ସମ୍ବଲପୁର ଡିଅର ପାର୍କରେ ବିଶ୍ବ ସର୍ପ ଦିବସରେ ଜନ୍ମ ନେଲେ ୧୦ଟି ଅଜଗର ଛୁଆ

ସମ୍ବଲପୁର ଡିଅର ପାର୍କରେ ଥିବା ବନ୍ୟଜନ୍ତୁ ସଂରକ୍ଷଣ କେନ୍ଦ୍ରରେ ଅଜଗର ଛୁଆ ଜନ୍ମ ଗ୍ରହଣ କରିବାର ଏହା ପ୍ରଥମ ଘଟଣା । ପୂର୍ବରୁ ବହୁବାର ଅଜଗର ଅଣ୍ଡା ଦେଇଥିଲେ ମଧ୍ୟ କୌଣସି ଶିଶୁ ଜନ୍ମ ହେଉ ନ ଥିଲେ ।

ସମ୍ବଲପୁର ଡିଅର ପାର୍କରେ ବିଶ୍ବ ସର୍ପ ଦିବସରେ ଜନ୍ମ ନେଲେ ୧୦ଟି ଅଜଗର ଛୁଆ
ଜନ୍ମ ହୋଇଥିବା ଅଜଗର ଛୁଆମାନେ
  • News18 Odia
  • Last Updated: July 18, 2020, 12:30 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ସମ୍ବଲପୁର: ଜିଲ୍ଲାର ସମ୍ବଲପୁର ମହାନଗର ନିଗମ ଅନ୍ତର୍ଗତ ବୃକ୍ସ ହିଲ୍‌ ପାହାଡ଼ ମୋତିଝରଣ ବନ୍ୟ ପ୍ରାଣୀ ସଂରକ୍ଷଣ କେନ୍ଦ୍ରରେ ଥିବା ମୃଗ ବିହାର ବା ଡିଅର ପାର୍କରେ ଦଶଟି ଅଜଗର ଛୁଆ ଜନ୍ମ ନେଇଛନ୍ତି । ଏହି ବନ୍ୟ ପ୍ରାଣୀ କେନ୍ଦ୍ରରେ ବହୁ ଦିନ ହେଲା ଅଜଗର ସାପ ରହୁଛନ୍ତି ।

ଡିଅର ପାର୍କଟି ମାର୍ଚ୍ଚ ମାସରୁ ଲକଡାଉନ ଯୋଗୁଁ ଜନସାଧରଣଙ୍କ ପାଇଁ ବନ୍ଦ ରହିଛି । ଏଠାରେ ଥିବା ଗୋଟିଏ ମାଇ ଅଜଗର ୨୦ଟି ଅଣ୍ଡା ଦେଇଥିଲା । ଡିଅର ପାର୍କରେ ଥିବା ବନ ବିଭାଗର କର୍ମଚାରୀମାନେ ବେଶ ଯତ୍ନର ସହ ଏହାକୁ ନିରୀକ୍ଷଣ କରୁଥିଲେ । ୨୦ଟି ଅଣ୍ଡା ମଧ୍ୟରୁ ୧୦ଟି ଅଣ୍ଡାରୁ ଅଜଗର ଶିଶୁ ଜନ୍ମ ନେଇଥିବା ବନ ବିଭାଗ ତରଫରୁ କୁହାଯାଇଛି ।

ସମ୍ବଲପୁର ଡିଅର ପାର୍କରେ ଥିବା ବନ୍ୟଜନ୍ତୁ ସଂରକ୍ଷଣ କେନ୍ଦ୍ରରେ ଅଜଗର ଛୁଆ ଜନ୍ମ ଗ୍ରହଣ କରିବା ଏହା ପ୍ରଥମ ଘଟଣା । ପୂର୍ବରୁ ବହୁବାର ଅଜଗର ଅଣ୍ଡା ଦେଇଥିଲେ ମଧ୍ୟ କୌଣସି ଶିଶୁ ଜନ୍ମ ହେଉ ନ ଥିଲେ । ଶିଶୁଗୁଡିକର ସ୍ବାସ୍ଥ୍ୟ ପରୀକ୍ଷା ମଧ୍ୟ ସ୍ଥାନୀୟ ପଶୁ ଚିକିତ୍ସକଙ୍କ ଦ୍ବାରା କରାଯାଇଥିବା ବନ ବିଭାଗ ତରଫରୁ ସୁଚନା ଦିଆଯାଇଛି ।

ଡିଅର ପାର୍କଟି ମାର୍ଚ୍ଚ ମାସରୁ ଲକଡାଉନ ଯୋଗୁଁ ଜନସାଧରଣଙ୍କ ପାଇଁ ବନ୍ଦ ରହିଛି ।


‘‘ମା’ ଅଜଗରଟି ଅଣ୍ଡା ଦେଲା ପରେ ଅଣ୍ଡାଗୁଡିକୁ ସବୁ ବେଳେ ନିଜ ପାଖରେ ହିଁ ଜାବୁଡ଼ି ରଖୁଥିଲା । ବେଳେ ବେଳେ କୋଉ ଗୋଟିଏ ଅଣ୍ଡା ବାହାରକୁ ବାହାରିଗଲେ ସେ ପୁଣି ଟାଣି ନେଇ ନିଜ ପାଖରେ ରଖୁଥିଲା । ମଝିରେ ଦୁଇଟି ଅଣ୍ଡା ଫାଟି ଯାଇଥିବାର କର୍ମଚାରୀମାନେ ଦେଖିଥିଲେ । ଫଟା ଅଣ୍ଡାଗୁଡିକ ଆମେ ବାହର କରିଦେଇଥିଲୁ । ଦୁଇ ମାସ ପରେ କାଲି ବିଶ୍ବ ସର୍ପ ଦିବସରେ ଦେଖିବାକୁ ପାଇଥିଲୁ ୧୦ଟି ଅଜଗର ଛୁଆ ଅଣ୍ଡାରୁ ଜନ୍ମ ନେଇଛନ୍ତି । ପ୍ରଥମ ଥର ପାଇଁ ସମ୍ବଲପୁର ଡିୟର ପାର୍କରେ ଅଜଗର ଜନ୍ମ ନେଇଥିବାରୁ ଆମେ ସମସ୍ତେ ବେଶ ଖୁସି,’’ କହିଛନ୍ତି ଡିଅର ପାର୍କ ଦାୟିତ୍ତ୍ୱରେ ଥିବା ଡେପୁଟି ରେଞ୍ଜର ଶର୍ମିଲି ନାୟକ ।

୧୦ଟି ଶିଶୁ ଅଜଗରକୁ ରଖିବା ପାଇଁ ସମ୍ବଲପୁର ମୋତି ଝରଣ ବନ୍ୟାପ୍ରାଣୀ ସଂରକ୍ଷଣ କେନ୍ଦ୍ର ଓ ଡିୟର ପାର୍କରେ ସ୍ଥାନର ଅଭାବ ରହିଛି । ତେଣୁ ଏହି ଅଜଗର ଶିଶୁମାନଙ୍କୁ ନନ୍ଦନକାନନ ବା ଅନ୍ୟତ୍ର ସ୍ଥାନାନ୍ତର କରିବା ପାଇଁ ସମ୍ବଲପୁର ଡିୟର ପାର୍କ ବନ୍ୟା ପ୍ରାଣୀ ସଂରକ୍ଷଣ କେନ୍ଦ୍ର ର କତ୍ତୃପକ୍ଷ ଚିନ୍ତା କରୁଛନ୍ତି ।

ଏହା ବି ପଢ଼ନ୍ତୁ: ଜଲଦି ଆସିବ କରୋନା ଭ୍ୟାକ୍ସିନ; ରୁଷିଆରେ ବିଶ୍ୱର ପ୍ରଥମ କରୋନା ଟିକାର କ୍ଲିନିକାଲ୍ ପରୀକ୍ଷା ଶେଷ ହେଲା

ଏହା ବି ପଢ଼ନ୍ତୁ: ‘‘ମୋ’ ଧନ ଆଉ ନାହିଁ, ମୁଁ ତାଙ୍କ ସାଙ୍ଗରେ ଯାଉଛି’’: ଜଗତସିଂହପୁର କରୋନା ୱାର୍ଡ଼ରେ ପତ୍ନୀର ଶେଷ କଥା

ମୃଗ ବିହାର ବା ଡିଅର ପାର୍କହେଉଛି ସମ୍ବଲପୁର ଜିଲ୍ଲାର ଏକମାତ୍ର ଚିଡିଆଖାନା । ଏଠାରେ ବିଭିନ୍ନ କିସମର ବନ୍ୟ ପ୍ରାଣୀ ଓ ସରୀସୃପ ଅଛନ୍ତି ।
Published by: Anand Shankar Thankur Das
First published: July 18, 2020, 12:30 AM IST
corona virus btn
corona virus btn
Loading