ଶ୍ରୀଲଙ୍କା ସୁନ୍ଦରୀ ଜ୍ୟାକଲିନଙ୍କ ବିରୋଧରେ ମାନହାନି କେସ୍ ଲଗାଇଲେ ନୋରା ଫତେହି

News18 Odia Digital

ମୁମ୍ବାଇ: ବଲିଉଡରେ, ଯେଉଁଠାରେ ତାରକାମାନଙ୍କ ମଧ୍ୟରେ ବନ୍ଧୁତା ଅତ୍ୟନ୍ତ ଶକ୍ତିଶାଳୀ, ସେମାନଙ୍କ ମଧ୍ୟରେ ଶତ୍ରୁତା ମଧ୍ୟ ଅତୁଳନୀୟ। ଏପରି ଏକ ମାମଲା ସାମ୍ନାକୁ ଆସିଛି ଯେଉଁଥିରେ 'ଦିଲବର ଦିଲବାର'ର ଡ୍ୟାନ୍ସର ତଥା ଅଭିନେତ୍ରୀ ନୋରା ଫତେହି' ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ବିରୋଧରେ ମାମଲା ଦାୟର କରିଛନ୍ତି। ଯାହାକୁ ନେଇ ବର୍ତ୍ତମାନ ଚର୍ଚ୍ଚା।

ଆଜ୍ଞା ହଁ, ଏହି ଦୁଇ ସୁନ୍ଦରୀ ମଧ୍ୟରେ ଏହି ବିବାଦ ଜେଲରେ ବନ୍ଦ ଥିବା ଠକ ସୁକେଶ ଚନ୍ଦ୍ରଶେଖରଙ୍କ ମାମଲା ସହିତ ଜଡିତ। ତେବେ ଆସନ୍ତୁ ଜାଣିବା ଏମିତି କ’ଣ ହେଲା ଯେ ନୋରା ଜ୍ୟାକଲିନଙ୍କ ବିରୋଧରେ ମାମଲା ଦାୟର କଲେ...

ସୁକେଶ ହେଉଛି ନୋରା ଫତେହି ଏବଂ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ମଧ୍ୟରେ ସାଧାରଣ ଲିଙ୍କ। ଏହି ମାମଲାରେ ଜ୍ୟାକଲିନ୍ ଫର୍ଣ୍ଣାଣ୍ଡିସ୍ ଜଣେ ଅଭିଯୁକ୍ତ ସାବ୍ୟସ୍ତ ହୋଇଥିବାବେଳେ ନୋରା ଏହି ମାମଲାରେ ଜଣେ ଗୁରୁତ୍ୱପୂର୍ଣ୍ଣ ସାକ୍ଷୀ। ଏହି କାରଣରୁ ବର୍ତ୍ତମାନ ନୋରା ଫତେହି ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ବିରୋଧରେ ଏକ ମାମଲା ଦାୟର କରିଛନ୍ତି।

ନୋରା ଜ୍ୟାକଲିନଙ୍କ ବିରୁଦ୍ଧରେ ଏହି ଅଭିଯୋଗ କରିଛନ୍ତି

ନୋରା ଦିଲ୍ଲୀର ପଟିଆଲା କୋର୍ଟରେ ଜ୍ୟାକଲିନଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି। ନୋରା ତାଙ୍କ ଅଭିଯୋଗରେ ଦାବି କରିଛନ୍ତି ଯେ ଏହି ଘଟଣାରେ ନୋରାଙ୍କ ନାମ କେବଳ ତାଙ୍କ ଭାବମୂର୍ତ୍ତିକୁ ଖରାପ କରିବା ପାଇଁ ବ୍ୟବହୃତ ହେଉଥିବାବେଳେ ସେ ସର୍ବଦା ସମସ୍ତଙ୍କ ସହ ଭଲ ସମ୍ପର୍କ ବଜାୟ ରଖିବାକୁ ଚେଷ୍ଟା କରିଛନ୍ତି।

ପ୍ରକାଶ ଥାଉକି ବର୍ତ୍ତମାନ ସୁକେଶଙ୍କ ୨୦୦ କୋଟି ଟଙ୍କା ସ୍କାମରେ କୌଣସି ନିଷ୍ପତ୍ତି ନିଆଯାଇ ନାହିଁ ଏବଂ କୋର୍ଟ ମଧ୍ୟ ଏହି ମାମଲାକୁ ଆସନ୍ତା ୨୦ ତାରିଖ ପାଇଁ ବୃଦ୍ଧି କରିଛନ୍ତି। ଏହି ସମ୍ପର୍କରେ ଜ୍ୟାକଲିନ ଅନେକ ଥର ପଟିଆଲା କୋର୍ଟରେ ହାଜର ହୋଇସାରିଛନ୍ତି। ଇଡି ମଧ୍ୟ ଜ୍ୟାକଲିନକୁଙ୍କ ପଚରାଉଚରା କରିସାରିଛି।