ଧନୁଷ ଓ ଐଶ୍ଚର୍ଯ୍ୟାଙ୍କ ସମ୍ପର୍କ ଭାଙ୍ଗିବାକୁ ନେଇ ଦୁଃଖରେ ସାଉଥ ସୁପରଷ୍ଟାର ରଜନୀକାନ୍ତ

Dhanush Aishwaryaa: ମିଡ଼ିଆ ରିପୋର୍ଟ ଅନୁଯାୟୀ, ଝିଅ ଐଶ୍ୱର୍ଯ୍ୟା ଧନୁଷଙ୍କ ବିବାହ ଭାଙ୍ଗିବା ଖବର ଶୁଣି ରଜନୀକାନ୍ତ ଅତ୍ୟନ୍ତ ଦୁଃଖିତ ଅଛନ୍ତି।

ଧନୁଷ ଓ ଐଶ୍ଚର୍ଯ୍ୟାଙ୍କ ସମ୍ପର୍କ ଭାଙ୍ଗିବାକୁ ନେଇ ଦୁଃଖରେ ସାଉଥ ସୁପରଷ୍ଟାର ରଜନୀକାନ୍ତ

ଧନୁଷ ଓ ଐଶ୍ଚର୍ଯ୍ୟାଙ୍କ ସମ୍ପର୍କ ଭାଙ୍ଗିବାକୁ ନେଇ ଦୁଃଖରେ ସାଉଥ ସୁପରଷ୍ଟାର ରଜନୀକାନ୍ତ

  • Share this:
News18 Odia Digital

Dhanush Aishwaryaa Rajinikanth Divorce: କିଛି ଦିନରୁ ଚର୍ଚ୍ଚାରେ ଅଛନ୍ତି ସାଉଥ ସୁପରଷ୍ଟାର ଧନୁଷ ଓ ତାଙ୍କ ପତ୍ନୀ ଐଶ୍ଚର୍ଯ୍ୟା । ଦୀର୍ଘ ସମୟ ଏକାଠି ରହିବା ପରେ ପରସ୍ପରଠୁ ଅଲଗା ହେବାକୁ ନିଷ୍ପତ୍ତି ନେଇସାରିଛନ୍ତି ଏହି ଯୋଡି। ୧୮ ବର୍ଷର ବିବାହ ସମ୍ପର୍କ ଭାଙ୍ଗିଯାଇଛି । ସେପଟେ ଦୁଇ ଜଣଙ୍କ ଅଲଗା ହେବାକୁ ନେଇ ଭାଙ୍ଗି ପଡ଼ିଛନ୍ତି ପରିବାର ଲୋକଙ୍କ ସହ ଫ୍ୟାନ୍ସ ମଧ୍ୟ। ଧନୁଷ ଓ ଐଶ୍ଚର୍ଯ୍ୟାଙ୍କ ଦୁଇ ପୁଅ ୟାତ୍ରା ଓ ଲିଙ୍ଗା ମଧ୍ୟ ଅଛନ୍ତି।

ଝିଅ ଓ ଜ୍ବାଇଁ ଅଲଗା ହେବା ଖବରକୁ ନେଇ ବର୍ତ୍ତମାନ ଚିନ୍ତାରେ ଅଛନ୍ତି ସାଉଥ ସୁପରଷ୍ଟାର ତଥା ଥଲାଇଭା ରଜନୀକାନ୍ତ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଝିଅ ଐଶ୍ୱର୍ଯ୍ୟାଙ୍କ ବିବାହ ଭାଙ୍ଗିବା ପରେ ରଜନୀକାନ୍ତ ଗଭୀର ଆଘାତ ପାଇଛନ୍ତି। ସେ କହୁଛନ୍ତି ଯେ ଏହି ପୃଥକତା ଅସ୍ଥାୟୀ ଓ ଉଭୟ ପୁନର୍ବାର ମିଳିତ ହେବେ। ସେ ମଧ୍ୟ ଐଶ୍ୱର୍ଯ୍ୟାଙ୍କୁ ବିବାହ ଭଙ୍ଗ କରିବାର ନିଷ୍ପତ୍ତି ବଦଳାଇବାକୁ ବାରମ୍ବାର ପ୍ରବର୍ତ୍ତାଉଛନ୍ତି।

ଖାଲି ଏତିକି ନୁହେଁ ବରଂ ରଜନୀକାନ୍ତ ଓ ଧନୁଷଙ୍କ ପରିବାର ଏହି ବିବାହକୁ ବଞ୍ଚାଇବା ପାଇଁ ସମସ୍ତ ପ୍ରକାର ଚେଷ୍ଟା କରୁଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ପୂର୍ବରୁ ମଧ୍ୟ ଅନେକ ଥର ଧନୁଷ ଓ ଐଶ୍ୱର୍ଯ୍ୟାଙ୍କ ମଧ୍ୟରେ ଝଗଡ଼ା ହୋଇଥିଲା କିନ୍ତୁ ରଜନୀକାନ୍ତ ସେମାନଙ୍କୁ ଏକାଠି କରିବାରେ ସବୁବେଳେ ସଫଳ ହୋଇଥିଲେ।

ଅନ୍ୟପକ୍ଷରେ ଧନୁଷଙ୍କ ପିତା କସ୍ତୁରୀ ରାଜା ମଧ୍ୟ ପୂର୍ବରୁ କହିଥିଲେ ଯେ ଧନୁଷ ଓ ଐଶ୍ୱର୍ଯ୍ୟା ଛାଡପତ୍ର ନେବେ ନାହିଁ। ଉଭୟଙ୍କ ମଧ୍ୟରେ ପାର୍ଥକ୍ୟ ଅଛି ଓ ଏହି କାରଣରୁ ସେମାନଙ୍କର ଝଗଡ଼ା ହୁଏ। ଏହା ସମାନ ଝଗଡ଼ା ଯାହା ପ୍ରାୟତଃ ସ୍ୱାମୀ ଓ ସ୍ତ୍ରୀ ମଧ୍ୟରେ ହୋଇଥାଏ। ସେ ଐଶ୍ୱର୍ଯ୍ୟା ଓ ଧନୁଷଙ୍କୁ ମନାଇବା ପାଇଁ ଚେଷ୍ଟା କରିଛନ୍ତି ଓ ଫୋନରେ ମଧ୍ୟ ସେମାନଙ୍କ ସହ କଥା ହୋଇଛନ୍ତି।

ପ୍ରକାଶ ଥାଉକି ଗତ ୧୭ ତାରିଖରେ ଧନୁଷ ଓ ଐଶ୍ୱର୍ଯ୍ୟା ସେମାନଙ୍କ ସୋସିଆଲ ମିଡ଼ିଆ ଆକାଉଣ୍ଟରେ ଏକ ବିବୃତ୍ତି ପ୍ରକାଶ କରି ଲେଖିଥିଲେ ଯେ ସେମାନେ ୧୮ ବର୍ଷ ପୁରୁଣା ବିବାହକୁ ଭାଙ୍ଗିଛନ୍ତି ଓ ଦମ୍ପତି ଭାବରେ ଅଲଗା ରହୁଛନ୍ତି। ସେମାନଙ୍କର ପଥ ବର୍ତ୍ତମାନ ବିଭାଜିତ ହୋଇଛି ଓ ସେମାନେ ଉଭୟ ନିଜ ନିଜକୁ ବୁଝାଇବାକୁ ସମୟ ଚାହୁଁଛନ୍ତି।
Published by:Lipina Das
First published: