ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ମୟୂରଭଞ୍ଜରେ ୧୫ ଜଣ ଜିଲ୍ଲା ପରିଷଦ ସଭ୍ୟ BJPରୁ ଇସ୍ତଫା ଦେବା ପରେ ରାଜନୀତି ମହଲରେ ହଇଚଇ

ମୟୂରଭଞ୍ଜରେ ୧୫ ଜଣ ଜିଲ୍ଲା ପରିଷଦ ସଭ୍ୟ BJPରୁ ଇସ୍ତଫା ଦେବା ପରେ ରାଜନୀତି ମହଲରେ ହଇଚଇ

ବିଜେପି କହିଛି ଦଳ ହେଉଛି ବିଶ୍ବର ସର୍ବବୄହତ ପାର୍ଟି ଲୋକଙ୍କ ସହ ରହିଛି। କଂଗ୍ରେସ କହିଛି ବିଜେଡି ଭବିଷ୍ୟତରେ କଂଗ୍ରେସ ଅବସ୍ଥା ଭୋଗିବାକୁ ଯାଉଛି ।

ମୟୂରଭଞ୍ଜରେ ୧୫ ଜଣ ଜିଲ୍ଲା ପରିଷଦ ସଭ୍ୟ BJPରୁ ଇସ୍ତଫା ଦେବା ପରେ ରାଜନୀତି ମହଲରେ ହଇଚଇ
ବିଜେପିରୁ ଇସ୍ତଫା ଦେଲେ ମୟୂରଭଞ୍ଜ ଜିଲ୍ଲାରେ ୧୫ ଜଣ ଜିଲ୍ଲା ପରିଷଦ ସଭ୍ୟ
  • News18 Odia
  • Last Updated: August 29, 2021, 5:13 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ବର: ମୟୂରଭଞ୍ଜ ରାଜନୀତିରେ ହଲଚଲ ଆଉ ଭୁବନେଶ୍ୱରରେ କମ୍ପନ ଦେଖିବାକୁ ମିଳୁଛି । ପଞ୍ଚାୟତ ନିର୍ବାଚନ ପୂର୍ବରୁ ମୟୂରଭଞ୍ଜ ଜିଲ୍ଲାରେ ୧୫ ଜିଲ୍ଲା ପରିଷଦ ସଦସ୍ୟ ବିଜେପିରୁ ଇସ୍ତଫା ଦେବା ପରେ ସରଗରମ ହୋଇ ଉଠିଛି ରାଜନୀତି ମହଲ । ଏମାନେ ଆଗାମୀ ଦିନରେ ବିଜେଡ଼ି ମୁହାଁ ହେବା ନେଇ ଚର୍ଚ୍ଚା ଜୋର ଧରିଥିବା ବେଳେ ଆରମ୍ଭ ହୋଇଛି ରାଜନୈତିକ ବୟାନବାଜି।

ବିଜେପି କହିଛି ଦଳ ହେଉଛି ବିଶ୍ବର ସର୍ବବୄହତ ପାର୍ଟି ଲୋକଙ୍କ ସହ ରହିଛି । କଂଗ୍ରେସ କହିଛି ବିଜେଡି ଭବିଷ୍ୟତରେ କଂଗ୍ରେସ ଅବସ୍ଥା ଭୋଗିବାକୁ ଯାଉଛି । ବିଜେଡି କହିଛି ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିତ୍ବ ଓ ସରକାରି କାର୍ଯ୍ୟକ୍ରମ ପାଇଁ ଦଳ ପ୍ରତି ଲୋକଙ୍କ ଆକର୍ଷଣ ବଢୁଛି ।

ବିଜେପିରୁ ୧୫ ଜିଲ୍ଲା ପରିଷଦ ସଦସ୍ୟଙ୍କ ଇସ୍ତଫା

ମୟୂରଭଞ୍ଜ ଜିଲ୍ଲାର ୧୫ ଜଣ ଜିଲ୍ଲା ପରିଷଦ ସଦସ୍ୟ ଓ ସଦସ୍ୟା ବିଜେପିରୁ ଇସ୍ତଫା ଦେଇଛନ୍ତି । ଶୁକ୍ରବାର ସନ୍ଧ୍ୟାରେ ଏ ଖବର ପ୍ରକାଶ ପାଇବା ପରେ ଜୋର ଧରିଛି ରାଜନୀତି ଚର୍ଚ୍ଚା । ଜିଲ୍ଲା ପରିଷଦ ନିର୍ବାଚିତ ପ୍ରତିନିଧିଙ୍କ କାର୍ଯ୍ୟକାଳ ପୂରିବା ପୂର୍ବରୁ ୧୫ ଜଣ ଜିଲ୍ଲା ପରିଷଦ ସଦସ୍ୟ ଇସ୍ତଫା ଦେବା ବିଜେପିକୁ ଝଟକା ଲାଗିଛି । ଜିଲ୍ଲା ପରିଷଦ ଅଧ୍ୟକ୍ଷା ସୁଜାତା ମୁର୍ମୁଙ୍କ ସ୍ୱେଚ୍ଛାଚାରିତା ଓ ତାଲବାନୀ ଶାସନ ପାଇଁ ଜିଲ୍ଲା ବିକାଶରେ ବାଧା ପହଞ୍ଚିଛି ।

ଦୀର୍ଘ ଦିନ ପରେ ବସୁ ଥିବା ବୈଠକରେ ଅଧ୍ୟକ୍ଷାଙ୍କ ଆଚରଣ ଉଚ୍ଚାରଣ ବିକାଶର ପରିପନ୍ଥୀ ରହିଛି । ଦଳର ଶୀର୍ଷ ନେତାମାନେ ଜାଣିଶୁଣି ଅଧକ୍ଷାଙ୍କ ବିରୋଧରେ ନୀରବ ରହୁଥିବା ଅଭିଯୋଗ କରି ଦଳରୁ ଇସ୍ତଫା ଦେଇଛନ୍ତି।

ବିଜେପି ବିଧାୟକ ମୁକେଶ ମହାଲିଙ୍ଗ କହିଥିଲେ, "ପଞ୍ଚାୟତ ନିର୍ବାଚନ ପୂର୍ବରୂ ଦଳ ସଙ୍ଗଠିତ ହେଉଛି । ନିକଟରେ ଜନ ଆଶ୍ରିର୍ବାଦ ଯାତ୍ରା କରାଯାଇଥିଲା । ଦୁଇ ଦୁଇ ଜଣ କେନ୍ଦ୍ର ମନ୍ତ୍ରୀ ବୁଲିଛନ୍ତି। ପଞ୍ଚାୟତ ନିର୍ବାଚନର ବିଗୁଲ ବଜାଇଛୁ। ପଞ୍ଚାୟତ ନିର୍ବାଚନ ପାଇଁ ରଣନୀତି ନେଇ ପ୍ରସ୍ତୁତି ଚାଲିଛି। ଭାରତୀୟ ଜନତା ପାର୍ଟି ପୃଥିବୀର ସବୁଠାରୁ ବଡ଼ ପାଟି। ଦୁର୍ବଳ ହେବାର ସମ୍ଭାବନା ନାହିଁ । ପ୍ରଧାନ ମନ୍ତ୍ରୀଙ୍କ ନେତୃତ୍ବରେ ଦଳ ସୁଦୄଢ଼ ହେଉଛି । ବିଜେପି ସବୁ ବେଳେ ଲୋକଙ୍କ ସହ ରହିଛି । ଲୋକଙ୍କ ସମସ୍ୟାକୁ ନେଇ ବିରୋଧୀ ଦଳ ଭୂମିକାକୁ ନିଭାଉଛି। ରାଷ୍ଟ୍ରବାଦ ବିଚାର ଧାରାକୁ ନେଇ ପାର୍ଟି ଲୋକଙ୍କ ଭିତରେ ଗ୍ରହଣୀୟ ହୋଇ ରହିଛି।"

କଂଗ୍ରେସ ବିଧାୟକ ସୁରେଶ ରାଉତରାୟ କହିଥିଲେ, ‘‘ନବୀନ ବାବୁ ସାହାଣ ମେଳା କରୁଛନ୍ତି। କଂଗ୍ରେସ ଓ ବିଜେପିରର ନେତା ମାନଙ୍କୁ ପାର୍ଟିରେ ମିଶାଉଛନ୍ତି । ନିର୍ବାଚନ କୁଶ ନେଇ ଭୟଭୀତ ବିଜେଡି । ତେଣୁ ସବୁଦଳର ନେତାଙ୍କୁ ନିଜ ଦଳରେ ସାମିଲ କରୁଛନ୍ତି । ନିକଟରେ କଂଗ୍ରେସ ଏଭଳି କରୁଥିଲା । ଏହାର ପରିଣତି ଜଳଜଳ ଦିଶୁଛି। କ୍ଷମତା ଲୋଭରେ ଲୋକ ମିଶୁଛନ୍ତି ।"

ଗୋଟିଏ ପଟେ ନବୀନ ପଟ୍ଟନାୟକଙ୍କ ନେତୃତ୍ବ ଅନ୍ୟପଟେ ହେଉଥିବା ସରକାର କାର୍ଯ୍ୟକ୍ରମ ଲୋକଙ୍କ ଭିତରେ ସ୍ଵତନ୍ତ୍ର ଆକର୍ଷଣ ସୄଷ୍ଟି କରୁଛି । ଯେଉଁ ମାନେ ଭିନ୍ନ ଭାବରେ ଥିଲେ ସେମାନେ ବିକାଶକୁ ଅନୁଭବ କରି ପାରୁଥିବେ ବିଜୁ ଜନ ତା ଦଳ ମାଧ୍ୟମରେ ବିକାଶ ହୋଇପାରିବ । ଆସିବା ସ୍ବଭାବିକ । ଆଗମି ଦିନରେ ପୁରା ମୟୂରଭଞ୍ଜ ଜିଲ୍ଲାରେ ବିଜେଡି ଶାସନ କରିବ ବୋଲି କହିଛନ୍ତ ବିଜେଡି ବିଧାୟକ ଅମର ଶତପଥୀ ।
Published by: Lipina Das
First published: August 29, 2021, 3:15 PM IST