ହୋମ୍ » ଓଡ଼ିଶା ନ୍ୟୁଜ୍ » ଭାରତ-ଚୀନ»ବର୍ତ୍ତମାନ ଚୀନର ଶତ୍ରୁମାନଙ୍କ ସହ ହାତ ମିଳାଇବ ଭାରତ! ଏହି ଦେଶ ସହ ଆରମ୍ଭ କରିବ ବାଣିଜ୍ୟ ବାର୍ତ୍ତା

ବର୍ତ୍ତମାନ ଚୀନର ଶତ୍ରୁମାନଙ୍କ ସହ ହାତ ମିଳାଇବ ଭାରତ! ଏହି ଦେଶ ସହ ଆରମ୍ଭ କରିବ ବାଣିଜ୍ୟ ବାର୍ତ୍ତା

ଆମେରିକାର (US) ଘନିଷ୍ଠ ତାଇୱାନ (Taiwan) ବହୁ ବର୍ଷ ଧରି ଭାରତ ସହିତ ବାଣିଜ୍ୟ ଚୁକ୍ତି କରିବାକୁ ଚାହୁଁଛି । ତେବେ ଲଦ୍ଦାଖରେ ସୀମା ଉତ୍ତେଜନା ପୂର୍ବରୁ ଚୀନ୍ ସହ ଭଲ ସମ୍ପର୍କ ଥିବାରୁ ଭାରତ ଏଥିରୁ ଦୂରେଇ ରହିଛି । ଗତ କିଛି ମାସ ଧରି ସରକାରଙ୍କ ଏକ ବିଭାଗ ତାଇୱାନ ସହିତ ବାଣିଜ୍ୟ ଚୁକ୍ତି ସପକ୍ଷରେ ଅଛି ।

ବର୍ତ୍ତମାନ ଚୀନର ଶତ୍ରୁମାନଙ୍କ ସହ ହାତ ମିଳାଇବ ଭାରତ! ଏହି ଦେଶ ସହ ଆରମ୍ଭ କରିବ ବାଣିଜ୍ୟ ବାର୍ତ୍ତା
ବର୍ତ୍ତମାନ ଚୀନର ଶତ୍ରୁମାନଙ୍କ ସହ ହାତ ମିଳାଇବ ଭାରତ!
  • News18 Odia
  • Last Updated: October 20, 2020, 8:02 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଭାରତ-ଚୀନ୍ ସୀମା ବିବାଦ (India-China Border Tension) ପରେ ବଢୁଥିବା ଉତ୍ତେଜନା କାରଣରୁ ଭାରତ ଚୀନ୍‌କୁ ଧକ୍କା ଦେବାର କୌଣସି ସୁଯୋଗ ଛାଡୁନାହିଁ । ଏହି ପର୍ଯ୍ୟାୟରେ ଭାରତ ବର୍ତ୍ତମାନ ଚୀନ୍‌ର ଶତ୍ରୁ ଦେଶମାନଙ୍କ ସହ ଆଲୋଚନା ଆରମ୍ଭ କରିବାକୁ ଯାଉଛି । ବାସ୍ତବରେ ଚୀନ୍‌ର ଆଣ୍ଟିକ୍ସ ଦ୍ୱାରା ଉଭୟ ଭାରତ ଓ ତାଇୱାନ ବିଚଳିତ ଅଛନ୍ତି । ଏହା ସହିତ ଦୁଇ ଗଣତାନ୍ତ୍ରିକ ରାଷ୍ଟ୍ର ନିକଟତର ହେବାରେ ଲାଗିଛି ଓ ସେମାନେ ବାଣିଜ୍ୟ ଚୁକ୍ତି ଉପରେ ଏକ ଆନୁଷ୍ଠାନିକ ବୁଝାମଣା ଆରମ୍ଭ କରିବାକୁ ଯାଉଛନ୍ତି । ତାଇୱାନ ବହୁ ବର୍ଷ ଧରି ବାଣିଜ୍ୟ ଚୁକ୍ତି ପାଇଁ ବୁଝାମଣା କରିବାକୁ ଚାହୁଁଛି କିନ୍ତୁ ଭାରତ ଏଥିରେ ଦ୍ୱିଧାବୋଧ କରୁଛି । ବାସ୍ତବରେ ଲଦ୍ଦାଖ ସୀମା ବିବାଦ ପୂର୍ବରୁ ଭାରତ ଚୀନ୍‌କୁ ଅସନ୍ତୋଷ କରିବାକୁ ଚାହୁଁନଥିଲା । କିଛି ମାସ ହେଲା ସରକାର ତାଇୱାନ ସହିତ ବାଣିଜ୍ୟ କାରବାରକୁ ସମର୍ଥନ କରୁଛନ୍ତି ।

ତାଇୱାନର କିଛି କମ୍ପାନୀକୁ ସ୍ମାର୍ଟଫୋନ୍ ତିଆରି କରିବାକୁ ହୋଇଥିଲା ଅନୁମୋଦନ
ଜଣେ ଅଧିକାରୀ କହିଛନ୍ତି ଯେ ତାଇୱାନ ସହିତ ବାଣିଜ୍ୟ ଚୁକ୍ତି ଭାରତକୁ ଟେକ୍ନୋଲୋଜି ଓ ଇଲେକ୍ଟ୍ରୋନିକ୍ସରେ ଅଧିକ ପୁଞ୍ଜି ବିନିଯୋଗ କରିବାରେ ସାହାଯ୍ୟ କରିବ । ଅଧିକାରୀ କହିଛନ୍ତି ଯେ ବାର୍ତ୍ତାଳାପ ଆରମ୍ଭ କରିବା ପାଇଁ ଚୂଡ଼ାନ୍ତ ନିଷ୍ପତ୍ତି କେବେ ନିଆଯିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏହି ମାସରେ ଭାରତ ସରକାର ସ୍ମାର୍ଟଫୋନ୍ (Smartphone) ତିଆରି ପାଇଁ ଅନେକ କମ୍ପାନୀର ପ୍ରସ୍ତାବକୁ ଅନୁମୋଦନ କରିଥିଲେ । ଏଥିମଧ୍ୟରେ ତାଇୱାନର ଫକ୍ସକନ୍ ଟେକ୍ନୋଲୋଜି ଗ୍ରୁପ୍, ୱିଷ୍ଟ୍ରନ୍ ଗ୍ରୁପ୍ ଓ ପେଗାଟ୍ରନ୍ କର୍ପ ଅନ୍ତର୍ଭୁକ୍ତ । ବାଣିଜ୍ୟ ମନ୍ତ୍ରଣାଳୟର ମୁଖପାତ୍ର ଏ ସମ୍ପର୍କରେ ତୁରନ୍ତ କୌଣସି ମନ୍ତବ୍ୟ ଦେଇନାହାଁନ୍ତି । ତାଇୱାନର ସର୍ବୋଚ୍ଚ ବାଣିଜ୍ୟ ବୁଝାମଣାକାରୀ ଜନ ଡେଙ୍ଗ ମଧ୍ୟ ଇମେଲର ଉତ୍ତର ଦେଇ ନାହାଁନ୍ତି ।

ଯଦି ଭାରତ ସହିତ ସିଧାସଳଖ ବାଣିଜ୍ୟ ଆଲୋଚନା ଆରମ୍ଭ ହୁଏ ତେବେ ତାଇୱାନ ପାଇଁ ଏହା ଏକ ବଡ଼ ବିଜୟ ହେବ । ଚୀନ୍‌ର ଚାପ ଯୋଗୁଁ ତାଇୱାନକୁ କୌଣସି ପ୍ରମୁଖ ଦେଶ ସହିତ ବାଣିଜ୍ୟ ଚୁକ୍ତି ଆରମ୍ଭ କରିବାକୁ ସଂଘର୍ଷ କରିବାକୁ ପଡିଛି । ଅଧିକାଂଶ ଦେଶ ପରି ଭାରତ ତାଇୱାନକୁ ଆନୁଷ୍ଠାନିକ ମାନ୍ୟତା ଦେଇନାହିଁ । ପ୍ରତିନିଧୀ କାର୍ଯ୍ୟାଳୟ ଭାବରେ ଦୁଇ ଦେଶ ମଧ୍ୟରେ ଅନୌପଚାରିକ କୂଟନୈତିକ ମିଶନ ଅଛି । ଆର୍ଥିକ ସମ୍ପର୍କକୁ ମଜବୁତ କରିବା ପାଇଁ ଦୁଇ ଦେଶ 2018 ରେ ଏକ ଅପଡେଟ୍ ଦ୍ୱିପାକ୍ଷିକ ବିନିଯୋଗ ଚୁକ୍ତି ସ୍ୱାକ୍ଷର କରିଥିଲେ । ୨୦୧୯ ମସିହାରେ ଦୁଇ ଦେଶ ମଧ୍ୟରେ ବାଣିଜ୍ୟ ୧୮ ପ୍ରତିଶତ ବୃଦ୍ଧି ହୋଇ ୭.୨ ବିଲିୟନ ଡ଼ଲାରରେ ପହଞ୍ଚିଛି ।
Published by: Jagdish Barik
First published: October 20, 2020, 8:01 PM IST