ସଡ଼କ ଦୁର୍ଘଟଣାରେ ଆଖି ବୁଜିଲେ ତେଲୁଗୁର ଜଣାଶୁଣା ଅଭିନେତ୍ରୀ; ୨୬ ବର୍ଷରେ ଚାଲିଗଲା ଜୀବନ

ଶୁକ୍ରବାର ଗାୟତ୍ରୀ ନିଜ ବନ୍ଧୁମାନଙ୍କ ସହ ହୋଲି ସେଲିବ୍ରେସନ କରି ଘରକୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା। ଖବର ଅନୁଯାୟୀ, ଏହି ଦୁର୍ଘଟଣାରେ ତାଙ୍କ ସହ ଥିବା ତାଙ୍କ ବନ୍ଧୁ ରାଠୋଡଙ୍କର ମଧ୍ୟ ମୃତ୍ୟୁ ଘଟିଛି।

ସଡ଼କ ଦୁର୍ଘଟଣାରେ ଆଖି ବୁଜିଲେ ତେଲୁଗୁର ଜଣାଶୁଣା ଅଭିନେତ୍ରୀ

ସଡ଼କ ଦୁର୍ଘଟଣାରେ ଆଖି ବୁଜିଲେ ତେଲୁଗୁର ଜଣାଶୁଣା ଅଭିନେତ୍ରୀ

  • Share this:
News18 Odia Digital

ହାଇଦ୍ରାବାଦ: ହୋଲି ଅବସରରେ ତେଲୁଗୁ ମନୋରଞ୍ଜନ ଇଣ୍ଡିଷ୍ଟ୍ରିରୁ ସାମ୍ନାକୁ ଆସିଲା ନୈରାଶ୍ୟଜନକ ଖବର। ତେଲୁଗୁ ଇଣ୍ଡଷ୍ଟ୍ରିର ଜଣାଶୁଣା ଅଭିନେତ୍ରୀ ଗାୟତ୍ରୀ ତଥା ଡଲି ଡି'କ୍ରୁଜ୍ ମାତ୍ର ୨୬ ବର୍ଷ ବୟସରେ ଏକ ସଡ଼କ ଦୁର୍ଘଟଣାରେ ମୃତ୍ୟୁ ବରଣ କରିଛନ୍ତି। ଯେଉଁ କାରରେ ଅଭିନେତ୍ରୀ ଯାତ୍ରା କରୁଥିଲେ ସେହି ହାଇଦ୍ରାବାଦର ଗାଚିବୋବଲି ଅଞ୍ଚଳରେ ଏକ ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଥିଲେ।

ସେ ଗତ ଶୁକ୍ରବାର ନିଜ ବନ୍ଧୁମାନଙ୍କ ସହ ହୋଲି ସେଲିବ୍ରେସନ କରି ଘରକୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା। ଖବର ଅନୁଯାୟୀ, ଏହି ଦୁର୍ଘଟଣାରେ ତାଙ୍କ ସହ ଥିବା ତାଙ୍କ ବନ୍ଧୁ ରାଠୋଡଙ୍କର ମଧ୍ୟ ମୃତ୍ୟୁ ଘଟିଛି। କୁହାଯାଉଛି ଯେ ରାସ୍ତାରେ ଡିଭାଇଡରକୁ ଧକ୍କା ଦେବା ପୂର୍ବରୁ କାରଟି ନିୟନ୍ତ୍ରଣ ହରାଇ ଓଲଟି ପଡ଼ିଥିଲା।

ଘଟଣାସ୍ଥଳରେ ଅଭିନେତ୍ରୀଙ୍କ ମୃତ୍ୟୁ

ପ୍ରକାଶ ଥାଉକି, ଗାୟତ୍ରୀଙ୍କୁ ଘଟଣାସ୍ଥଳରେ ମୃତ ଘୋଷଣା କରାଯାଇଥିବାବେଳେ ରାଠୋଡଙ୍କୁ ଉଦ୍ଧାର ପାଇଁ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା କିନ୍ତୁ ଗୁରୁତର ଆହତ ହୋଇଥିବାରୁ ସେ ମଧ୍ୟ ଶେଷ ନିଶ୍ବାସ ତ୍ୟାଗ କରିଥିଲେ।

ଖବର ଅନୁଯାୟୀ ରାସ୍ତାରେ ଯାଉଥିବା ଜଣେ ୩୮ ବର୍ଷୀୟା ମହିଳାଙ୍କୁ କାରଟି ଧକ୍କା ହୋଇଥିଲା। ଓଲଟି ପଡ଼ିବାରୁ ମହିଳା ଜଣକ କାର ତଳେ ଫସି ରହିଥିଲେ। ରିପୋର୍ଟରୁ ଜଣାପଡ଼ିଛି ଯେ ଡଲି ଡିକ୍ରୁଜଙ୍କ ପରି ମହିଳା ମଧ୍ୟ ଦୁର୍ଘଟଣାସ୍ଥଳରେ ଶେଷ ନିଶ୍ୱାସ ତ୍ୟାଗ କରିଥିଲେ।

ଗାୟତ୍ରୀ ବହୁତ ପ୍ରସିଦ୍ଧ ଥିଲେ

ଗାୟତ୍ରୀ ତଥା ଡଲି ଡି’କ୍ରୁଜ୍ ତାଙ୍କ ଗ୍ଲାମରସ୍ ଇନଷ୍ଟାଗ୍ରାମ ପୋଷ୍ଟ ବ୍ୟତୀତ ତାଙ୍କ ୟୁଟ୍ୟୁବ୍ ଚ୍ୟାନେଲ୍ ଜାଲସା ରାୟୁଡୁ ମାଧ୍ୟମରେ ଲୋକପ୍ରିୟତା ହାସଲ କରିଥିଲେ। ସୋସିଆଲ ମିଡ଼ିଆରେ ପ୍ରସିଦ୍ଧ ହେବା ପରେ ତାଙ୍କୁ ୱେବ୍ ସିରିଜ୍ 'ମ୍ୟାଡାମ୍ ସାର୍ ମ୍ୟାଡାମ୍ ଅନ୍ତେ'ରେ ଅଭିନୟ କରିବାକୁ ଏକ ଅଫର ମିଳିଥିଲା ​। ସେ ଅନେକ ସଟ୍ ଫିଲ୍ମରେ ମଧ୍ୟ ଅଭିନୟ କରି ଫେମସ ହୋଇଥିଲେ।
Published by:Lipina Das
First published: