ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଚାନ୍ଦିପୁର ITRରେ ଗୁପ୍ତଚର: ୭-ଦିନିଆ ରିମାଣ୍ଡରେ ୫ ଅଭିଯୁକ୍ତଙ୍କୁ କଟକ ଆଣିଲା କ୍ରାଇମ୍‌ ବ୍ରାଞ୍ଚ୍‌

ଚାନ୍ଦିପୁର ITRରେ ଗୁପ୍ତଚର: ୭-ଦିନିଆ ରିମାଣ୍ଡରେ ୫ ଅଭିଯୁକ୍ତଙ୍କୁ କଟକ ଆଣିଲା କ୍ରାଇମ୍‌ ବ୍ରାଞ୍ଚ୍‌

5 accused in Balasore Chandipur DRDO ITR spying case on remand to Cuttack | କ୍ରାଇମ୍‌ ବ୍ରାଞ୍ଚ୍‌ ଏଡିଜି ସଞ୍ଜୀବ ପଣ୍ଡା କହିଛନ୍ତି ଯେ ତଦନ୍ତର ମୁଖ୍ୟ ବିନ୍ଦୁ ରହିବ ଅଭିଯୁକ୍ତମାନେ କାହାକୁ ତଥ୍ୟ ଯୋଗାଉଥିଲେ, କେତେ ଆର୍ଥିକ ଲାଭ ପାଉଥିଲେ ଓ ଏଥିରେ ଆଉ କେଉଁମାନେ ଜଡ଼ିତ ଥିଲେ ତାହା ଜାଣିବା ।

ଚାନ୍ଦିପୁର ITRରେ ଗୁପ୍ତଚର: ୭-ଦିନିଆ ରିମାଣ୍ଡରେ ୫ ଅଭିଯୁକ୍ତଙ୍କୁ କଟକ ଆଣିଲା କ୍ରାଇମ୍‌ ବ୍ରାଞ୍ଚ୍‌
ଏହି ମାମଲାରେ ଏ ପର୍ଯ୍ୟନ୍ତ ପାଞ୍ଚ ଜଣ ଆଇ.ଟି.ଆର୍. କର୍ମଚାରୀଙ୍କୁ ଗିରଫ କରାଯାଇଛି ।
  • News18 Odia
  • Last Updated: September 18, 2021, 11:55 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ବାଲେଶ୍ବର/କଟକ: ଡି.ଆର୍‌.ଡି.ଓ.ର (DRDO) ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ ଘାଟିରେ (ଆଇ.ଟି.ଆର୍‌.) ଚାଲିଥିବା ଗୁପ୍ତଚର କାର୍ଯ୍ୟ ପାଇଁ ଗିରଫ ହୋଇଥିବା ପାଞ୍ଚ ଜଣ ଅଭିଯୁକ୍ତଙ୍କୁ ବାଲେଶ୍ୱରରୁ ସାତ-ଦିନିଆ ରିମାଣ୍ଡରେ କଟକ ଆଣିଛି ଏହି ସମ୍ବେଦନଶୀଳ ମାମଲାର ତଦନ୍ତ କରୁଥିବା କ୍ରାଇମ୍‌ ବ୍ରାଞ୍ଚ୍‌ । ସେମାନଙ୍କୁ କଟକରେ ହିଁ ଜେରା କରିବ ତଦନ୍ତକାରୀ ଟିମ୍‌ ।

ବାଲେଶ୍ବର ଏସ୍‌.ଡି.ଜେ.ଏମ୍‌. କୋର୍ଟ ଏହି ଅଭିଯୁକ୍ତମାନଙ୍କ ରିମାଣ୍ଡ ପାଇଁ ଅନୁମତି ଦେବା ପରେ ସେମାନଙ୍କୁ ଜେଲରୁ ବାହାର କରି କଟକ ଅଣାଯାଇଛି । ସେମାନଙ୍କୁ ଜେରା କରିବ କ୍ରାଇମ ବ୍ରାଞ୍ଚର ଏକ ସ୍ବତନ୍ତ୍ର ଟିମ୍‌ । DRDOର ମୁଖ୍ୟ ସୁରକ୍ଷା ଅଧିକାରୀ ଓ ପୂର୍ବାଞ୍ଚଳ ପୋଲିସ ଆଇ.ଜି. ହିମାଂଶୁ ଲାଲଙ୍କ ନେତୃତ୍ବରେ ତଦନ୍ତ କରୁଥିବା ଟିମକୁ ବି କ୍ରାଇମ ବ୍ରାଞ୍ଚ୍‌ ପଚରାଉଚରା କରିଥିବା ସୂଚନା ମିଳିଛି । ଏବେ ସବୁ ଦିଗକୁ ନେଇ ମୂଳରୁ ତଦନ୍ତ କରିବ କ୍ରାଇମ୍‌ ବ୍ରାଞ୍ଚ୍‌ । ଏଥିରେ ଅନ୍ୟ କାହାର ସମ୍ପୃକ୍ତି ରହିଛି କି ନାହିଁ ସେ ନେଇ ଅଭିଯୁକ୍ତମାନଙ୍କୁ ମାରାଥନ୍‌ ଜେରା କରାଯିବ । ଆବଶ୍ୟକତା ପଡ଼ିଲେ କେନ୍ଦ୍ରୀୟ ସଂସ୍ଥାର ସହଯୋଗ ବି ନିଆଯିବ ।

ଏହା ବି ପଢ଼ନ୍ତୁ | ବ୍ୟାଙ୍କ ଖାତାକୁ ଆସିଗଲା .୬୦ ଲକ୍ଷ ଟଙ୍କା; ମୋଦି ପଠେଇଛନ୍ତି ଭାବି ଖର୍ଚ୍ଚ କରିଦେଲା; ଆଉ ଏବେ

‘‘ଆମେ ଏହି ମାମଲାର ପାଞ୍ଚ ଜଣ ଅଭିଯୁକ୍ତଙ୍କୁ ସାତ ଦିନ ପାଇଁ ରିମାଣ୍ଡରେ ଆଣିଛୁ । ସେମାନଙ୍କୁ ଆମେ କଟକରରେ ଜେରା କରିବୁ । ଆମ ଟିମରେ ଥିବା ତଦନ୍ତକାରୀ ଅଧିକାରୀ ଆଡିସିନାଲ୍‌ ଏସ୍‌.ପି. ପ୍ରଶାନ୍ତ ବିଶୋଇଙ୍କୁ ସହଯୋଗ କରିବା ପାଇଁ ସାଇବର୍‌ କ୍ରାଇମ୍‌ ସେଲର ଜଣେ ଇନସ୍ପେକ୍ଟର, ଜଣେ ସବ୍‌-ଇନସ୍ପେକ୍ଟର୍‌ ଓ ଜଣେ ଏ.ଏସ୍‌.ଆଇ. ରହିଛନ୍ତି । ଦରକାର ପଡ଼ିଲେ ଆମେ ଆଉ ଅଧିକ ଟିମ୍‌ ଗଠନ କରିବୁ,’’ କହିଛନ୍ତି କ୍ରାଇମ ବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ।

କ୍ରାଇମ୍‌ ବ୍ରାଞ୍ଚ୍‌ ଏ.ଡି.ଜି. ସଞ୍ଜୀବ ପଣ୍ଡା


ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ବିରାଟ କୋହଲିଙ୍କ ପରି T-20 କ୍ୟାପଟେନ୍ ଖୋଜିଲେ ବି ମିଳିବେନି; ତାଙ୍କର ଏହି ୫ଟି ବଡ଼ ରେକର୍ଡ଼ ଅଛି

ଏହି ମାମଲାକୁ ନେଇ କେନ୍ଦ୍ରୀୟ ତଦନ୍ତକାରୀ ସଂସ୍ଥା (ଏ.ଏନ୍‌.ଆଇ.) ଚଳାଇଥିବା ତଦନ୍ତ ବି ତୃତୀୟ ଦିନ ପାଇଁ ଜାରି ରହିଛି । ଗୁପ୍ତଚର ମାମଲାରେ ବାଲେଶ୍ୱର ଜିଲ୍ଲାରେ ବାଂଲାଦେଶୀ ଅନୁପ୍ରବେଶକାରୀଙ୍କ ଲିଙ୍କ୍‌ ନେଇ ଖୋଲତାଡ଼ କରୁଛି NIA । କ୍ରାଇମ୍‌ ବ୍ରାଞ୍ଚ୍‌ ପକ୍ଷରୁ କୁହାଯାଇଛି ଯେ NIA ଚାହିଁଲେ ପାଞ୍ଚ ଜଣ ଅଭିଯୁକ୍ତଙ୍କୁ ପଚରାଉଚରା କରିପାରିବ । NIAର ଦୁଇ-ଜଣିଆ ଟିମ୍‌ ବାଲେଶ୍ବର ଏସ୍‌.ପି.ଙ୍କ ସହ ଏ ନେଇ ଆଲୋଚନା କରିଛନ୍ତି । ପ୍ରାୟ ଦୁଇ ଘଣ୍ଟା କାଳ ଏନ୍‌.ଆଇ.ଏ. ଅଧିକାରୀମାନେ ଏସ୍‌.ପି.ଙ୍କ ଅଫିସରେ ରହି ଏହି ମାମଲା ସମ୍ପର୍କରେ ସବିଶେଷ ତଥ୍ୟ ସଂଗ୍ରହ କରିଛନ୍ତି ।

ଏହା ବି ପଢ଼ନ୍ତୁ | ଖରାପ ଖବର: ନଭେମ୍ବର ୧ରୁ ଏହି ୪୩ଟି ସ୍ମାର୍ଟଫୋନରେ ଆଉ ଚାଲିବ ନାହିଁ WhatsApp

‘‘ଆମ ତଦନ୍ତର ମୁଖ୍ୟ ବିନ୍ଦୁ ରହିବ ଅଭିଯୁକ୍ତମାନେ କାହାକୁ ତଥ୍ୟ ଯୋଗାଉଥିଲେ, କେତେ ଆର୍ଥିକ ଲାଭ ପାଉଥିଲେ ଓ ଏଥିରେ ଆଉ କେଉଁମାନେ ଜଡ଼ିତ ଥିଲେ କି ନାହିଁ ତାହା ଜାଣିବା,’’ କହିଛନ୍ତି କ୍ରାଇମ ବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ।

ଏହା ବି ପଢ଼ନ୍ତୁ ଦେଖନ୍ତୁ ଭିଡିଓ | Viral Video: ମଥା ଉପରେ ଚଢ଼ିଗଲା ଟ୍ରାକ୍ଟର୍ ଚକ; ହେଲମେଟ୍ ପିନ୍ଧିଥିଲା ବୋଲି ବଞ୍ଚିଗଲା ଲୋକଟି

ଚାନ୍ଦିପୁର ଆଇ.ଟି.ଆର.ରୁ ତଥ୍ୟ ଲିକ୍ ମାମଲାରେ ଏବେ ଚାଲିଛି ଜୋରଦାର ତନାଘନା ।  ଏମିତିକି ଆଇ.ଟି.ଆର.ର ସମ୍ପୂର୍ଣ୍ଣ ସୁରକ୍ଷା ଦାୟିତ୍ବରେ ଥିବା ଅଧିକାରୀ ଅନୁରାଗ ସେନଙ୍କ ପାଖରୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିବା କ୍ରାଇମ୍‌ ବ୍ରାଞ୍ଚର ସୂତ୍ରଙ୍କଠାରୁ ଜଣାପଡ଼ିଛି । ଅନୁରାଗ ସେନ୍‌ ଏହି ମାମଲାରେ ପଞ୍ଚମ ଅଭିଯୁକ୍ତ ଭାବେ ଗିରଫ ହୋଇଥିଲେ । ଏହି ମାମଲାରେ ଆହୁରି ଗିରଫଦାରି ବଢ଼ିପାରେ ବୋଲି ଜଣାପଡ଼ିଛି ।
Published by: Anand S.T. Das
First published: September 18, 2021, 11:55 PM IST