ବଡ଼ ଖୁଲାସା; କୌଣସି ଗ୍ୟାଙ୍ଗଷ୍ଟାର ନୁହେଁ ଜଣେ ଛାତ୍ର ସଲମାନଙ୍କୁ ଦେଇଥିଲେ ହତ୍ୟା ଧମକ

News18 Odia Digital

Salman Khan Death Threat Case: ଫିଲ୍ମ ବ୍ୟତୀତ ବି-ଟାଉନର (Bollywood) ଭାଇଜାନ ସଲମାନ ଖାନ (Salman Khan) ମଧ୍ୟ ତାଙ୍କ ଜୀବନ ପ୍ରତି ବିପଦ ପାଇଁ ଚର୍ଚ୍ଚାରେ ଅଛନ୍ତି।

ନିକଟରେ ତାଙ୍କୁ ଏକ ଧମକପୂର୍ଣ୍ଣ ମେଲ୍ (Death Threat Mail) ମିଳିଥିଲା, ଯାହା ପରେ ତାଙ୍କ ସୁରକ୍ଷା ବୃଦ୍ଧି କରାଯାଇଥିଲା ଏବଂ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କୁ ପଚରାଉଚରା କରାଯାଉଥିଲା। ଏଥି ସହିତ ଦୀର୍ଘ ଦିନ ଧରି ଏହି ମାମଲାର ଯାଞ୍ଚ କରୁଥିବା ମୁମ୍ବାଇ ପୋଲିସ ହାତରେ ଏକ ବଡ଼ ତଥ୍ୟ ବର୍ତ୍ତମାନ ଲାଗିଛି।

ମିଡ଼ିଆ ରିପୋର୍ଟ ଅନୁଯାୟୀ, ବ୍ରିଟେନରେ ପଢ଼ୁଥିବା ଜଣେ ଛାତ୍ରଙ୍କ ନାମ ଏହି ମାମଲାରେ ଆସିଛି। ସେ ହରିୟାଣାର ବାସିନ୍ଦା। ଏହି ପ୍ରସଙ୍ଗରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ଏକ ଲୁକ ଆଉଟ୍ ନୋଟିସ ଜାରି କରିଛି।

ମାର୍ଚ୍ଚ ମାସରେ, ସଲମାନ ଖାନ ମୃତ୍ୟୁ ଧମକରେ ପରିପୂର୍ଣ୍ଣ ଏକ ଇ-ମେଲ ପାଇଥିଲେ, ଯେଉଁଥିରେ ଗୋଲ୍ଡି ବ୍ରାର ନାମ ସାମ୍ନାକୁ ଆସିଥିଲା। ଏହି ଇ-ମେଲ୍ ଅଭିନେତାଙ୍କ ଅନେକ ସମ୍ପର୍କୀୟଙ୍କୁ ମଧ୍ୟ ପଠାଯାଇଥିଲା।

ଗ୍ୟାଙ୍ଗଷ୍ଟାର ଗୋଲଡି ବ୍ରାର ଉପରେ ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କୁ ହତ୍ୟା କରିଥିବା ଅଭିଯୋଗ ଲାଗିଛି। ଏଥିସହିତ ବର୍ତ୍ତମାନ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଗୋଲଡି ବ୍ରାରଙ୍କ ନାମରେ ସଲମାନ ଖାନଙ୍କୁ ମେଲ ପଠାଉଥିବା ବ୍ୟକ୍ତି ଜଣେ କୌଣସି ଗ୍ୟାଙ୍ଗଷ୍ଟର ନୁହଁନ୍ତି ବରଂ ବ୍ରିଟେନର ଡାକ୍ତରୀ ଛାତ୍ର।

କୁହାଯାଉଛି ଯେ ହତ୍ୟା ଧମକ ଦେଇଥିବା ଛାତ୍ର ଜଣ ମୂଳତଃ ହରିୟାଣାର। ଏହି ଛାତ୍ର ଜଣ ସାଙ୍ଗମାନଙ୍କ ସହ ପାର୍ଟି କରୁଥିବା ସମୟରେ ଅଭିନେତାଙ୍କୁ ମେଲ ପଠାଇଥିଲେ।

ଏହି ମାମଲାରେ ଏକ ବଡ଼ ଅପଡେଟ୍ ପାଇବା ମାତ୍ରେ ପୋଲିସ ଏକ ଲୁକ୍ ଆଉଟ୍ ନୋଟିସ୍ ଜାରି କରିଛି। ଏହି ଘଟଣାରେ ମୁମ୍ବାଇ ପୋଲିସ ଅଧିକ ତଦନ୍ତ କରୁଛି।

ପଢ଼ନ୍ତୁ ପୂରା ଖବର:  EPFO: ଅବସର ପରେ ପ୍ରତି ମାସରେ ମିଳିବ ୧୫ ହଜାରରୁ ଅଧିକ ଟଙ୍କାର ପେନସନ୍, କିପରି ଜାଣନ୍ତି?

ପ୍ରକାଶ ଥାଉକି ଏହି ଧମକପୂର୍ଣ୍ଣ ମେଲ ପରେ ଅଭିନେତାଙ୍କ ସୁରକ୍ଷା ବୃଦ୍ଧି କରାଯାଇଥିଲା। ସଲମାନ ଖାନଙ୍କୁ ସରକାର Y ପ୍ଲସ ସୁରକ୍ଷା ପ୍ରଦାନ କରିଥିଲେ। ଏହା ବ୍ୟତୀତ ଅଭିନେତା ନିଜେ ବିଦେଶରୁ ନିଜ ପାଇଁ ବୁଲେଟ୍ ପ୍ରୁଫ୍ ଗାଡ଼ି ମଧ୍ୟ ମଗାଇଥିଲେ। ତାଙ୍କ ଜୀବନର ବିପଦ ମଧ୍ୟରେ ସଲମାନ କ୍ରମାଗତ ଭାବରେ ଫିଲ୍ମର ସୁଟିଂ କରୁଥିଲେ ଏବଂ ପ୍ରଶଂସକମାନେ ତାଙ୍କ ବିଷୟରେ ଚିନ୍ତିତ ଥିଲେ।