ଆଜି ଶ୍ରୀଜିଉଙ୍କର ଖସାପଡା ନୀତି; ବନ୍ଦ ରହିବ ସାଧାରଣ ଦର୍ଶନ

ଯେହେତୁ ଦେବସ୍ନାନ ପୂର୍ଣ୍ଣମୀ ଓ ଶ୍ରୀଗୁଣ୍ଡିଚା ଯାତ୍ରା ଆଦିରେ ମହାପ୍ରଭୁ ପହଣ୍ଡି ହୋଇଥିଲେ ଏଣୁ ତାହା ପୂର୍ବରୁ ଖସାପଡା ନୀତି କରାଯାଇଥିଲା । ଆଗକୁ ଦେବସ୍ନାନ ପୂର୍ଣ୍ଣିମା ଓ ବିଶ୍ୱପ୍ରସିଦ୍ଧ ଘୋଷଯାତ୍ରା (rathayatra) ରହିଥିବାରୁ ଶ୍ରୀଜୀଉମାନେ ପହଣ୍ଡି ହେବେ । ଏଣୁ ଏହାପୂର୍ବରୁ ଅର୍ଥାତ ସୋମବାର ଦିନ ପୁନର୍ବାର ଖସାପଡା ନୀତି ଅନୁଷ୍ଠିତ ହେବ ବୋଲି ଦଇତାପତି ସେବାୟତ ବିନାୟକ ଦାସମହାପାତ୍ର ସୂଚନା ଦେଇଛନ୍ତି ।

ସେପଟେ ଶ୍ରୀମନ୍ଦିରରେ ଏହି ନୀତିକୁ ନେଇ ସେବାୟତଙ୍କ ସହ ଶ୍ରୀମନ୍ଦିର ପ୍ରଶାସନ ସହ ଆଲୋଚନା କରାଯାଇଛି । ନୀତି ଶୃଙ୍ଖଳିତ ସହ ଦର୍ଶନ ନେଇ ଶ୍ରୀମନ୍ଦିର ପ୍ରଶାସନ ଦଇତାପତି ନିଯୋଗର ସହଯୋଗ ଲୋଡିଛି । ସେପଟେ ଶ୍ରୀମନ୍ଦିରରେ ଶ୍ରୀଜୀଉଙ୍କ ଶ୍ରୀଅଙ୍ଗ ପ୍ରତି ମୂଷାଙ୍କ ବିପଦ ରହିଥିବାରୁ ତାହାର ମଧ୍ୟ ସ୍ଥିତି ଅନୁଧ୍ୟାନ କରାଯିବ। ପୁଣି ଶ୍ରୀଅଙ୍ଗର ସ୍ଥିତି କିଭଳି ସୁରକ୍ଷିତ ରହିବ ତାର ବ୍ୟବସ୍ଥା କରାଯିବ ବୋଲି କହିଛନ୍ତି ଦଇତାପତି ନିଯୋଗ ସେବାୟତ ।