କିଙ୍ଗ ଖାନଙ୍କ ଫ୍ୟାନ ପ୍ରେମ; ରାତି ୨ ରେ ହୋଟେଲରେ କଲେ ସାକ୍ଷାତ

News18 Odia Digital

ମୁମ୍ବାଇ: ବଲିଉଡ କିଙ୍ଗ ଖାନ ଶାହରୁଖ ଖାନ (Shahrukh Khan)ଙ୍କର ସମଗ୍ର ବିଶ୍ୱରେ ଲକ୍ଷ ଲକ୍ଷ ପ୍ରଶଂସକ ଅଛନ୍ତି। ଅନ୍ୟପକ୍ଷରେ, ବ୍ୟସ୍ତବହୁଳ କାର୍ଯ୍ୟ ସତ୍ତ୍ୱେ କିଙ୍ଗ ଖାନ ମଧ୍ୟ ତାଙ୍କ ପ୍ରଶଂସକଙ୍କ ଉପରେ ସମ୍ପୂର୍ଣ୍ଣ ଧ୍ୟାନ ଦିଅନ୍ତି ଓ ସୋସିଆଲ ମିଡିଆରେ ସେମାନଙ୍କ ସହ ଯୋଗାଯୋଗ କରିବା ବ୍ୟତୀତ ସେ ପ୍ରଶଂସକଙ୍କ ସହ କଥାବାର୍ତ୍ତା କରନ୍ତି। ସମ୍ପ୍ରତି ଅଭିନେତା ମଧ୍ୟ ରାତ୍ରୀରେ ଏକ ହୋଟେଲରେ ତାଙ୍କ ପ୍ରଶଂସକଙ୍କୁ ଭେଟି ଅଭିବାଦନ ଗ୍ରହଣ କରିଛନ୍ତି।

ଶାହରୁଖଙ୍କ ଜଣେ ପ୍ରଶଂସକ ଜତିନ୍ ଗୁପ୍ତା ମଧ୍ୟ ଶାହରୁଖଙ୍କୁ ଆଲିଙ୍ଗନ ଓ ଚୁମ୍ବନ କରିବାର ଚିତ୍ର ସହିତ ତାରକାଙ୍କୁ ଭେଟିବାର ବିବରଣୀ ପୋଷ୍ଟ କରିଥିଲେ। ପ୍ରଶଂସକ ବୁଧବାର ଦିନ ଏକ ଟୁଇଟ୍‌ରେ ଲେଖିଛନ୍ତି, ଆମ ପାଇଁ ଆପଣଙ୍କ ସମୟ ନେଇଥିବାରୁ ଧନ୍ୟବାଦ @iamsrk, ରାତି ୨ ଟା ସମୟରେ,ଅନ୍ୟ କୌଣସି ସୁପରଷ୍ଟାର ଏପରି କରିନଥିବେ, ଯାହା ଆପଣ କଲେ। ଆମକୁ ପୂରା ସମୟ, ଧ୍ୟାନ ଓ ସମ୍ମାନ ଦିଅନ୍ତି। ଆପଣଙ୍କ ଆଶୀର୍ବାଦ ପାଇଁ ଧନ୍ୟବାଦ, ବିଳମ୍ବିତ ରାତିରେ ଆପଣଙ୍କୁ ବିବ୍ରତ କରିଥିବାରୁ ମୁଁ ଦୁଃଖିତ, କିନ୍ତୁ ମୁଁ ଆପଣଙ୍କୁ ଭଲ ପାଏ। ଶାହରୁଖ ମଧ୍ୟ ତାଙ୍କ ପାଇଁ 'ପଠାନ'ର ଏକ ପୋଷ୍ଟରରେ ଦସ୍ତଖତ କରିଥିଲେ।

Thank you @iamsrk For Taking Your Time out for us, 2:00 AM
No other superstar did this for their fans like you do, calling us inside your Hotel Room & giving Us Full Time, attention & respect.
Thank you for your blessings.

I am sorry to disturb you at late night, But I Love u. pic.twitter.com/q6Qbxa1geO

— Jatin Gupta (@iamjatin555) January 11, 2023

ଶାହରୁଖ ଖାନ, ଦୀପିକା ପାଦୁକୋନ ଓ ଜନ୍ ଆବ୍ରାହମଙ୍କ ଅଭିନୀତ ଚଳଚ୍ଚିତ୍ର 'ପଠାନ' ଜାନୁଆରୀ ୨୫ ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଏକ ଥ୍ରୀଲର।  YRF ଗୁପ୍ତଚର ୟୁନିଭର୍ସର ଏହା ହେଉଛି ଚତୁର୍ଥ କିସ୍ତି, ଶାହରୁଖ ଖାନ RAW ଫିଲ୍ଡ ଏଜେଣ୍ଟ ପଠାନ ଭୂମିକାରେ ଅଭିନୟ କରୁଥିବାବେଳେ ଜନ୍ ଫିଲ୍ମରେ ଭିଲେନ୍ ଭୂମିକାରେ ଅଭିନୟ କରିଛନ୍ତି। ଦୀପିକା ପାଦୁକୋନଙ୍କର ମଧ୍ୟ ଏକ ଗୁରୁତ୍ୱପୂର୍ଣ୍ଣ ଚରିତ୍ର ଅଛି। ଏହା ବ୍ୟତୀତ ଶାହରୁଖଙ୍କ 'ଜୱାନ୍' ଓ ରାଜକୁମାର ହିରାନୀଙ୍କ 'ଡଙ୍କି' ମଧ୍ୟ ଚଳିତ ବର୍ଷ ମୁକ୍ତିଲାଭ କରିବାକୁ ଯାଉଛି।