ଏହି ସବୁ ଲକ୍ଷଣକୁ କରୁଛନ୍ତି କି ଅଣଦେଖା; ସାବଧାନ! ହୋଇପାରେ କିଡନୀ ଷ୍ଟୋନ୍

News18 Odia Digital

Kidney Stones Symptoms: କିଡନୀ (Kidney) ମାନବ ଶରୀରର ଏକ ଗୁରୁତ୍ୱପୂର୍ଣ୍ଣ ଅଙ୍ଗ। ରକ୍ତକୁ ଶୁଦ୍ଧ କରିବା ସହିତ ଏହା ପରିସ୍ରା ମାଧ୍ୟମରେ ସମସ୍ତ ବର୍ଜ୍ୟବସ୍ତୁକୁ ବାହାର କରିଥାଏ। କିନ୍ତୁ ଆଜିର ସମୟରେ ଆମେମାନେ ଯେଉଁ ପ୍ରକାରର ଜୀବନଶୈଳୀରେ (Lifestyle) ବଞ୍ଚୁଛେ, ଏଥିପାଇଁ ଆମକୁ ଅନେକ ସ୍ୱାସ୍ଥ୍ୟ ସମସ୍ୟାର (Health Problems) ସମ୍ମୁଖୀନ ହେବାକୁ ପଡୁଛି।

ଏହି କାରଣରୁ ଲୋକମାନେ ଅନେକ ପ୍ରକାରର କିଡନୀ (Kidney) ସମ୍ବନ୍ଧୀୟ ସମସ୍ୟାର ସମୁଖୀନ ହୁଅନ୍ତି। ସେମାନଙ୍କ ମଧ୍ୟରେ କିଡନୀ ଷ୍ଟୋନ (Kidney Stones) ଏକ ସାଧାରଣ ସମସ୍ୟା। ଯେତେବେଳେ କିଡନୀରେ ଷ୍ଟୋନର (Kidney Stones) ଆକାର ବଢ଼େ, ସେତେବେଳେ ଏହାକୁ ଅପସାରଣ କରିବାକୁ ଅପରେସନ୍ ପାଇଁ ମଧ୍ୟ ପରାମର୍ଶ ଦିଆଯାଏ।

ଯଦି କିଡନୀରେ ଷ୍ଟୋନ (Kidney Stones) ଥିବାର ଲକ୍ଷଣଗୁଡିକ ଠିକ୍ ସମୟରେ ଚିହ୍ନଟ ହୁଏ, ତେବେ ଅପରେସନ୍ ବିନା ମଧ୍ୟ ଷ୍ଟୋନକୁ ବାହାର କରାଯାଇପାରିବ। ଆପଣ ହୁଏତ ଜାଣି ନଥିବେ, କିନ୍ତୁ ଯେତେବେଳେ କିଡନୀ ଷ୍ଟୋନ ହୁଏ, ବ୍ୟକ୍ତିର ଶରୀର ନିଜେ ଏହାର ଲକ୍ଷଣ ଦେଇଥାଏ।

ତେବେ ଆଜି ଆମେ ଆପଣଙ୍କୁ ଏପରି କିଛି ଲକ୍ଷଣ ବିଷୟରେ କହିବୁ, ଯାହା କିଡନୀରେ ଷ୍ଟୋନ ଥିବାର ସଙ୍କେତ ଦେଇଥାଏ।

କିଡନୀ ଷ୍ଟୋନ ସାଧାରଣତଃ କ୍ୟାଲସିୟମ୍ କିମ୍ବା ୟୁରିକ୍ ଏସିଡ୍ ଦ୍ୱାରା ଏବଂ ଲୁଣ ଏବଂ ମିନେରାଲ୍ସର ଏକାଠିରେ ହୋଇଥାଏ। ଏହା କିଡନୀ ଭିତରେ ସୃଷ୍ଟି ହୋଇ ମୂତ୍ରାଶୟର ଅନ୍ୟ ଅଂଶକୁ ମଧ୍ୟ ଯାଇପାରନ୍ତି। ଯେତେବେଳେ ଆପଣଙ୍କ ପରିସ୍ରାରେ ଅତ୍ୟଧିକ ମିନେରାଲ୍ସ ସୃଷ୍ଟି ହୁଏ ସେତେବେଳେ ଏହି ସମସ୍ୟା ସାଧାରଣତଃ ଦେଖାଯାଏ।

କିଡନୀ ଷ୍ଟୋନ୍ ସାଧାରଣତଃ ଯନ୍ତ୍ରଣା ଦେଇପାରେ। ଯେଉଁମାନଙ୍କର ଏହି ସମସ୍ୟା ଅଛି, ସେମାନେ ପିଠି, ପେଟ କିମ୍ବା ଶରୀର ଉଭୟ ପାର୍ଶ୍ୱରେ ଯନ୍ତ୍ରଣା ଅନୁଭବ କରିପାରନ୍ତି। ଯନ୍ତ୍ରଣା ସେତେବେଳେ ଆରମ୍ଭ ହୁଏ, ଯେତେବେଳେ ପଥର ମୂତ୍ରାଶୟକୁ ଚାଲିଯାଏ। ଏହି କାରଣରୁ, କିଡନୀରେ ଚାପ ସୃଷ୍ଟି ହୁଏ।

ଏହି ଚାପ କାରଣରୁ କିଡନୀ ଯନ୍ତ୍ରଣା ହଠାତ୍ ଆରମ୍ଭ ହୋଇପାରେ। ଏହା ସହିତ ଶରୀରର ବିଭିନ୍ନ ଅଙ୍ଗରେ ଯନ୍ତ୍ରଣା ହୁଏ, କାରଣ ଷ୍ଟୋନଟି ଏହାର ସ୍ଥିତି ପରିବର୍ତ୍ତନ କରେ। ବଡ଼ ଷ୍ଟୋନଗୁଡିକ ଅଧିକ ଯନ୍ତ୍ରଣାଦାୟକ ହୋଇପାରେ, ଛୋଟ ଛୋଟ ଷ୍ଟୋନ ମଧ୍ୟ ଯନ୍ତ୍ରଣାଦାୟକ ହୋଇପାରେ ଏବଂ ଅବରୋଧର କାରଣ ହୋଇପାରେ।

ପରିସ୍ରା ସମୟରେ ଜଳା ପୋଡା

ପରିସ୍ରା କରିବା ସମୟରେ ଷ୍ଟୋନଟି ଅସୁବିଧା ସୃଷ୍ଟି କରିପାରେ। ବେଳେବେଳେ ଲୋକମାନେ ପରିସ୍ରା ସମୟରେ ଯନ୍ତ୍ରଣାକୁ ଅଣଦେଖା କରନ୍ତି କିମ୍ବା ଏହାକୁ ପରିସ୍ରା ସଂକ୍ରମଣ ସହିତ ଜଡିତ କରନ୍ତି । ତେଣୁ ଯଦି ଲକ୍ଷଣଗୁଡିକ ସ୍ଥିର ରହେ ତେବେ ଡାକ୍ତରଙ୍କ ସହିତ ପରାମର୍ଶ କରିବା ଭଲ, ଯାହା ଦ୍ୱାରା ଆପଣଙ୍କର ଅସୁବିଧାର ସଠିକ୍ କାରଣ ଜାଣିବାକୁ ପାଇପାରିବେ।

ପରିସ୍ରାରେ ରକ୍ତ ପଡ଼ିବା

କିଡନୀ ପଥରର ଏକ ସାଧାରଣ ଲକ୍ଷଣ ହେଉଛି ପରିସ୍ରାରେ ରକ୍ତ, ଯାହାକୁ ହେମାଟୁରିଆ ମଧ୍ୟ କୁହାଯାଏ। ବେଳେବେଳେ ରକ୍ତ କୋଷଗୁଡ଼ିକ ଅତି ଛୋଟ ହୋଇଥାନ୍ତି ବିନା ମାଇକ୍ରୋସ୍କୋପ୍ ଏମାନେ ଦେଖାଯାଆନ୍ତି ନାହିଁ। ଯଦି ଆପଣ ଆପଣଙ୍କର ପେଟ କିମ୍ବା ଅଣ୍ଟାରେ ଯନ୍ତ୍ରଣା ଅନୁଭବ କରୁଛନ୍ତି କିମ୍ବା ପରିସ୍ରା କରିବାରେ ଅସୁବିଧା ଭୋଗୁଛନ୍ତି, ତେବେ ଆପଣଙ୍କୁ ଏକ ପରିସ୍ରା ଟେଷ୍ଟ କରିନେବା ଉଚିତ୍।

ପରିସ୍ରାରୁ ଅତ୍ୟନ୍ତ ଦୁର୍ଗନ୍ଧ ବାହାରିବା

ସାଧାରଣତଃ ପରିସ୍ରା ପରିଷ୍କାର ଥିଲେ ଏହା ଦୁର୍ଗନ୍ଧ ହୁଏ ନାହିଁ। କିନ୍ତୁ ଯଦି ଆପଣ ପରିସ୍ରା କରିବା ସମୟରେ ଏକ ଅଲଗା ପ୍ରକାର ଗନ୍ଧ ଲକ୍ଷ୍ୟ କରୁଥାନ୍ତି, ଏହା କିଡନୀ କିମ୍ବା ମୂତ୍ରନଳୀ ସଂକ୍ରମଣକୁ ସୂଚାଇପାରେ। ପରିସ୍ରାରେ ଦୁର୍ଗନ୍ଧ ବ୍ୟାକ୍ଟେରିଆରୁ ଆସିପାରେ, ଯାହା ଦ୍ୱାରା ମୂତ୍ରନଳୀ ସଂକ୍ରମଣ ହୁଏ। ତେଣୁ, ଏପରି ଲକ୍ଷଣକୁ ଅଣଦେଖା କରିବାରେ ଭୁଲ କରନ୍ତୁ ନାହିଁ। ଅତ୍ୟଧିକ ଔଷଧ ଖାଇବାଠାରୁ ଦୁରେଇ ରୁହନ୍ତୁ।

ଆଣ୍ଟି-ଇନ୍‌ଫ୍ଲାମେଟୋରୀ ମେଡ଼ିସିନ ଗୁଡିକ କିଡନୀକୁ ସିଧାସଳଖ ପ୍ରଭାବିତ କରିଥାଏ। ଏଥି ସହିତ ଆଣ୍ଟି-ବାୟୋଟିକ୍ ଔଷଧ ମଧ୍ୟ କିଡନୀକୁ କ୍ଷତି ପହଞ୍ଚାଇପାରେ। ବିଶେଷକରି ଯଦି ଆପଣଙ୍କର ପୂର୍ବରୁ କିଡନୀ ରୋଗ ଅଛି ତେବେ ହର୍ବାଲ୍ ସପ୍ଲିମେଣ୍ଟସ୍ କିଡନୀରେ ଅଧିକ କ୍ଷତି ଘଟାଏ। ସେଥିପାଇଁ କୌଣସି ଔଷଧ ଖାଇବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଜରୁରୀ। ସୁସ୍ଥ ଖାଦ୍ୟ ଖାଆନ୍ତୁ।

କିଡନୀକୁ ସୁସ୍ଥ ରଖିବା ପାଇଁ ପୋଷକ ତତ୍ତ୍ୱଯୁକ୍ତ ଖାଦ୍ୟ ଗ୍ରହଣ କରିବାକୁ ଧ୍ୟାନ ଦିଅନ୍ତୁ। ଏପରି ପରିସ୍ଥିତିରେ ଚର୍ବି, ଲୁଣ ଏବଂ ଚିନି ଥିବା ଜିନିଷକୁ ଏଡ଼ାଇବାକୁ ଚେଷ୍ଟା କରନ୍ତୁ। ଏହା ଉଚ୍ଚ ରକ୍ତଚାପ, ମେଦବହୁଳତା ଏବଂ ମଧୁମେହର କାରଣ ହୋଇପାରେ। ଏହାସହ ଖାଦ୍ୟରେ ପନିପରିବା, ଫଳ ଏବଂ ଶସ୍ୟ ଖାଇବା ଆପଣଙ୍କ ପାଇଁ ସର୍ବୋତ୍ତମ ହୋଇପାରେ। ପ୍ରଚୁର ପରିମାଣରେ ପାଣି ପିଅନ୍ତୁ।

ପ୍ରଚୁର ପାଣି ପିଇବା ଦ୍ୱାରା କିଡନୀରେ ଥିବା ବିଷାକ୍ତ ପଦାର୍ଥ ବାହାରି ଯାଏ। ଯାହାଫଳରେ ଆପଣଙ୍କଠାରେ ଡିହାଇଡ୍ରେସନ୍, ଷ୍ଟୋନ କିମ୍ବା କିଡନୀ ସଂକ୍ରମଣ ହେବାର କମ୍ ସମ୍ଭାବନା ଥାଏ। କିଡନୀକୁ ସୁସ୍ଥ ରଖିବା ପାଇଁ, ଆପଣ ପ୍ରତିଦିନ ୩୦-୬୦ ମିନିଟ୍ ବ୍ୟାୟାମ କରିପାରିବେ।

ପଢ଼ନ୍ତୁ ଏହି ଖବର:  ମଧୁମେହ ରୋଗୀଙ୍କ ପାଇଁ ରାମବାଣ କଦଳୀ ଫୁଲ; ଖାଇବା ଦ୍ବାରା ରୋଗ ରହିବ ନିୟନ୍ତ୍ରଣ

ଏହି କଲେ ମଧୁମେହ ଏବଂ ହୃଦରୋଗ ହେବାର ଆଶଙ୍କା ମଧ୍ୟ କମ୍ ରହିଥାଏ।ଏହାସହ ଧ୍ୟାନ ରଖନ୍ତୁ ଯେ କେବେ ବି ଧୂମପାନ କରନ୍ତୁ ନାହିଁ। ଧୂମପାନ କିଡନୀ ଷ୍ଟୋନ କରାଇବାର ସବୁଠାରୁ ବଡ଼ କାରଣ ବୋଲି ବିବେଚନା କରାଯାଏ। ଧୂମପାନ ଏବଂ ମଦ୍ୟପାନ ଯୋଗୁଁ କିଡନୀ ସଠିକ୍ ଭାବରେ କାର୍ଯ୍ୟ କରିବାରେ ସକ୍ଷମ ହୁଏ ନାହିଁ।

ଏଥି ସହିତ ଧୂମପାନ ମଧ୍ୟ ରକ୍ତ ପ୍ରବାହରେ ବାଧା ସୃଷ୍ଟି କରିଥାଏ। ଏଭଳି ପରିସ୍ଥିତିରେ କିଡନୀ ରୋଗରୁ ରକ୍ଷା ପାଇବା ପାଇଁ ଧୂମପାନ ଏବଂ ମଦ୍ୟପାନରୁ ନିଜକୁ ଦୂରେଇ ରଖିବା ଭଲ। ତେବେ ବର୍ତ୍ତମାନ ଆପଣ ମଧ୍ୟ ଏହି ଲକ୍ଷଣଗୁଡିକ ଦେଖିବା ପରେ ତୁରନ୍ତ ସତର୍କ ହୋଇଯିବା ଉଚିତ୍ ଏବଂ ଡାକ୍ତରଙ୍କୁ ଭେଟି ସମସ୍ତ ଆବଶ୍ୟକୀୟ ପରୀକ୍ଷା କରି ନିଅନ୍ତୁ।