ଝାରସୁଗୁଡ଼ା ପରିବାରର ୫ ଜଣଙ୍କ ଆତ୍ମହତ୍ୟା ଉଦ୍ୟମ: ହସପିଟାଲରେ ଜଣେ ଭଉଣୀ ଓ ମା’ର ବି ମୃତ୍ୟୁ ହେଲା

Jharsuguda Family Suicide Attempt: ଏବେ ଗୋଟିଏ ପରିବାରର ଚାରି ଜଣ ସଦସ୍ୟଙ୍କ ଶବ ସତ୍କାର ଏକା ସାଙ୍ଗରେ ହେବ । ହେଲେ କେମିତି ହେବ ଓ କିଏ କରିବ ସେ ନେଇ ସଂଶୟ ରହିଛି । ଘରର ସାନ ପୁଅର ମୃତ୍ୟୁ ପରେ ବାକି ୫ ଜଣ ସଦସ୍ୟ ଆତ୍ମହତ୍ୟା ଉଦ୍ୟମ କରିଥିଲେ ।

ଏହି ପରିବାରର ମୋଟ ଛଅ ଜଣ ସଦସ୍ୟଙ୍କ ମଧ୍ୟରୁ ଏ ପର୍ଯ୍ୟନ୍ତ ଚାରି ଜଣଙ୍କ ମୃତ୍ୟୁ ହେଲାଣି ।

ଏହି ପରିବାରର ମୋଟ ଛଅ ଜଣ ସଦସ୍ୟଙ୍କ ମଧ୍ୟରୁ ଏ ପର୍ଯ୍ୟନ୍ତ ଚାରି ଜଣଙ୍କ ମୃତ୍ୟୁ ହେଲାଣି ।

  • Share this:
News18 Odia Digital

ଝାରସୁଗୁଡ଼ା: ଗୋଟିଏ ଭାଇର ମୃତ୍ୟୁ ହେବା ପରେ ପରିବାରର ବାକି ପାଞ୍ଚ ଜଣ ଯାକ ସଦସ୍ୟଙ୍କ ଆତ୍ମହତ୍ୟା ଉଦ୍ୟମ ଘଟଣାରେ ପୁଣି ଯୋଡ଼ିହୋଇଛି ଆଉ ଏକ ଦୁଃଖଦ ଫର୍ଦ୍ଦ । ଗତ କାଲି ସକାଳେ ଦ୍ୱିତୀୟ ଭାଇଟିର ମୃତ୍ୟୁ ହୋଇଥିଲା, ଆଉ ଆଜି ବୁର୍ଲାରେ ଚିକିତ୍ସାଧୀନ ଅବସ୍ଥାରେ ସାନ ଭଉଣୀ ଓ ମାଆଙ୍କ ମୃତ୍ୟୁ ହୋଇଛି ।

ମାଆ ପୁଷ୍ପାବତୀ ବିଶ୍ବାଳ ଓ ସାନ ଝିଅ ପିଙ୍କି ବିଶ୍ବାଳଙ୍କ ମୃତ୍ୟୁ ହୋଇଛି । ଗତ କାଲି ବୁର୍ଲାରେ ଚିକିତ୍ସାଧୀନ ବଡ଼ ପୁଅ ଶ୍ରୀକାନ୍ତ ବିଶ୍ବାଳଙ୍କ ମୃତ୍ୟୁ ହୋଇଥିଲା । ବିଷ ପିଇ ଗୁରୁତର ଥିବା ଝାରସୁଗୁଡ଼ା ଲହଣ୍ଡାବୁଡ଼ର ଏହି ପରିବାରର ମୋଟ ଛଅ ଜଣ ସଦସ୍ୟଙ୍କ ମଧ୍ୟରୁ ଏ ପର୍ଯ୍ୟନ୍ତ ଚାରି ଜଣଙ୍କ ମୃତ୍ୟୁ ହେଲାଣି । ପ୍ରଥମେ ଜଣଙ୍କର ମୃତ୍ୟୁ ହେବା ପରେ ଦୁଇ ଦିନ ତଳେ ବିଷ ପିଇ ବାକି ପାଞ୍ଚ ଜଣ ଯାକ ଗୁରୁତର ହୋଇଥିଲେ ।

ଜୁନ୍‌ ୧ ତାରିଖରେ ସାନ ପୁଅ ଦୀପକ ବିଶ୍ୱାଳର ମୃତ୍ୟୁ ହେବା ପରେ ଦୁଃଖ ସହି ନ ପାରି ପରିବାରର ବାକି ପାଞ୍ଚ ଜଣ ସଦସ୍ୟ – ମାଆ, ବଡ଼ ପୁଅ ଓ ତିନି ଝିଅ – ଆତ୍ମହତ୍ୟା ଉଦ୍ୟମ କରିଥିଲେ । ଏବେ ଗୁରୁତର ଥିବା ଦୁଇ ଝିଅ ଲିଲି ବିଶ୍ୱାଳ ଓ ବନ୍ଦିତା ବିଶ୍ବାଳଙ୍କୁ ଆଇସିୟୁରେ ଭର୍ତ୍ତି କରାଯାଇଛି ।

ପରିବାରର ପାଞ୍ଚ ଜଣ ବିଷ ପିଇବା ପରେ ମଙ୍ଗଳବାର ହସପିଟାଲରେ ଜଣେ ଭଉଣୀ । ସେ ବି ପିଇଥିଲେ ବିଷ ।


ମୃତ ଦୁଇ ଭାଇ ଶ୍ରୀକାନ୍ତ ଓ ଦୀପକଙ୍କ ମୃତ ଦେହ ବ୍ୟବଚ୍ଛେଦ ଗୃହରେ ରଖାଯାଇଥିବା ବେଳେ ମୃତକମାନଙ୍କ ପରିବାର ଲୋକ‌ କେହି ନ ଥିବାରୁ ତାଙ୍କର ଶେଷକୃତ୍ୟ କରିବାରେ ବିଳମ୍ବ ହେଉଥିବା କହିଛି ପୋଲିସ । ଏତେ ବଡ଼ ଏକ ହୃଦୟବିଦାରକ ଘଟଣା ଘଟିଥିଲେ ମଧ୍ୟ ତାଙ୍କ ସମ୍ପର୍କୀୟ କେହି ଆସି ନାହାନ୍ତି । ଧରାକୋଟ ଥାନା ଲକ୍ଷ୍ମୀପୁର ଠାରେ ରହୁଥିବା ବଡ଼ବାପା ଏକ ଭିଡ଼ିଓ ବାର୍ତ୍ତାରେ କେହି ଯାଇ ପାରିବେ ନାହିଁ ବୋଲି ଜଣାଇଛନ୍ତି ।

‘‘ମୁଁ ବୁଢ଼ା ଲୋକ । ଏବେ ଲକଡାଉନ୍‌ ଅଛି । ମୁଁ ବା କେହି ଏ ପରିସ୍ଥିତିରେ ଯାଇ ପାରିବୁ ନାହିଁ । ପୋଲିସ୍‌ ଷ୍ଟାଫଙ୍କୁ ଓ ମେଡିକାଲ୍‌ ଷ୍ଟାଫମାନଙ୍କୁ କୁହ ସେମାନେ ଶବ ସତ୍କାର କରିଦିଅନ୍ତୁ,’’ କହିଛନ୍ତି ମୃତ ଦୀପକ ଓ ଶ୍ରୀକାନ୍ତଙ୍କ ଗାଁରେ ଥିବା ବଡ଼ବାପା ଆର୍ଶୁଳୁ ବିଶ୍ୱାଳ ।

ମୃତ ଯୁବକ ଯୁବତୀଙ୍କ ବଡ଼ବାପା ଆର୍ଶୁଳୁ ବିଶ୍ୱାଳ କହିଛନ୍ତି ସେ ଶବ ସତ୍କାର ପାଇଁ ଯାଇପାରିବେନି ।


ସାନ ପୁଅ ଦୀପକ ବିଶ୍ୱାଳ ଡିସେମ୍ବର ୨୦୧୮ରେ ଏକ ମୋଟର ସାଇକେଲ୍‌ ଦୁର୍ଘଟଣାରେ ଗୁରୁତର ଆହତ ହୋଇ ଆମରିରେ ଚିକିତ୍ସା ହେବା ପରେ ଘତକୁ ଆସି ଚିକିତ୍ସାରେ ଥିବା ବେଳେ ଜୁନ୍‌ ୧ ତାରିଖ ଦିନ ମୃତ୍ୟୁ ବରଣ କରିଥିଲେ । ତାଙ୍କ ବିୟୋଗରେ ମ୍ରିୟମାଣ ହୋଇ ହିତାହିତ ଜ୍ଞାନ ଭୁଲି ପରିବାରର ବାସି ପାଞ୍ଚ ଜଣ ସଦସ୍ୟ ଘରେ ଥିବା ପାରାକ୍ବେଟ ଓ ଫିନାଇଲ ମିଶେଇ ପିଇଦେଇଥିଲେ ।

ବିଷ ପିଇବା ପରେ ମଙ୍ଗଳବାର ଦିନ ହସପିଟାଲରେ ଚିକିତ୍ସା ହେଉଥିବା ବେଳେ ଶ୍ରୀକାନ୍ତ ବିଶ୍ୱାଳ । ସେ ବୁଧବାର ମୃତ୍ୟୁ ବରଣ କଲେ ।


‘‘ସେମାନେ କୋଣାର୍କ ଫିନାଇଲ ଓ ପାରାକ୍ବେଟ ପିଇଥିବା ଜଣାପଡ଼ୁଛି। ସାଇଣ୍ଟିଫିକ୍‌ ଟିମ୍‌ ଅନୁସନ୍ଧାନ ବେଳେ ଘରେ ଗୋଟିଏ ଲିଟରର କୋଣାର୍କ ଫିନାଇଲ ବୋତଲ ଓ କାପିକ୍‌ ପାରାକ୍ବେଟ୍‌ ଡାଇକ୍ଲୋରାଇଡ୍‌ ୨୪ ପରସେଣ୍ଟ ଏସ୍‌ଏଲ୍‌ ୨୫୦ ଏମ୍‌ଏଲ୍‌ ବୋତଲ ପାଇଥିଲେ,’’ କହିଛନ୍ତି ଝାରସୁଗୁଡ଼ା ଥାନା ଆଇଆଇସି ସାବିତ୍ରୀ ବଳ ।

ସାନ ଭାଇ ଦୀପକ ବିଶ୍ୱାଳ ବାଇକ୍ ଦୁର୍ଘଟଣାରେ ଆହତ ହୋଇ ଦୁଇ ବର୍ଷ ଚିକିତ୍ସା ହେବା ପରେ ଜୁନ୍‌ ୧ରେ ମୃତ୍ୟୁ ବରଣ କରିଥିଲେ ।


ଏବେ ଗୋଟିଏ ପରିବାରର ଚାରି ଜଣ ସଦସ୍ୟଙ୍କ ଶବ ସତ୍କାର ଏକା ସାଙ୍ଗରେ ହେବ । ହେଲେ କେମିତି ହେବ ଓ କିଏ କରିବ ତାକୁ ନେଇ ସଂଶୟ ରହିଛି । ସୂଚନା ଅନୁସାରେ ଏ ବିଷୟରେ ପୋଲିସ୍‌ ଏହି ପରିବାରର ଅନ୍ୟ ସମ୍ପର୍କୀୟ ଓ ବନ୍ଧୁବର୍ଗଙ୍କ ସହ ଯୋଗାଯୋଗ କରୁଛି ।

ଚୀନ୍‌ ବିଷୟରେ ଆପଣଙ୍କ ମତ କଣ? ଦୟାକରି ଦୁଇ ମିନିଟ ସମୟ ଦେଇ ଏହି ସର୍ଭେରେ ଭାଗ ନିଅନ୍ତୁ ।

ଏହା ବି ପଢ଼ନ୍ତୁ: 

ନୂଆ ନିୟମ ଯୋଗୁଁ ଅମିତାଭ ବଚ୍ଚନଙ୍କ ହାତରୁ ଯିବ ୫ଟି ଫିଲ୍ମ? କୋଟି କୋଟି ଟଙ୍କାର କ୍ଷତି ହେବ!

ଇଂଲଣ୍ଡରେ ଏଣିକି ସାଙ୍ଗରେ ରହୁଥିବା ଲୋକ ବ୍ୟତୀତ ଆଉ କାହା ସହ ଯୌନ ସମ୍ପର୍କ ବେଆଇନ୍

କରୀନା କପୁର ଖାନ୍ ଓ ଅମୃତା ଆରୋରାଙ୍କ ୨୦ ବର୍ଷ ତଳର ଫଟୋ ଭାଇରାଲ୍ ହେଉଛି

ହ୍ରିତିକ ରୋଶନଙ୍କ ଭଉଣୀ ବଲିଉଡରେ ଡେବ୍ୟୁ କରୁଛନ୍ତି; ଅଭିନେତା କହିଲେ: ‘ତୁମ ପାଇଁ ଗର୍ବିତ’

ଅଭିନେତ୍ରୀ ପୂଜା ହେଗଡ଼େଙ୍କ ଇନଷ୍ଟାଗ୍ରାମ୍ ଆକାଉଣ୍ଟ ହ୍ୟାକ୍ ହେଲା; ରାତି ଅଧରେ ଟ୍ୱିଟ୍ କଲେ

ଭାରତ ଓ ଚୀନ୍ ମଧ୍ୟରେ ଆମେରିକା ମଧ୍ୟସ୍ଥତା କରିବ ବୋଲି ଟ୍ରମ୍ପ୍ ପ୍ରସ୍ତାବ ଦେଲେ

‘ପାତାଲ୍ ଲୋକ୍’ରେ ‘‘ଲିଙ୍ଗଭେଦ ମନ୍ତବ୍ୟ’’ ପାଇଁ ଅନୁଷ୍କା ଶର୍ମାଙ୍କ ବିରୋଧରେ ଅଭିଯୋଗ

ଇମ୍ରାନ ହାଶମୀଙ୍କୁ ଚୁମା ଦେଉଥିବା ବେଳେ ଏହି ଅଭିନେତ୍ରୀ ନିଜ ମମି ପାପାଙ୍କୁ ମନେ ପକାଉଥିଲେ

ମାତ୍ର ୪ ଦିନର ପୋଷାକ ସହିତ ଆବୁଧାବିରେ ୨ ମାସ ହେଲା ଅଟକି ରହିଛନ୍ତି ଅଭିନେତ୍ରୀ ମଉନି ରାୟ

ଭାରତ ଓ ନେପାଳ ମଧ୍ୟରେ ମାନଚିତ୍ରକୁ ନେଇ ବିବାଦ; ମନୀଷା କୋଇରାଲା ନେପାଳକୁ ସମର୍ଥନ କଲେ

ଅର୍ଦ୍ଧ-ଉନ୍ମୁକ୍ତ ବକ୍ଷ; ଏକ ବ୍ଲାକ୍-ଆଣ୍ଡ୍-ହ୍ୱାଇଟ୍ ଫଟୋସୁଟରେ ସୁପର୍ ହଟ୍ କଙ୍ଗନା ରାଣାୱତ୍

ସନ୍ନି ଲିଓନଙ୍କ ଡ୍ରିମ୍ କାର୍ ହେଉଛି ଅଟୋମେଟିକ୍ ଗିଅର୍ ଥିବା ଗୋଲାପୀ ରଙ୍ଗର ଆମ୍ବାସାଡର୍

ଇଏ ମାଲକାନଗିରିର ବିଶାଖା; ତା’ ପତି ସାଇକେଲରେ ଚେନ୍ନାଇରୁ ଘରକୁ ଫେରିବା ବାଟରେ ମରିଗଲା

କରୋନା ସଂକ୍ରମିତର ଶବକୁ ଅଧା ଜଳେଇ ଛାଡ଼ିଗଲେ ଲୋକେ; କୁଆ ଓ କୁକୁର ଟାଣି ଖାଇଲେ

କରୋନା ଭାଇରସ୍ ସଙ୍କଟ ଉପରେ ୬୧ଟି ଦେଶର ତଦନ୍ତ ପ୍ରୟାସରେ ଭାରତ ଯୋଗ ଦେଲା

୧୫ ଜୁନ୍ ପାଖାପାଖି ସପିଂ ମଲ୍ ଓ ସିନେମା ହଲ୍ ଖୋଲିପାରେ; ଲାଗୁ ହେବ ଏହି ନୂଆ ନିୟମ
First published: