ନବ ନିର୍ମିତ ଚଳଚ୍ଚିତ୍ର 'ପ୍ରତୀକ୍ଷା'ର ଟ୍ରେଲର ଓ ଅଡିଓ ରିଲିଜ୍

ନବ ନିର୍ମିତ ଚଳଚ୍ଚିତ୍ର ପ୍ରତୀକ୍ଷାର ଟ୍ରେଲର ଓ ଅଡିଓ ରିଲିଜ୍‌ ଭୁବନେଶ୍ୱରର ଏକ ତାରକା ହୋଟେଲରେ ଅନୁଷ୍ଠିତ ହୋଇଯାଇଛି ।

ନବ ନିର୍ମିତ ଚଳଚ୍ଚିତ୍ର 'ପ୍ରତୀକ୍ଷା'ର ଟ୍ରେଲର ଓ ଅଡିଓ ରିଲିଜ୍

ନବ ନିର୍ମିତ ଚଳଚ୍ଚିତ୍ର 'ପ୍ରତୀକ୍ଷା'ର ଟ୍ରେଲର ଓ ଅଡିଓ ରିଲିଜ୍

  • News18 Odia
  • Last Updated :
  • Bhubaneswar, India
  • Share this:
News 18 Odia Digital

ଭୁବନେଶ୍ୱର; ନବ ନିର୍ମିତ ଚଳଚ୍ଚିତ୍ର ପ୍ରତୀକ୍ଷାର ଟ୍ରେଲର ଓ ଅଡିଓ ରିଲିଜ୍‌ ଭୁବନେଶ୍ୱରର ଏକ ତାରକା ହୋଟେଲରେ ଅନୁଷ୍ଠିତ ହୋଇଯାଇଛି । ଅତୀତରେ ହାକିମ ବାବୁ, ପୁଅ ମୋର କଳା ଠାକୁର, ତୁଳସୀଅପା ଏବଂ ସମ୍ପ୍ରତି ବ୍ଲକବଷ୍ଟର ୱେବ୍‌ ସିରିଜ୍ - ଗ୍ୟାଙ୍ଗସ୍ ଅଫ୍ ପୁରୀର ନିର୍ମାତା ଅମୀୟ ପଟ୍ଟନାୟକ ପ୍ରଡକ୍ସନ୍ସର ଏକ ବହୁ ପ୍ରତୀକ୍ଷିତ ପୂର୍ଣାଙ୍ଗ ଚଳଚ୍ଚିତ୍ର "ପ୍ରତୀକ୍ଷା" ଆଗାମୀ ଡିସେମ୍ବର ୨ ତାରିଖରେ ସମଗ୍ର ଓଡ଼ିଶାରେ ମୁକ୍ତିଲାଭ କରିବାର ଯୋଜନା ରହିଛି ।

ପ୍ରତୀକ୍ଷା ହେଉଛି ଭୁବନେଶ୍ୱରରେ ରହୁଥିବା ଏକ ସାଧାରଣ ମଧ୍ୟବିତ୍ତ ପରିବାରର ସ୍ୱପ୍ନ, ନିରାଶ ଏବଂ ଆକାଂକ୍ଷା ଆଧାରିତ କାହାଣୀ । ସଞ୍ଜୟ, ଜଣେ ଦକ୍ଷ ଯୁବକ ସରକାରୀ ଚାକିରି ପାଇବାକୁ ଜିଦ୍ ଧରିଛନ୍ତି । ତାଙ୍କ ବାପା ବିପିନ୍ ଯେ କୌଣସି ଚାକିରି କରିବାକୁ ସଞ୍ଜୟଙ୍କୁ ପରାମର୍ଶ ଦେଇଛନ୍ତି । କାରଣ ତାଙ୍କର ଅବସର ସମୟ ଆସୁଛି । ସାରା ପରିବାର ଆଶଙ୍କା ଓ ସମ୍ଭାବନାର ଦୋଛକିରେ ରହିଛି । ଏତିକିବେଳେ ଏକ ଘଟଣା ସଞ୍ଜୟ ଏବଂ ସାରା ପରିବାରର ଭାଗ୍ୟକୁ ବଦଳାଇ ଦେଉଛି । ସଞ୍ଜୟ ଯେତେବେଳେ ନିଜ ବେକାର ସମସ୍ୟାର ସମାଧାନ ପାଇଁ ପନ୍ଥା ପାଉନାହାନ୍ତି, ସେତିକିବେଳେ ଏମିତି କିଛି ଘଟୁଛି ଯେ ସମସ୍ୟାର ସମାଧାନ ହୋଇଯାଇଛି କିନ୍ତୁ ତାଙ୍କ ଜୀବନର ଏକ ଗୁରୁତ୍ବପୂର୍ଣ୍ଣ ସମ୍ପଦକୁ ସେ ହରାଉଛନ୍ତି । ଚାରିପାଖରେ ଥିବା ସମସ୍ୟାର ସମାଧାନ ଯେମିତି ସେ ହରାଇବା ଘଟଣାକୁ ଅପେକ୍ଷା କରି ରହିଥାଏ ।

ଯଦିଓ କାହାଣୀଟି ମୁଖ୍ୟତଃ ଅସୁସ୍ଥ ପିତାଙ୍କ ସହିତ ଘଟିବାକୁ ଥିବା ଘଟଣା ଉପରେ ପର୍ଯ୍ୟବେଷିତ, ତେବେ ସେହି ଗୋଟିଏ ଆଧାରରେ ଏହା ସୀମିତ ନୁହେଁ । ଚଳଚ୍ଚିତ୍ରରେ ଏକ ସମାନ୍ତରାଳ ଥିମ୍ ଅଛି: ବେକାର ପୁଅ ଚାକିରି ପାଇବାକୁ ଅପେକ୍ଷା କରିଥିବାବେଳେ ତାହାର ଗାର୍ଲଫ୍ରେଣ୍ଡ୍ ସେମାନଙ୍କ ବିବାହକୁ ଅପେକ୍ଷା କରିଥାଏ ।

"ପ୍ରତୀକ୍ଷା" ଅମୀୟ ପଟ୍ଟନାୟକ ପ୍ରଡକ୍ସନ୍ସ ବ୍ୟାନର ଦ୍ବାରା ଅନୁପମ ପଟ୍ଟନାୟକଙ୍କ ପ୍ରଯୋଜିତ ଓ ନିର୍ଦ୍ଦେଶିତ ଚଳଚ୍ଚିତ୍ର । ଉଭୟ ବ୍ୟବସାୟିକ ଓ ଜାତୀୟ ପୁରସ୍କାର ପ୍ରାପ୍ତ ଚଳଚ୍ଚିତ୍ର କ୍ଷେତ୍ରରେ ଅମୀୟ ପଟ୍ଟନାୟକ ପ୍ରଡକ୍ସନ୍ସ ଓଡ଼ିଶାରେ ଅନ୍ୟତମ ମାଇଲସ୍ତମ୍ଭ ସ୍ଥାପନ କରିଛି । ହାକିମ ବାବୁ, ପୁଅ ମୋର କଳା ଠାକୁର, ଚକା ଆଖି ସବୁ ଦେଖୁଛି, ଆସୁଛି ମୋ କାଳିଆ ସୁନା ସହିତ, ପ୍ରଥମ ଓଡ଼ିଆ ବାୟୋପିକ୍ ତୁଳସୀ ଅପା ଅମୀୟ ପଟ୍ଟନାୟକ ପ୍ରତିକୃତିର ଶ୍ରେଷ୍ଠତମ ଅବଦାନ । ନିର୍ଦ୍ଦେଶକ ଅନୁପମ ପଟ୍ଟନାୟକ ବିଶ୍ବାସ କରନ୍ତି ଯେ ଅମୀୟ ପଟ୍ଟନାୟକ ପ୍ରତିକୃଳ୍ପ ଆଗାମୀ ଚଳଚ୍ଚିତ୍ର ପ୍ରତୀକ୍ଷା ଓଡ଼ିଆ ଚଳଚ୍ଚିତ୍ରର ହୃଦ ଗୌରବକୁ ଫେରାଇ ଆଣିବା ସହିତ ସମ୍ପ୍ରତି ଚଳଚ୍ଚିତ୍ରରୁ ହଜିଯାଉଥିବା ଓଡ଼ିଆ ପରିଚର୍ଯ୍ୟା ସହିତ‌ ଦର୍ଶକଙ୍କୁ ପରିଚିତ କରାଇବ । ଚଳଚ୍ଚିତ୍ର "ପ୍ରତୀକ୍ଷା", ଶାରଳା ପୁରସ୍କାର ବିଜେତା ଲେଖକ ଶ୍ରୀ ଗୌରହରି ଦାସଙ୍କ ଦ୍ବାରା ଲିଖତ ଏକ କ୍ଷୁଦ୍ର ଗଳ୍ପରୁ ଅନୁପ୍ରାଣିତ ହୋଇଛି । ଏହି ଚଳଚ୍ଚିତ୍ର ନିର୍ମାଣ ପାଇଁ ଅନୁପମ ଏବଂ ତାଙ୍କ ସହଯୋଗୀମାନେ ବହୁ ପରିଶ୍ରମ କରିଛନ୍ତି | କାହାଣୀକୁ ଚଳଚ୍ଚିତ୍ର ରୂପ ଦେବାକୁ ତିନି ବର୍ଷ ସମୟ ନେଇଛନ୍ତି । ଏବଂ ଏହି ଚଳଚ୍ଚିତ୍ରଟି ଭୁବନେଶ୍ବରରେ ସୁଟିଂ କରାଯାଇଛି । କାହାଣୀଟି ଭୁବନେଶ୍ବର ଆଧାରିତ ହୋଇଥିବାରୁ ପ୍ରାମାଣିକ ଲୁକ୍ ଏବଂ ଅନୁଭବ ପାଇଁ ଯଥା ସମ୍ଭବ ଉଦ୍ୟମ କରାଯାଇଛି ।

ଚଳଚ୍ଚିତ୍ର ପ୍ରତୀକ୍ଷାର ପ୍ରମୁଖ ଭୂମିକାରେ ଅଛନ୍ତି ଦୀପାନ୍ବିତ ଦାସ ମହାପାତ୍ର, ଚୌଧୁରୀ ଜୟପ୍ରକାଶ ଦାସ, ବର୍ଷା ପଟ୍ଟନାୟକ, ଶ୍ରୀଲା ତ୍ରିପାଠୀ, ଅବକାଶ ମିଶ୍ର, ରୂପମ୍ବିକା ନାୟକ, ସୁଶୀଲ ମିଶ୍ର, ରୋଶନ ବିଶୋଇ, ଦୀପକ ଉପାଧ୍ୟାୟ ଏବଂ ସ୍ବତନ୍ତ୍ର ଭୂମିକାରେ ଅଭିନୟ କରିଛନ୍ତି ସିଦ୍ଧାନ୍ତ ମହାପାତ୍ର । ଚଳଚ୍ଚିତ୍ରର ମିଡିଆ ପ୍ଲାନର ଅଛନ୍ତି ଓଲିଉଡର ଖ୍ୟାତିସମ୍ପନ୍ନ କ୍ରିଏଟିଭ୍ ହେଡ୍ ପ୍ରଣୟ ଜେଠୀ । ଚଳଚ୍ଚିତ୍ରର ଚିତ୍ରନାଟ୍ୟ ଓ ସଂଳାପ ଲେଖିଛନ୍ତି ରୋଷନ ବିଷୋୟୀ, କ୍ୟାମେରା ପରିଚାଳନା କରିଛନ୍ତି ଦୀପକ କୁମାର, ସଂଗୀତ ନିର୍ଦ୍ଦେଶନା ଦେଇଛନ୍ତି ଅଙ୍କେଶ ଆନନ୍ଦ ଓ ଆଶିଷ ପ୍ରଧାନ। କଣ୍ଠଦାନ କରିଛନ୍ତି ଆଶିଷ ପ୍ରଧାନ, ବିକାଶ ରଥ, ହ୍ୟୁମାନ ସାଗର,ଏବଂ ବିଶ୍ବଜିତ୍ ମହାପାତ୍ର ।
Published by:Soubhagya Mishra
First published: