ଜାତୀୟ ସିନେମା ଦିବସ: ବ୍ରହ୍ମାସ୍ତ୍ର, ଚୁପ୍, ​​ଅନ୍ୟାନ୍ୟ ଫିଲ୍ମ ମାତ୍ର ୭୫ ଟଙ୍କା

News 18 Odia Digital

ମୁମ୍ବାଇ: ଆଜି ସାରା ଦେଶରେ ଜାତୀୟ ସିନେମା ଦିବସ ପାଳନ କରାଯିବ। ଜାତୀୟ ସିନେମା ଦିବସ ପାଳନ ପାଇଁ ପିଭିଆର, Inox, ସିନେପୋଲିସ୍, କାର୍ନିଭାଲ୍ ସମେତ ଦେଶର ମଲ୍ଟିପ୍ଲେକ୍ସରେ ୪୦୦୦ ରୁ ଅଧିକ ସ୍କ୍ରିନ ମିଳିତ ହୋଇଛି। ଜାତୀୟ ସିନେମା ଦିବସ ସବୁ ବୟସର ଦର୍ଶକଙ୍କୁ ଏକତ୍ର କରି ଚଳଚ୍ଚିତ୍ରରେ ଗୋଟିଏ ଦିନ ଉପଭୋଗ କରିବ ବୋଲି MAI ଆୟୋଜନ କରିଛି।  ମଲ୍ଟିପ୍ଲେସ୍ ଆସୋସିଏସନ ଇଣ୍ଡିଆ ପକ୍ଷରୁ ଦର୍ଶକଙ୍କ ପାଇଁ ଟିକଟ ଦାମ୍ ରଖାଯାଇଛି ୭୫ ଟଙ୍କା।କେବଳ ୭୫ ଟଙ୍କାରେ ବଲିଉଡ଼, ହଲିଉଡ, ଟଲିଉଡ ହେଉ କି ଓଲିଉଡ ସିନେମା ହଲରେ ଦେଖି ପାରିବେ ଦର୍ଶକ।

ଆଜିର ଦିନରେ ଦର୍ଶକଙ୍କୁୁ ଭିନ୍ନ ଅନୁଭୂତି ପରଷିବାକୁ ବୋଧେହୁଏ ପ୍ରଥମ ଥର ପାଇଁ ଏଭଳି ନିଆରା ପ୍ରୟାସ କରାଯାଇଛି । ନିକଟରେ ସୀତା ରାମ ଭଳି ବଡ଼ ହିଟ୍ ଦେଇ ପ୍ୟାନ ଇଣ୍ଡିଆରେ ଚର୍ଚ୍ଚାକୁ ଆସିଥିବା ଷ୍ଟାର ଦୁଲକର ସଲମାନ ଓ ସନି ଦେଓଲଙ୍କ କ୍ରାଇମ ସସପେନ୍ସ 'ଚୁପ୍' ଏବଂ ମାଧବନଙ୍କ ଫିଲ୍ମ ‘ଧୋକା’ । ତାସହ ଅନେକ ଆଞ୍ଚଳିକ ଭାଷାର ସିନେମା ବି ରିଲିଜ୍ ହେଉଛି ।