଗାଁରେ ନିଜ ଘର ଆଖପାଖରେ ଗତ ୧୪ ତାରିଖ ଦିନ ଖେଳୁଥିବା ସମୟରେ ଅପହରଣ କରିନିଆଯାଇଥିଲା ଅଶୋକ କୁମାର ସାହୁଙ୍କ ଝିଅ ପରୀକୁ । ନଅ ଦିନ ପରେ ମିଳିଲା ତା’ର ଗଳିତ ମୃତ ଦେହ । ପରିବାର ଲୋକେ ଖୋଜି ଖୋଜି ନୟାନ୍ତ ହୋଇଥିଲେ । ଗୁରୁବାର ସନ୍ଧ୍ୟାରେ ସେହି ଗାଁର ଏକ ପରିତ୍ୟକ୍ତ ପୋଖରୀ ପରିସରରୁ ଉଦ୍ଧାର ହୋଇଥିଲା ତା’ର ଗଳିତ ଶବ । କୁନି ଝିଅଟିର ଖଣ୍ଡ ବିଖଣ୍ଡିତ ଶବକୁ ଏକ ଅଖାରେ ପୂରେଇ ପୋଖରୀ ନିକଟରେ ଥିବା ଘାସ ବଣରେ ଫିଙ୍ଗି ଦେଇଥିଲା ହତ୍ୟାକାରୀ ।

ପ୍ରମାଣ ନଷ୍ଟ କରିବା ପାଇଁ ହତ୍ୟାକାରୀ ମୃତ ଦେହକୁ ଖଣ୍ଡ ଖଣ୍ଡ କରି କାଟି ସେଥିରେ କେମିକାଲ ପକାଇ ପୋଡ଼ି ନଷ୍ଟ କରିବାର ବି ପ୍ରୟାସ କରିଥିଲା ବୋଲି ପୋଲିସ କହିଛି । ଅଖା ଭିତରୁ ନିଖୋଜ ପରୀର ମୃତ ଦେହର ହାଡ଼ କଙ୍କାଳ ଜବତ କରିଛି ପୋଲିସ । ହତ୍ୟାକାଣ୍ଡ ପଛରେ ଗାଁର ଓ ବାହାର ଗାଁର ଅନେକ ଲୋକଙ୍କ ସମ୍ପୃକ୍ତି ରହିଥିବା ମୃତ ଝିଅଟିର ପରିବାର ପକ୍ଷରୁ ଅଭିଯୋଗ ହୋଇଛି ।

ପରୀର ମାଆ ଓ ତା’ ବାପା ଅଶୋକ କୁମାର ସାହୁ


‘‘ମୋ’ ଝିଅ ୧୪ ତାରିଖ ଦିନ ୧୦ଟା ବେଳୁ ନିଖୋଜ ହୋଇଯାଇଥିଲା । ବହୁତ ଖୋଜିବା ପରେ ବି ଆମେ ତାକୁ ପାଇ ନ ଥିଲୁ । ଏବେ ଗୋଟି ବସ୍ତା ଭିତରେ ତା’ ମତ ଦେହ ମିଳିଲା । ବସ୍ତାର ମୁହଁ ଖୋଲି ତଳକୁ କଲା ବେଳକୁ ତା’ ମୁଣ୍ଡଟା ଗଳି ପଡ଼ିଲା । ମୋ’ ଝିଅକୁ ମାରିଦେଇଛନ୍ତି… ତାକୁ ପିସ୍‌ ପିସ୍‌ କରିଦେଇଛନ୍ତି, ଆଜ୍ଞା…,’’ କାନ୍ଦି କାନ୍ଦି କହିଛନ୍ତି ପରୀର ବାପା ଅଶୋକ କୁମାର ସାହୁ ।

କେହି ଜଣେ ରାଗ ରଖି ଏମିତି କରିଛି ବୋଲି କହି ଏହି ଜଘନ୍ୟ ହତ୍ୟାର ଉପଯୁକ୍ତ ତଦନ୍ତ ହୋଇ ଅପରାଧୀକୁ ଧରିବାକୁ ପୋଲିସକୁ ନିବେଦନ କରିଛନ୍ତି ଅଶୋକ ଶାହୁ । ‘‘କିଛି ଦିନ ତଳେ ଦୁଇ ତିନି ଜଣଙ୍କ ସହିତ ଆମର ପାଟିତୁଣ୍ଡ ହୋଇଥିଲା । ଆମେ ସେମାନଙ୍କୁ ବାଡ଼ିଆବାଡ଼ି କରିଥିଲୁ । ସେମାନଙ୍କ ଭିତରୁ କେହି ମୋ’ ଝିଅକୁ ମାରିକି ପକେଇଥିବ,’’ କହିଛନ୍ତି ସାହୁ ।

ପୋଖରି ହୁଡ଼ାରେ ଏହି ସ୍ଥାନରେ ମିଳିଥିଲା ପରୀର ଶବ ଥିବା ଅଖା ।


ଏହି ଘଟଣା ପରେ ସମଗ୍ର ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ଲୋକେ ଶୀଘ୍ର ତଦନ୍ତ ସାରି ହତ୍ୟାକାରୀକୁ ଧରି ଫାଶୀ ଦିଆଯାଉ ବୋଲି ଦାବି କରିଛନ୍ତି । ‘‘ଏହି ହତ୍ୟାକାଣ୍ଡର ଶୀଘ୍ର ଉଦ୍ଭେଦନ କରି ହତ୍ୟାକାରୀକୁ ଧରା ନ ଗଲେ ଜନ ଅସନ୍ତୋଷ ବଢ଼ିଚାଲିବ । ଏମିତି ରାକ୍ଷସକୁ କେବଳ ମୃତ୍ୟୁ ଦଣ୍ଡ ହିଁ ମିଳିବା ଉଚିତ । ଏଠି ଲୋକେ ଯେତିକି ଭୟଭୀତ ଅଛନ୍ତି ସେତିକି କ୍ରୋଧରେ ବି ଅଛନ୍ତି,’’ କହିଛନ୍ତି ଲକ୍ଷ୍ମୀପ୍ରସାଦ ସରପଞ୍ଚ ସୌମ୍ୟରଞ୍ଜନ ପ୍ରଧାନ ।

ଏହା ବି ପଢ଼ନ୍ତୁ: ସୁଶାନ୍ତଙ୍କ ଫିଲ୍ମ ‘ଦିଲ୍ ବେଚାରା’ ରିଲିଜ୍ ହେବାର ଦିନକ ଆଗରୁ ଆଉ ଜଣେ ଫ୍ୟାନ୍ ଆତ୍ମହତ୍ୟା କଲେ

ଏହା ବି ପଢ଼ନ୍ତୁ: ମଧ୍ୟ ପ୍ରଦେଶ CM ଶିବରାଜ ସିଂ ଚୌହାନ କରୋନା ସଂକ୍ରମିତ ହେଲେ, ନିଜକୁ କ୍ୱାରେଣ୍ଟାଇନ କଲେ

ଗ୍ରାମବାସୀମାନଙ୍କ କହିବା କଥା ଯେ ଏହି ହତ୍ୟା ଗୋଟିଏ ଲୋକର କାମ ହୋଇ ନ ପାରେ । ପୋଲିସ ଡଗ୍‌ ସ୍ୱାର୍ଡ଼ ଓ ଫରେନସିକ ସାଇନ୍ସ ଟିମ୍‌ ବ୍ୟବହାର କରି ଏହି ହତ୍ୟାକାଣ୍ଡର ତଦନ୍ତ ଜାରି ରଖିଛି । ଗ୍ରାମବାସୀମାନଙ୍କ ଭିତରୁ କେତେକଙ୍କ ସହ ପ୍ରାଥମିକ ସ୍ତରର ପଚରାଉଚରା କରାଯାଇଛି ।



ଦୟାକରି ଦୁଇ ମିନିଟ ସମୟ ଦେଇ ଉପରେ ଥିବା ଏହି ସର୍ଭେରେ ଭାଗ ନିଅନ୍ତୁ
Published by: Anand Shankar Thankur Das
First published: July 25, 2020, 11:11 PM IST
corona virus btn
corona virus btn
Loading