୨୦୦ କୋଟି ଟଙ୍କା ପୁନରୁଦ୍ଧାର ମାମଲା; ଅଭିନେତ୍ରୀ ନୋରା ଫତେହିଙ୍କୁ ୪ ଘଣ୍ଟା ଧରି ପଚରାଉଚରା

News 18 Odia Digital

ନୂଆଦିଲ୍ଲୀ : ସୁକେଶ ଚନ୍ଦ୍ରଶେଖରଙ୍କ ୨୦୦ କୋଟି ଟଙ୍କା ପୁନରୁଦ୍ଧାର ମାମଲାରେ ଫିଲ୍ମ ଅଭିନେତ୍ରୀ ନୋରା ଫତେହିଙ୍କୁ ଦିଲ୍ଲୀ ପୋଲିସ ପ୍ରାୟ ୪ ଘଣ୍ଟା ଧରି ପଚରାଉଚରା କରିଛି । ଦିଲ୍ଲୀ ପୋଲିସର ଇକୋନୋମିକ୍ ଅଫେନ୍ସ ୱିଙ୍ଗ (EOW) ନୋରା ଫତେହିଙ୍କୁ ପଚରାଉଚରା କରିଥିଲା । ଏହି ମାମଲାରେ, ସେପ୍ଟେମ୍ବର ୧୨ ରେ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କୁ ଦିଲ୍ଲୀ ପୋଲିସ ପଚରାଉଚରା କରିବ ।

ନୋରା ଫତେହି କହିଛନ୍ତି ଯେ ସୁକେଶ ଚନ୍ଦ୍ରଶେଖରଙ୍କ ପତ୍ନୀ ତାଙ୍କ ସହ ନେଲ ଆର୍ଟ ଫଙ୍କସନ୍ ପାଇଁ କଥା ହୋଇଥିଲେ ଏବଂ ପରେ ତାଙ୍କୁ ବାରମ୍ବାର ଡାକିଥିଲେ । ସେ ତାଙ୍କୁ ବିଏମଡବ୍ଲୁ କାର ଏବଂ ଅନ୍ୟାନ୍ୟ ଉପହାର ଦେଇଥିଲେ । ଫତେହି କହିଛନ୍ତି ଯେ ସେ ସୁକେଶ ଚନ୍ଦ୍ରଶେଖରଙ୍କ ଅପରାଧିକ ପୃଷ୍ଠଭୂମି ବିଷୟରେ ଜାଣି ନାହାଁନ୍ତି । ଫତେହି ଏହା ମଧ୍ୟ କହିଛନ୍ତି ଯେ ସୁକେଶ ପ୍ରାୟତଃ ତାଙ୍କ ମ୍ୟାନେଜର ଏବଂ ସମ୍ପର୍କୀୟଙ୍କ ସହ କଥାବାର୍ତ୍ତା ହୁଅନ୍ତି ଏବଂ ତାଙ୍କ ସହ ଖୁବ୍ କମ୍ ପାରସ୍ପରିକ ସମ୍ପର୍କ ରହିଥିଲା ।

ସୁକେଶ ଚନ୍ଦ୍ରସେଖର ଏବଂ ଚଳଚ୍ଚିତ୍ର ଅଭିନେତ୍ରୀ ନୋରା ଫତେହିଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ମୁହାଁ ମୁହିଁ ବସାଇ ମନି ଲଣ୍ଡରିଂ ଆଙ୍ଗେଲରେ ପଚରାଉଚରା କରିଥିଲା । ଏହି ଅନୁସନ୍ଧାନ ଚାର୍ଜ ସିଟ୍ ର ଏକ ଅଂଶ । News18 ଇଣ୍ଡିଆର ହାତରେ ଏହି ପ୍ରଶ୍ନ ଏବଂ ଉତ୍ତରର ଏକ ନକଲ ଲାଗିଥିଲା । ଇଡି ଦୁହିଁଙ୍କୁ ମୁହାଁ ମୁହିଁ ବସାଇ ଏହି ଉପାୟରେ ସ୍କାମ ସହିତ ଜଡିତ ଅନେକ ରହସ୍ୟ ଖୋଜିବାକୁ ଚେଷ୍ଟା କରିଥିଲା ।

ନୋରାଙ୍କୁ ଇଡିର ପ୍ରଶ୍ନ - ନିଜର ପରିଚୟ ଦିଅନ୍ତୁ

ନୋରା ଫତେହି - ମୋ ନାଁ ନୋରା ଫତେହି
ସୁକେଶ ଚନ୍ଦ୍ର ଶେଖର - ହଁ ମୋ ନାଁ ସୁକେଶ

ଇଡିର ପ୍ରଶ୍ନ
କଣ ଆପଣ ଦୁହେଁ କେବେ ଆଗରୁ ଦେଖା ହୋଇଛନ୍ତି କିମ୍ବା କଥା ହୋଇଛନ୍ତି
ନୋରା - ନା
ସୁକେଶ - ହଁ
ଇଡିର ଦୁହିଁଙ୍କୁ ପ୍ରଶ୍ନ
କଣ ଆପଣ କେବେ ୨୧/୧୨/୨୦୨୦ ପୂର୍ବରୁ କଥା ହୋଇଛନ୍ତି
ନୋରା - ନା
ସୁକେଶ - ହଁ, ଆମେ ଦୁଇ ସପ୍ତାହ ପୂର୍ବରୁ ଏକ ଇଭେଣ୍ଟ ପୂର୍ବରୁ କଥା ହୋଇଛୁ

ଇଡିର ନୋରାକୁ ପ୍ରଶ୍ନ

କଣ ସୁକେଶ କେବେ ନୋରା କିମ୍ବା ତାଙ୍କର ଫ୍ୟାମିଲି ଫ୍ରେଣ୍ଡ୍ ଙ୍କୁ କିମ୍ବା ବବି ଖାନଙ୍କୁ ବିଏମ୍ ଡବ୍ଲୁ ଗିଫ୍ଟ କରିଥିଲେ ?

ନୋରାଙ୍କ ଉତ୍ତର- ପ୍ରାରମ୍ଭରେ ମୋତେ ସୁକେଶ ଅଫର୍ କରିଥିଲେ, ସେତେବେଳେ ମୁଁ ଓକେ କହିଥିଲି । କିନ୍ତୁ ପରେ ମୁଁ କହିଥିଲି ଯେ ମୋର ଏହା ଦରକାର ନାହିଁ । ତେଣୁ ମୁଁ ବବିଙ୍କୁ ଏହା ବିଷୟରେ ଜଣାଇଲି । ଏହି ପରିପ୍ରେକ୍ଷୀରେ ବବି ସୁକେଶଙ୍କ ସହ କଥା ହୋଇଥିଲେ। ମୁଁ ବବିଙ୍କୁ କହିଲି ତୁମର କାର୍ ନିଅ, ଯଦି ତୁମକୁ ଏହି ସୁଯୋଗ ମିଳୁଛି ତ ।

ଏହା ଉପରେ ସୁକେଶଙ୍କ ଉତ୍ତର - ମୁଁ କେବଳ ଏହି BMW କାରକୁ ନୋରାକୁ ଉପହାର ଦେଇଥିଲି । ନୋରା BMW କାରକୁ ପସନ୍ଦ କରିଥିଲେ । ପରିବାର ବନ୍ଧୁ ବବିଙ୍କର ଏହା ସହିତ କୌଣସି ସମ୍ପର୍କ ନଥିଲା ।

ନୋରାଙ୍କୁ ଇଡିର ପ୍ରଶ୍ନ

ଆପଣ କେବେ ଦାମିକା ବ୍ୟାଗ ଏବଂ ମହଙ୍ଗା ଉପହାର, ଦାମିକା ବ୍ୟାଗ୍ ଦିଆନିଆ କରିଛନ୍ତି କି?
ନୋରାଙ୍କ ଉତ୍ତର - ନା, କେବେ ନୁହେଁ, ବାସ୍ତବରେ ମୁଁ ଏଲସ୍ କର୍ପୋରେସନର ଏକ କାର୍ଯ୍ୟକ୍ରମରେ ମୁଖ୍ୟ ଅତିଥି ଥିଲି । ଯେଉଁଠାରେ ମୁଁ ମୋ କମ୍ପାନୀ ଆଧାରରେ ସମସ୍ତଙ୍କ ସାମ୍ନାରେ ଉପହାର ସ୍ୱରୂପ ଏକ ଗୁଚି ବ୍ୟାଗ୍ ଏବଂ ଆଇଫୋନ୍ 12 ନେଇଥିଲି ।
ସୁକେଶଙ୍କ ଉତ୍ତର- ମୁଁ ନୋରାଙ୍କୁ ୪ ଟି ବ୍ୟାଗ ଏବଂ ଦୀପକ ରମନାନୀଙ୍କ ମାଧ୍ୟମରେ କିଛି ଟଙ୍କା ଦେଇଥିଲି । ପ୍ଲାଡିୟମ ମଲରୁ ନିଆଯାଇଥିବା ଏହି ବ୍ୟାଗଗୁଡ଼ିକୁ ନୋରା ନିଜେ ପସନ୍ଦ କରିଥିଲେ । ସନ୍ଧ୍ୟାରେ ମୁମ୍ବାଇର ଏହି ମଲରୁ ନୋରା କର୍ମଚାରୀମାନେ ସେହି ବ୍ୟାଙ୍ଗଗୁଡ଼ିକୁ ନେଇଥିଲେ ।

ନୋରାଙ୍କୁ ଇଡିର ପ୍ରଶ୍ନ 21/12/2020 ପରେ ଆପଣ ସୁକେଶଙ୍କ ସହ ଯୋଗାଯୋଗରେ ଥିଲେ କି?

ନୋରାଙ୍କ ଉତ୍ତର - ନା, ଯେତେବେଳେ ସେ ବବିଙ୍କ ସହିତ ନିରନ୍ତର ଯୋଗାଯୋଗରେ ଥିଲେ ଏବଂ ଆଗାମୀ ସମୟରେ ସୁକେଶ ବବିଙ୍କ ସହ ଅନ୍ୟାନ୍ୟ ପ୍ରକଳ୍ପ ବିଷୟରେ ଆଲୋଚନା କରୁଥିଲେ ।

ସୁକେଶଙ୍କ ଉତ୍ତର- ହଁ, ଇଭେଣ୍ଟ ପରେ ମୁଁ ନୋରା ସହିତ ୪, ୫ ଦିନ କଥା ହୋଇଥିଲି । ଫେବୃଆରୀ ୨୦୨୧ ମୁଁ ନୋରା ଠାରୁ ସୂଚନା ନେଇ ପଚାରିଲି ସେ କାହିଁକି ସେହି କାର ବ୍ୟବହାର କରୁନାହାଁନ୍ତି । ପରେ ମୁଁ ବବିଙ୍କ ମାଧ୍ୟମରେ ଏହି ସୂଚନା ପାଇଲି, କାର୍ ସର୍ଭିସ୍ ପାଇଁ ଯାଇଛି ।

ନୋରାଙ୍କୁ ଇଡିର ପ୍ରଶ୍ନ

ସୋସିଆଲ ମିଡିଆର କେଉଁ ପ୍ଲାଟଫର୍ମ ମାଧ୍ୟମରେ ଆପଣମାନେ ପରସ୍ପର ସହ କଥା ହୋଇଥିଲେ?
ନୋରାଙ୍କ ଉତ୍ତର- ମୁଁ କେବଳ ହ୍ୱାଟସ୍ ଆପରେ କଥା ହୁଏ ଏବଂ ସିଗ୍ନାଲ୍ ଆପ୍ ରେ ସୁକେଶଙ୍କ ସହ କେବେ କଥାବାର୍ତ୍ତା କରି ନାହିଁ

ସୁକେଶଙ୍କ ଉତ୍ତର- ମୁଁ ନୋରା ସହିତ ସିଗନାଲ୍ ଏବଂ ହ୍ୱାଟସ୍ ଆପରେ କଥା ହୋଇଛି

ନୋରାଙ୍କୁ ଇଡିର ପ୍ରଶ୍ନ
ସୁକେଶ ନିଜକୁ କ’ଣ କହି ତୁମ ସହ ଭେଟନ୍ତି

ନୋରାଙ୍କ ଉତ୍ତର- ସୁକେଶ ନିଜେ ମୋ ସହ ଶେଖର ନାଁ ରେ କଥା ହୋଇଥିଲେ ଏବଂ ନିଜକୁ LS କର୍ପୋରେସନ୍ ସହିତ ଜଡିତ ହେବାକୁ କହିଥିଲେ ।

ସୁକେଶଙ୍କ ଉତ୍ତର - କେବଳ ଶେଖର