ସୁଟିଂ ସେଟରେ ଆତ୍ମହତ୍ୟା କଲେ ଟିଭି ଅଭିନେତ୍ରୀ ତୁନିଷା ଶର୍ମା; ଡିପ୍ରେସନର ଖାଉଥିଲେ ବଟିକା

Tunisha Sharma Death: ତୁନିଷା ଶର୍ମା କିଛି ସମୟ ପାଇଁ ଡିପ୍ରେସନରେ ଥିଲେ, ଯେଉଁଥିପାଇଁ ସେ ଔଷଧ ମଧ୍ୟ ନେଉଥିଲେ। ଯାହାକୁ ନେଇ ସେ ଆତ୍ମହତ୍ୟା କରିଥିଲେ ବୋଲି ସନ୍ଦେହ ହେଉଛି।

ସୁଟିଂ ସେଟରେ ଆତ୍ମହତ୍ୟା କଲେ ଟିଭି ଅଭିନେତ୍ରୀ ତୁନିଷା ଶର୍ମା

ସୁଟିଂ ସେଟରେ ଆତ୍ମହତ୍ୟା କଲେ ଟିଭି ଅଭିନେତ୍ରୀ ତୁନିଷା ଶର୍ମା

  • News18 Odia
  • Last Updated :
  • Cuttack, India
  • Share this:
News18 Odia Digital

ମୁମ୍ବାଇ: ଟିଭି ଅଭିନେତ୍ରୀ ତୁନିଷା ଶର୍ମା ଶନିବାର ଆତ୍ମହତ୍ୟା କରିଛନ୍ତି। ମାତ୍ର ୨୦ ବର୍ଷ ବୟସରେ ସେ ଦୁନିଆ ଛାଡ଼ି ଚାଲିଯାଇଛନ୍ତି। ଏହି ଯନ୍ତ୍ରଣାଦାୟକ ଘଟଣା ଯୋଗୁଁ ତାଙ୍କ ପରିବାରରେ ଶୋକ ଛାୟା ଖେଳିଯାଇଛି। ଏବେ ଖବର ଆସିଛି ଯେ ତୁନିଷା ଶର୍ମା କିଛି ସମୟ ପାଇଁ ଡିପ୍ରେସନ୍ ବଟିକା ଖାଉଥିଲେ। ସେ ନିଜ କାମ ଏବଂ ମା'କୁ ନେଇ ଚିନ୍ତତ ରହୁଥିଲେ।

ସୂଚନାନୁସାରେ, ତୁନିଶା ଶର୍ମା ତାଙ୍କ କାର୍ଯ୍ୟ, ତାଙ୍କ ମା ଏବଂ ଘର କିପରି ଚାଲିବ ସେ ସମ୍ବନ୍ଧରେ 'ଅଲ୍ଲି ବାବା ଦାସ୍ତାନ-ଏ-କାବୁଲ' ପୂର୍ବରୁ ବହୁତ ଉଦାସୀନ ଥିଲେ। ଏହି କାରଣରୁ ସେ ଡିପ୍ରେସନ୍ ବଟିକା ମଧ୍ୟ ନେଉଥିଲେ।

ଶିଜାନ ମହମ୍ମଦ ଖାନ ତାଙ୍କୁ ହଇରାଣ କରୁଥିବା ଅଭିଯୋଗ

ତୁନିଷା ଶର୍ମାଙ୍କ ଘନିଷ୍ଠ ସମ୍ପର୍କୀୟ ଏକ ନ୍ୟୁଜ୍ ଚ୍ୟାନେଲ ସହ କଥା ହୋଇ କହିଛନ୍ତି, ‘‘ଅଲ୍ଲି ବାବା ଦାସ୍ତାନ ଏ କାବୁଲ'ର ମୁଖ୍ୟ ଅଭିନେତା ଶିଜାନ ମହମ୍ମଦ ଖାନ ତୁନିଷାଙ୍କୁ ହଇରାଣ କରିଥିଲେ। ଶିଜାନ ତାଙ୍କ ନିକଟତର ହୋଇ ହଠାତ୍ କାଟଅଫ କରିଦେଇଥିଲେ। ଗତ ଏକ ସପ୍ତାହ ଧରି ତୁନିଷା କହୁଥିଲେ ଯେ ଶିଜାନ ତାଙ୍କୁ ଅସୁବିଧାରେ ପକାଉଛନ୍ତି। ଆମେ ମଧ୍ୟ ଶିଜାନଙ୍କ ସହ କଥା ହୋଇଥିଲୁ ଏବଂ ତାଙ୍କୁ ଏହିପରି ହଇରାଣ ନ କରିବାକୁ କହିଥିଲେ। ଏହାକୁ ଆଧାର କରି ପୋଲିସ ନିକଟରେ ଆମେ ଅଭିଯୋଗ କରିଛୁ।’’

ତୁନିଷା ଶର୍ମା ରଶି ଲଗାଇ ଆତ୍ମହତ୍ୟା କରିଛନ୍ତି

ତୁନିଷା ଶର୍ମା 'ଅଲ୍ଲି ବାବା ଦାସ୍ତାନ ଏ କାବୁଲ' ପାଇଁ ସୁଟିଂ କରୁଥିଲେ। ଚା’ ବିରତି ସମୟରେ ତୁନିଷା ଶୌଚାଳୟକୁ ଯାଇଥିଲେ ଏବଂ ଦୀର୍ଘ ସମୟ ଧରି ବାହାରକୁ ଆସିଲେ ନାହିଁ, ତା’ପରେ କବାଟ ଭଙ୍ଗାଯାଇଥିଲା। ଆଉ ଏହି ସମୟରେ ତୁନିଷାଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ ସମସ୍ତେ।

ଏହି ଶୋ’ରେ ତୁନିଷା କାମ କରିଥିଲେ

ଐତିହାସିକ ଶୋ ‘ଭରତ କା ବୀର ପୁତ୍ର: ମହାରଣା ପ୍ରତାପ’ ସହିତ ତୁନିଷା ଶର୍ମା ନିଜ ଅଭିନୟ କ୍ୟାରିୟର୍ ଆରମ୍ଭ କରିଥିଲେ। ଏହା ବ୍ୟତୀତ ସେ ‘ଚକ୍ରବର୍ତ୍ତୀ ଅଶୋକ ସମ୍ରାଟ’, ‘ଗବର ପୁଚ୍ଛୱାଲା’, ‘ଶେର-ଇ-ପଞ୍ଜାବ: ମହାରାଜ ରଣଜିତ୍ ସିଂ’, ‘ଇଣ୍ଟରନେଟ୍ ୱାଲା ଲଭ୍’ ଏବଂ ‘ଇସ୍କ ସୁଭାନ ଅଲ୍ଲାହ’ ଭଳି ଶୋ’ରେ କାମ କରିଥିଲେ। ସେ 'ବାର ବାର ଦେଖୋ' ଏବଂ 'ଦବଙ୍ଗ ୩' ଭଳି ଫିଲ୍ମରେ ମଧ୍ୟ କାମ କରିଥିଲେ।
Published by:Lipina Das
First published: