ଆସନ୍ତା ଜୁଲାଇ ପହିଲାରେ ମୁକ୍ତିଲାଭ କରିବ ଦ୍ବିଭାଷୀ ସିନେମା 'ମାୟା ଦର୍ପଣ'

ଜୁଲାଇ ପହିଲାରେ ମୁକ୍ତିଲାଭ କରିବ ସମ୍ପୂର୍ଣ୍ଣ ମୌଳିକଧର୍ମୀ ଭିନ୍ନ ସ୍ଵାଦର ପାରିବାରିକ କାହାଣୀ ଉପରେ ପର୍ଯ୍ୟବସିତ ଦ୍ଵିଭାଷିକ ଚଳଚିତ୍ର ' ମାୟା ଦର୍ପଣ'। ଏହି ଦ୍ୱିଭାଷିକ ଚଳଚ୍ଚିତ୍ର ମାୟା ଦର୍ପଣର ଅଡ଼ିଓ ସିଡି ଓ ପୋଷ୍ଟର ଉନ୍ମୋଚିତ ହୋଇଯାଇଛି।

ଆସନ୍ତା ଜୁଲାଇ ପହିଲାରେ ମୁକ୍ତିଲାଭ କରିବ ଦ୍ବିଭାଷୀ ସିନେମା 'ମାୟା ଦର୍ପଣ' (ପ୍ରତୀକାତ୍ମକ ଛବି)

ଆସନ୍ତା ଜୁଲାଇ ପହିଲାରେ ମୁକ୍ତିଲାଭ କରିବ ଦ୍ବିଭାଷୀ ସିନେମା 'ମାୟା ଦର୍ପଣ' (ପ୍ରତୀକାତ୍ମକ ଛବି)

  • Share this:
News18 Odia Digital

ଭୁବନେଶ୍ୱର: ଜୁଲାଇ ପହିଲାରେ ମୁକ୍ତିଲାଭ କରିବ ସମ୍ପୂର୍ଣ୍ଣ ମୌଳିକଧର୍ମୀ ଭିନ୍ନ ସ୍ଵାଦର ପାରିବାରିକ କାହାଣୀ ଉପରେ ପର୍ଯ୍ୟବସିତ ଦ୍ଵିଭାଷିକ ଚଳଚିତ୍ର ' ମାୟା ଦର୍ପଣ'। ରବିବାର ସନ୍ଧ୍ୟାରେ ଭୁବନେଶ୍ୱର ରବୀନ୍ଦ୍ର ମଣ୍ଡପ ପ୍ରେକ୍ଷାଳୟରେ ଆୟୋଜିତ ସ୍ଵତନ୍ତ୍ର କାର୍ଯ୍ୟକ୍ରମ ଅବସରରେ ଏହି ଦ୍ୱିଭାଷିକ ଚଳଚ୍ଚିତ୍ର ମାୟା ଦର୍ପଣର ଅଡ଼ିଓ ସିଡି ଓ ପୋଷ୍ଟର ଉନ୍ମୋଚିତ ହୋଇଯାଇଛି।

ଉଭୟ ଓଡ଼ିଆ ଓ ହିନ୍ଦୀ ଭାଷାରେ ନିର୍ମିତ ହୋଇଥିବା ଏହି ଚଳଚ୍ଚିତ୍ରଟି ମହାକାଳ ପ୍ରଡ଼କ୍ସନ ବ୍ୟାନରରେ ନିର୍ମିତ ହୋଇଛି । ମୁଖ୍ୟତଃ ମାଆ ଓ ପୁଅ ଭିତରେ ପାରିବାରିକ ସ୍ନେହ ଭାବନାକୁ ଏହି ସିନେମାରେ ଗୁରୁତ୍ୱ ଦିଆଯାଇଛି । ସମୟାନୁସାରେ ଲୋକଙ୍କ ମାନସିକତା ଓ ଚଳଣି ବଦଳିଯାଉଥିବା ବେଳେ ଏହା କିଭଳି ପରିବାର ସଦସ୍ୟଙ୍କ ଭିତରେ ସମ୍ପର୍କକୁ ପ୍ରଭାବିତ କରୁଛି ତାହା ଏହି ସିନେମାରେ କାହାଣୀ ଆକାରରେ ପରିବେଷିତ ହୋଇଛି ।

ସିନେମାର ପ୍ରଯୋଜନା ଦାୟିତ୍ୱରେ ଝରଣା ସାମଲ ଥିବା ବେଳେ କାହାଣୀ ଓ ଡ଼ାଇଲଗ ସହ ଗୀତ ଲେଖିଛନ୍ତି ରଞ୍ଜନ କୁମାର ଦାସ ।  ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବିକାଶ ଶୁକ୍ଳା । ସିନେମାଟିର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ରାଜୀବ ମହାନ୍ତି । ସିନେମାଟି ଆସନ୍ତା ଜୁଲାଇ ପହିଲାରୁ ଦେଶର ୫୦ଟି ସିନେମା ହଲରେ ମୁକ୍ତିଲାଭ କରିବ ।

ସଂପୂର୍ଣ୍ଣ ଗାଁର ପଟ୍ଟଭୂମିକୁ ନେଇ ଚଳଚିତ୍ରର କାହାଣୀଟିକି ଗତିଶୀଳ। ମହାକାଳ ପ୍ରଡକ୍ସନ ପ୍ରୋୟୋଜିତ ଚଳିଚ୍ଚିତ୍ର ମାୟା ଦର୍ପଣ ହିନ୍ଦି ଓ ଓଡିଆ ଭାଷାରେ ପ୍ରଦର୍ଶିତ ହେବ ବୋଲି ପ୍ରଯୋଜକ ଝରଣା ସାମଲ କହିଛନ୍ତି। ଉଭୟ ଭାଷାରେ ପ୍ରସ୍ତତ ସଂଗୀତକୁ ଲୋକାର୍ପଣ କରିଥିଲେ ସଂସ୍କୃତି  ଓ ପର୍ଯ୍ୟଟନ ମନ୍ତ୍ରୀ ଅଶ୍ବିନୀ କୁମାର ପାତ୍ର  । ଏହି ଅବସରରେ ସମ୍ମାନୀତ ଅତିଥି ଭାବେ ବିଧାୟକ ଶଶୀଭୂଷଣ ବେହେରା, ବିଧାୟକ ଅନନ୍ତ ନାରାୟଣ ଜେନା, ଭୁବନେଶ୍ବର ମହାନଗର ନିଗମ ମେୟର ଶ୍ରୀମତି ସୁଲୋଚନା ଦାସ, ସଂସ୍କତି ବିଭାଗ ସଚିବ ମଧୂସୁଦନ ପାଢୀ, ପୂର୍ବତନ ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର, ପ୍ରଯୋଜକ ଓ ନିର୍ଦ୍ଦେଶକ ସବ୍ୟସାଚୀ ମହାପାତ୍ର ସଂସ୍କୃତି ବିଭାଗର ନିର୍ଦ୍ଦେଶକ ରଞ୍ଜନ ଦାସ, କର୍ପୋରେଟର ରାଜକିଶୋର ଦାସ ପ୍ରମୁଖ ଉପସ୍ଥିତ ଥିଲେ  ।

ଲୋକାର୍ପଣ ଉତ୍ସବରେ ଫିଲ୍ମର କାର୍ଯ୍ୟକାରୀ ପ୍ରଯୋଜିକା ପ୍ରତିଭା ପଣ୍ଡା , ନିର୍ଦ୍ଦେଶକ ରାଜୀବ ମହାନ୍ତି, ସଂଗୀତ ନିର୍ଦ୍ଦେଶକ ବିକାଶ ଶୁକ୍ଳା, କଣ୍ଠଶିଳ୍ପୀ ଦିପ୍ତିରେଖା ପାଢି,, ସଂଗ୍ରାମ ମହାନ୍ତି ଯୋଗ ଦେଇଥିଲେ । ଉଭୟ ଓଡ଼ିଆ ଓ ହିନ୍ଦି ଭାଷାରେ ଚଳଚ୍ଚିତ୍ରର ସଂଗୀତ ପ୍ରସ୍ତୁତ ହୋଇଥିବା ବେଳେ ଗୀତ ଗୁଡିକ ଦର୍ଶକଙ୍କ ଦ୍ବାରା ଲୋକାଦୃତ ହୋଇପାରିବ ବୋଲି ଆଶାବାଦୀ। ଫିଲ୍ମର ସଙ୍ଗୀତ ଦର୍ଶକମାନଙ୍କ ଦ୍ବାରା ଆଦୃତ ହୋଇଥିବା ବେଳେ ଜୁଲାଇ ପହିଲାରେ ସାରା ଦେଶରେ ହିନ୍ଦି ଭାଷାରେ ଓ ଜୁଲାଇ ଶେଷ ସପ୍ତାହରେ ଓଡିଆ ଭାଷାରେ ଓଡିଶାର ବିଭିନ୍ନ ସହରର ପ୍ରେକ୍ଷାଳୟରେ ମୁକ୍ତିଲାଭ କରିବ ବୋଲି ଚଳଚ୍ଚିତ୍ରର କ୍ରିଏଟିଭ୍ ହେଡ୍ ପ୍ରଣୟ ଜେଠୀ ସୂଚନା ଦେଇଥିଲେ  । ଚଳଚ୍ଚିତ୍ରର ହିନ୍ଦୀ ଭାଷାରେ ଭାଷାରେ ରୂପାନ୍ତର କରିଛନ୍ତି ଉଦୟନ ସୁପରକର।ବହୁ ଦିନ ପରେ ଓଡିଶାରୁ ଜଣେ ପ୍ରଯୋଜକ ଏଭଳି ଦ୍ବିଭାଷୀ ପ୍ରସ୍ତୁତ କରିବା ଏକ ଦୁଃସାହାସିକ ପଦକ୍ଷେପ ନିଶ୍ଚୟ  । ଚଳଚ୍ଚିତ୍ରରେ ଅଭିନୟ କରିଛନ୍ତି ପ୍ରତିଭା ପଣ୍ଡା, ଅଙ୍କିତ, ପୂଜା, କୁନା ତ୍ରିପାଠୀ, ଜୀବନ ପଣ୍ଡା, ପ୍ରଦ୍ୟୁମ୍ନ ଲେଙ୍କା, ରତନ ମେହେର, ଅନନ୍ତ ଦାସ, ମମତା, ସ୍ବାଗତିକା, ସଂଜିତା, ଚକ୍ରଧର, ଶିଶୁକଳାକାର ଅଂଶୁମାନ, ତାପସ, ଭାଗ୍ୟଲକ୍ଷ୍ମୀ, ଶ୍ରେୟାନ୍ସ, ଦିବ୍ୟାଂଶୁ।
Published by:Soumya Das
First published: