ଵଲିଉଡ଼କୁ ରାହୁଲ ଗାନ୍ଧିଙ୍କ ସହ ତୁଳନା କଲେ ସ୍ବରା; କହିଲେ ପପୁଫିକେସନ ଘଟୁଛି

News18 Odia Digital

ମୁମ୍ବାଇ: ସ୍ୱରା ଭାସ୍କର ବଲିଉଡକୁ କଂଗ୍ରେସ ନେତା ରାହୁଲ ଗାନ୍ଧିଙ୍କ ସହ ତୁଳନା କରିଛନ୍ତି। ଅଭିନେତ୍ରୀ କହିଛନ୍ତି ଯେ ବର୍ତ୍ତମାନ ବଲିଉଡ ଚଳଚ୍ଚିତ୍ରରେ ଯାହା ଘଟୁଛି ତାକୁ ଦେଖି ସେ ରାହୁଲ ଗାନ୍ଧିଙ୍କୁ ମନେ ପକାଉଛନ୍ତି।

ରାହୁଲ ଗାନ୍ଧିଙ୍କ ବିଷୟରେ ସ୍ୱରା ଭାସ୍କର କହିଛନ୍ତି, 'ସମସ୍ତେ ତାଙ୍କୁ ପପୁ ବୋଲି କହୁଥିଲେ, ଏବେ ସମସ୍ତେ ବିଶ୍ୱାସ କରୁଛନ୍ତି। ମୁଁ ତାଙ୍କୁ ଭେଟିଛି ଓ ସେ ଜଣେ ସଂପୂର୍ଣ୍ଣ ବୁଦ୍ଧିମାନ ଓ ସ୍ପଷ୍ଟ ମଣିଷ। ବାସ୍ତବରେ ବଲିଉଡ ସହିତ ମଧ୍ୟ ସେହି ପପୁଫିକେସନ୍ ବର୍ତ୍ତମାନ ଘଟିଛି।

ଆଜିକାଲି ବଲିଉଡ ଚଳଚ୍ଚିତ୍ରର ବ୍ୟାକ୍ ଟୁ ବ୍ୟାକ ଫ୍ଲପ୍ ପଛର କାରଣ ପଚାରିବାରୁ ସ୍ୱରା ଭାସ୍କର ଇଣ୍ଡିଆ ଟୁଡେକୁ ଏପରି କହିଛନ୍ତି। ସେ କହିଛନ୍ତି ଯେ ଯଦି ପ୍ରେକ୍ଷାଳୟରେ ଶୋ' ହେଉ ନାହିଁ, ତେବେ ବଲିଉଡ ଏଥିପାଇଁ ଦାୟୀ ନୁହେଁ। OTT ଲୋକଙ୍କ ଦେଖିବାର ଅଭିଜ୍ଞତାକୁ ନଷ୍ଟ କରିଦେଇଛି।

ସ୍ୱରା ଭାସ୍କର କହିଛନ୍ତି ଯେ ଆଜିକାଲି ବଲିଉଡ ବିରୋଧରେ ଘୃଣା ବ୍ୟାପିବା କାମ ଚାଲିଛି ଯାହା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ସମୟରେ ଆରମ୍ଭ ହୋଇଥିଲା। ସ୍ୱରା ଭାସ୍କର ରାହୁଲ ଗାନ୍ଧିଙ୍କ ଉଦାହରଣ ଦେଇଛନ୍ତି ଓ କହିଛନ୍ତି ମୁଁ ଜାଣେ ନାହିଁ, ହୋଇପାରେ ଏହା ଏକ ଅଦ୍ଭୁତ ତୁଳନା କିନ୍ତୁ ମୁଁ ରାହୁଲ ଗାନ୍ଧିଙ୍କୁ ମନେ ପକାଉଛି।