ଏହି ଛୋଟ ସଙ୍କେତ କୁହେ, ଆପଣଙ୍କୁ ବ୍ଲଡ କ୍ୟାନସର ହୋଇଛି

News18 Odia Digital

Blood Cancer Symptoms: କ୍ୟାନସର ନାଁ ଶୁଣିଲେ ମନରେ ଭୟ ଆସିଯାଏ । କ୍ୟାନ୍ସର ଅନେକ ପ୍ରକାରର ଅଛି । ସେଥିମଧ୍ୟରୁ ଗୋଟିଏ ହେଉଛି ବ୍ଲଡ କ୍ୟାନ୍ସର ବା ରକ୍ତ କର୍କଟ । ଯାହାକୁ ଡାକ୍ତରୀ ଭାଷାରେ ଲ୍ୟୁକେମିଆ କୁହାଯାଏ । ଏହା ସବୁ ବୟସର ବ୍ୟକ୍ତିଙ୍କୁ ହୋଇପାରେ। କିନ୍ତୁ ୩୦ ବର୍ଷ ପରେ ଏହି ରୋଗ ହେବାର ଭୟ ଅଧିକ ଥାଏ।

ବ୍ଲଡ କ୍ୟାନ୍ସର ରୋଗୀଙ୍କର ଆରମ୍ଭରୁ ଏହାର ଲକ୍ଷଣ ଜଣାପଡି ନଥାଏ, ଯାହା ଦ୍ବାରା ଏହା ଗମ୍ଭୀର ରୋଗରେ ପରିଣତ ହୋଇଥାଏ। ଏଥିପାଇଁ ଏହାର ପ୍ରାରମ୍ଭ ଲକ୍ଷଣକୁ ଜାଣିବା ବହୁତ ଆବଶ୍ୟକ । ଯାହା ଦ୍ବାରା ଏହାର ଚିକିତ୍ସା କରାଯାଇପାରେ।

ଜ୍ୱର ହେବା : ରକ୍ତ କର୍କଟର ପ୍ରାଥମିକ ପର୍ଯ୍ୟାୟରେ ଆପଣଙ୍କୁ ଜ୍ୱର ଭଳି ସଙ୍କେତ ଦେଖାଯାଇଥାଏ । ସବୁବେଳେ ଥକ୍କାପଣ, ଅଳ୍ପ ଜ୍ୱର ଓ ଦୁର୍ବଳ ଲାଗିବା ମଧ୍ୟ ଏହାର ଏକ ସଙ୍କେତ।

କାଶ ହେବା: ଯଦି ଆପଣଙ୍କର ରକ୍ତ କର୍କଟ ହୋଇଛି, ତେବେ କାଶ କିମ୍ବା ଛାତିରେ ଯନ୍ତ୍ରଣା ହୋଇପାରେ । କଫରେ ଅସ୍ୱାଭାବିକ ପଡିବା । ଯଦି ଏପରି ହୁଏ ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।

ଦୁର୍ବଳ ଲାଗିବା: ଆପଣଙ୍କୁ କିିଛି କାମ କରିବା ପାଇଁ ଇଚ୍ଛା ନହେବା ଏହି ରୋଗର ଲକ୍ଷଣ । ଶ୍ୱେତ ରକ୍ତ କଣିକାର ଅଭାବ ହେତୁ ଏହା ହୋଇପାରେ ଯାହା ଆପଣଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି କମ କରାଇଥାଏ ।

ରକ୍ତସ୍ରାବ: ଯଦି ଆପଣଙ୍କ ଶରୀରରେ ଏକ ଅଜବ ଦାଗ ଦେଖାଯାଏ, କୁଣ୍ଡାଇ ହୁଏ, ସହଜରେ ଘା ଏବଂ ରକ୍ତସ୍ରାବ ହୁଏ ତେବେ ଏହା ହେଉଛି ରକ୍ତ କର୍କଟର ଲକ୍ଷଣ ।

Smartphone Safety Tips: ଫୋନରେ ବ୍ୟାକ କଭର ଲଗାଇଛନ୍ତି କି? ତୁରନ୍ତ କାଢ଼ି ଦିଅନ୍ତୁ

ଭୋକ ନଲାଗିବା: ଭୋକ କମିବା କିମ୍ବା ବାନ୍ତି ଲାଗିବା ମଧ୍ୟ ରକ୍ତ କର୍କଟ ରୋଗର ଲକ୍ଷଣ ।

ଥକା ଲାଗିବା: କ୍ରମାଗତ ଦୁର୍ବଳତା ଏବଂ ଥକ୍କାପଣ ରକ୍ତ କର୍କଟ ରୋଗର ଲକ୍ଷଣ । ଯଥେଷ୍ଟ ଲାଲ ରକ୍ତ କଣିକା ନ ଥିବାରୁ ଏହା ହୋଇପାରେ, ଯାହା ରକ୍ତହୀନତା ଏବଂ ନିମ୍ନଲିଖିତ ଲକ୍ଷଣକୁ ନେଇପାରେ ।

ରକ୍ତ କର୍କଟ ରୋଗର ଏହି ଲକ୍ଷଣକୁ ମଧ୍ୟ ଅଣଦେଖା କରନ୍ତୁ ନାହିଁ । ରାତିର ଅତ୍ୟଧିକ ଝାଳ ବୋହିବା, ନିଶ୍ୱାସ ପ୍ରଶ୍ୱାସ କଷ୍ଟ ଅନୁଭବ, ବେକରେ ଫୁଲିବା, ଅନାବଶ୍ୟକ ଓଜନ ହ୍ରାସ ଓ ବ୍ରସ କରିବା ସମୟରେ ରକ୍ତସ୍ରାବ ମଧ୍ୟ ରକ୍ତ କର୍କଟ ରୋଗର ଲକ୍ଷଣ ହୋଇପାରେ । ଯଦି ଏହା ଘଟେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।