ହାର ମାନିଛି ବୟସ, ହାରି ନାହାନ୍ତି ୧୦୫ ବର୍ଷୀୟ ସଦିରନ

News18 Odia Digital

ସୁନ୍ଦରଗଡ: ହାଟ ହେଉ କି ଯାନିଯାତରା ସବୁଠି ଦେଖିବାକୁ ମିଳେ ୧୦୫ ବର୍ଷୀୟ ସଦିରନଙ୍କୁ। ପସରା ମେଲି ଦିଅନ୍ତି ରଙ୍ଗ ବେରଙ୍ଗର ଚୁଡ଼ି । ଜୀବନର ସାୟାହ୍ନରେ ବି ସବୁଠି ତାଙ୍କରି ଉପସ୍ଥିତ ।

ସୁନ୍ଦରଗଡ ଜିଲ୍ଲା ବାଲିଶଙ୍କରା ବ୍ଲକ ରାମପୁର ପଞ୍ଚାୟତର ୧୦୫ବର୍ଷୀୟ ମହିଳା ସଦିରନ । ସଦିରନଙ୍କ ରଙ୍ଗ ବେରଙ୍ଗ ସାଙ୍ଗକୁ ବିଭିନ୍ନ କିସମର ଚୁଡି ଗ୍ରାହକଙ୍କର ମନ ଲୋଭି ଥାଏ। ଲୋକେ ମୂଲ ଚାଲ କଲେ ଟିକିଏ ବି ବିରକ୍ତ ହୁଅନ୍ତି ନାହିଁକି ରାଗନ୍ତି ନାହିଁ। ସେଥି ପାଇଁ ତ ଗ୍ରାହକଙ୍କ ପ୍ରିୟ ସଦିରନ। ବାଲିଶଙ୍କରା ଅଞ୍ଚଳ ପ୍ରତ୍ୟେକ ହାଟ ଯାନି ହାତରାରେ ସଦିରନଙ୍କୁ ଅପେକ୍ଷା କରିଥାନ୍ତି ଗ୍ରାହକ । ବାଲିଶଙ୍କରା ଅଞ୍ଚଳର ଏମିତି କେହି ଝିଅ, ବୋହୂ ମହିଳା ନାହାନ୍ତି,ଯେ ସଦିରନଙ୍କ ଚୁଡ଼ି ପିନ୍ଧି ନାହାନ୍ତି । ସଦିରନଙ୍କ ପୁଅ ଝିଅ ମିଶି ସାତ ଜଣ । ବିବାହିତ ତିନି ପୁଅ ସହ ଜଣେ ଝିଅ ମୃତ୍ୟୁ ବରଣ କରିସାରିଥିବା ବେଳେ ସଦିରନଙ୍କ ସ୍ଵାମୀ କେବେଠାରୁ ଆରପାରିରେ ।

ସଦିରନ ଚୁଡ଼ି ବିକି ଯାହା ରୋଜଗାର କରନ୍ତି ସେଥିରେ ନାତି ନାତୁଣୀ ସହ ହସ ଖୁସିରେ ଦିନ କାଟି ଦିଅନ୍ତି । ସରକାରଙ୍କ ଯୋଜନାରୁ ତାଙ୍କ ପାଖରେ ପହଞ୍ଚିଛି କେବଳ ସାତ ସହ ଟଙ୍କା ମାସିକ ଭତ୍ତା, ହେଲେ ପକ୍କା ଘରଟିଏ ନାହିଁ । ତଥାପି ଜୀବନ ସଂଗ୍ରାମରେ ଲଢି ଚାଲିଛନ୍ତି ସଦିରନ। ସମସ୍ତଙ୍କ ପାଇଁ ସଦିରନ ଆଜି ପ୍ରେରଣାର ଉତ୍ସ।