ରତନ ଟାଟାଙ୍କ ଉପରେ ନିର୍ମାଣ ହେବ ବାୟୋପିକ; ଅଭିନୟ କରିବେ ଏହି ଅଭିନେତା

News18 Odia Digital

Ratan Tata: ସାଧାରଣ ଜନତା ଦେଶର ବଡ଼ ବଡ଼ ତଥା ଫେମସ ଲୋକଙ୍କ କାହାଣୀ ପ୍ରତି ବହୁତ ଆଗ୍ରହୀ, କିନ୍ତୁ ଦର୍ଶକ ରତନ ଟାଟାଙ୍କର ବାୟୋପିକକୁ ଉତ୍ସାହର ସହିତ ଅପେକ୍ଷା କରିଛନ୍ତି। ଟାଟା ଗ୍ରୁପ୍ ଆଜି ଭାରତର ସବୁଠାରୁ ବଡ ବ୍ୟବସାୟ ଗ୍ରୁପ ମଧ୍ୟରୁ ଅନ୍ୟତମ।

ଆମେ ସମସ୍ତେ ରତନ ଟାଟାଙ୍କୁ ଦେଖୁଛୁ ଏବଂ ଏହା ପୂର୍ବରୁ ଜମଶେଦଜି ଟାଟା ଟାଟା ଗ୍ରୁପ୍ ଆରମ୍ଭ କରିଥିଲେ। ଏହି ରିପୋର୍ଟ ବାହାରକୁ ଆସିଛି ଯେଉଁଥିରେ କୁହାଯାଇଛି ଯେ ଟାଟା ଗ୍ରୁପ୍‌ର ପୂର୍ବତନ ଅଧ୍ୟକ୍ଷ ରତନ ଟାଟାଙ୍କ ଉପରେ ଏକ ଫିଲ୍ମ ନିର୍ମାଣ ହେବାକୁ ଯାଉଛି। ଯଦି ମିଡ଼ିଆ ରିପୋର୍ଟକୁ ବିଶ୍ବାସ କରାଯାଏ ତେବେ ପୁରସ୍କାର ପ୍ରାପ୍ତ ଚଳଚ୍ଚିତ୍ର ନିର୍ମାତା ସୁଧା କୋଙ୍ଗରା ଏହି ବାୟୋପିକ୍ କରିବାକୁ ଯାଉଛନ୍ତି।

ବର୍ତ୍ତମାନ ଏହି ଫିଲ୍ମ ସହ ଜଡିତ ଏକ ଉତ୍ସ ଗଣମାଧ୍ୟମ ସହ କଥା ହୋଇଛି ଯେଉଁଥିରେ ସେ ଏହି ଆଗାମୀ ଫିଲ୍ମ ବିଷୟରେ ଅନେକ ଖୁଲାସା କରିଛନ୍ତି। ସୂତ୍ରରୁ ପ୍ରକାଶ ଯେ, ଫିଲ୍ମର ସୁଟିଂ ୨୦୨୩ର ଶେଷ ଭାଗରେ ଆରମ୍ଭ ହୋଇପାରେ।

ଫିଲ୍ମର ରିସର୍ଚ କାର୍ଯ୍ୟ ଶେଷ ହୋଇସାରିଛି। ଦେଶର ସବୁଠୁ ବଡ଼ ଶିଳ୍ପପତି ରତନ ଟାଟାଙ୍କ ଉପରେ ଏକ ଫିଲ୍ମ ନିର୍ମାଣ କରିବା ଗର୍ବର ବିଷୟ। ରିପୋର୍ଟ ଅନୁଯାୟୀ, ନିର୍ମାତାମାନେ ଏହି ଫିଲ୍ମ ମାଧ୍ୟମରେ ରତନ ଟାଟାଙ୍କ ଜୀବନ ସହ ଜଡିତ କିଛି ବିଶେଷ ଜିନିଷକୁ ହାଇଲାଇଟ୍ କରିବାକୁ ଚାହାଁନ୍ତି, ଯାହା ଅନେକ ଲୋକ ଜାଣିନାହାଁନ୍ତି। ରିପୋର୍ଟରେ ଏହା ମଧ୍ୟ କୁହାଯାଉଛି ଯେ ନିର୍ମାତାମାନେ ଫିଲ୍ମର ସ୍କ୍ରିପ୍ଟ ଉପରେ କାମ ଆରମ୍ଭ କରିଛନ୍ତି।

ମିଡ଼ିଆ ରିପୋର୍ଟ ଅନୁଯାୟୀ ଏହି ଫିଲ୍ମ ପାଇଁ ଅଭିଷେକ ବଚ୍ଚନ ଏବଂ ସାଉଥ ସୁପରଷ୍ଟାର ସୁରିୟାଙ୍କ ନାମ ଉପରେ ଆଲୋଚନା ହେଉଛି। ତେବେ ଏ ବାବଦରେ ଏପର୍ଯ୍ୟନ୍ତ କୌଣସି ସରକାରୀ ଘୋଷଣା କରାଯାଇ ନାହିଁ। ରତନ ଟାଟା ଉପରେ ଏହି ଫିଲ୍ମ ନିର୍ମାଣ ପାଇଁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ୨୦୦୮ରେ ରତନ ଟାଟାଙ୍କୁ ପଦ୍ମଭୂଷଣ ପ୍ରଦାନ କରାଯାଇଥିଲା।