ହୋମ୍ » ଓଡ଼ିଶା ନ୍ୟୁଜ୍ » ଏଣ୍ଟରଟେନମେଣ୍ଟ»୫ ବର୍ଷ ଧରି ଉଦୟ ଚୋପ୍ରାଙ୍କ ସହ ଡେଟ କରୁଥିଲି; ସମ୍ପର୍କକୁ ନେଇ କିଛି କହିବାକୁ ଉପଦେଶ ମିଳିଥିଲା: ନର୍ଗିସ ଫକ୍ରି

୫ ବର୍ଷ ଧରି ଉଦୟ ଚୋପ୍ରାଙ୍କ ସହ ଡେଟ କରୁଥିଲି; ସମ୍ପର୍କକୁ ନେଇ କିଛି କହିବାକୁ ଉପଦେଶ ମିଳିଥିଲା: ନର୍ଗିସ ଫକ୍ରି

ଗୋଟିଏ ସମୟ ଥିଲା ଯେତେବେଳେ ନର୍ଗିସ ଓ ଅଭିନେତା-ପ୍ରଯୋଜକ ଉଦୟ ଚୋପ୍ରାଙ୍କ ପ୍ରେମ ସମ୍ପର୍କ ଚର୍ଚ୍ଚାରେ ଥିଲା। ଏବେ ଏକ ସାକ୍ଷାତକାରରେ ନର୍ଗିସ ଉଦୟଙ୍କ ସହ ତାଙ୍କ ସଂପର୍କକୁ ନେଇ ଖୁଲାସା କରିଛନ୍ତି।

୫ ବର୍ଷ ଧରି ଉଦୟ ଚୋପ୍ରାଙ୍କ ସହ ଡେଟ କରୁଥିଲି; ସମ୍ପର୍କକୁ ନେଇ କିଛି କହିବାକୁ ଉପଦେଶ ମିଳିଥିଲା: ନର୍ଗିସ ଫକ୍ରି
ନିଜର ପ୍ରେମ ସମ୍ପର୍କ ବାବଦରେ ଖୁଲାସା କଲେ ନର୍ଗିସ (ପ୍ରତୀକାତ୍ମକ ଛବି)
  • News18 Odia
  • Last Updated: September 14, 2021, 1:20 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ : ‘ରକ୍‌ଷ୍ଟାର୍’ ଅଭିନେତ୍ରୀ ନର୍ଗିସ୍ ଫକ୍ରି ଏବେ ୟୁଏସ୍‌ରେ ରହୁଛନ୍ତି। କିନ୍ତୁ ସେ ସୋସିଆଲ ମିଡ଼ିଆରେ ତାଙ୍କ ଭାରତୀୟ ପ୍ରଶଂସକଙ୍କ ସହ ଜଡ଼ିତ ଅଛନ୍ତି। ଗୋଟିଏ ସମୟ ଥିଲା ଯେତେବେଳେ ନର୍ଗିସ ଓ ଅଭିନେତା-ପ୍ରଯୋଜକ ଉଦୟ ଚୋପ୍ରାଙ୍କ ପ୍ରେମ ସମ୍ପର୍କ ଚର୍ଚ୍ଚାରେ ଥିଲା। ଏବେ ଏକ ସାକ୍ଷାତକାରରେ ନର୍ଗିସ ଉଦୟଙ୍କ ସହ ତାଙ୍କ ସଂପର୍କକୁ ନେଇ ଖୁଲାସା କରିଛନ୍ତି।

ଇ-ଟାଇମ୍ସକୁ ଦେଇଥିବା ସାକ୍ଷାତକାରରେ ନର୍ଗିସ କହିଛନ୍ତି ଯେ “ଉଦୟ ଓ ମୁଁ ୫ ବର୍ଷ ଧରି ଡେଟ୍ କରିଥିଲୁ। ଭାରତରେ ଭେଟିଥିବା ସବୁ ବ୍ୟକ୍ତିମାନଙ୍କଠାରୁ ସେ ବହୁତ ଭଲ ମଣିଷ ଥିଲେ। ମୁଁ ଏହି କଥାକୁ ସମସ୍ତଙ୍କ ଆଗରେ କହି ନ ଥିଲି, କାରଣ ଲୋକେ ମତେ ମୋ ସଂପର୍କକୁ ନେଇ କିଛି ନ କହିବାକୁ ଉପଦେଶ ଦେଇଥିଲେ।” ୪୧ ବର୍ଷୀୟ ଏହି ଅଭିନେତ୍ରୀ ଏହି କଥା ପ୍ରକାଶ ନ କରିଥିବାରୁ ଅନୁତାପ ମଧ୍ୟ କରିଛନ୍ତି। ସେ କହିଛନ୍ତି ଯେ “ମତେ ଏକ ଉଚ୍ଚ ପାହାଡ଼ ଉପରକୁ ଯାଇ ଏହି କଥା ଚିଲେଇକି କହିବାର ଥିଲା ଯେ ମୁଁ ଏକ ପବିତ୍ର ଆତ୍ମା ସହିତ ଅଛି। ଇଣ୍ଟରନେଟ ଓ ସୋସିଆଲ୍ ମିଡ଼ିଆ ବହୁତ ଫେକ ଓ ବାହାରେ ଥିବା ଲୋକଙ୍କୁ କେବେ ବି ସତ ଜଣା ପଡ଼ିବନି। ଅଧିକାଂଶ ସମୟରେ ଆମେ କିଛି ଲୋକଙ୍କୁ ଆମର ଆଦର୍ଶ ବୋଲି ଧରି ନେଇଥାଉ ଯାହାଙ୍କର ମନ୍ଦ ଉଦ୍ଦେଶ୍ୟ ପରଦା ପଛରେ ଲୁଚିଥାଏ।”



ନର୍ଗିସ ଓ ଉଦୟଙ୍କ ଡେଟିଙ୍ଗ ଖବର ୨୦୧୪ରେ ସାମ୍ନାକୁ ଆସିଥିଲା। କିନ୍ତୁ ସେତେବେଳେ ଉଭୟ ଏହାକୁ ଅସ୍ୱୀକାର କରିଥିଲେ। ମିଡଡେର ଏକ ସାକ୍ଷାତକାରରେ ନର୍ଗିସ ଏହା ମଧ୍ୟ କହିଥିଲେ ଯେ “ମୁଁ ଏ କଥା ଦୋହରାଉଛି ଯେ ଉଦୟ ଓ ମୁଁ ଡେଟ୍ କରୁନୁ। କିନ୍ତୁ ସେ ସବୁଦିନ ପାଇଁ ମୋ ଜୀବନର ଅଂଶ ହୋଇ ରହିବେ। ଭାରତରେ ମୋର ଖୁବ କମ ବନ୍ଧୁ ଅଛନ୍ତି ଆଉ ମୁଁ ଖୁସି ଯେ ସେ ସେମାନଙ୍କ ମଧ୍ୟରୁ ଜଣେ।” ସେହିପରି ଉଦୟ ମଧ୍ୟ ନର୍ଗିସ ତାଙ୍କର ଜଣେ ଅନ୍ତରଙ୍ଗ ବନ୍ଧୁ ବୋଲି କହିଥିଲେ।

ତେବେ ୨୦୧୬ରେ ଦୁହିଁଙ୍କ ବିଚ୍ଛେଦ ପରେ ନର୍ଗିସ୍ ନ୍ୟୁୟର୍କ ଚାଲିଯାଇଥିଲେ। ଅନୁମାନ କରାଯାଉଥିଲା ଯେ ପ୍ରେମ ବିଚ୍ଛେଦ କାରଣରୁ ନର୍ଗିସ ଭାରତ ଛାଡ଼ି ଚାଲିଯାଇଥିଲେ। ପରେ ନର୍ଗିସଙ୍କ ମୁଖପାତ୍ର କହିଥିଲେ ଯେ ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ତାଙ୍କୁ ନ୍ୟୁୟର୍କ ଆସିବାକୁ ପଡ଼ିଥିଲା। ପୁଣି ୨୦୧୭ରେ ଏହା ଶୁଣିବାକୁ ମିଳିଲା ଯେ ନର୍ଗିସ ଉଦୟଙ୍କୁ ଭେଟିବା ନେଇ ମୁମ୍ବାଇସ୍ଥ ତାଙ୍କ ବାସଭବନକୁ ଆସିଛନ୍ତି। ସେତେବେଳେ କୁହାଗଲା ଯେ ଉଭୟ ଏକାଠି ରହିବେ। ଏହା ମଧ୍ୟ ଶୁଣିବାକୁ ମିଳିଲା ଯେ ଦୁହେଁ ବିବାହ କରିବାକୁ ଯାଉଛନ୍ତି। ଏହି କଥାକୁ ମଧ୍ୟ ନର୍ଗିସଙ୍କ ମୁଖପାତ୍ର ଖଣ୍ଡନ କରି କହିଥିଲେ ଯେ ମୁମ୍ବାଇରେ କୌଣସି ଏକ ନୂଆ ପ୍ରୋଜେକ୍ଟ ପାଇଁ ସେ ଆସିଥିଲେ। ନର୍ଗିସ ୨୦୧୧ରେ ଫିଲ୍ମ ‘ରକଷ୍ଟାର୍’ରୁ ବଲିଉଡ଼ ଡେବ୍ୟୁ କରିଥିଲେ। ଏହା ପରେ ସେ ମଦ୍ରାସା କେଫ୍, ଫଟା ପୋଷ୍ଟର ନିକଲା ହୀରୋ, ମେ ତେରା ହୀରୋ, କିକ୍, ସ୍ପାଇ, ଅଜହର୍, ହାଉସଫୁଲ୍ ୩, ଡିଶୁମ୍, ଅମାବସ୍, ବଞ୍ଜୋ, ତୋରବାଜରେ ନଜର ଆସିଥିଲେ।
Published by: Soumya Das
First published: September 14, 2021, 1:20 PM IST