ଆଜି ଗୋବର୍ଦ୍ଧନ ପୂଜା; ଜାଣନ୍ତୁ ପୂଜା ବିଧି ଓ ଶୁଭ ସମୟ

ଏହି ବର୍ଷ ଗୋବର୍ଦ୍ଧନ ପୂଜା ୨୬ ଅକ୍ଟୋବର ୨୦୨୨ ତଥାା ବୁଧବାର ଦିନ ପାଳନ କରାଯିବ।

ଆଜି ଗୋବର୍ଦ୍ଧନ ପୂଜା

ଆଜି ଗୋବର୍ଦ୍ଧନ ପୂଜା

  • News18 Odia
  • Last Updated :
  • New Delhi, India
  • Share this:
News 18 Odia Digital

କାର୍ତ୍ତିକ ମାସର ଶୁକ୍ଳପକ୍ଷ ର ପ୍ରତିପଦରେ ଗୋବର୍ଦ୍ଧନ ପୂଜା ପାଳନ କରାଯାଏ। ଗୋବର୍ଦ୍ଧନ ପୂଜା ପ୍ରତିବର୍ଷ ଦୀପାବଳିର ପରଦିନ ପାଳନ କରାଯାଏ। ବାସ୍ତବରେ, ଦୀପାବଳି ଏବଂ ଗୋବର୍ଦ୍ଧନ ପୂଜା ମଧ୍ୟରେ ଗୋଟିଏ ଦିନର ପାର୍ଥକ୍ୟ ଥାଏ। ଏହି ବର୍ଷ ଗୋବର୍ଦ୍ଧନ ପୂଜା ୨୬ ଅକ୍ଟୋବର ୨୦୨୨ ବୁଧବାର ଦିନ ପାଳନ କରାଯିବ। ଏହିଦିନ ମାସବ୍ୟାପୀ କାର୍ତ୍ତିକବ୍ରତ ରଖିଥିବା ବ୍ରତଧାରୀ ମାନେ ବୃନ୍ଦାବତୀ ଚୌରା ମୂଳରେ ସ୍ୱତନ୍ତ୍ର ପ୍ରସାଦ ନିବେଦନ କରି ସମ୍ମିଳିତ ଭାବରେ ପ୍ରସାଦ ସେବନ। ଅନେକ ଶ୍ରଦ୍ଧାଳୁ ନିଜ ଘର ଅଗଣାରେ ଗୋବର ଲିପି ପୂଜା କରିଥାନ୍ତି।ଏହିଦିନ ବୃନ୍ଦାବନ ଏବଂ ମଥୁରା ସମେତ ଦେଶର ଅନେକ ଅଞ୍ଚଳରେ ଗୋର୍ବଦ୍ଧନ ପୂଜା ବେଶ ଧୁମ- ଧାମରେ ପାଳନ କରାଯାଏ।

ଗୋବର୍ଦ୍ଧନ ପୂଜା ଦେଶର କେତେକ ସ୍ଥାନରେ ଅନ୍ନକୁଟ ନାମରେ ମଧ୍ୟ ଜଣାଶୁଣା। ଏହି ପବିତ୍ର ଦିନରେ ଭଗବାନ କୃଷ୍ଣ, ଗୋବର୍ଦ୍ଧନ ପର୍ବତ ଏବଂ ଗାଇମାନଙ୍କୁ ପୂଜା କରାଯାଏ। ଗୋବର୍ଦ୍ଧନ ପୂଜା ଦିନ ୫୬ କିମ୍ବା ୧୦୮ ପ୍ରକାରର ଖାଦ୍ୟ ମଧ୍ୟ ଭଗବାନ କୃଷ୍ଣଙ୍କୁ ଅର୍ପଣ କରାଯାଇଥାଏ।

ଗୋବର୍ଦ୍ଧନ ପୂଜା ଶୁଭ ସମୟ

ପ୍ରତୀପଦ ତାରିଖ ୨୫ ଅକ୍ଟୋବରରେ ଅପରାହ୍ନ ୫:୧୮ରୁ ଆରମ୍ଭ ହେବ, ଯାହା ୨୬ ଅକ୍ଟୋବରରେ ୨:୪୨ ରେ ଶେଷ ହେବ। ଗୋବର୍ଦ୍ଧନ ପୂଜାର ଶୁଭ ସମୟ ସକାଳ ୬:୨୯ ରୁ ୮:୪୩। ପୂଜାର ସମୁଦାୟ ସମୟ ୨ ଘଣ୍ଟା ୧୪ ମିନିଟ୍।

ବ୍ରହ୍ମ ମୁହୂର୍ତ୍ତ - ସକାଳ ୪:୪୬ ରୁ ୫:୩୭
ଅଭିଜିତ୍ ମୁହୂର୍ତ୍ତ - ସକାଳ ୧୧:୪୨ ରୁ ୧୨:୪୭
ବିଜୟ ମୁହୂର୍ତ୍ତ- ୧:୪୨ ରୁ ୨:୪୨

ଗୋବର୍ଦ୍ଧନ ପୂଜାର ପଦ୍ଧତି-
ଘର ଅଗଣା ଗୋବରେ ଲିପି ଦିଅନ୍ତୁ । ତାପରେ ଝୋଟି କିମ୍ୱା ରଙ୍ଗୋଲିରେ ଗୋବର୍ଦ୍ଧନଙ୍କ କଳାକୃତି କରନ୍ତୁ  ଏହା ପରେ ରୋଲି, ଚାଉଳ, ପାଣି, କ୍ଷୀର, ଫୁଲ ଏବଂ ଦୀପ ପ୍ରଜ୍ୱଳିତ କରି ଭଗବାନ ଗୋବର୍ଦ୍ଧନଙ୍କୁ ଉପାସନା କରନ୍ତୁ। କୁହାଯାଏ ଯେ ଏହି ଦିନ ଭଗବାନ ଗୋବର୍ଦ୍ଧନଙ୍କୁ ଆନ୍ତରିକତାର ସହ ପୂଜା କରି ଭଗବାନ କୃଷ୍ଣଙ୍କ କୃପା ବର୍ଷସାରା ରହିଥାଏ।ଏହି ଦିନ ପ୍ରଭୁଙ୍କୁ ୫୬ କିମ୍ବା ୧୦୮ ପ୍ରକାରର ଭୋଗ ଅର୍ପଣ କରିବାର ଏକ ପରମ୍ପରା ମଧ୍ୟ ରହିଛି।

ଗୋବର୍ଦ୍ଧନ ପୂଜା ସମ୍ବନ୍ଧୀୟ ପୁରାଣ-

ବିଶ୍ୱାସ କରାଯାଏ ଯେ ଭଗବାନ କୃଷ୍ଣ ହଜାର ହଜାର ପ୍ରାଣୀ ଏବଂ ମାନବ ଜୀବନକୁ ଭଗବାନ ଇନ୍ଦ୍ରଙ୍କ କ୍ରୋଧରୁ ରକ୍ଷା କରିଥିଲେ। ଏହି ଦିନ ଗାଈ ଗୋବରରୁ ଲୋକମାନେ ଗୋବର୍ଦ୍ଧନଙ୍କୁ ନିଜ ଘରେ ତିଆରି କରନ୍ତି।
Published by:Soumyashree Mishra
First published: