Hair Fall: କ'ଣ ପ୍ରକୃତରେ ପିଆଜ ରସ କେଶ ଝଡ଼ିବା ରୋକି ଥାଏ ? ଜାଣନ୍ତୁ ଏହା କେତେ ସତ

ପିଆଜ ରସ କେଶ ଝଡ଼ିବାରୁ ମୁକ୍ତି ଏବଂ କେଶ ବୃଦ୍ଧି ପାଇଁ ଯଥେଷ୍ଟ ଲୋକପ୍ରିୟ ହୋଇଛି । ସେଲିବ୍ରିଟି, ସୋସିଆଲ ମିଡ଼ିଆ ଇନଫ୍ଲୁଇନସର୍, ବ୍ଲଗର୍ସଙ୍କ ପ୍ରଚାର କାରଣରୁ କେଶ ପାଇଁ ପିଆଜ ରସର ବ୍ୟବହାର ଘରେ ଘରେ ବଢ଼ି ଚାଲିଛି ।

Hair Fall: କ'ଣ ପ୍ରକୃତରେ ପିଆଜ ରସ କେଶ ଝଡ଼ିବା ରୋକି ଥାଏ ? ଜାଣନ୍ତୁ ଏହା କେତେ ସତ

Hair Fall: କ'ଣ ପ୍ରକୃତରେ ପିଆଜ ରସ କେଶ ଝଡ଼ିବା ରୋକି ଥାଏ ? ଜାଣନ୍ତୁ ଏହା କେତେ ସତ

  • News18 Odia
  • Last Updated :
  • Other, India
  • Share this:
News 18 Odia Digital

Onion juice for Hairfall; କିଛି ଦିନ ହେବ ପିଆଜ ରସ କେଶ ଝଡ଼ିବାରୁ ମୁକ୍ତି ଏବଂ କେଶ ବୃଦ୍ଧି ପାଇଁ ଯଥେଷ୍ଟ ଲୋକପ୍ରିୟ ହୋଇଛି । ସେଲିବ୍ରିଟି, ସୋସିଆଲ ମିଡ଼ିଆ ଇନଫ୍ଲୁଇନସର୍, ବ୍ଲଗର୍ସଙ୍କ ପ୍ରଚାର କାରଣରୁ କେଶ ପାଇଁ ପିଆଜ ରସର ବ୍ୟବହାର ଘରେ ଘରେ ବଢ଼ି ଚାଲିଛି । ବାସ୍ତବରେ ପିଆଜ ରସରେ ଅନେକ ସଲଫର୍ ମିଳିଥାଏ । ସଲଫର ତ୍ୱଚା ରକ୍ତ ସଞ୍ଚାଳନକୁ ଉନ୍ନତ କରିଥାଏ । ଏହା ନୂଆ କେଶ ବଢ଼ିବାରେ ସାହାଯ୍ୟ କରେ ଏବଂ କେଶ ମୋଟା ହୋଇଯାଏ ।

କାହିଁକି ପିଆଜ ରସ କେଶ ପାଇଁ ଲାଭଦାୟକ ବୋଲି କୁହାଯାଏ

ସଲଫର ବ୍ୟତୀତ ଫୋଲିକ୍ ଏସିଡ୍, ଭିଟାମିନ୍ ସି, ପୋଟାସିୟମ୍ ଏବଂ ପ୍ରୋଟିନ୍ ଭଳି ଉପାଦାନ ପିଆଜରେ ମିଳିଥାଏ ଯାହା କେଶ ପାଇଁ ବହୁତ ଭଲ । ଏହାର ବ୍ୟାପକ ପ୍ରଚାର ଏବଂ ପ୍ରତ୍ୟେକ ଘରେ ସହଜ ଉପଲବ୍ଧତା ହେତୁ ହେୟାର କେୟାରରେ ପିଆଜ ବ୍ୟବହାର କରିବାର ଧାରା ଆହୁରି ବୃଦ୍ଧି ପାଇଛି । କିନ୍ତୁ ପିଆଜ ରସରେ କ'ଣ ବାସ୍ତବରେ ସମସ୍ତ କେଶ ସମସ୍ୟା ଦୂର କରିବାର ଶକ୍ତି ଅଛି, ଆମେ ଏହି ପ୍ରଶ୍ନର ଉତ୍ତର ଦେବାକୁ ଚେଷ୍ଟା କରିଛୁ ।

କେଶ ଉପରେ ପିଆଜର ପ୍ରଭାବ ଉପରେ ବିଶେଷଜ୍ଞଙ୍କ ମତ

କନସଲଟାଣ୍ଟ ଡର୍ମାଟୋଲୋଜିଷ୍ଟ ଡ. ମାନସୀ ଶିରୋଲିକରଙ୍କ ଅନୁଯାୟୀ, “କେଶ କେରାଟିନରୁ ତିଆରି ହୋଇଥାଏ (ଏକ ପ୍ରକାର ପ୍ରୋଟିନ୍) ଯେଉଁଥିରେ ସଲଫର୍ ଥାଏ । ପିଆଜ ରସରେ ସଲଫର୍ ଭରପୂର ଥାଏ । ଯେତେବେଳେ ଏହା କେଶ ଏବଂ ତ୍ୱଚାରେ ପ୍ରବେଶ କରେ, ଏହା କେଶକୁ ଅଧିକ ସଲଫର୍ ଯୋଗାଇବା ପାଇଁ କାର୍ଯ୍ୟ କରିଥାଏ ଏବଂ ଏହାକୁ ଅଧିକ ଶକ୍ତିଶାଳୀ ଏବଂ ମୋଟା କରିଥାଏ । ସଲଫର୍ କେଶ ଝଡ଼ିବା ବନ୍ଦ କରି କେଶ ବୃଦ୍ଧିରେ ସାହାଯ୍ୟ କରିଥାଏ ।

ପ୍ରସିଦ୍ଧ ଚର୍ମରୋଗ ବିଶେଷଜ୍ଞ ଡ. ଆଞ୍ଚଲ ପାନ୍ଥ କୁହନ୍ତି, ଏଥିରେ କୌଣସି ସନ୍ଦେହ ନାହିଁ ଯେ ପିଆଜରେ ଆଣ୍ଟିଅକ୍ସିଡାଣ୍ଟ ଏବଂ ଅଧିକ ସଲଫର ହେତୁ କେଶ ବୃଦ୍ଧି ପାଇଁ ଭଲ ଅଟେ। ଡକ୍ଟର ପନ୍ଥ ଆହୁରି କହିଛନ୍ତି, “ଅନେକ ଆର୍ଟିକିଲରେ ଦାବି କରାଯାଇଛି ଯେ ଆଲୋପେସିଆ ଆରେଟା ହେଉଛି ଏକ ଆଣ୍ଟୋଇମ୍ୟୁନ ସ୍ଥିତି, ଯେଉଁଥିରେ କେତେକ କୋଷ କେଶ ଫୋଲିକଲ୍କୁ ନଷ୍ଟ କରିଦିଏ, ଫଳସ୍ୱରୂପ ତ୍ୱଚାରେ ବୃତ୍ତାକାର ପ୍ୟାଚ୍ ଦେଖାଯାଏ ଯେଉଁଠାରେ କେଶ ନଥାଏ । ଏହା ବହୁତ ଖରାପ ଦେଖାଯାଇଥାଏ । କେଶ ଝଡିବା କିମ୍ବା କେଶ ପତଳା ହୋଇଯିବାର ସବୁଠାରୁ ସାଧାରଣ କାରଣ ହେଉଛି ଆଣ୍ଡ୍ରୋଜେନେଟିକ୍ ଆଲୋପେସିଆ ଥାଏ, ଆଲୋପେସିଆ ଆରେଟା ନୁହେଁ ଏବଂ ଆଣ୍ଡ୍ରୋଜେନେଟିକ୍ ଆଲୋପେସିଆ ଉପରେ ପିଆଜ ରସର ପ୍ରଭାବକୁ ନେଇ କୌଣସି ବୈଜ୍ଞାନିକ ତଥ୍ୟ ଉପଲବ୍ଧ ନାହିଁ ।
Published by:Soubhagya Mishra
First published: